Ngaahi Maʻuʻanga Tokoní
Tokoni maʻá e Kau Ngāue Totongi ʻi he Siasí mo e Ngāue Tokoní
ʻOku fakangāueʻi ʻe he Siasí ha kakai ʻi he feituʻu takitaha ke tokoni ki he ngāue moʻui fakafalala pē kiate kitá. ʻOku kau ai ha pule ki he Tafaʻaki Moʻui Fakafalala Pē Kiate Kitá mo e kau ngāue kehe. ʻE lava ke tokoni e kau ngāue totongi ko ʻení, fakataha mo e kau faifekau matuʻotuʻa taimi kakató, ʻi hono akoʻi e kōmiti fakasiteiki ki he moʻui fakafalala pē kiate kitá ke fokotuʻutuʻu ʻa e ngaahi fakataha lotú mo e ngaahi kulupu moʻui fakafalala pē kiate kitá. ʻE lava foki ke nau tokoni ki he kōmití ʻi hono ʻiloʻi mo vahevahe e ngaahi maʻuʻanga tokoni ʻi he tukui koló mo e Siasí.
“Kapau ʻoku ʻikai moʻui fakafalala ha taha kiate ia pē, he ʻikai te ne lava ʻo fakahoko ʻa e ngaahi holi ʻo e lotó ne fānauʻi mai pē mo ia ke tokoní. ʻE lava fēfē ke tau foaki kapau ʻoku ʻikai ke tau maʻu ha meʻa? He ʻikai ke lava ʻo ʻomi ha meʻakai maʻanautolu ʻoku fiekaiá mei ha ngaahi kōpate ʻoku hala ha meʻakai ai. He ʻikai lava ke maʻu ha paʻanga ke tokoniʻi ʻaki e faingataʻaʻiá mei ha kato ʻoku ʻikai ai ha paʻanga. He ʻikai lava ke maʻu ha tokoni mo ha loto mahino meiate kinautolu ʻoku faingataʻaʻia fakaelotó. He ʻikai lava ke faiako ʻa kinautolu ʻoku ʻikai potó. Pea mahuʻinga tahá, he ʻikai lava ke maʻu ha tataki fakalaumālie meiate kinautolu ʻoku vaivai fakalaumālié.”
Marion G. Romney, “The Celestial Nature of Self-Reliance,” Ensign, Nōvema 1982, 93
Ngaahi Tohi Lēsoní
ʻOku maʻu atu e ngaahi tohi lēsoni ki he moʻui fakafalala pē kiate kitá ʻi he ʻinitanetí ʻi he Gospel Library pea ʻi he srs.lds.org ʻE lava ke ʻota e ngaahi tohi lēsoni kuo ʻosi pākí ʻi he store.lds.orgpe ngaahi senitā tufakiʻanga nāunau ʻa e Siasí.
|
Tohi Lēsoni |
Fakaʻaongaʻí |
Fika ʻo e Naunau (ki he ʻota) |
|
Ngaahi Fakataha Lotu ‘a e Moʻui Fakafalala Pē Kiate Kitá |
14068 900 | |
|
Ngaahi Tefitoʻi Moʻoni mo e Ngaahi Taukei Fakalaumālié |
14067900 (Fakatokangaʻi ange: ʻOku fakakau foki ʻeni ʻi he tohi ngāue fakakulupu takitaha) | |
|
Ko Hono Kamataʻi mo Fakatupulaki ʻEku Pisinisí |
Tohi Ngāue Fakakulupú |
14678900 |
|
Tohi Ngāue Fakakulupú |
14072900 | |
|
Ko e Akó ki ha Ngāue Lelei Ange |
Tohi Ngāue Fakakulupú |
14066900 |
|
Tohi Ngāue Fakakulupú |
14863900 | |
|
Ko e Ako ʻa e Tokotaha Tokoní |
ʻI he ʻinitanetí pē |
Ngaahi Fakataha Lotu ‘a e Moʻui Fakafalala Pē Kiate Kitá
ʻOku meimei ke kamata e kau mēmipá (neongo ʻoku ʻikai fie maʻu) ʻi he hala ki he moʻui fakafalala pē kiate kitá, ʻi heʻenau ʻalu ki he fakataha lotú. ʻE lava ʻe he kiʻi tohi ko e Ko Hoku Hala ki he Moʻui Fakafalala pē Kiate Kitá ʻo tokoni ki hono tataki e fealēleaʻakí.
Ngaahi Vitiō Akó mo e Ngaahi Talanoa Lavameʻá
ʻOku maʻu ʻa e naunau akó mo e ngaahi vitiō ʻo e talanoa lavameʻá ʻi he ʻinitanetí ʻi he srs.lds.org/videos
Senitā Maʻuʻanga Tokoni ki he Moʻui Fakafalala Pē Kiate Kitá
ʻE lava ke fili ha siteiki ke fokotuʻu ha senitā maʻuʻanga tokoni ki he moʻui fakafalala pē kiate kitá ke ne tokangaʻi e ngaahi fie maʻu ʻoku ope atu ʻi he ngaahi kulupu moʻui fakafalala pē kiate kitá. Hangē ko ʻení, ʻe lava ke hoko e “senitaá” ko ha feituʻu pē ʻi ha senitā hisitōlia fakafāmili ʻa ia ʻe lava ke ʻomi ʻa e ngaahi komipiutá ke tokoniʻi e kāingalotú. ʻE lava pē e “senitaá” ʻo hoko ko ha ngāue fakaʻinitaneti ke fakafehokotaki e kāingalotú mo ha ngaahi faingamālie fakalotofonua mo e ngaahi maʻuʻanga tokoni ʻi he ʻinitanetí. Kapau ko e senitaá ko ha feituʻu, ʻe lava ke fili ʻe he siteiki takitaha ʻa e tuʻo lahi ʻo hono fakaava e senitaá mo e founga hono ʻomi ki ai ha kau ngāué.
Ngaahi Fehuʻi ke Fakakaukauʻi ʻe he Kōmití
-
Ko e hā ha ngaahi fie maʻu ki he moʻui fakafalala pē kiate kitá maʻá e fakafoʻituituí mo e ngaahi fāmili ʻi hotau feituʻú?
-
ʻE founga fēfē haʻatau poupouʻi ʻa e kau pīsopé, ngaahi kōlomú, mo e Fineʻofá ʻi honau fatongia ke tokangaʻi e masivá mo e faingataʻaʻiá?
-
ʻE founga fēfē haʻatau tokoniʻi lelei ange ʻa e kau pīsopé mo e ngaahi fakataha alēlea fakauōtí ke nau ʻiloʻi mo fakaafeʻi ʻa e kakaí ke nau kau ʻi heʻetau ngaahi ngāue ki he moʻui fakafalala pē kiate kitá?
-
Ko e hā te tau lava ʻo fai lolotonga mo e hili e ngaahi kulupu moʻui fakafalala pē kiate kitá, ke poupouʻi lelei ange ʻa kinautolu ʻoku kau maí?
-
ʻE founga fēfē ke tau tokoniʻi lelei ange ʻa e kakai ʻoku ʻikai lava ʻo ʻalu pe fakaʻosi ha kulupu moʻui fakafalala pē kiate kitá?
-
Te tau lava fēfē ʻo fakaʻaongaʻi lelei ange e ngaahi talēniti, pōtoʻi ngāue, mo e taukei ʻo e kau mēmipa ʻi hotau feituʻú?
-
Ko e hā ha ngaahi faʻahinga maʻuʻanga tokoni ʻi he Siasí pe koló ʻe fie maʻu ʻe hotau kāingalotú, pea ʻe lava fēfē ke tau fakatupulaki mo vahevahe e ngaahi maʻuʻanga tokoni ko ʻení?
-
ʻE lava fēfē ke tau fakaʻaongaʻi ʻetau ngaahi ngāue ki he moʻui fakafalala pē kiate kitá, ke poupouʻi ai ʻa e siteikí mo e uōtí ʻi he ngaahi meʻa ʻoku nau fakamuʻomuʻá? (Hangē ko ʻení, ngāue fakafaifekaú, ko hono fakamālohia ‘o e mēmipa māmālohí, kau tāutaha kei talavoú, pe toʻu tupú.)
-
Kapau ʻoku ʻi ai, te tau tokoni fēfē kiate kinautolu ʻi he Paʻanga Tokoni Fakaako Tuʻumaʻú ke ʻosi mei he akó mo totongi fakafoki ʻenau ngaahi noó?