Scenes from an outdoor market, money changer’s table with coin trays. Outtakes include coins in pan of a balance scale, clay lamps that are lit on a ledge, and some chickens.
Ի պատասխան ներման վերաբերյալ Պետրոսի հարցին՝ Հիսուս Քրիստոսն ուսուցանեց անգութ ծառայի առակը: Այս դասը կարող է օգնել ձեզ ավելի շատ նմանվել Երկնային Հորը և Հիսուս Քրիստոսին, երբ ջանքեր եք գործադրում ներել ուրիշներին:
«Դուք ինձ կներե՞ք»
Երկրորդ համաշխարհային պատերազմի ժամանակ Կորի Թեն Բում անունով մի կին ամիսներով տառապել է Գերմանիայի Ռավենսբրուկ քաղաքի համակենտրոնացման ճամբարում: Նրա քույրը՝ Բեթսին, մահացավ այնտեղ: Պատերազմից հետո մի խումբ մարդկանց հետ Կորին խոսեց Աստծո ներման մասին: Եպիսկոպոս Քեիթ Բ. Մաքմալլինը՝ Նախագահող Եպիսկոպոսության նախկին անդամը, նկարագրել է, թե ինչ կատարվեց այդ կնոջ ելույթից հետո: Կարդալիս մտածեք, թե Կորին ինչպես կարող էր արձագանքել:
Նկար
Final official portrait of Elder Keith B. McMullin of the Presiding Bishopric, 1996. Released at the April 2012 general conference.
Մի մարդ մոտեցավ նրան։ Նա ճանաչեց համակենտրոնացման ճամբարի ամենադաժան պահակներից մեկին։ «Դուք Ռավենսբրուք նշեցիք ձեր խոսքում,- ասաց նա: Ես այնտեղ պահակ էի։ … Բայց այդ օրից ի վեր, …ես դարձա քրիստոնյա»։ Նա բացատրեց, որ ինքը Աստծուց ներում է խնդրել իր գործած դաժանությունների համար։ Նա մեկնեց իր ձեռքը և հարցրեց. «Դուք կներե՞ք ինձ»: [Կորի Թեն Բում, Tramp for the Lord (1974), 56]:
(Քեյթ Բ. Մաքմալլին, «Պարտականության մեր ուղին», Ensign կամ Լիահոնա, մայիս 2010, 13):
Կորին ի՞նչ մտքեր կարող էր ունենալ այդ պահին:
Ինչո՞ւ կարող է չափազանց դժվար լինել ներել ուրիշներին:
Կարդացեք Մատթեոս 18.21-22-ը և տեսեք, թե Հիսուսն ինչպես պատասխանեց Պետրոսի՝ ներման մասին հարցին:
Ինչպե՞ս կբացատրեք, թե Հիսուսն ի՞նչ ուսուցանեց Պետրոսին։
Ձեր կարծիքով, Տերն ինչո՞ւ է պատվիրում մեզ «ներողամիտ մարդիկ» դառնալ:
Խորհեք ներման հանդեպ ձեր զգացմունքների մասին: Արդյո՞ք կա որևէ մեկը, ում դժվար է ներել: Ձեր օրագրում գրեք, թե ինչպես կօրհնվեր ձեր կյանքը, եթե դուք կարողանայիք ներել այն մարդկանց, ովքեր ձեզ վիրավորել են: Կարող եք նաև գրել, թե ինչպես կփոխվեր ձեր կյանքը, եթե դուք չփորձեիք ներել ուրիշներին:Պետրոսին պատմած Տիրոջ առակն ուսումնասիրելիս փնտրեք, թե մեզ ներելու Տիրոջ պատրաստակամությունն ինչպես կարող է ամրապնդել ուրիշներին ներելու մեր ունակությունը:
Անգութ ծառայի առակը
Կարդացեք Մատթեոս 18.23-27-ը փնտրելով, թե առակում թագավորն ինչպես է վերաբերվում իր պարտապանին: Կարևոր է իմանալ, որ 10000 քանքարը անվճարելի պարտք էր: Հիսուսի ժամանակներում աղքատ աշխատավոր մարդը ստիպված կլիներ աշխատել 250000 տարի՝ այդ գումարը վճարելու համար (տես Ջեյ Ա. Փերրի և Դոնալդ Վ. Պերրի, Հիսուս Քրիստոսի առակների ընկալումը [2006], 95):
Ձեր կարծիքով, Հիսուս Քրիստոսն ինչո՞ւ օգտագործեց անվճարելի պարտքը՝ այս առակն ուսուցանելու համար:
Կարդացեք առակի մնացած մասը Մատթեոս 18.28-35-ում՝ փնտրելով, թե մենք ինչպես պետք է վերաբերվենք միմյանց և ինչու: Օգտակար է իմանալ, որ 100 դահեկանը «աղքատ աշխատավոր մարդու մոտ երեք ամսվա աշխատավարձն էր» ( հատված 28 , ծանոթագրություն ա):
1: Պատասխանեք հետևյալ հարցերին սուրբ գրությունների ուսումնասիրության ձեր օրագրում.
Ի՞նչ եք սովորում ներման մասին այս առակից:
Ինչո՞ւ է կարևոր հասկանալ, թե որքան գթություն է Փրկիչը ցուցաբերում մեր հանդեպ:
Այս առակից սովորած ճշմարտություններից մեկն այն է, որ մենք կարող ենք հետևել Հիսուս Քրիստոսի օրինակին՝ ներելով ուրիշներին այնպես, ինչպես Նա է մեզ ներում:
Տերը կրկնում է ուրիշներին ներելու կարևորության մասին: Կարդացեք Վարդապետություն և Ուխտեր 64.9-11-ը՝ ուշադրություն դարձնելով ներման մասին Տիրոջ ուսմունքներին։
2: Պատասխանեք հետևյալ հարցերին ձեր օրագրում.
Հիմնվելով այսօր սովորածի վրա՝ ձեր կարծիքով, Տերն ինչո՞ւ է պահանջում, որ մենք ներենք բոլոր մարդկանց:
Հիսուս Քրիստոսը կարող է մեզ օգնել ներել ուրիշներին
Երբեմն կարող է դժվար լինել ներել ուրիշներին: Սակայն Փրկիչի օգնությամբ ամեն ինչ հնարավոր է:
Երբ կարդաք եպիսկոպոս Մաքմալլինի պատմությունն այն մասին, թե Կորին ինչպես հանդիպեց իր նախկին բանտապահին՝ ուշադիր եղեք, թե Փրկիչն ինչպես ներելու ուժ տվեց նրան:
Կարող եք դիտել «Պարտականության մեր ուղին» տեսանյութը ChurchofJesusChrist.org կայքում 2:16-3:26-ը:
Տասներկու Առաքյալների Քվորումից երեց Ջեֆրի Ռ. Հոլլանդն ուսուցանել է.
Նկար
Official Portrait of Elder Jeffrey R. Holland. Photographed January 2018.
Գիտնականների շրջանում գոյություն ունեն տարբեր կարծիքներ այստեղ նշված դրամական արժեքների վերաբերյալ, և ներեցեք ԱՄՆ-ի դրամական միավորին հղում կատարելու համար, բայց որպեսզի հաշվարկը հեշտացնենք, ապա ավելի փոքր պարտքը՝ չներված 100 դահեկանը, ներկայումս 100 դոլար է, իսկ 10000 քանքարը, որն այդքան հեշտությամբ ներվեց, հիմա կազմում է 1 միլիարդ դոլար կամ ավելի:
Որպես անձնական պարտք, սա աստղաբաշխական թիվ է՝ ամբողջովին վեր մեր ըմբռնումից: (Ոչ ոք չի կարող այդքան գումար ծախսել:) Դե, ինչ վերաբերում է այս առակի նպատակին, այն ենթադրաբար պիտի անըմբռնելի լինի, այն ենթադրաբար պիտի դուրս լինի մեր հասկացողության կարողությունից, չասենք նաև մեր վճարելու կարողությունից: Պատճառն այն է, որ սա երկու ծառաների պատմությունը չէ, ովքեր վիճում էին Նոր Կտակարանում: Սա պատմություն է մեր մասին, ընկած մարդկային ընտանիքի մասին՝ բոլոր մահկանացու պարտատուների, օրինախախտների և բանտարկյալների մասին: Մեզանից յուրաքանչյուրը պարտատու է, և դատավճիռը ազատազրկումն է բոլորիս համար: Եվ մենք բոլորս այնտեղ կմնայինք, եթե չլիներ Թագավորի ողորմածությունը, ով մեզ ազատ է արձակում, պարզապես, քանի որ Նա սիրում է մեզ և «կարեկցանքից գալարվում մեր հանդեպ» [ Վարդապետություն և Ուխտեր 121․4 ]:
(Ջեֆրի Ռ. Հոլլանդ, «Արդ դուք կատարեալ եղիք, ի վերջո», Ensign կամ Լիահոնա, նոյեմբեր 2017, 41)
Արդյո՞ք իմ նկատմամբ արվածի համար ցավ զգալը նշանակում է, որ ես դեռևս չեմ ներել
Տասներկու Առաքյալների Քվորումից երեց Ջեֆրի Ռ. Հոլլանդն ուսուցանել է.
Նկար
Official Portrait of Elder Jeffrey R. Holland. Photographed January 2018.
Սակայն ձեզանից յուրաքանչյուրի համար, ովքեր իրական չարչարանքների մեջ են, կարևոր է հիշել, թե [Հիսուս Քրիստոս] ինչ չի ասել: Նա չի ասել. «Ձեզ չի թույլատրվում իրական ցավ կամ իրական վիշտ զգալ կործանարար փորձություններից, որոնց մեջ դուք հայտնվել եք մեկ ուրիշի պատճառով»։
(Jeffrey R. Holland, “The Ministry of Reconciliation,” Ensign կամ Liahona, Nov. 2018, 79)
Երեց Դեյվիդ Ի. Սորենսենը Յոթանասունի Քվորումից ուսուցանել է մի կարևոր ճշմարտություն ներելու պատվիրանի վերաբերյալ:
Նկար
Unofficial portrait of Elder David E. Sorensen of the Presidency of the Seventy, 2004. DO NOT USE.
Ես ուզում եմ, որ պարզ լինի, որ մեղքերի ներումը չպետք է շփոթել չարիքը հանդուրժելու հետ: … Չնայած մենք պետք է ներենք մերձավորին, ով վիրավորում է մեզ, այնուամենայնիվ, պետք է հիմնավորապես կանխենք այդ վիրավորանքի կրկնությունը:
(Դեյվիդ Ի. Սորենսեն, «Ներումը դառնությունը կփոխի սիրո», Ensign կամ Լիահոնա, մայիս 2003, 12)
Ուրիշներին ներելն ինչպե՞ս կարող է ազատել մեզ
Դիտեք «Խաղաղության սկզբունքները. Ներում» տեսանյութը (1:49) ChurchofJesusChrist.org կայքում և իմացեք, թե ինչ խաղաղություն զգաց մի կին, ով ներեց հորը իր ծնողների ապահարզանից տարիներ հետո:
Տերն ի՞նչ նկատի ուներ, երբ ասաց Պետրոսին, որ նա պետք է ների ուրիշներին «մինչև յոթանասուն անգամ յոթը» ( Մատթեոս 18․22)
Երեց Լին Գ. Ռոբինսը՝ նախկինում Յոթանասունի Քվորումից, բացատրել է.
Նկար
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
Փրկիչը պարզապես ասաց Պետրոսին, որ նույնիսկ հաշվել պետք չէ, պետք չէ ներման վրա սահմաններ դնել:
Ակնհայտ է, որ Փրկիչը չէր ստեղծում մի բարձր սահմանաչափ, օրինակ՝ 490: Դա նույնը կլիներ, եթե ասենք, որ հաղորդություն ընդունելը սահմանափակվում է 490 անգամով, իսկ 491-րդ անգամ երկնային աուդիտորը միջամտեր և ասեր. «Ես շատ ցավում եմ, բայց ձեր ապաշխարության քարտը սպառվել է, այս պահից սկսած դուք ձեր հույսին եղեք»:
Տերը կիրառել է յոթանասուն անգամ յոթ մաթեմատիկան որպես փոխաբերություն Իր բացառիկ Քավության, անչափ սիրո և անսահման շնորհի համար: «Այո՛, և որքան հաճախ որ իմ ժողովուրդն ապաշխարի», - ասում է Հիսուսը, - «ես կներեմ նրանց, իրենց զանցանքները՝ իմ դեմ» [ Մոսիա 26.30 շեշտադրումն ավելացված է]:
(Լին Գ. Ռոբբինս, «Մինչև յոթանասուն անգամ յոթը», Ensign կամ Լիահոնա, մայիս 2018, 23)
