9:

Fesootaiga: Talosaga ma Faalogo

Lipoti:Faasoa faapuupuu ma le vaega le auala na e auauna atu ai i se tasi i le vaiaso ua tuanai.

Mafaufau loloto:O anafea sa tali mai ai e le Tama Faalelagi au tatalo?

Maimoa:“Creating Lift,” o loo maua i le srs.lds.org/videos. (Pe a le maua le vitio? Faitau le itulau 23

Fatuina o le Siitiaina

Afai e le mafai ona e matamata i le vitio, faitau le tusiga lenei.

mai le Fatuina o le Siitiaina

PERESITENE Dieter F. Uchtdorf: Ina ia mafai ona aluese mai se vaalele mai le eleele, e tatau ona e fatuina se tulaga e masii i luga. I aoaoga i mea tau feoaiga i le ea, e tupu le masii i luga pe a pasi ae le ea i luga ae o apaapa o se vaalele i se auala o le a avea ai le ea i lalo ifo o le apaapa e malosi atu nai lo le savili i luga ae o apaapa. A sili atu le malosi o le uuna’i i luga e le savili nai lo le malosi o le toso i lalo e le kalave, ona masii lea i luga o le vaalele mai le laueleele ma mafai ai ona lele.

I se auala e talitutusa lava, e mafai ona tatou faia ni mea e sii ai i luga i o tatou olaga faaleagaga. Afai e malosi atu le malosiaga lea e tuleiina i tatou agai i le lagi nai lo faaosoosoga ma faanoanoaga lea e tosoina i tatou i lalo, o le a mafai ona tatou o a’e ma felelei atu i le malo o le Agaga.

E ui i le tele o mataupu faavae o le talalelei e fesoasoani ia i tatou i le mauaina o le masii i luga, ae ou te fia taulai faapitoa atu i se mataupu faavae e tasi.

Tatalo!

O le tatalo o se tasi lea o mataupu faavae o le talalelei e maua ai lena masii i luga. O le tatalo ua i ai le mana e siitia ai i tatou mai o tatou popolega faalelalolagi. E mafai e le tatalo ona sii ae ai i tatou mai ao o le faanoanoa po o le pogisa ma avatu ai i se tafailagi susulu ma le manino.

O se tasi o faamanuiaga aupito maoae ma avanoa ua tatou maua o ni fanau a lo tatou Tama Faalelagi o le mafai lea ona tatou fesootai ma Ia e ala i le tatalo. E mafai ona tatou talanoa ma Ia e uiga i mea e tutupu i o tatou olaga, tofotofoga, ma faamanuiaga. E mafai ona tatou faalogo atu ma maua le taitaiga faalelagi mai le Agaga Paia i soo se taimi ma i soo se nofoaga.

(Tagai Dieter F. Uchtdorf, “O Le Tatalo ma le Tafailagi Lanumoana,” Ensign po o le Liahona, Iuni 2009, 5–6)

Toe foi i le itulau 22.

Talanoa: E mafai faapefea ona tatou iloaina tali i a tatou tatalo? Aisea e taua ai le vaega o le faalogo i se tatalo?

Faitau:Mataupu Faavae ma Feagaiga 8:2 ma le upu sii na saunia e Peresitene Russell M. Nelson (i le itu taumatau)

“O le a ou tau atu ia te oe i lou mafaufau ma lou loto e ala i le Agaga Paia, lea o le a oo atu i ou luga ma lea o le a mau i lou loto.”

Mataupu Faavae ma Feagaiga 8:2

“O le a faamanuiaina o outou agaga pe a outou faalogo, ona faalogo lea e aoao mai fanau, matua, soa, tuaoi, ma taitai o le Ekalesia, e faateleina ai le malosi e faalogo i fautuaga mai luga.”

Russell M. Nelson, “Faalogo e Aoao,” Liahona, Iulai 1991, 28

Talanoa: Aisea e avea ai le faalogo o se tomai taua? E mafai faapefea e le faalogo ma le faaeteete ona fesoasoani ia i tatou i a tatou galuega?

Gaoioiga

Laasaga 1: O se vaega, ia faitau laasaga o loo i lalo ma talanoa puupuu i latou.

Laasaga 2: Ia fai atu i se tagata e toatasi pe toalua o le vaega e tau atu i isi e uiga i se luitau po o se fesili o ia i latou. E tatau ona taumafai isi tagata uma e faalogo, ma mulimuli i nei laasaga.

Laasaga 3: A maea, fesili atu i sui o le vaega na saunoa atu pe na faapei o latou lagona ina ua taumafai le vaega e matua faalogo.

ata o le gaoioiga o le faalogo

Faitau:Upu sii na saunia e Peresitene Henry B. Eyring ma Elder Robert D. Hales (i le itu taumatau)

“E faafofogina e lo tatou Tama Faalelagi tatalo a Lana fanau i le lalolagi atoa o loo augani atu mo mea e aai ai, o lavalava e ufiufi ai o latou tino, ma le mamalu o le a oo mai ona ua mafai ona tausia i latou lava. Ua oo atu na augani ia te Ia talu lava ona Ia tuuina o alii ma tamaitai i le fogaeleele.”

Henry B. Eyring, “O Avanoa e Fai Ai Mea Lelei,” Ensign po o le Liahona, Me 2011, 22

“E tatau ona tatou ole atu mo se fesoasoani mai lo tatou Tama Faalelagi ma saili le malosi e ala i le Togiola a Lona Alo o Iesu Keriso. I mea uma faaletino ma faaleagaga, o le mauaina o lenei fesoasoani faalelagi e mafai ai ona avea i tatou ma e e tuuina atu ma le faautauta mea e manaomia e i tatou lava faapea ma isi.”

Robert D. Hales, “Ia Avea ma E Tuuina Atu ma le Faautauta Mea e Manaomia Faaletino ma le Faaleagaga,” Ensign po o le Liahona, Me 2009, 7–8

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina faatinoga taitasi.

• Tatalo taitoatasi ma o se aiga i taeao taitasi ma i le po. Faaalu le taimi pe a maea tatalo taitasi ma le migao e faalogo ai mo le taitaiga.

• Faasoa mea na e aoaoina i le aso e uiga i le fesootai atu i lou aiga poo uo.