ធនធាននានា
ជំនួយមកពីបុគ្គលិក និងអ្នកស្ម័គ្រចិត្តរបស់សាសនាចក្រ
សាសនាចក្រជ្រើសរើសបុគ្គលិកនៅតាមតំបន់នីមួយៗឲ្យជួយដល់កិច្ចការភាពខ្លួនទីពឹងខ្លួន ។ អ្នកទាំងនេះរួមមានអ្នកគ្រប់គ្រងសេវាភាពខ្លួនទីពឹងខ្លួន និង បុគ្គលិកដទៃទៀត ។ បុគ្គលិកទាំងនេះរួមជាមួយនឹងអ្នកផ្សព្វផ្សាយសាសនាជាស្វាមីភរិយាពេញម៉ោង អាចជួយបំពាក់បំប៉នគណៈកម្មការភាពខ្លួនទីពឹងខ្លួនស្តេកឲ្យបង្កើតការប្រជុំធម្មនិដ្ឋាន និង ក្រុមភាពខ្លួនទីពឹងខ្លួន ។ ពួកគេក៏អាចជួយដល់គណៈកម្មការក្នុងការស្វែងរក និង ចែកចាយធនធានសហគមន៍មូលដ្ឋាន និង សាសនាចក្រផងដែរ ។
« បើគ្មានភាពខ្លួនទីពឹងខ្លួនទេ មនុស្សពុំអាចអនុវត្តបំណងប្រាថ្នាពីកំណើតដើម្បីបម្រើទាំងនេះបាននោះទេ ។ តើយើងអាចផ្ដល់ឲ្យបានយ៉ាងដូចម្ដេច បើពុំមានអ្វីសោះនោះ ? អាហារសម្រាប់អ្នកស្រេកឃ្លានពុំអាចកើតចេញមកពីធ្នើរទទេនោះទេ ។ ប្រាក់ដើម្បីជួយដល់អ្នកខ្វះខាតពុំអាចកើតចេញមកពីកាបូបទទេនោះទេ ។ ការគាំទ្រ និងការយល់ចិត្តពុំអាចកើតចេញមកពី ការស្រេកឃ្លានខាងសតិអារម្មណ៍នោះទេ ។ ការបង្រៀនពុំអាចកើតចេញមកពីការមិនរៀននោះទេ ។ ហើយដែលសំខាន់បំផុតនោះគឺ ការណែនាំខាងវិញ្ញាណពុំអាចកើតចេញមកពីភាពទន់ខ្សោយខាងវិញ្ញាណនោះទេ » ។
ម៉ារ៉ុន ជី រ៉មនីThe Celestial Nature of Self-reliance » Ensignខែ វិច្ឆិកា ឆ្នាំ ១៩៨២ ទំព័រ ៩៣ ។
សៀវភៅសិក្សា
សៀវភៅសិក្សាភាពខ្លួនទីពឹងខ្លួនមាននៅលើអ៊ិនធើរណែតក្នុង Gospel Library និង លើគេហទំព័រ srs.lds.org។ សៀវភៅសិក្សាដែលបានបោះពុម្ពអាចបញ្ជាទិញបានតាមគេហទំព័រ store.lds.org ឬ នៅតាមមជ្ឈមណ្ឌលចែកចាយរបស់សាសនាចក្រ ។
សៀវភៅសិក្សា |
ប្រើប្រាស់ |
លេខសម្ភារ ( សម្រាប់ការបញ្ជាទិញ ) |
ការប្រជុំធម្មនិដ្ឋានភាពខ្លួនទីពឹងខ្លួន |
14068000 | |
គោលការណ៍ និង ជំនាញខាងវិញ្ញាណ |
14067000 ( ចំណាំ ៖ វាក៏មាននៅក្នុងសៀវភៅកិច្ចការរបស់ក្រុមនីមួយៗដែរ ) | |
ការចាប់ផ្ដើម និង ការពង្រីកអាជីវកម្មរបស់ខ្ញុំ |
សៀវភៅកិច្ចការរបស់ក្រុម |
14678000 |
ស្វែងរកការងារល្អប្រសើរ |
សៀវភៅកិច្ចការរបស់ក្រុម |
14072000 |
ការអប់រំសម្រាប់ការងារល្អប្រសើរ |
សៀវភៅកិច្ចការរបស់ក្រុម |
14066000 |
ហិរញ្ញវត្ថុផ្ទាល់ខ្លួន |
សៀវភៅកិច្ចការរបស់ក្រុម |
14863000 |
ការបំពាក់បំប៉នដល់អ្នកសម្របសម្រួល |
មានតែលើអ៊ិនធើរណែតប៉ុណ្ណោះ |
ការប្រជុំធម្មនិដ្ឋានភាពខ្លួនទីពឹងខ្លួន
ជាទូទៅ សមាជិក ( ទោះជាមិនចាំបាច់ក្ដី ) ចាប់ផ្ដើមដើរនៅលើមាគ៌ាឆ្ពោះទៅកាន់ភាពខ្លួនទីពឹងខ្លួនតាមរយៈការចូលរួមការប្រជុំធម្មនិដ្ឋាន ។ កូនសៀវភៅ មាគ៌ាខ្ញុំឆ្ពោះទៅកាន់ភាពខ្លួនទីពឹងខ្លួនអាចជួយដឹកនាំការពិភាក្សា ។
វីដេអូបំពាក់បំប៉ន និង ប្រវត្តិនៃភាពជោគជ័យ
សម្ភារបំពាក់បំប៉ន និង ប្រវត្តិនៃភាពជោគជ័យ មាននៅលើអ៊ិនធើរណែតនៅគេហទំព័រ srs.lds.org/videos។
មជ្ឈមណ្ឌលធនធានភាពខ្លួនទីពឹងខ្លួន
ស្តេកអាចសម្រេចបង្កើតមជ្ឈមណ្ឌលធនធានភាពខ្លួនទីពឹងខ្លួនមួយដើម្បីបំពេញតាមសេចក្ដីត្រូវការនានា ដែលលើសពីក្រុមភាពខ្លួនទីពឹងខ្លួន ។ ឧទាហរណ៍ « មជ្ឈមណ្ឌល » អាចជាបន្ទប់មួយដែលប្រើជាមួយមជ្ឈមណ្ឌលពង្សប្រវត្តិ ហើយអាចផ្ដល់កុំព្យូទ័រដើម្បីជួយសមាជិកបាន ។ « មជ្ឈមណ្ឌល » ក៏អាចជាការខិតខំខាងគុណធម៌មួយដើម្បីភ្ជាប់សមាជិកទៅនឹងឱកាសនានាក្នុងមូលដ្ឋាន និង ធនធានផ្សេងៗលើអ៊ិនធើរណែត ។ ប្រសិនបើមជ្ឈមណ្ឌលគឺជាទីកន្លែងមួយ នោះស្តេកនីមួយៗនឹងសម្រេចចិត្តលើភាពញឹកញាប់ដែលមជ្ឈមណ្ឌលនេះបើកដំណើរការ និង ការងាររបស់បុគ្គលិកដែលធ្វើការក្នុងមជ្ឈមណ្ឌលនោះ ។
សំណួរដែលគណៈកម្មការត្រូវពិចារណា
-
តើបុគ្គល និង ក្រុមគ្រួសារទាំងឡាយនៅក្នុងតំបន់របស់យើងមានសេចក្ដីត្រូវការភាពខ្លួនទីពឹងខ្លួនអ្វីខ្លះ ?
-
តើយើងអាចគាំទ្រដល់ប៊ីស្សព កូរ៉ុម និង សមាគមសង្គ្រោះនៅក្នុងតួនាទីរបស់ពួកគាត់ ដើម្បីមើលថែដល់ជនក្រីក្រ និងជនទុរគតតាមរបៀបណា ?
-
តើយើងអាចជួយប៊ីស្សព និង ក្រុមប្រឹក្សាវួដឲ្យស្គាល់ ហើយអញ្ជើញមនុស្សឲ្យមកចូលរួមក្នុងកិច្ចការភាពខ្លួនទីពឹងខ្លួនរបស់យើងកាន់តែប្រសើរតាមរបៀបណា ?
-
តើយើងអាចធ្វើអ្វីខ្លះអំឡុងពេល និង បន្ទាប់ពីមានក្រុមភាពខ្លួនទីពឹងខ្លួនដើម្បីគាំទ្រដល់អ្នកចូលរួមឲ្យបានកាន់តែល្អប្រសើរ ?
-
តើយើងអាចជួយមនុស្សដែលពុំអាចចូលរួម ឬពុំរៀនចប់ក្នុងក្រុមភាពខ្លួនទីពឹងខ្លួនបានតាមរបៀបណា ?
-
តើយើងអាចប្រើប្រាស់ទេពកោសល្យ ជំនាញ និង ឯកទេសរបស់សមាជិកក្នុងតំបន់យើងឲ្យកាន់តែមានប្រសិទ្ធភាពដោយរបៀបណា ?
-
តើធនធានសាសនាចក្រ ឬសហគមន៍ណាខ្លះដែលសមាជិកយើងត្រូវការ និងថាតើយើងគួរតែអភិវឌ្ឍ ហើយចែកចាយធនធានទាំងនេះតាមរបៀ់បណា ?
-
តើយើងអាចប្រើប្រាស់កិច្ចការភាពខ្លួនទីពឹងខ្លួនរបស់យើងដើម្បីគាំទ្រដល់កិច្ចការជាអាទិភាពរបស់ស្តេក និងវួដយ៉ាងដូចម្ដេច ? ( ឧទាហរណ៍ កិច្ចការផ្សព្វផ្សាយសាសនា ការធ្វើឲ្យសមាជិកសកម្មឡើងវិញ យុវមជ្ឈិមវ័យនៅលីវ ឬ យុវវ័យ ) ។
-
ប្រសិនបើអាចធ្វើទៅបាន តើយើងអាចជួយឲ្យសិស្សដែលទទួលមូលនិធិអប់រំជាបន្តបន្ទាប់បញ្ចប់ការសិក្សា ហើយបង់សងប្រាក់កម្ចីរបស់ពួកគេវិញតាមរបៀបណា ?