Famerenana fifehezana fotopampianarana 18
Fampiharana ireo andinin-tsoratra masina fifehezana fotopampianarana
Iray amin’ireo tanjon’ny fifehezana fotopampianarana ny hanampy anao hianatra ny fomba hampiharana ny fotopampianarana izay ampianarina ao amin’ireo andinin-tsoratra masina fifehezana fotopampianarana eo amin’ny trangan-javatra amin’ny fiainana. Ity lesona ity dia hanome fahafahana anao hizatra hampihatra ny fotopampianarana sasany izay nianaranao tamin’ny Testamenta Vaovao eo amin’ny fiainana.
Andinin-tsoratra masina fifehezana fotopampianarana
Alaivo sary an-tsaina hoe ny 150 amin’ireo atleta tsara indrindra maneran-tany dia manandrana hiandry haraton’ny ekipa mpilalao baolina kitra anankiray sangany. Azonao sary an-tsaina ve fa tena ho sarotra ho an’ny mpanazatra ny hisafidy atleta iray monja avy amin’izy ireo?
-
Inona araka ny eritreritrao no mety ho mason-tsivana izay hampiasain’ireo mpanazatra mba hamerana izay ho voafidy?
Ny Testamenta Vaovao dia mirakitra andinin-tsoratra masina miisa 8.000 eo ho eo. Nefa ny 53 amin’ireo andininy ireo ihany (izany hoe eo ho eo amin’ny 1 anatin’ny andininy miisa 150) no tafiditra ao anatin’ireo andinin-tsoratra masina fifehezana fotopampianarana 24 ao amin’ny Testamenta Vaovao. Alaivo sary an-tsaina ny fanamby tamin’ny fisafidianana ireo andinin-tsoratra masina avy tao amin’ny Testamenta Vaovao iray manontolo izay tokony hohalalinina ho andinin-tsoratra masina fifehezana fotopampianarana.
-
Raha ohatra ka mba nasaina nanampy tamin’ny fisafidianana ireo andinin-tsoratra masina fifehezana fotopampianarana ianao, dia inona no mason-tsivana nampiasainao mba hitadiavana ilay andinin-tsoratra masina izay nosafidinao?
Misafidiana anankiroa amin’ireto andinin-tsoratra masina fifehezana fotopampianarana manaraka ireto izay mety ho vaovao aminao. Vakio manontolo ilay andinin-tsoratra masina ao amin’ny soratra masinao, ary tadiavo ny antony izay heverinao fa mety ho antony nisafidianana ireo andinin-tsoratra masina ireo ho andinin-tsoratra masina fifehezana fotopampianarana mba hifantohan’ny zatovo manerana izao tontolo izao.
Fifehezana fotopampianarana ao amin’ny Testamenta Vaovao: 1 Korintiana–Apokalypsy
|
Toko sy andinin-tsoratra masina |
andian-teny manan-danja ao amin’ny soratra masina |
|---|---|
Toko sy andinin-tsoratra masina | andian-teny manan-danja ao amin’ny soratra masina “Tempolin’ny Fanahy Masina ny vatanao.” |
Toko sy andinin-tsoratra masina | andian-teny manan-danja ao amin’ny soratra masina “Kanefa ao amin’ny Tompo, tsy misy vehivavy raha tsy misy lehilahy, ary tsy misy lehilahy raha tsy misy vehivavy.” |
Toko sy andinin-tsoratra masina | andian-teny manan-danja ao amin’ny soratra masina “Fa tahaka ny ahafatesan’ny olona rehetra ao amin’i Adama no ahaveloman’ny olona rehetra kosa ao amin’i Kristy.” |
Toko sy andinin-tsoratra masina | andian-teny manan-danja ao amin’ny soratra masina Amin’ny Fitsanganana amin’ny maty, dia misy ambaratongam-boninahitra telo. |
Toko sy andinin-tsoratra masina | andian-teny manan-danja ao amin’ny soratra masina “Amin’ny fotoampitantanan’ny fahafenoam-pahasoavana no hanangonany indray ny zavatra rehetra ho iray ao amin’i Kristy.” |
Toko sy andinin-tsoratra masina | andian-teny manan-danja ao amin’ny soratra masina Ny Fiangonana dia “natsangana teo ambonin’ny fanorenan’ny Apôstôly sy ny mpaminany, ary Jesoa Kristy no fehizoro indrindra.” |
Toko sy andinin-tsoratra masina | andian-teny manan-danja ao amin’ny soratra masina “Ny [fiavian’i Kristy] … [dia] tsy ho tonga […] raha tsy efa tonga aloha ny fihemorana.” |
Toko sy andinin-tsoratra masina | andian-teny manan-danja ao amin’ny soratra masina “Ny soratra masina … izay mampahendry anareo ho amin’ny famonjena.” |
Toko sy andinin-tsoratra masina | andian-teny manan-danja ao amin’ny soratra masina Ny Ray any An-danitra dia “Rain’ny fanahintsika.” |
Toko sy andinin-tsoratra masina | andian-teny manan-danja ao amin’ny soratra masina “Ary raha misy ianareo tsy manam-pahendrena, aoka izy hangataka amin’ Andriamanitra.” |
Toko sy andinin-tsoratra masina | andian-teny manan-danja ao amin’ny soratra masina “Ny finoana, raha tsy misy asa, dia maty mihitsy.” |
Toko sy andinin-tsoratra masina | andian-teny manan-danja ao amin’ny soratra masina “Fa noho izany [no] nitoriana ny filazantsara tamin’ireo izay maty.” |
Toko sy andinin-tsoratra masina | andian-teny manan-danja ao amin’ny soratra masina “Ary ny maty dia notsaraina araka izay zavatra voasoratra teo anatin’ny boky … araka ny asany.” |
Ny fifandraisanao amin’ Andriamanitra
Ny antony iray nisafidianana ireo andinin-tsoratra masina fifehezana fotopampianarana ireo dia noho izy ireo mirakitra fahamarinana izay afaka manamafy orina ny fifandraisanao amin’ny Ray any An-danitra sy i Jesoa Kristy.
1. Valio ao anatin’ny diary fandalinanao ireto fanontaniana manaraka ireto:
-
Inona no andinin-tsoratra masina fifehezana fotopampianarana anankiray nanampy anao hanamafy orina ny fifandraisanao tamin’ny Ray any An-danitra sy i Jesoa Kristy? Ahoana ny fomba nanampian’izany anao?
-
Inona no fahamarinana ianaranao momba Azy ireo avy tamin’ity andinin-tsoratra masina ity?
Fampiharana andinin-tsoratra masina
Ny iray amin’ireo tanjon’ny fifehezana fotopampianarana dia ny hanampy anao hampihatra ireo fahamarinana izay hita ao amin’ireo andinin-tsoratra masina fifehezana fotopampianarana amin’ireo toe-javatra izay atrehanao eo amin’ny fiainanao ankehitriny sy amin’ny ho avy. Ohatra, ny fotopampianarana izay ampianarina ao amin’ny 1 Petera 4:6 hoe ny filazantsara dia notorina tamin’ny maty any amin’ny tontolon’ny fanahy dia afaka manampy amin’ny fampiononana ny namana izay avy namoy olon-tiana na afaka mamporisika anao hanao asa atao any amin’ny tempoly sy tantaram-pianakaviana ho an’ireo razambenao.
Fampiharana amin’izao andro ankehitriny izao
2. Valio ao anatin’ny diary fandalinanao soratra masina ireto fanontaniana manaraka ireto:
-
Inona no tena zava-misy izay atrehin’ny zatovo ankehitriny ka azo resahina amin’ny alalan’ny iray amin’ireo andinin-tsoratra masina fifehezana fotopampianarana voatanisa eo amin’ny tabilao? Afaka manoratra toe-java-misy izay iainanao manokana ianao, na ny toe-java-misy iainan’ olona iray fantatrao, na ny toe-java-misy izay iainan’ny tanora amin’ny ankapobeny.
-
Iza amin’ireo andinin-tsoratra masina fifehezana fotopampianarana ireo no tena tsara ampiharina amin’ny toe-java-misy izay nosoratanao? Ahoana no ahafahana mampihatra ireo fahamarinana izay hita ao amin’io andinin-tsoratra masina io amin’ilay toe-java-misy?
Fampiharana amin’ny ho avy
3. Valio ao anatin’ny diary fandalinanao ireto fanontaniana manaraka ireto:
-
Inona no toe-java-misy izay mety hiainanao rehefa lehibe ianao ka ahafahan’ny iray amin’ireo andinin-tsoratra masina fifehezana fotopampianarana manampy na mitarika anao?
-
Iza amin’ireo andinin-tsoratra masina fifehezana fotopampianarana ireo no tena tsara ampiharina amin’izany toe-javatra izany? Ahoana no ahafahana mampihatra ireo fahamarinana izay hita ao amin’io andinin-tsoratra masina io amin’ilay toe-java-misy?