Որտե՞ղ էիք դուք նախքան երկրի վրա ծնվելը: Դրա իմացությունն ինչպե՞ս կարող է ազդել ձեր կյանքի վրա: Նկարագրելով իր տեսիլքը «թե սրանից հետո ի՛նչ է լինելու» ( Հայտնություն 4.1)՝ կապված վերջին օրերի և Հիսուս Քրիստոսի Երկրորդ Գալուստի հետ, Հովհաննեսը կիսվեց նաև մեր նախաերկրային գոյության մանրամասներով, ներառյալ՝ «երկնքի պատերազմը» ( Հայտնություն 12.7) և սատանայի հակադրությունը մահկանացու կյանքում Հիսուս Քրիստոսի հետևորդներին: Այս դասի նպատակն է օգնել մեծացնել Հիսուս Քրիստոսին հետևելու ձեր նվիրվածությունը՝ օգնելով ձեզ հասկանալ Փրկչին հետևելու և սատանային մերժելու ձեր նախաերկրային ընտրությունը:
Դա ի՞նչ կարող է փոխել
Երիտասարդների համաշխարհային հոգևոր հավաքի ժամանակ Քույր Ուենդի Վ. Նելսոնը՝ նախագահ Ռասսել Մ. Նելսոնի կինը, կիսվել է հետևյալ հայտարարությամբ. Փորձեք երևակայել, թե նա ինչ է առաջարկում ձեզ պատկերացնել և զգալ: Կարող եք դիտել «Իսրայելի հույսը» (1:01:34) տեսանյութը, որը հասանելի է ChurchofJesusChrist.org կայքում, 20:52-21:37 կամ կարդալ հետևյալ հայտարարությունը:
Portrait of Wendy Watson Nelson, wife of President Russell M. Nelson. December 2016.
Որքան կցանկանայի, որ դուք կարողանայիք դիտել ձեր նախամահկանացու կյանքի 10 րոպեանոց տեսանյութը YouTube-ում:
Մարգարե Ջոզեֆ Սմիթն ուսուցանել է, որ եթե կարողանայիք նայել երկնքին հինգ րոպե, դուք ավելին կիմանայիք թեմայի վերաբերյալ, քան եթե այն ուսումնասիրեիք ձեր ողջ կյանքում: Այսպիսով, պարզապես պատկերացրեք, որ դուք կարող եք 10 րոպե հայացք սևեռել ձեր նախաերկրային կյանքի վրա:
Իհարկե, մենք գիտակցում ենք, որ Տերը իմաստուն կերպով վարագույր է քաշել այդ հիշողությունների վրա: Բայց մի պահ պատկերացրեք՝ եթե ձեզ թույլատրվի դիտել ձեր նախամահկանացու կյանքի 10 րոպեները, դա ինչպիսի ազդեցություն կունենա ձեր կյանքի վրա հենց հիմա։
(Ուենդի Մ․ Նելսոն, «Իսրայելի հույսը», [2018 թվականի հունիսի 3-ի համաշխարհային հոգևոր հավաք երիտասարդների համար], New Era և Ensign, 4–5 ամսագրերի համար, ChurchofJesusChrist.org)
Եթե դուք կարողանայիք տեսնել ձեզ նախաերկրային գոյության մեջ, հատկապես ի՞նչ կցանկանայիք տեսնել, սովորել, զգալ կամ հասկանալ այդ փորձառությունից:
Դա ինչպե՞ս կփոխեր ձեր կյանքը։
Հայտնություն 12 գլխում Հովհաննեսը գրել է Երկնքում տեղի ունեցած նախաերկրային պատերազմի մասին: Երբ ուսումնասիրեք, մանրամասներ փնտրեք Հիսուս Քրիստոսի հետ ձեր նախաերկրային հարաբերությունների մասին: Մտածեք, թե ինչպես կարող է այս հարաբերությունների ըմբռնումը ազդել Նրան հետևելու և սատանային ձեր կյանքում հաղթահարելու ձեր կարողության վրա:
Նախաերկրային պատերազմ Երկնքում
Երկնային պատերազմի մասին Հովհաննեսի ուսմունքների ուսումնասիրությանը նախապատրաստվելու համար օգտակար կլինի ուսումնասիրել Հայտնություն 12.1–5 հատվածները, այնուհետև նայել ստորև բերված պատկերին, որի վրա պատկերված են այս հատվածների որոշ խորհրդանիշներ: Օգտագործեք հետևյալ աղյուսակը, որը կօգնի ձեզ հասկանալ, թե ինչ են նշանակում այս խորհրդանիշները:
Կատարեք հետևյալ վարժությունը, նաև ստեղծեք աղյուսակ, լրացրեք և պատասխանեք հարցերին.
1. Կատարեք հետևյալ վարժությունը, նաև ստեղծեք աղյուսակ, լրացրեք և պատասխանեք հարցերին.
Երկնային պատերազմի մասին սովորելու համար ձեր ուսումնասիրության օրագրում ստեղծեք հետևյալ աղյուսակը: Կարդացեք Ջոզեֆ Սմիթի Թարգմանություն, Հայտնություն 12․7-11 (Աստվածաշնչի հավելվածում): Նկատի առեք, որ «Միքայելը և նրա հրեշտակները» ( Հայտնություն 12.7) Ադամն է և Աստծո մյուս ոգեղեն արդար զավակները:
Մտածեք այն մասին, թե ինչ կարդացիք և ինչ գրեցիք ձեր աղյուսակում:
Ի՞նչն է առանձնանում ձեզ համար: Ի՞նչ հարցեր ունեք։
Ի՞նչպես է հատված 11-ը ձեզ օգնում հասկանալ, թե ինչպիսին էիք դուք նախաերկրային գոյության ժամանակ: Ի՞նչ դեր է ունեցել Փրկիչը՝ սատանային հաղթահարելու համար ձեզ օգնելու հարցում։
Նախամահկանացու կյանքի և այնտեղ մեր գործողությունների մասին ուսուցանելիս Առաջին Նախագահության նախագահ Դալլին Հ. Օուքսն ընդգծել է հետևյալը.
Նկար
Official Portrait of President Dallin H. Oaks taken March 2018.
Երկնային խորհրդում Աստծո բոլոր հոգևոր զավակները ծանոթացան Հոր ծրագրին՝ մահկանացու լինելու հետևանքներին ու փորձություններին, երկնային օգնությանը և փառահեղ ճակատագրին: Մենք տեսնում էինք վերջը ի սկզբանե: Այս երկրի վրա մահկանացու ծնունդ ստացած մարդիկ ընտրել են Հոր ծրագիրը և պաշտպանել այն խորհրդին հաջորդած պայքարում:
Ի՞նչ եք իմանում, որը կարող է կառուցել ձեր հավատքն առ Հիսուս Քրիստոս և օգնել ձեզ հետևել Նրան:
Մի ճշմարտություն, որը դուք կարող եք իմանալ ձեր ուսումնասիրությունից, այն է, որ դուք հաղթել եք սատանային նախամահկանացու կյանքում՝ Հիսուս Քրիստոսի Քավության միջոցով և հավատարիմ մնալով ձեր վկայությանը:
Պատասխանեք հետևյալ հարցերին.
2. Պատասխանեք հետևյալ հարցերին.
Իմանալով այս ճշմարտությունը, դուք ինչպե՞ս եք տեսնում ինքներդ ձեզ և ուրիշներին:
Ի՞նչ է այս ճշմարտությունն օգնում ձեզ հասկանալ Փրկչի զորության և Նրա Քավության մասին:
Հիշեք, որ սատանայի ապստամբությունից հետո նա և նրա հետևորդները «նետվեցին երկիր» ( Հայտնություն 12.9): Կարդացեք Հայտնություն 12․12, 17 հատվածները՝ փնտրելով, թե սատանան ում դեմ պատերազմեց ՝ երկնքից դուրս նետվելուց հետո։ Կարող եք ավելացնել ձեր գաղափարները ձեր ստեղծած աղյուսակում:
Պատասխանեք հետևյալ հարցերին.
3. Ձեր օրագրում պատասխանեք հետևյալ հարցերին.
Ձեր կարծիքով, սատանայի սկսած պատերազմը Քրիստոսի հետևորդների դեմ ինչպե՞ս է շարունակվում այսօր:
Ճշմարտությունների իմացությունը, որոնք դուք սովորել եք Երկնքում նախաերկրային պատերազմի մասին, ինչպե՞ս կարող է օգնել ձեզ այսօր սատանայի դեմ այդ պատերազմում:
Վերընթերցեք այն, ինչ նշել եք ձեր ուսումնասիրության օրագրում, լուռ մտածեք և աղոթեք ձեր նախաերկրային գոյության վերաբերյալ ձեր անձնական հավատքի և սատանայի ու Հիսուս Քրիստոսի հետևորդների միջև պատերազմի իրողության մասին: Մտածեք, թե այսօրվա ձեր սովորածն ինչպե՞ս կարող է օգնել ձեզ ավելի լավ հասկանալ ձեր նախաերկրային վստահությունն ու ապավինումը Հիսուս Քրիստոսին: Ինչպե՞ս կարող եք լիարժեք վստահել և ապավինել Նրան այստեղ՝ մահկանացու կյանքում: Ձեր մտքերն ու տպավորությունները գրանցեք ձեր ուսումնասիրությունների օրագրում:
Ընտրովի. Ցանկանո՞ւմ եք ավելին իմանալ
Ինչպե՞ս ես հաղթեցի սատանային Երկնքի նախաերկրային պատերազմում
Առաջին Նախագահությունից նախագահ Հենրի Բ. Այրինգը կիսվել է հետևյալով.
Նկար
Official Portrait of President Henry B. Eyring taken March 2018.
Մտաբերենք անցյալը, թե ինչ գիտենք նախածննդյան հոգևոր աշխարհի մասին։ Երկնային Հայրը ծրագիր ներկայացրեց Իր զավակների համար։ Մենք ներկա էինք: ․․․ Լյուցիֆերը՝ մեր հոգևոր եղբայրը, ընդդիմացավ ծրագրին, որը մեզ ընտրելու ազատություն էր տալու։ Եհովան՝ Երկնային Հոր սիրելի Որդին, աջակցեց այդ ծրագրին։ Լյուցիֆերը ապստամբեց։ Եհովայի աջակցող ձայնը անցավ, և Նա Իրեն առաջարկեց լինել մեր Փրկիչը։
Մահկանացու կյանքում ապրելու փաստը հավաստիացնում է, որ դուք աջակցել եք Հորը և Որդուն։ Դուք շատ քիչ գիտելիք ունեիք մահկանացության ընթացքում սպասվելիք մարտահրավերների մասին, ուստի Հիսուս Քրիստոսի հանդեպ հավատք է պահանջվել, որպեսզի դուք աջակցեք երջանկության ծրագրին և ընդունեք Հիսուս Քրիստոսի տեղը նրանում։
Երիտասարդ տղամարդկանց գերագույն նախագահության առաջին խորհրդական եղբայր Ահմադ Ս․ Քորբիտը կիսվել է հետևյալով․
Նկար
The official portrait of Ahmad Corbitt.
Երբ Հիսուս Քրիստոսը խոստացավ [նախաերկրային աշխարհում], որ կգա մահկանացու կյանք և Իր կյանքը կտա մեզ հավաքելու և փրկելու համար, դուք ոչ միայն պարզապես հավատացիք Նրան: Դուք՝ «ազնվական ոգիներ», ունեիք այնպիսի «չափազանց մեծ հավատք», որ հավաստի տեսաք Նրա խոստումը [Ռասսել Մ․ Նելսոն և Վենդի Վ․ Նելսոն, «Իսրայելի հույսը», 8, Ալմա 13.3 ]: Նա չէր կարող ստել, ուստի դուք Նրան տեսաք այնպես, կարծես Նա արդեն թափել էր Իր արյունը ձեզ համար, երբ դուք դեռ չէիք ծնվել: ․․․
… Նախքան դուք՝ «ազնիվ հոգիներդ» կծնվեիք, դուք սովորեցիք այդպես հավաստի տեսնել Քրիստոսի խոստումները և ճաշակեցիք Նրա փրկությունից: Ձեր մեծ հավատքը նման է մկանների, որքան շատ եք դրանք գործադրում, այնքան ավելի ու ավելի են ուժեղանում, բայց դրանք արդեն ձեր ներսում են:
(Ահմադ Ս. Քորբիտ, «Դուք կարող եք հավաքել Իսրայելը», Լիահոնա, մայիս 2021, 62)
Որտեղի՞ց կարող եմ ավելին սովորել նախամահկանացու կյանքի մասին
Կարող եք ուսումնասիրել հետևյալ նյութերից մի քանիսը.
Տասներկու Առաքյալների Քվորումից Երեց Բրյուս Ռ. Մակքոնկին (1915–-1985) նկարագրել է երկնքում տեղի ունեցած հակամարտությունը:
Նկար
Head and shoulders portrait of Elder Bruce R. McConkie.
Ինչպիսի՞ պատերազմ էր դա։ Ինչպես երկրի վրա է. այնպիսին, որ սատանան և հոգևոր էակները կարող են մղել, այսինքն՝ խոսքերի պատերազմ, կարծիքների ընդհարում, գաղափարախոսությունների հակասություն, պատերազմ ճշմարտության և սխալի միջև, լույսի և խավարի միջև։ ․․․ Իսկ մարտի գծերը դեռևս գծված են։ Այն այժմ երկրի վրա է, ինչպես այն ժամանակ՝ երկնքում. յուրաքանչյուր մարդ պետք է ընտրի, թե որ գեներալին է հետևելու։
(Բրյուս Ռ. Մակքոնքի, Նոր Կտակարանի վարդապետական մեկնաբանությունը [1973], 3:518)
