PASIUNA
Ang kaminyoon tali sa bana ug asawa maoy sentro sa plano sa kalipay sa atong Langitnong Amahan. Ang pisikal nga pagkasuod usa ka sagrado nga bahin sa relasyon sa kaminyoon. Kini naghimo nga ang mga anak matawo diha sa mga pamilya, ug mohimo sa mga magtiayon nga magkasuod gayud sa tibuok nilang kinabuhi.
Ang kaaway [adversary] mosulay sa pagpugong sa plano sa kalipay sa Ginoo pinaagi sa pagsugyot nga ang pisikal nga pagkasuod para lang sa pagtagbaw sa kaugalingon. Ang pornograpiya nag-awhag niining makadaot ug hinakog nga pagsabot. Ang pornograpiya nagpakita o naghulagway sa lawas sa tawo o sekswal nga batasan sa paagi nga makaaghat og sekswal nga mga pagbati. Kini makita diha sa sinulatnga mga materyal (lakip ang mga nobela nga hilas [romance novels]),mga litrato, mga salida sa sine, electronic nga mga hulagway, mga video games, mga Internet chat room, erotik nga mga pakighinabi satelepono, musika, o bisan unsa nga paagi. Himan o galamiton kini sa kaaway.
Samtang ikaw magkat-on ug mogamit sa ebanghelyo ni Jesukristo sa imong kinabuhi, ikaw makasagubang sa kaaway. Kon ikaw “[Mo]himosa hiyas nga modayan-dayan sa imong mga hunahuna sa walay paghunong” (D&P121:45), ikaw motubo sa kahibalo, kalig-on, ug kusog. Ikaw makadawat sa Iyang imahe diha sa imong panagwayug sa espirituhanong paagi matawo diha Kaniya (tan-awa sa Alma 5:14).