Վարդապետության սերտման կրկնություն 18

Կիրառեք վարդապետության սերտման հատվածները

Siblings studying in Peru

Վարդապետության սերտման նպատակներից մեկն է օգնել ձեզ սովորել, թե իրական կյանքի իրավիճակներում ինչպես կիրառել վարդապետության սերտման սուրբ գրությունների հատվածներում ուսուցանված վարդապետությունը: Այս դասը ուսանողներին հնարավորություններ կտա իրենց կյանքում կիրառել Նոր Կտակարանի վարդապետության սերտման հատվածներից մի քանիսը:

Վարդապետության սերտման հատվածներ

https://pixabay.com/photos/soccer-goalie-goal-tender-game-1501546/https://pixabay.com/photos/soccer-football-soccer-player-1477569/

Soccer player with ball ricocheting off his chest.

Պատկերացրեք, որ աշխարհի լավագույն 150 մարզիկներ ցանկանում են դառնալ թիմի դարպասապահը: Պատկերացնո՞ւմ եք, թե որքան դժվար կլինի մարզիչների համար մեկ մարզիկի ընտրել:

• Ձեր կարծիքով, նրանք ի՞նչ չափանիշներ կկիրառեն:

Նոր Կտակարանը պարունակում է գրեթե 8000 հատվածներ: Միայն 53 են (մոտավորապես 1-ը 150-ից) ներառված Նոր Կտակարանի վարդապետության սերտման 24 հատվածներում: Պատկերացրեք՝ որքան դժվար է որոշել, թե ամբողջ Նոր Կտակարանից որ հատվածները պետք է ուսումնասիրել՝ որպես վարդապետության սերտման հատվածներ:

• Եթե ձեզ խնդրեին ընտրել վարդապետության սերտման հատվածները, ի՞նչ չափորոշիչներ կկիրառեիք:

Ընտրեք վարդապետության սերտման հետևյալ հատվածներից ձեզ անծանոթ երկուսը: Կարդացեք ամբողջ հատվածը և որոշեք, թե աշխարհի բոլոր երիտասարդներն ինչու պետք է կենրտրոնանան այդ հատվածների վրա:

Նոր Կտակարանի վարդապետության սերտում. Ա Կորնթացիս-Հայտնություն

Ա Կորնթացիս 6.19–20	«Ձեր մարմինները Սուրբ Հոգու տաճար են»:
Ա Կորնթացիս 11․11	«Բայց դարձեալ ոչ կինն առանց մարդի, եւ ոչ մարդն առանց կնկայ, Տէրումը»:
Ա Կորնթացիս 15.20–22	«Քանզի ինչպես Ադամով ամենը մեռնում են, այնպես էլ Քրիստոսով ամենը կենդանանում են»:
Ա Կորնթացիս 15.40–42	Հարության ժամանակ կան փառքի երեք աստիճաններ։
Եփեսացիս 1․10	«ժամանակների լրութեան տնտեսութեան համար, որ [ամեն բան ի մի հավաքի] բովանդակուի Քրիստոսումը» :
Եփեսացիս 2.19-20	Եկեղեցին «առաքեալների և մարգարէների հիմքի վերայ է շինուած. որի անկիւնի գլուխը Յիսուս Քրիստոսն է»:
Բ Թեսաղոնիկեցիս 2.1–3	«Քրիստոսի Երկրորդ գալուստը չի գա, եթէ առաջ չգայ ապստամբությունը»:
Բ Տիմոթեոս 3.15–17	«Սուրբ գրությունները … կարող են քեզ իմաստուն անել փրկության համար»։
Եբրայեցիս 12.9	Երկնային Հայրը «հոգիների Հայրն է»։
Հակոբոս 1.5–6	«Եթե մեկը ձեզանից իմաստութեան պակասություն ունի, թող խնդրէ Աստուածանից»:
Հակոբոս 2.17–18	«Հաւատքը, եթէ գործ չ’ունենայ, ըստ ինքեան մեռած է»։
Ա Պետրոս 4.6	«Ավետարանը [քարոզվեց] նաև մեռելներին»։
Հայտնություն 20.12	«Մեռելները դատվեցան … իրանց գործերի համեմատ»:

Աստծո հետ ձեր հարաբերությունները

Վարդապետության սերտման հատվածների ընտրության պատճառներից մեկն այն է, որ դրանք ամրապնդում են ձեր հարաբերությունները Երկնային Հոր և Հիսուս Քրիստոսի հետ:

1. Ձեր օրագրում պատասխանեք հետևյալ հարցերին.

• Վարդապետության սերտման հատվածներից ո՞րն է օգնել ձեզ ամրապնդել ձեր հարաբերությունները Երկնային Հոր և Հիսուս Քրիստոսի հետ: Ինչպե՞ս է այն օրհնել ձեզ:

• Ի՞նչ ճշմարտություններ եք սովորում Նրանց մասին այս հատվածից:

Կիրառեք հատվածները

Վարդապետության սերտման նպատակներից մեկն է օգնել ձեզ կիրառել հատվածներում գտնված ճշմարտությունները ձեր կյանքի ներկա հանգամանքներում կամ ապագայում: Օրինակ՝ Ա Պետրոս 4.6 հատվածում ուսուցանված վարդապետությունը այն մասին, որ ավետարանը կարող է քարոզվել մահացածներին հոգևոր աշխարհում, կարող է օգնել ձեզ սփոփել ընկերոջը, որը կորցրել է սիրած մարդուն կամ քաջալերել ձեզ տաճարային և ընտանեկան պատմության աշխատանք կատարել ձեր նախնիների համար:

Կիրառում ներկա իրավիճակում

2. Ձեր օրագրում պատասխանեք հետևյալ հարցերին.

• Ի՞նչ իրական խնդիր ունեք ներկա պահին, որը կարող է լուծվել աղյուսակում նշված վարդապետության սերտման հատվածներից մեկի օգնությամբ: Կարող եք գրել ձեր սեփական հանգամանքները, որևէ ծանոթի հանգամանքները կամ այն հանգամանքները, որոնցում կարող է հայտնվել յուրաքանչյուր երիտասարդ:

• Վարդապետության սերտման այս հատվածներից ո՞րն է ամենակիրառելին տվյալ հանգամանքներում: Այս հատվածի ճշմարտություններն ինչպե՞ս են առնչվում այդ իրավիճակին:

Ապագա կիրառում

3. Ձեր օրագրում պատասխանեք հետևյալ հարցերին.

• Ի՞նչ իրավիճակում կարող եք հայտնվել ապագայում, երբ վարդապետության սերտման հատվածներից մեկը կարող է օգնել կամ ուղղորդել ձեզ:

• Վարդապետության սերտման այս հատվածներից ո՞րն է ամենակիրառելին տվյալ իրավիճակում: Այս հատվածի ճշմարտություններն ինչպե՞ս են առնչվում այդ իրավիճակին: