Leksyon 9

“Ang mga Anak mao Ang Kabilin sa Ginoo”

Katuyoan

Aron sa paghinumdom sa mga sumasalmot nga sa panahon nga ang yutan-ong mga ginikanan midawat sa mga anak sa Langitnong Amahan diha sa ilang mga panimalay sila adunay kapangakohan sa paghigugma kanila, sa pagmahal kanila, sa pagtudlo kanila, ug paggiya kanila ngadto sa kinabuhing dayon.

Pagpangandam

1. Samtang ikaw nag-andam sa imong kaugalingon sa pagtudlo, pangita og mga paagi nga mosunod sa mga baruganan ubos sa “Ang Imong mga Kapangakohan isip Magtutudlo” (mga pahina x-xiii niini nga manwal).

2. Basaha ang tataw nga mga ulohan sa leksyon. Kining mga ulohan naghatag sa kinatibuk-ang pagpasabut sa mga doktrina ug mga baruganan diha sa leksyon. Isip kabahin sa imong pagpangandam, palandonga ang mga paagi nga makatabang sa mga sumasalmot nga mogamit niining mga doktrina ug mga baruganan. Tinguhaa ang giya sa Espiritu sa paghukom unsay kinahanglan nga imong hatagan og gibug-aton aron matubag ang mga panginahanglan sa mga sumasalmot.

3. Sa sayo pa, paghangyo og pipila ka mga bata sa primarya nga mosulod sa klase sa sinugdanan sa leksyon ug moawit sa “Ako Anak sa Dios” Mga Baruganan sa Ebanghelyo, p. 368 o mag-andam sa pag-awit uban sa mga sumasalmot.

4. Sa sayo pa, modapit og usa o duha ka mga sumasalmot nga moandam nga mohisgot sa daklit, mahitungod sa hingpit nga kalipay nga ikahatag sa ilang mga anak ngadto sa ilang mga kinabuhi. Isugyot nga sila makigbahin sa personal nga mga kasinatian ingon nga bahin sa ilang mga pagpahayag. Tinguhaa ang giya sa Espiritu samtang kamo mohukom kinsa ang inyong kinahanglan nga hangyoon sa paghimo niini nga buluhaton.

Gisugyot nga Kalamboan sa Leksyon

Ang Langitnong Amahan Mipiyal sa Iyang mga anak sa espiritu ngadto sa yutan-ong mga ginikanan.

Hangyoa ang gitudlo nga mga bata sa Primarya nga moawit sa “Ako Anak sa Dios.” (Tan-awa sa “Pagpangandam,” aytem 3). Tuguti ang mga bata sa pagbalik ngadto sa ilang mga klase sa Primarya diha dayon human sa pag-awit. Kon ikaw wala makahangyo sa mga bata sa Primarya sa pagsulod sa klase, dapita ang mga sumasalmot nga mokanta sa awit uban kanimo.

• Unsa nga mga kamatuoran ang gitudlo niini nga awit

• Unsa ang atong makat-unan gikan niini nga awit mahitungod sa mga kapangakohan sa mga ginikanan? Hunahunaa ang paggamit sa mga pulong sa korus: “Agaka tudloi ko ngadto sa dalan. Aron ako makabalik sa kahitas-an.”

  Si Presidente Gordon B. Hinckley, ang ika-15 nga Preidente sa Simbahan, mitambag: “Ayaw gayud kalimti nga kining mga gagmay nga mga bata mga anak nga lalaki ug mga anak nga mga babaye sa Dios ug ang imong katungda-nan mao ang relasyon sa pagbantay kanila, nga Siya ginikanan na sa wala pa kamo mahimong ginikanan ug nianang paagiha Siya wala mobiya sa Iyang mga katungod o tinguha sa pagkaginikanan niining Iyang gagmay nga mga bata. Karon, higugmaa sila, atimana sila. Mga amahan pugngi ang inyong mga kaugalingon, karon ug sa tanang mga katuigan nga moabut. Mga inahan, pugngi ang ang inyong mga tingog, pugngi kini. Atimana ang inyong mga anak pinaagi sa gugma, diha sa pag-amuma ug pagtambag sa Ginoo. Atimana ang inyong gagmay nga mga anak. Abi-abiha sila nganha sa inyong mga pani-malay, ug amumaha ug higugmaa sila uban sa inyong tibuok mga kasingka-sing” (“Excerpts from Recent addresses of President Gordon B. Hinckley,” Ensign, July 1997,73).

  Si Elder M. Russel Ballard sa Korum sa Napulog Duha ka mga Apostoles mitud-lo: “Ang matag tawo nilalang nga espiritu nga anak sa Dios ug mipuyo uban sa Langitnong Amahan sa wala pa moanhi sa yuta. Siya mihatag sa iyang espi-ritu nga mga anak ngadto sa yutan-ong mga ginikanan kinsa mohatag sa mor-tal nga lawas alang kanila pinaagi sa milagro sa pisikal nga pagkatawo, ug nag-hatag ngadto sa mga ginikanan sa sagradong kahigayunan ug kapangakohan sa paghigugma, pagpanalipod, pagtudlo, ug sa pagpadako kanila sa kahayag ug kamatuoran aron sila mahimong usa ka adlaw niana pinaagi sa pag-ula ug pagkabanhaw ni Jesukristo, makabalik ngadto sa atubangan sa atong Amahan” (sa Conference Report, Apr. 1991, 104; o Ensign, May 1991, 78).

• Sa unsa nga paagi nga kining kahibalo ug pagsabut makaapekto sa paagi sa pagtagad sa mga ginikanan sa ilang mga anak?

Basaha ang mosunod nga tambag, gihatag ni Obispo Robert D. Hales samtang siya nag-alagad isip Tigdumalang Obispo: Sa daghang mga paagi ang yutan-ong mga ginikanan nagrepresentar sa ilang Langitnong Amahan diha sa pamaagi sa pag-amuma, paghigugma, pag-atiman [alang], ug pagtudlo sa mga anak. Ang mga anak sa kasagaran motan-aw sa ilang mga ginikanan aron makat-on sa mga kinaiya sa ilang mga ginikanan, sila sa kasagaran sa wala lang hibaw-i makapalambo sa sama nga pagbati ngadto sa ilang Langitnong Amahan” (sa Confernce Report, Oct. 1993, 18; o Ensign, Nov. 1993, 9).

Dapita ang mga sumasalmot nga mopalandong sa unsa nga paagi ang mga kinaiya ug mga lihok sa mga ginikanan makaimpluwensya sa mga pagbati sa mga anak ngadto sa Langitnong Amahan.

Ang mga ginikanan kinahanglan nga maninguha sa pagtubag sa mga panginahanglan sa matag anak.

Ipasabut nga ang matag anak adunay iyang kaugalingong mga tinguha, mga abilidad, ug mga panginahanglan. Mahinungdanon alang sa mga ginikanan nga maningkamot nga mosabut sa tagsatagsa ka mga kasarang ug mga panginahanglan sa matag anak.

Kasagaran sa mga anak sa tinuod lahi gikan sa ilang mga ginikanan. Ang ilang mga taras tingali magkalahi, ug sila adunay nagkalahi nga mga kalig-on ug mga kahuyang. Kining mga kalainan mahimong makapalagot alang sa mga ginikanan, kinsa makamatikod nga malisud ang paggiya ug pagtabang sa mga anak pinaagi sa mga kasinatian nga wala nila sukad masinati sa ilang mga kaugalingon. Apan ang mga ginikanan kinahanglan mahinumdom nga ang Langitnong Amahan mipiyal mining talagsaong mga anak nganha kanila ug niana Siya motabang kanila nga masayud unsaon paggiya sa matag anak ngadto sa katumanan sa ilang balaang potensyal. Si Sister Michaelene P. Grassli, kanhi kinatibuk-ang presidente sa Primarya, miingon:

“Kita kinahanglan nga makahibalo kinsa sa pagkatinuod ang atong mga anak. Kita kinahanglan nga masayud unsay makapaikag kanila, unsay makapabalaka kanila, ug unsay ilang kinahanglang buhaton aron ang ilang gikahidlawan nga mga damgo mahimong tinuod. Sa kasagaran, ang ilang dagko nga mga damgo talagsaon. Kita makahatag og kahigayonan sa atong mga anak nga magpuyo sa ilang kaugalingong pagkatawo ug dili magpaabut kanila nga mahimong kopya sa ilang mga ginikanan. Hatagi sila sa nagkalainlaing mga kasinatian aron sila makakaplag unsay makapaikag kanila, ug dayon i-awhag kining mga tinguha ug mga abilidad—bisan og sila dili sama kaninyo” (Teaching Our Children,” Ensign, Apr. 1994, 62).

• Ngano nga mahinungdanon nga ang mga ginikanan nga makasabut sa tagsatagsa ka mga kinaiya ug mga pangihanglan sa matag usa sa ilang mga anak?

• Unsa nga kadaot ang mahimong moabut kon ang mga ginikanan mopugos sa ilang mga anak ngadto sa mga kalihokan o mga kasinatian nga sukwahi sa mga abilidad ug mga tinguha sa ilang tagsatagsa ka mga anak?

• Unsa ang mahimong buhaton sa mga ginikanan diha sa pag-amuma sa mga abilidad ug mga kahanas sa ilang tagsatagsa ka mga anak?

Aron sa pagtabang sa mga sumasalmot nga mogamit niining baruganan, hangyoa sila nga molista sa pipila ka mga paagi diin ang mga anak sa sama nga banay malagmit magkalahi gikan sa usag usa ug gikan sa ilang mga ginikanan. Sa paghimo sa ingon, ang mga sumasalmot mahimong mogamit sa ilang mga kasinatian isip mga ginikanan o sa ilang mga kasinatian bahin sa ilang kaugalingong mga ginikanan, ug mga sakop sa banay. Isulat ang ilang mga ideya sa pisara. Dayon hisguti ang piho nga mga abilidad o mga kinaiya sa listahan. Dangup ngadto sa piho nga mga abilidad o kinaiya pinaagi sa pagpangutana sama sa mosunod:

• Unsay mahimo sa mga ginikanan nga maka-awhag sa anak aron mopadayon pagpalambo sa iyang abilidad?

• Kon ang anak aduna niining kinaiya, unsay malagmit buhaton sa mga ginikanan aron pagtudlo kaniya sa pagkamahigugmaon ug pagkamabination?

• Sa unsa nga paagi nga ang usa ka anak nga may abilidad makasalmot sa gabii sa banay?

Itudlo nga ang mga ginikanan kinsa nakasabut sa mga abilidad ug kinaiya sa matag anak makadisiplina pag-ayo sa ilang mga anak. Dapita ang usa ka sumasalmot nga mobasa sa mosunod nga tambag, nga gihatag ni Elder Jeffery R. Holland samtang siya nag-alagad sa Korum sa Napulog Duha ka mga Apostoles (pahina 49 diha sa Giya sa Pagtuon sa Sumasalmot sa mga Relasyon sa Kaminyoon ug sa Banay):

“Usa sa labing lisud nga mga hagit sa pagkaginikanan mao ang pagdisiplina sa mga anak sa tukma nga paagi. Ang pag-atiman sa anak usa ka tinagsa-tagsa nga paagi. Matag anak lahi ug talagsaon. Unsay mabuhat sa usa mahimong dili mabuhat sa lain. Ako wala masayud kinsa ang may igong kaalam sa pag-ingon unsa nga disiplina ang hilabihan ra kabangis o unsa ang hilabihan ra ka malumo gawas sa mga ginikanan sa mga anak sa ilang mga kaugalingon kinsa naghigugma kanila sa hilabihan. Kini usa ka butang alang sa mainampoong pag-ila alang sa mga ginikanan. Sa tinud-anay ang baruganan nga ang pagdisiplina sa mga anak gikinahanglan gayud maaghat pinaagi sa gugma labaw pa sa kastigo (sa Conference Report, Oct. 1990, 41; o Ensign, Nov. 1996, 34).

• Unsa nga mga kasinatian ang makatabang kaninyo sa pagsabut nga ang disiplina kinahanglan gayud ihatag sumala sa mga panginahanglan ug mga kahimtang sa matag anak

Ang mga anak adunay katungod ngadto sa mahigugmaong relasyon uban sa ilang mga ginikanan.

Itudlo nga usa sa labing mahinungdanong mga butang nga mahimo sa mga ginikanan mao ang paghatag og kahimtang sa paghigugma, panaghigala, ug kalipay diha sa ilang panimalay. Ipakigbahin ang mosunod nga mga pamahayag.

Samtang nag-alagad sa Korum sa Napulog Duha ka mga Apostoles, si Elder Gordon B. Hinckley miingon: Pagkapalaran, pagkabulahan, sa mga anak kinsa mibati sa gugma sa iyang mga ginikanan. Kanang kainit, kanang paghigugma makahatag sa maanindot nga mga sangputanan diha sa mga katuigan nga mosunod” (sa Conference Report, Oct. 1978, 25; o Ensign, Nov. 1978, 18).

Si Elder Marlin K. Jensen sa Kapitoan miingon: “Sama sa unsay maanindot sa kinabuhi, ang atong mga panginahanglan alang sa panaghigalaay kasagaran makita diha sa panimalay. Kon ang atong mga anak mobati sa panaghigalaay diha sa banay, uban sa usag usa, ug uban sa mga ginikanan, sila dili magpangita pa nga dawaton sa gawas sa banay” (sa Conference Report, Apr. 1999, 81; o Ensign, May 1999, 64).

• Unsay inyong mahinumduman gikan sa inyong pagkabata nga nakatabang kaninyo nga mobati nga gihigugma? Sa unsa nga paagi nga kining mga pagbati sa gugma nakaimpluwensya kaninyo sa tibuok ninyong kinabuhi?

• sa ilang mga anak nga masayud nga sila nahigugma kanila?

Itudlo nga samtang ang mga ginikanan maningkamot nga adunay usa ka mahigugmaong relasyon uban sa mga anak, maayong panagsultihanay gikinahanglan kaayo. Si Elder M. Russel Ballard mitambag: “Walay bisan unsa nga labaw pang mahinungdanon sa relasyon tali sa mga sakop sa banay kay sa dayag, matinuorong panagsultihanay. Kini ilabi na nga tinuod alang sa mga ginikanan nga maningkamot sa pagtudlo sa mga baruganan ug mga sumbanan sa ebanghelyo ngadto sa ilang mga anak. Ang abilidad sa pagtambag uban sa atong mga batan-on—ug tingali labaw ka mahinungdanon sa pagpaminaw sa tinud-anay sa ilang mga kabalaka—maoy sukaranan diin ang malampuson nga relasyon matukod. Sa kasagaran unsay atong makita sa mga mata ug unsay atong bation sa kasingkasing nagsulti og daghan kaayo kay sa atong nadungog o nasulti” (sa Conference Report, Apr. 1999, 114; o Ensign, May 1999, 86-87).

• Unsay mahimo sa mga ginikanan aron makasulti pag-ayo uban sa ilang mga anak? (Ang mga tubag naglakip niadtong anaa sa mosunod nga listahan.)

  1. Ayaw kaluya sa pagpaminaw. Ingon nga gikinahanglan, balika unsay inyong nasabtan gikan sa unsay gisulti sa mga anak. Kini makapakita kanila nga kamo sa tinuod nagpaminaw ug makatabang kaninyo nga makasiguro nga kamo nakasabut.

  2. Paggahin og panahon sa pagpakigsulti ug pagpaminaw sa mga anak bisan pa kon sila mga batan-on pa kaayo—bisan sa dili pa sila makasulti.

  3. Pagmatinguhaon sa ilang mga ideya.

  4. Pagsugod og mga panagsultihanay sa mga panahon sa tingpangaon.

  5. Paggahin og panahon sa pagpakigsulti kanila sa tinagsa-tagsa.

  Ipasabot og maayo nga ang mga ginikanan kinahanglan mogahin og panahon nga mag-inusara uban sa matag-usa sa ilang mga anak, ipakigbahin ang mosunod nga tambag gikan ni Elder Robert D. Hales sa Korum sa Napulog Duha ka mga Apostoles: “Paggahin og tagsatagsa nga panahon uban sa inyong anak, tuguti sila nga mopili sa kalihokan ug sa hilisgutan sa panagsultihanay. Kuhaa ang mga makasamok” (sa Conference Report, Apr. 1999, 41; o Ensign, May 1999, 33).

Alang sa dugang pa nga mga ideya bahin sa mga baruganan sa maayong panagsultihanay, tan-awa sa mga pahina 29-33 [leksyon 5].

Ang pag-abuso sa anak usa ka sala ngadto sa Dios.

Basaha ang Mateo 18:6 uban sa mga sumasalmot. Ipasabut nga ang mga ginikanan kinahanglan dili gayud moabuso sa ilang mga anak sa bisan unsa nga paagi.

• Unsa ang pipila ka matang sa pag-abuso sa anak? (Hunahuna ang paglista sa mga tubag sa mga sumasalmot sa pisara. Ang mga tubag mahimong maglakip niadtong anaa sa mosunod nga listahan.)

  1. Hilabihang kasuko

  2. Pagsiyagit

  3. Panghulga

  4. Pisikal nga paghasmag

  5. Bisan unsa nga sekswal nga pagdapat o dili angay nga paghikap.

  6. Pagdaogdaog nga mga komentaryo.

  7. Pagpugong sa pagbati

  8. Pagpabantang ngadto sa dili angay nga mga sine, mga komedya, pinulongan, mga magasin, o materyal sa Internet

  9. Dili angay nga pagpabantang ngadto sa mga elemento.

  10. Walay pagtagad, naglakip sa kakulang sa medikal nga pag-alima ug walay igong pag-atiman o pagdisiplina

• Sa unsa nga paagi nga kining mga lihok mahimong makadaot sa mga anak?

Human makahisgot niini nga pangutana, ipasabut nga usahay ang mga hamtong kinsa gidaogdaog sa panahon sa pagkabata motagad sa mga bata sa samang negatibo nga paagi, nga wala masayud sa unsa nga paagi makadaot ang maong pamatasan. Usahay sila mahimong mobati nga dili makausab sa ilang pamatasan sa ilang kaugalingon. Ipasabot og maayo nga ang mga tawo kinsa madagmalon mahimong makausab pa sa ilang batasan kon sila mapainubsanong mangayo sa tabang ug giya sa Ginoo.

Kadtong kinsa buot nga tabangan sa pagsabut ug pag-usab sa ilang madagmalon nga pamatasan mahimong moadto sa ilang Obispo. Siya mahimong motambag kanila. Siya mahimo usab nga mosugyot og mga magtatambag sa LDS Family Services o mga kapanguhaan nga makatabang nga nagsubay sa mga sumbanan sa Simbahan.

Basaha ang Doktrina ug mga Pakigsaad 121:41-44 uban sa mga sumasalmot.

• Sa unsa nga paagi kini nga tudling may kalabutan ngadto sa paagi nga ang mga ginikanan modisiplina sa ilang mga anak?

  Samtang nag-alagad isip Unang Magtatambag sa Unang Kapangulohan, si Presidente Gordon B. Hinckley mitudlo:

  “Dili kinahanglan nga bunalan ang mga anak. Sila nagkinahanglan sa gugma ug pag-awhag. Sila nagkinahanglan og mga Amahan, kinsa ilang tahuron kay sa kahadlokan labaw sa tanan, sila nagkinahanglan sa panig-ingnan.

  “Ang akong pangamuyo…mao ang pangamuyo sa pagluwas sa mga bata. Daghan kaayo kanila ang naglakaw sa kasakit ug kahadlok, sa kamingaw ug walay paglaum. Ang mga bata nagkinahanglan sa kasadya. Sa gugma ug pagmatuto. Sila nagkinahanglan sa pagkamabination ug pagpalagsik ug pagbati. Ang matag panimalay, bisan pa sa balay, makahatag sa usa ka kahimtang sa paghigugma nga mahimong usa ka kahimtang sa kaluwasan” (sa Conference Report, Oct. 1994, 74-75; o sa Ensign, Nov. 1994, 54).

  Si Presidente Brigham Young, ang ikaduha nga Presidente sa Simbahan, mitudlo:

  “Amumaha ang inyong mga anak diha sa gugma ug kahadlok sa Ginoo; tun-i ang ilang mga hilig ug mga taras, ug hatagi sila og pagtagad sumala niana, sa walay pagtugot sa imong kaugalingon sa pagbadlong kanila diha sa hilabihang kasuko; tudloi sila sa paghigugma kaninyo” (.Discourses of Brigham Young, tinigum ni John A. Widtsoe [1954], 207).

Ang mga anak makahatag og dakong kalipay ngadto sa mga kinabuhi sa ilang mga ginikanan.

Itudlo nga mahinungdanon nga ang mga ginikanan mahinumdom sa ilang sagrado ug maligdong nga mga kapangakohan, apan mahinungdanon usab nga sila mopalandong sa hingpit nga kalipay nga ikahatag sa ilang mga anak sa ilang mga kinabuhi. Samtang nag-alagad diha sa Korum sa Napulog Duha ka mga Apostoles, si Elder James E. Faust nakamatikod nga, “samtang pipila ka mga tawhanong mga hagit daghan pa kay nianang pagkamaayong ginikanan, diyutay ra nga kahigayunan ang makahatag sa mahinungdanong potensyal alang sa hingpit nga kalipay (sa Confeence Report, Oct. 1990, 40; o Ensign, Nov. 1990, 32; tan-awa usab sa pahina 48 diha sa Giya sa Pagtuon sa Sumasalmot sa mga Relasyon sa ug Kaminyoon sa Banay.

Dapita ang gitudlo nga mga sumsalmot nga mohisgot sa daklit mahitungod sa hingpit nga kalipay nga gihatag sa ilang mga anak nganha sa ilang mga kinabuhi (tan-awa sa “Pagpangandam,” aytem 4). Kon adunay panahon hunahunaa ang pagpakigbahin sa imong pagbati mahitungod sa hingpit nga kalipay nga gihatag sa mga anak sa inyong kinabuhi.

Panapos

Hatagi og gibug-aton nga ang mga anak mga gasa gikan sa Langitnong Amahan. Sama sa gisulti sa Salmista sa Biblia: “Ang mga kabataan mao ang panulundon ni Jehova” (Salmo 127:3). Sa panahon nga ang mga kalibutanong mga ginikanan mohangop sa mga anak sa Langitnong Amahan diha sa ilang mga panimalay, sila midawat sa kapangakohan sa paghigugma kanila, pagpangga kanila, pagtuldo kanila, ug pagdala kanila ngadto sa kinabuhing dayon.

Basaha ang mga pahina 39-43 diha sa Giya sa Pagtuon sa Sumasalmot sa mga Relasyon sa Kaminyoon ug sa Banay. Awhaga ang mga sumasalmot nga tun-an pag-usab ang mga doktrina ug mga baruganan niini nga leksyon pinaagi sa (1) pagsunod bisan usa sa gisugyot sa “Mga Ideya alang sa Paggamit” ug sa (2) pagbasa sa artikulo sa “Ang Hinigugma nga Anak, Gasa gikan sa Dios,” ni Presidente Thomas s. Monson. Itudlo nga ang minyo nga mga magtiayon makadawat sa mahinungdanong mga kaayohan gikan sa pagbasa ug paghisgot pagdungan sa mga artikulo diha sa giya sa pagtuon.

Awhaga ang mga sumasalmot sa pagdala sa ilang mga giya sa pagtuon nganha sa klase sa sunod nga leksyon.

Dugang nga Kapanguhaan nga Materyal

Mga pamahayag nga naghisgot sa mga kahimtang sa mga panginahanglan niadtong kinsa wala sa tradisyonal nga mga sitwasyon sa banay.

Sa paghisgot sa mga kahirntang sa mga sumasalmot kinsa wala sa tradisyonal nga mga sitwasyon sa banay, basaha ang usa o daghan sa mosunod nga mga pamahayag:

Si Elder Boyd K. Packer sa Korum sa Napulog Duha ka mga Apostoles mipasabut: Bisan kinsa nga mga tawo kinsa pinaagi sa kinaiyahan o pagkabutang wala kahata-gi sa panalangin sa kaminyoon ug pagkaginikanan, o kinsa sa matarung nga paagi kinahanglan gayud molihok nga mag-inusara sa pag-alima sa mga anak ug motra-baho aron sa pagsuporta kanila, dili mahimong dili hatagan sa bisan unsang pana-langin sa tibuok kahangturan—kon sila nagsunod sa mga sugo. Sama sa gisaad ni Presidente Lorenzo Snow [ika-5 nga Presidente sa Simbahan]. ‘Kana sigurado ug positibo’” (sa Conference Report, Oct. 1993; o Ensign, Nov. 1993, 23).

Si Presidente Harold B. Lee, ang ika-11 nga Presidente sa Simbahan miingon: [mga babaye] kinsa wala makaangkon sa mga panalangin sa pagkaasawa o pagkainahan niining kinabuhia—nga mosulti sa ilang kasingkasing, kon ako makahimo himoon unta nako, o ako mohatag kon ako aduna, apan ako dili makahimo tungod kay ako wala—ang Ginoo mopanalangin kaninyo ingon og kamo nakahimo, ug sa kalibutan nga moabut mobalus alang niadtong kinsa nagtinguha sa ilang mga kasingkasing sa matarung nga mga butang nga sila wala makahimo tungod sa dili sayop sa ilang kaugalingon” (Maintain Your Place As a Woman Ensign, Feb. 1972, 56).

Si Elder Gene R. Cook sa Kapitoan mipasabut: Usahay ang usa ka banay adunay usa lamang ka ginikanan tungod sa kamatayon o panagbulag. Usahay usa lamang ka ginikanan ang sakop sa simbahan. Usahay ang usa dili kaayo aktibo kay sa usa. Pareho ra, usa ka ginikanan nga espirituhanong giaghat makaatiman sa banay nga malampuson ngadto sa Ginoo. Pipila sa labing maayong mga lalaki ug mga babaye nga akong nahibaloan nagagikan sa sama nga mga banay. Unta ang Ginoo sa kanunay mopanalangin niadtong maayong mga inahan ug mga amahan kinsa nagtuo nga sila kinahanglan nga mobuhat niini ‘sa ilang mga kaugalingon’ apan sa pagkatinuod nag-atiman sa ilang mga anak ubos sa direksyon sa Ginoo” (.Raising Up a Family to the Lors [1993], xv).