SA KALIG-ON SA GINOO
Si Apostol Pablo mitudlo sa mga Taga- Efeso unsaon pagprotektar ang ilang kaugalingon gikan sa dautan. “Isul-ob ninyo ang tibuok hinagiban sa Dios,” siya misulti, “aron makabarug kamo batok sa mga malipat- lipatong kadaugan sa yawa. Kay ang atong pakigdumog dili batok sa mga binuhat nga unod ug dugo, kondili batok sa mga punoan, batok sa mga kagamhanan, batok sa mga labawng agalon niining mangitngit nga kalibutan karon” (Mga Taga-Efeso 6:11–12).
Sa imong pagsul-ob sa hinagiban sa Dios, imong maprotektaran ang imong kaugalingon ug malig-on ang imong mga minahal sa kinabuhi. Tan-awa ang ehemplo sa mga Nephite, nga kanunay giataki sa gamhanan nga mga kaaway. Sa matag higayon nga ang mga Nephite makiggubat “sa kalig-on sa Ginoo,” sila midaug (tan-awa sa Mga Pulong ni Mormon 1:14; Mosiah 9:17; 10:10). Samtang ikaw mosalig sa kusog sa Ginoo, nga gihatag pinaagi sa Iyang maulaon nga sakripisyo, ikaw usab magmadaugon. Imong madawat ang kalinaw, seguridad, ug kalipay sa pagkalig-on nga nagbarug diha sa ebanghelyo ni Jesukristo.