Talamuʻakí

Ki he Kau Taki ʻo e Siteikí mo e Uōtí

ʻE lava ke fakatupulaki ʻe he kau mēmipa tokolahi ʻo e Siasí ʻa ʻenau moʻui fakafalala pē kiate kitá, ʻa ia ko e “malava ia, mo e tukupā, pea mo e feinga ke tokonaki ʻa e ngaahi fie maʻu fakalaumālie mo fakatuʻasino ʻo e moʻuí maʻata pea mo e fāmilí” (Tohi Tuʻutuʻuni Fika 2: Ko Hono Puleʻi ʻo e Siasí2010], 6.1.1). Ko hono tokangaʻi ʻo e masivá mo e faingataʻaʻiá ko e taha ia ʻo e ngaahi fatongia fakalangi ʻe fā ʻo e Siasí (Tohi Tuʻutuʻuni Fika 2,, 2.2). ʻE tokoniʻi koe ‘e he fakahinohino fakatakimuʻa ko ʻení ʻi hono fakaʻaongaʻi ʻo e ngaahi tefitoʻi moʻoni fakatokāteline te ne tokoniʻi e kau mēmipá mo e niʻihi kehé ke moʻui fakafalala fakalaumālie mo fakatuʻasino pē kiate kitá.

Kātaki ʻo toʻo ha kiʻi miniti siʻi ke lau ʻa e tohi mei he Kau Palesitenisī ʻUluakí ke ako ʻa e ngaahi tāpuaki ʻo e moʻui fakafalala pē kiate kitá kuo talaʻofa maí ʻa ia ʻe lava ke maʻu ʻe he kau mēmipa ʻi ho siteikí (pe vahefonuá), pea mo e uōtí (pe koló).