« ៦. ដាក់បញ្ជូនការផ្លាស់ប្តូរអង្គភាព និងព្រំប្រទល់ » សេចក្ដីណែនាំអំពីការដាក់ផែនការមេសម្រាប់សាលាប្រជុំ ( ឆ្នាំ ២០២២ )
« ដាក់បញ្ជូនការផ្លាស់ប្តូរអង្គភាព និងព្រំប្រទល់ » សេចក្ដីណែនាំអំពីការដាក់ផែនការមេសម្រាប់សាលាប្រជុំ
៦.
ដាក់បញ្ជូនការផ្លាស់ប្តូរអង្គភាព និងព្រំប្រទល់
ប្រធានស្តេកបញ្ជូនសំណើនានាអំពីការផ្លាស់ប្តូរសម្រាប់អង្គភាព និងព្រំប្រទល់ដែលត្រូវអនុវត្តផែនការមេ តាមរយៈសំណើជាទម្រង់ក្រដាស ឬឧបករណ៍ថ្នាក់ដឹកនាំអំពីព្រំប្រទល់តាមអនឡាញ តាមរយៈធនធានអ្នកដឹកនាំ និងស្មៀន ( ធ.ថ.ស. ) ។ ក្បួនខ្នាតទូទៅ, វគ្គ ៣៦ មានសេចក្តីណែនាំបច្ចុប្បន្នដែលអនុម័តដោយគណៈប្រធានទីមួយសម្រាប់ដោះស្រាយការផ្លាស់ប្តូរព្រំប្រទល់ ។ ថ្នាក់ដឹកនាំគួរតែមើលសេចក្ដីណែនាំទាំងនេះដោយប្រុងប្រយ័ត្នពីមុនធ្វើ ហើយដាក់ស្នើការផ្លាស់ប្ដូរ ដោយចាំក្នុងចិត្តជានិច្ចថាការពង្រឹងសាសនាចក្រ និងសមាជិកសាសនាចក្រគួរតែជាគោលដៅសំខាន់ ។
ជាញឹកញាប់ ការផ្លាស់ប្ដូរព្រំប្រទល់អង្គភាពអាចរំខានដល់លំនាំ និងមិត្តភាពដែលសមាជិកបានចាក់ឫសយ៉ាងមាំជាយូរហើយនោះ ។ ខណៈដែលសំណើស្របទៅតាមភាពរីកចម្រើននៃសមាជិកភាពគឺជាភាពជាក់ស្ដែងនៃសាសនាចក្រដែលកំពុងរីកចម្រើន នោះសំណើសុំផ្លាស់ប្ដូរព្រំប្រទល់មិនគួរត្រូវបានដាក់ស្នើដើម្បីបង្ហាញពីតម្រូវការ ឬស្ថានភាពទាំងឡាយ ដែលអាចលើកឡើងនៅក្នុងការបំពាក់បំប៉ន និងការងារបម្រើឲ្យកាន់តែមានប្រសិទ្ធភាពចំពោះថ្នាក់ដឹកនាំបព្វជិតភាព និងសមាជិកនោះឡើយ ។
ទោះបីជាដំណើរការនៃការដាក់ផែនការគឺសម្រាប់ពេលអនាគតក្តី សំណើនានាទៅកាន់គណៈកម្មការការផ្លាស់ប្តូរព្រំប្រទល់ និងថ្នាក់ដឹកនាំ គួរតែផ្អែកលើស្ថានភាពបច្ចុប្បន្ននៃអង្គភាពសាសនាចក្រដែលពាក់ព័ន្ធ ។ សំណើការផ្លាស់ប្ដូរអាចរួមបញ្ចូលនូវការពិចារណាដូចតទៅ ៖
-
ការពង្រឹងយុវវ័យ ការកាត់បន្ថយបន្ទុកខាងហិរញ្ញវត្ថុក្នុងការធ្វើដំណើរ ការបង្កើនឱកាសផ្សព្វផ្សាយសាសនា និងការយកចិត្តទុកដាក់ជួយដល់សមាជិកវ័យចំណាស់ ។
-
ការលើកឡើងនូវកត្តាស្ថានភាពមួយចំនួនដូចជា ស្ថានភាពគ្រោះថ្នាក់ អ្នកកាន់បព្វជិតភាពវ័យចំណាស់ដែលពុំអាចបម្រើយ៉ាងមានប្រសិទ្ធភាព និងផលប៉ះពាល់មកពីអគារលំនៅដ្ឋានធំៗ ( ស្នើសុំលែងឲ្យមានព្រំប្រទល់ ) ក៏ដូចជា អង្គភាពដែលមានទំហំធំៗ និងការពិចារណាលើការធ្វើដំណើរជាដើម ។
សូមផ្ដល់ព័ត៌មានអំពីសាវតាលម្អិតគ្រប់គ្រាន់អំពីតម្រូវការចាំបាច់ដើម្បីធ្វើការកែប្រែអង្គភាពទាំងឡាយ ដូចជាមូលហេតុដែលធ្វើឲ្យមានលំនាំនៃអន្តោប្រវេសន៍របស់សមាជិក ការបាត់បង់ថ្នាក់ដឹកនាំបព្វជិតភាព ឬបញ្ហាផ្ទៃក្នុង ។ សូមដាក់បញ្ចូលនូវកិច្ចខិតខំទាំងឡាយដែលថ្នាក់ដឹកនាំក្នុងមូលដ្ឋានបានធ្វើឡើងដើម្បីដោះស្រាយបញ្ហាទាំងនេះតាមរយៈការបំពាក់បំប៉ន ការបង្រៀនគោលលទ្ធិ និងការងារបម្រើ ។
សំណើទាំងអស់គួរតែត្រូវបានចារគាំទ្រទាំងស្រុងដោយប្រធានស្តេកគ្រប់រូប និងប្រធានបេសកកម្ម ជាអ្នកដែលទាក់ទងក្នុងផ្លាស់ប្ដូរដែលដាក់ស្នើនេះ ។