“33. Mga Rekord ug mga Report,” Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw (2024).
“33. Mga Rekord ug mga Report,” Kinatibuk-ang Tamdanan nga Basahon.
Imahe
mga lalaki nga nagtan-aw sa computer
33.
Mga Rekord ug mga Report
33.0
Pasiuna
Ang mga pamaagi dinhi niini nga kapitulo magamit sa kasagaran sa mga yunit nga naggamit sa online nga tools sa pagtipig og rekord sa Simbahan, lakip na sa Leader and Clerk Resources (LCR), Member Tools, ug Ward Directory and Map. Ang mga yunit nga walay access niini nga tools makigtinabangay uban sa Global Services Department o buhatan sa area.
Ang pagtipig og rekord sa kanunay importante sa Simbahan sa Ginoo. Pananglitan:
Si Adan nagtipig og “usa ka basahon sa handomanan” (Moises 6:5).
Si Moroni mitudlo nga ang mga ngalan niadtong kinsa nabunyagan sa Simbahan ni Kristo girekord aron “sila mahinumdoman ug maamumahan pinaagi sa maayo nga pulong sa Dios” (Moroni 6:4).
Si Joseph Smith gisultihan nga kinahanglang adunay usa ka tigrekord diha sa ward aron “makahimo og talaan sa kamatuoran sa atubangan sa Ginoo” (Doktrina ug mga Pakigsaad 128:2).
33.1
Kinatibuk-ang Pagpasabot bahin sa mga Rekord sa Simbahan
Ang mga rekord sa Simbahan sagrado. Ang impormasyon nga anaa niini sensitibo ug kinahanglang protektahan. Ang mga sistema sa rekord sa Simbahan motugot sa pag-access sa impormasyon sa pagkamiyembro sigon sa mga calling. Kadto lamang gitugotan ang kinahanglang hatagan og access. Sila kinahanglang mogamit lamang niini nga impormasyon alang sa mga katuyoan nga gipiho sa ilang mga calling (tan-awa sa 33.8).
Ang mga rekord makatabang sa mga lider sa:
Pag-ila kon kinsay nagkinahanglan og espesyal nga pag-atiman.
Pag-ila kon unsa nga mga ordinansa ang nadawat o gikinahanglan sa usa ka tawo.
Pagpangita sa mga miyembro.
Ang mosunod nga mga matang sa mga rekord gitipigan diha sa mga yunit sa Simbahan:
Mga report sa partisipasyon sa miyembro (tan-awa sa 33.5)
Ang mga klerk mainampingong mosunod sa kasamtangang mga palisiya aron sa pagbantay sa mga pundo sa Simbahan ug sa pagsiguro nga ang mga rekord sa Simbahan husto. Ang mga klerk mopahibalo dayon sa mga lider sa pagkapari bahin sa bisan unsang dili maayo nga panghitabo. Kon maglisod sa pagresolba sa dili maayo nga panghitabo, ang mga klerk kinahanglang mokontak sa Buhatan sa Kompidensiyal nga mga Rekord sa punoang buhatan sa Simbahan. Ang impormasyon sa pagkontak gipakita sa ubos:
Telepono: 1-801-240-2053 o 1-800-453-3860, ekstensiyon 2-2053
Ang gidugayon sa pagserbisyo sa mga klerk kinahanglang igo aron makat-onan nila ang ilang mga katungdanan ug mapreserbar ang pagpadayon sa ilang trabaho (tan-awa sa 30.5). Tungod kay dili man sila mga sakop sa kapangulohan sa stake o sa bishopric, dili sila kinahanglang i-release kon ang kapangulohan sa stake o bishopric organisahon pag-usab.
33.3
Mga Rekord ug mga Report sa Stake
33.3.1
Kapangulohan sa Stake
Ang presidente sa stake maoy modumala sa pagtipig sa rekord sa stake. Mahimo niyang idelegar ang pagbuhat sa kadaghanan niini nga buluhaton ngadto sa iyang mga magtatambag ug mga klerk.
33.3.2
Klerk sa Stake
Ang matag stake kinahanglang adunay kwalipikado, naglihok [functioning] nga klerk sa stake. Siya tawagon ug i-set apart sa usa ka sakop sa kapangulohan sa stake. Siya kinahanglang naghupot og Melchizedek nga Pagkapari ug adunay balido nga rekomend sa templo. Siya usa ka sakop sa konseho sa stake. Siya motambong sa mga miting sa stake sama sa gipasabot diha sa 29.3.
Ang klerk sa stake tudloan sa kapangulohan sa stake ug motrabaho ubos sa ilang direksyon. Ang kaabag nga mga klerk sa stake mahimong tawagon aron motabang (tan-awa sa 33.3.3).
33.3.2.1
Mga Responsibilidad sa Pagtipig og Rekord
Ang klerk sa stake, o ang gisangonan nga kaabag nga klerk, aduna sa mosunod nga mga responsibilidad:
Mohatag og pang-administraba nga suporta ngadto sa kapangulohan sa stake.
Magtipig og rekord sa mga buluhaton ug sa mga desisyon nga gihimo diha sa mga miting sa pagpangulo sa stake.
Mosiguro nga ang mga rekord ug mga report husto ug tukma sa panahon.
Ang klerk sa stake kinahanglang mapamilyar sa tools sa Simbahan sa pagtipig og rekord (tan-awa sa 33.0). Siya mogamit niini nga tools sa pagtabang sa mga lider nga mahibalo:
Sa mga panginahanglan sa mga miyembro ug sa mga organisasyon.
Sa pagkaanaa sa mga kapanguhaan, lakip na sa panalapi.
Sa mga kalihokan, mga kalig-on, ug mga kahuyang sa Stake.
Ang ubang mga katungdanan sa pagtipig og rekord naglakip sa:
Pagsiguro nga ang mga pag-orden sa Melchizedek nga Pagkapari girekord dayon ug sa husto nga paagi.
Pagrekord sa impormasyon alang sa mga konseho sa pagkamiyembro diha sa stake (tan-awa sa 32.9.6
Pagmentinar sa mga rekord sa pinansyal (tan-awa sa 34.1.2).
Paghan-ay ug pagpakigsabot bahin sa koleksiyon sa mga istorya alang sa kasaysayan sa yunit. Usa ka espesyalista sa kasaysayan sa stake mahimong tawagon sa pagtabang. (Tan-awa sa 33.7.1.)
33.3.2.2
Pagrebyo sa mga Rekord ug mga Report sa Ward
Ang klerk sa stake makigmiting dayon sa matag bag-ong klerk sa ward human siya matawag. Siya makigkita kanunay sa mga klerk sa ward kon gikinahanglan, apan labing minos kaduha sa usa ka tuig. Kining mga miting ipahigayon aron sa pagsiguro nga:
Ang mga ikapulo ug ubang mga rekord sa pinansyal narekord sa husto nga paagi (tan-awa sa 34.1.2 ug 34.2.2).
Ang mga rekord sa pagkamiyembro gi-update dayon ug sa tukmang paagi.
Ang mga sertipiko sa panalangin, bunyag ug kompirmasyon, ug ordinasyon sa pagkapari gihatag ngadto sa mga miyembro sa ward.
Ang matag tunga sa tuig nga pag-awdit sa rekord sa pagkamiyembro gipahigayon ug ang tanang eksepsiyon sa pag-awdit gikorihian dayon (tan-awa sa 33.6.19).
Ang mga klerk sa ward mohan-ay ug makigsabot bahin sa koleksiyon sa mga istorya alang sa kasaysayan sa yunit. Kon ang mga espesyalista sa kasaysayan sa ward gitawag, sila motabang. (Tan-awa sa 33.7.1.)
Ang presidente sa stake o usa ka gisangonan nga magtatambag mahimong motawag ug mo-set apart og usa o mas daghan pa nga kaabag nga mga klerk sa stake kon gikinahanglan. Kini nga kalalakin-an kinahanglan nga mga naghupot og Melchizedek nga Pagkapari nga adunay balido nga rekomend sa templo. Magtrabaho sila ubos sa giya sa kapangulohan sa stake ug sa klerk sa stake.
Kon gikinahanglan, usa ka kaabag nga klerk mahimong tawagon ngadto sa matag usa sa mosunod nga mga katungdanan:
Kaabag nga klerk sa stake
Kaabag nga klerk sa stake—sa pinansyal (tan-awa sa 34.1.2)
Kaabag nga klerk sa stake—sa pagkamiyembro (tan-awa sa 33.5 ug 33.6)
33.4
Mga Rekord ug mga Report sa Ward
33.4.1
Bishopric
Ang bishop maoy modumala sa pagtipig og rekord sa ward. Mahimo niyang idelegar ang pagbuhat sa kadaghanan niini nga buluhaton ngadto sa iyang mga magtatambag ug mga klerk.
33.4.2
Klerk sa Ward
Ang matag ward kinahanglang adunay kwalipikado, naglihok [functioning] nga klerk sa ward. Irekomendar siya sa bishopric ug tawagon ug i-set apart sa usa ka sakop sa kapangulohan sa stake o gisangonan nga high councilor. Siya kinahanglang naghupot og Melchizedek nga Pagkapari ug adunay balido nga rekomend sa templo. Siya usa ka sakop sa konseho sa ward. Siya motambong sa mga miting sa ward sama sa gipasabot diha sa 29.2.
Ang klerk sa ward moserbisyo ubos sa direksyon sa bishopric. Ang kaabag nga mga klerk sa ward mahimong tawagon aron motabang (tan-awa sa 33.4.3
33.4.2.1
Mga Responsibilidad sa Pagtipig og Rekord
Ang klerk sa ward, o gisangonan nga kaabag nga klerk, aduna sa mosunod nga mga responsibilidad:
Mohatag og pang-administraba nga suporta ngadto sa bishopric.
Magtipig og rekord sa mga buluhaton ug sa mga desisyon nga gihimo diha sa mga miting sa pagpangulo sa ward.
Mosiguro nga ang mga rekord ug mga report husto ug tukma sa panahon.
Ang klerk sa ward kinahanglang mapamilyar sa tools sa Simbahan sa pagtipig og rekord (tan-awa sa 33.0). Siya mogamit niini nga tools sa pagtabang sa mga lider nga mahibalo:
Sa mga panginahanglan sa mga miyembro ug sa mga organisasyon.
Sa pagkaanaa sa mga kapanguhaan, lakip na sa panalapi.
Sa mga kalihokan, mga kalig-on, ug mga kahuyang sa Ward.
Kon magtigom sa mga report bahin sa partisipasyon sa miyembro, ang klerk makigtinabangay sa mga secretary sa pagsulbad sa ginagmay nga mga problema.
Ang mga klerk sa ward moawhag sa mga miyembro sa pag-report kon adunay sayop sa ilang impormasyon sa pagkamiyembro.
Ang ubang mga katungdanan sa pagtipig og rekord naglakip sa:
Pagsiguro nga ang mga ordinansa girekord dayon ug sa husto nga paagi.
Ang kaabag nga mga klerk sa ward mahimong tawagon kon gikinahanglan. Irekomendar sila sa bishopric ug tawagon ug i-set apart sa usa ka sakop sa kapangulohan sa stake o usa ka gisangonan nga high councilor. Kini nga kalalakin-an kinahanglan nga naghupot og Melchizedek o Aaronic nga Pagkapari. Sila kinahanglan usab nga adunay balido nga rekomend sa templo. Kon ang usa ka kaabag nga klerk sa ward masangonan sa mga panalapi, kinahanglang naghupot siya sa Melchizedek nga Pagkapari. Ang kaabag nga mga klerk sa ward magtrabaho ubos sa giya sa bishopric ug sa klerk sa ward.
Kon gikinahanglan, usa ka kaabag nga klerk mahimong tawagon ngadto sa matag usa sa mosunod nga mga katungdanan:
Kaabag nga klerk sa ward
Kaabag nga klerk sa ward—sa panalapi (tan-awa sa 34.2.2)
Kaabag nga klerk sa ward—sa pagkamiyembro (tan-awa sa 33.5 ug 33.6)
33.4.4
Mga Lider sa Pagkapari ug Organisasyon
Ang mga lider sa korum ug organisasyon mao ang modumala sa pagtipig og rekord diha sa ilang mga organisasyon. Mahimo sila nga mosangon sa mga secretary sa pagbuhat sa kadaghanan niini nga buluhaton. Sila moseguro nga ang mga rekord ug mga report husto ug tukma sa panahon.
33.5
Mga Report bahin sa Pag-apil sa Miyembro
Ang mga report bahin sa partisipasyon sa miyembro makatabang sa mga lider sa pagpokus sa paglambo ug mga panginahanglan sa mga miyembro. Kon mahimo, kini nga mga report kinahanglang rebyohon sa elektronik nga paagi imbes iprinta. Kon ang giprinta nga mga report kinahanglanon, kini kinahanglang idumala sa mainampingong paagi aron sa pagrespeto sa pagkapribado sa miyembro ug pagtuman sa lokal nga mga balaod bahin sa pagprotekta sa mga datos.
33.5.1
Mga Matang sa mga Report
33.5.1.1
Mga Report sa Nanambong
Ang nanambong sa mga panagtigom alang sa sakramento ug Dominggo nga mga miting sa pagkapari ug sa organisasyon irekord sa elektronik nga paagi gamit ang LCR o Member Tools.
Panagtigom alang sa Sakramento. Ang nanambong sa panagtigom alang sa sakramento irekord matag semana sa klerk sa ward o kaabag nga klerk sa ward. Ang iphon mao ang gidaghanon sa nanambong sa miting sa personal o pinaagi sa pagsibya, lakip na ang mga bisita. Ang mga miyembro sa ward nga wala diha tungod kay sila adunay laing buluhaton o mitambong sa laing ward iapil sa pag-ihap sa ward nga ilang gitambongan.
Dominggo nga mga Miting sa Korum ug Organisasyon. Ang nanambong irekord matag semana pinaagi sa mga secretary ug mga adviser sa korum ug organisasyon. Ang mga lider sa kabatan-onan mahimo usab nga motabang sa pagrekord sa nanambong. Ang iphon mao ang gidaghanon sa nanambong sa miting sa personal o pinaagi sa pagsibya, lakip na ang mga bisita. Ang mga miyembro kinsa nagserbisyo sa Primary o isip mga lider sa kabatan-onan sulod sa ward ilakip usab isip nanambong. Ang mga miyembro nga mitambong sa laing ward iapil sa pag-ihap diha sa ward nga ilang gitambongan .
Ang klerk sa ward mahimong morekord sa nanambong alang sa bisan unsa nga organisasyon.
Ang matag numero sa usa ka report nagrepresentar og aktuwal nga tawo nga adunay talagsaong mga panginahanglan (tan-awa sa Helaman 15:13). Ang mga lider magtinguha og giya gikan sa Ginoo samtang nagkonsiderar sila kon si kinsa ang nagkinahanglan sa ilang tabang.
Ang Quarterly Report naglangkob og mapuslanong impormasyon nga makahatag sa mga lider og mga ideya samtang magtinguha sila og inspirasyon mahitungod sa mga paningkamot sa pagpangalagad. Ang report anaa diha sa Member Tools o LCR.
Ang mga lider sa stake ug ward motan-aw kanunay sa Quarterly Report aron sa pagrebyo sa kalamboan sa mga indibidwal. Kini nga report naglakip sa impormasyon mahitungod sa:
Estado sa rekomend sa templo sa natugahan nga mga miyembro ug sa kabatan-onan.
Mga lalaki nga nag-edad og 18–25 nga nagserbisyo o nakaserbisyo og misyon.
Estado sa mga interbiyo sa pagpangalagad (tan-awa sa 21.3).
Umaabot nga mga elder nga nagkinahanglan og suporta sa pagpangandam sa pagdawat sa Melchizedek nga Pagkapari.
Nanambong sa Dominggo nga miting alang sa kabataan, kabatan-onan, mga young single adult, ug mga hamtong (tan-awa sa 33.5.1.1).
Kalamboan sa bag-ong mga miyembro nga nabunyagan ug nakompirmahan sulod sa miaging 12 ka bulan.
Ang tanang nanambong ug mga interbiyo sa pagpangalagad irekord diha sa Member Tools o LCR. Kini nga impormasyon awtomatik nga mokompleto sa mosunod nga mga bahin sa Quarterly Report.
Ang matag ward mokompleto ug mosumiter og Quarterly Report ngadto sa punoang buhatan sa Simbahan. Ang klerk morebyo sa report ngadto sa bishop ug mosumiter niini sa dili pa ang ika-15 sa bulan human sa kataposan sa matag quarter.
Ang kapangulohan sa stake mahimo nga morebyo sa Matag Tulo ka Bulan nga Report [Quarterly Report] sa matag ward. Kini makatabang nila nga mamonitor ang kalamboan ug mahibalo kon asa mohatag og suporta ug instruksiyon. Ang mga sakop sa konseho sa stake mahimo usab nga motan-aw sa matag Quarterly Report.
33.5.2
Mga Listahan sa Pagkamiyembro
Ang tools sa Simbahan sa pagtipig og rekord naghatag sa mga lider og access ngadto sa mga lista sa pagkamiyembro. Kini nga mga lista makatabang sa mga lider nga mahibalo:
Kon kinsa sa mga miyembro ang wala pa makadawat sa mga ordinansa nga angay nila.
Kon kinsa sa mga batan-ong lalaki ug mga batan-ong babaye ang angay nga moserbisyo og misyon.
Kon kinsa sa kabatan-onan ang adunay balido nga rekomend sa templo.
Kon kinsa sa kabatan-onan ang kinahanglang i-eskedyul alang sa pagpakigmiting uban sa usa ka sakop sa bishopric.
Ang mga lider sa korum ug sa organisasyon kinahanglang makagamit sa mga listahan niadtong nahisakop sa ilang korum o organisasyon.
33.6
Mga Rekord sa Pagkamiyembro
Ang mga rekord sa pagkamiyembro naglakip sa mga ngalan, impormasyon sa pagkontak, mga detalye sa ordinansa, ug ubang mahinungdanong impormasyon sa mga miyembro. Ang ward kinahanglang adunay rekord sa pagkamiyembro alang sa matag miyembro nga nagpuyo sulod sa mga utlanan niini.
Ang mga rekord sa pagkamiyembro kinahanglang tipigan diha sa ward diin nagpuyo ang miyembro. Ang mga eksepsiyon, nga kinahanglang pipila lamang, nagkinahanglan og pag-uyon sa mga bishop ug mga presidente sa stake nga naapil. Sa paghangyo og eksepsiyon, ang presidente sa stake mogamit sa LCR aron isumiter ang hangyo ngadto sa Buhatan sa Unang Kapangulohan.
Ang mga rekord sa pagkamiyembro mao lamang ang mga paagi sa pagrekord sa mga ordinansa ug ubang opisyal nga mga aksiyon diha sa permanente nga mga rekord sa Simbahan. Busa, siguroon sa bishop nga ang mga klerk magtipig og husto nga mga rekord. Siya usab mosiguro nga ang mga klerk mo-update sa impormasyon gamit ang LCR. Importante kaayo ang pagbuhat dayon sa mosunod:
Pagrekord sa impormasyon sa ordinansa.
Pagbalhin sa mga rekord sa mga miyembro nga mobalhin paingon o gikan sa ward.
Paghimo og mga rekord alang sa bag-ong mga miyembro ug bag-ong mga anak sa miyembro nga mga ginikanan.
Pagrekord sa pagkamatay sa miyembro.
Pagrekord sa impormasyon sa kaminyoon ug sa pamilya.
Ang bishop o presidente sa stake kinahanglang mosiguro nga ang rekord sa pagkamiyembro anaa sa tukma nga ward sa dili pa interbiyohon ang usa ka miyembro sa pagdawat og:
Calling sa Simbahan.
Rekomend sa templo.
Melchizedek nga Pagkapari o i-orden ngadto sa katungdanan niana nga pagkapari.
Siya mosiguro usab nga ang rekord wala maglakip sa mosunod:
Usa ka annotation
Komentaryo mahitungod sa restriksiyon bahin sa pagsilyo o sa usa ka ordinansa
Pormal nga mga restriksiyon sa pagkamiyembro
Usahay ang usa ka miyembro wala magpuyo kanunay sa maong ward sulod sa labing minos usa ka tuig. Niana nga sitwasyon, ang bishop o ang gisangonan nga magtatambag mokontak sa iyang kanhi nga bishop sa dili pa mopahigayon og interbiyo aron sa pag-isyu og rekomend sa templo o sa pagrekomendar nga i-orden ngadto sa usa ka katungdanan sa Melchizedek nga Pagkapari. Ang katuyoan niini nga pagkontak mao ang pagpangutana kon aduna bay problema bahin sa katakos nga kinahanglang ikonsiderar. Kon ang usa ka magtatambag masayod nga adunay kompidensiyal nga impormasyon, iyang taposon ang panag-istoryahanay. Siya mopahibalo sa iyang bishop sa pagkontak sa kanhi bishop sa dili pa mopahigayon sa interbiyo.
Bisan unsay mahitabo dili mahimong ihatag ang mga rekord sa pagkamiyembro o ipakita ngadto ni bisan kinsa gawas sa bishop o sa klerk.
Ang mga miyembro mahimong motan-aw sa impormasyon sa pagkamiyembro alang sa ilang kaugalingon ug alang ni bisan kinsa nga nagsalig [dependent] nga mga anak nga anaa sa panimalay diha sa Member Tools app. Mahimo usab sila nga mohangyo og giprinta nga mga kopya sa ilang Individual Ordinance Summaries gikan sa klerk. Kon adunay makita nga mga sayop, ang klerk mosiguro nga kini makorihian diha sa mga rekord sa pagkamiyembro.
Ang mga instruksiyon kon unsaon paghimo og rekord sa pagkamiyembro anaa sa LCR.
Alang sa mga sitwasyon nga wala hisgoti niini nga seksiyon, ang mga lider kinahanglang mokontak sa Global Services Department o sa buhatan sa area.
33.6.1
Mga Ngalan nga Gigamit diha sa mga Rekord sa Simbahan
Ang kompleto nga legal nga ngalan sa usa ka tawo, sama sa gitino sa lokal nga balaod o kustombre, kinahanglang gamiton diha sa mga rekord sa pagkamiyembro ug sa mga sertipiko sa mga ordinansa.
33.6.2
Mga Miyembro nga Anaa na sa Rekord
Ang mosunod nga mga indibidwal mao ang mga miyembro nga anaa sa rekord ug kinahanglang adunay rekord sa pagkamiyembro:
Kadtong kinsa nabunyagan ug nakompirmahan
Kadtong nag-edad og ubos sa 9 anyos nga napanalanginan apan wala mabunyagi
Kadtong walay tulubagon tungod sa intelektuwal nga mga kakulian, bisan unsa pa ang edad
Wala mapanalangini nga mga bata ubos sa 9 anyos kon aduna sa mosunod:
Labing minos ang usa ka ginikanan o usa ka apohan miyembro sa Simbahan.
Ang duha ka ginikanan mitugot nga himoan og rekord. (Kon ang usa ka ginikanan mao lamang ang adunay legal nga kustodiya sa bata, ang pagtugot niana nga ginikanan igo na.)
Ang tawo nga nag-edad og 9 anyos o pataas nga adunay rekord sa pagkamiyembro apan wala mabunyagi ug makompirmahi dili usa ka miyembro nga anaa sa rekord. Hinoon, ang ward diin nagpuyo ang tawo motipig sa rekord sa pagkamiyembro hangtud ang tawo mag-18 anyos. Nianang higayona, kon mopili ang tawo nga dili magpabunyag, ang bishop mokanselar sa rekord sa pagkamiyembro. Ang pagtugot sa presidente sa stake gikinahanglan.
Ang mga rekord dili makanselar alang niadtong kinsa wala mabunyagi tungod sa intelektuwal nga kakulangan gawas kon gihangyo sa tawo o sa usa ka legal nga magbalantay, lakip sa usa ka ginikanan.
33.6.3
Mga Rekord sa Bag-ong mga Miyembro sa Ward
Ang klerk sa ward o kaabag nga klerk sa ward mokontak sa bag-ong mga miyembro sa ward inig-abot dayon sa ilang mga rekord sa pagkamiyembro aron marebyo ang Individual Ordinance Summary kon husto ba.
Alang sa mga instruksiyon mahitungod sa pagpaila sa bag-ong mga miyembro human madawat ang ilang mga rekord o human sila mabunyagi ug makompirmahi, tan-awa sa 29.2.1.1.
33.6.4
Mga Rekord sa mga Miyembro nga Mibalhin o Temporaryong Wala sa Panimalay
Ang mga lider sa ward, mga tigpangalagad nga mga igsoong lalaki ug mga igsoong babaye, ug ang mga klerk mokuha sa bag-ong mga address sa mga miyembro sa higayon nga ilang masayran nga ang miyembro gustong mobalhin gikan sa ward. Ang klerk mobalhin sa mga rekord ngadto sa bag-ong ward kon mobalhin na ang mga miyembro. Ang mga klerk mahimo usab nga mohangyo sa mga rekord sa mga miyembro nga mobalhin paingon sa ilang ward kon ang mga rekord wala pa ipadala sa kanhi nga ward.
Kon dili mahibaloan sa klerk kon asa mibalhin ang miyembro, ang rekord ibalhin ngadto sa lista sa Pagpangita sa Nawala nga mga Miyembro [Finding Lost Members] diha sa LCR. Ang mga lider sa korum sa mga Elder ug sa Relief Society morebyo kanunay niini nga report ug mogamit sa anaa nga mga kapanguhaan aron makit-an kini nga mga miyembro. Ang ubang mga sakop sa konseho sa ward o mga misyonaryo mahimong motabang.
Kon ang gipuy-an sa miyembro makit-an, ang klerk mobalhin dayon sa rekord. Kon ang gipuy-an sa miyembro wala makit-i human sa paggamit sa tanang kapanguhaan sa pagpangita, madawat sa klerk ang pagtugot sa bishop nga ibalik ang rekord ngadto sa punoang buhatan sa Simbahan.
Ang mga rekord diha sa lista sa Pagpangita sa Nawala nga mga Miyembro [Finding Lost Members] gisangon gihapon sa ward, apan dili kini makita sa mga litsa ug mga report sa miyembro, ug wala kini ilakip sa estatistik sa ward.
Kon ang tawo mipahawa sa ward sobra sa tulo ka bulan, ibalhin sa klerk ang rekord sa pagkamiyembro ngadto sa bag-ong ward gawas kon ang miyembro nagtinguha nga mobalik human sa temporaryo o panagsa nga panarbaho o pag-eskwela nga mahimong molungtad og sobra sa tulo ka bulan.
Kon ang tawo mipahawa sa ward nga wala kaabot og tulo ka bulan ug nagplanong mobalik, ang rekord sa pagkamiyembro tipigan ra diha sa kaugalingong ward.
Kon ang mga lider dili sigurado kon unsa kadugay ang tawo nga malayo, sila motipig sa rekord diha sa ward nga labing makatubag sa panginahanglan sa tawo.
33.6.5
Mga Rekord sa Miyembro nga Wala sa Yunit
Ang rekord sa pagkamiyembro sa tawo mahimong tipigan sa usa lamang ka ward sa matag higayon. Ang bishop lamang niini nga ward ang modumala sa pag-update sa rekord sa pagkamiyembro, mopahigayon og mga ordinansa, ug mohimo og mga interbiyo alang sa miyembro.
Ang pipila ka sirkumstansiya nagkinahanglan nga ang ngalan sa miyembro ug impormasyon sa pagkontak irekord diha sa ikaduha nga ward (tan-awa sa 33.6.11 ug 33.6.13 alang sa mga sanglitanan). Niini nga mga sitwasyon, ang klerk sa ikaduha nga ward mohimo og rekord sa miyembro nga wala diha sa yunit. Siya mogamit sa LCR sa paghimo niini nga rekord.
Ang mga miyembro nga ang rekord sa pagkamiyembro wala diha sa yunit mahimong modawat og calling niana nga ward. Sila usab ilakip sa mga directory ug sa mga lista sa ward.
33.6.6
Mga Rekord sa mga Miyembro nga Nagserbisyo sa gawas sa Ilang Kaugalingong Ward
33.6.6.1
Mga Rekord sa mga Miyembro nga adunay Laing mga Buluhaton sa Simbahan
Kon ang mga miyembro adunay mga buluhaton sa Simbahan sa gawas sa ilang kaugalingong ward, ang ilang mga rekord sa pagkamiyembro ug sa pinansyal tipigan diha sa kaugalingong ward. Kon ang mga buluhaton nagkinahanglan nga ang mga miyembro mopahawa sa ilang kaugalingong ward sulod sa tulo ka bulan o sobra pa, ug kon ang ilang mga anak mokuyog nila, ang ilang mga rekord sa pagkamiyembro ibalhin ngadto sa bag-ong ward. (Tan-awa sa 33.6.4.)
Ang mga young single adult nga anaa tali sa pangidaron nga 18 ug 35 mahimong mopili nga mahimong mga miyembro sa ilang kaugalingong ward o ward sa mga young single adult kon adunay usa nga gipahimutang diha sa mga utlanan diin sila nagpuyo. Ang rekord sa pagkamiyembro tipigan diha sa ward nga ilang gitambongan.
Kini nga mga baroganan magamit usab alang sa mga single adult nga anaa tali sa pangidaron nga 36 ug 45 kinsa mipili nga mahimong miyembro sa usa ka ward sa single adult.
Kon ang usa ka young single adult nagplano nga temporaryong motambong sa usa ka ward (pananglitan, samtang nag-eskwela), ang rekord sa pagkamiyembro tipigan diha sa ward nga iyang gitambongan. Uban sa pagtugot sa miyembro, ang klerk sa ward diin ang pamilya sa miyembro nagpuyo mahimong magbuhat og rekord nga wala diha sa yunit alang niya (tan-awa sa 33.6.5).
33.6.8
Mga Rekord sa mga Miyembro nga Nagpuyo sa mga Ospital o mga Pasilidad alang sa Nagkinahanglan og Pag-atiman
Ang mga rekord sa mga miyembro nga nagpuyo sa mga ospital o mga pasilidad alang sa nagkinahanglan og pag-atiman kinahanglang ibutang diha sa ward nga mas makaserbisyo nila. Sa kasagaran, mao kana ang ward kon asa nahimutang ang ospital o ang pasilidad.
33.6.9
Mga Rekord sa mga Miyembro nga Nagserbisyo sa Militar
Kon ang usa ka miyembro misulod sa serbisyo sa militar alang sa pagbansay, ang rekord sa pagkamiyembro tipigan diha sa kaugalingong ward hangtod nga siya madestino og dugay-dugay sa iyang trabahoan. Nianang higayona ang miyembro kinahanglang mokontak sa kaugalingong ward ug mohatag sa ngalan ug address sa bag-ong ward.
33.6.10
Mga Rekord sa mga Miyembro nga Adunay Intelektuwal nga mga Kakulangan
Ang usa ka tawo nga nag-edad og 8 anyos o pataas kinsa adunay intelektuwal nga kakulangan, ang iyang mga ginikanan (kon aduna), ug ang bishop magtinambagay aron sa pagtino kon ang tawo may tulubagon ba. Kon ang tawo matino nga walay tulubagon, ang bishop o ang klerk mobutang og “Walay Tulubagon” sa seksiyon sa bunyag sa rekord sa pagkamiyembro sa tawo diha sa LCR. Ang rekord dili makanselar. Ang mga ordinansa wala kinahanglana alang sa tawo kansang rekord adunay nakabutang nga siya walay tulubagon.
Usahay ang usa ka indibidwal, iyang mga ginikanan, ug ang bishop sa kaulahian magtinambagay ug motino nga ang usa ka tawo may tulubagon human nga ang rekord nasulatan na og “Walay Tulubagon.” Niana nga sitwasyon, ang bishop o ang klerk (uban sa pagtugot sa bishop) mahimong motangtang sa “Walay Tulubagon” nga gibutang. Alang sa dugang nga impormasyon, tan-awa sa 38.2.4.
33.6.11
Mga Rekord sa mga Miyembro Nga Mga Bungol o Maglisod sa Pagdungog
Ang mga miyembro kinsa mogamit og sign language, ug ang ilang duol nga mga sakop sa pamilya o legal nga mga magbalantay, mahimong mopili nga ibutang ang ilang mga rekord sa pagkamiyembro sa Simbahan sa bisan hain sa mosunod nga mga dapit:
Ilang kaugalingong ward
Usa ka ward alang sa mga miyembro nga mga bungol ug maglisod sa pagdungog nga nagpuyo sulod sa mga utlanan niini
Usa ka ward nga nagdumala og grupo sa mga miyembro nga mga bungol ug maglisod sa pagdungog nga nagpuyo sulod sa heyograpikanhong dapit nga gitino sa presidente sa stake o sa Presidente sa Area
Niini nga sitwasyon, ang mga rekord sa indibidwal o pamilya mahimong ibutang sa usa ka yunit, ug sila mahimo nga wala sa yunit [out of unit] nga mga miyembro diha sa lain. (Tan-awa sa 33.6.5.)
Ang mga miyembro kinsa bungol o maglisod sa pagdungog mahimong motambong sa virtual nga paagi sa mga ward o mga grupo nga giorganisar alang niadtong kinsa mga bungol o maglisod sa pagdungog sa gawas sa heyograpikanhong dapit sa miyembro.
33.6.12
Mga Rekord sa mga Bata nga Gisagop
Ang mga rekord sa mga bata nga gisagop himoon o i-update lamang human makompleto ang proseso sa pagsagop. Ang ngalan diha sa rekord kinahanglang mohaom sa mando bahin sa pagsagop. Ang mga rekord sa nagsagop nga mga ginikanan i-update lamang human makompleto ang proseso sa pagsagop.
33.6.13
Mga Rekord sa mga Bata nga ang mga Ginikanan Nagdiborsiyo
Ang tanang rekord sa pagkamiyembro naggamit sa legal nga ngalan sa usa ka tawo, sama sa gipasabot sa lokal nga balaod o kustombre. Naglakip kini sa mga anak sa mga ginikanan nga nagdiborsiyo. Ang legal nga ngalan diha sa rekord sa pagkamiyembro kinahanglan usab nga irekord diha sa mga sertipiko sa mga panalangin ug mga ordinansa sa pagkapari.
Ang mga bata nga adunay mga ginikanan nga nagdiborsiyo sa kasagaran motambong og mga miting sa Simbahan sa mga ward sa duha ka ginikanan. Bisan kon usa lamang ka yunit ang motipig ug mo-update sa opisyal nga rekord sa pagkamiyembro sa bata, ang rekord sa pagkamiyembro nga wala diha sa yunit mahimong himoon sa ubang ward nga iyang tambongan (tan-awa sa 33.6.5). Makapahimo kini nga ang impormasyon sa ngalan ug kontak sa bata malakip sa mga listahan sa ward ug sa nanambong sa klase.
Ang mga bata nga adunay rekord nga wala diha sa yunit mahimong modawat og calling niana nga yunit.
Mga Restriksiyon sa Pagbalhin sa mga Rekord sa Pagkamiyembro
Kon ang usa ka miyembro mobalhin samtang ang pormal nga mga restriksiyon sa pagkamiyembro o laing seryoso nga problema na-pending, ang bishop o ang gitugotan nga klerk mahimong mobutang og restriksiyon sa pagbalhin diha sa rekord sa pagkamiyembro. Siya mogamit sa LCR sa paghimo niini.
Ang rekord nga adunay restriksiyon sa pagbalhin dili mahimong ibalhin ngadto sa bag-ong yunit hangtod nga ang lider sa pagkapari nga mibutang sa restriksiyon motugot nga tangtangon kini.
33.6.16
Mga Rekord gikan sa File nga “Wala Mahibaloi ang Address”
Ang miyembro usahay makit-an human nga ang iyang rekord mabutang na sa “file nga wala mahibaloi ang address” sa punoang buhatan sa Simbahan. Ang rekord maglakip og usa ka mensahe nga mag-awhag sa bishopric, mga lider sa korum ug organisasyon sa pagbisita dayon sa tawo ug sa pagpakita og pakigdait.
33.6.17
Pagrekord ug Pagkorihir sa Impormasyon sa Ordinansa
Kaduha sa usa ka tuig ang klerk sa stake o usa ka kaabag nga klerk sa stake mosiguro nga ang pag-awdit sa mga rekord sa pagkamiyembro mapahigayon sa matag ward gamit ang LCR. Ang presidente sa stake mahimong motawag sa uban nga may kasinatian sa pagtipig sa rekord sa pagkamiyembro aron motabang niini nga mga pag-audit. Ang mga pag-awdit kinahanglang makompleto inigka-Hunyo 15 ug Disyembre 15 sa matag tuig.
33.7
Mga Rekord sa Kasaysayan
33.7.1
Mga Kasaysayan sa Ward ug Stake
Ang Ginoo nagmando nga ang “kasaysayan sa tanan nga mahinungdanon” nga mga butang kalabot sa Iyang Simbahan kinahanglang isulat ug tipigan (Doktrina ug mga Pakigsaad 69:3; tan-awa usab sa bersikulo 5; Alma 37:2).
Ang matag yunit sa Simbahan kinahanglang modokumento sa tanang importante nga mga butang kalabot sa yunit. Kini nga mga butang naglakip sa makasaysayanong mga istorya gikan sa mga lider sa yunit.
Ang pagtipig og kasaysayan usa ka espirituwal nga buhat nga makapalig-on sa hugot nga pagtuo niadtong kinsa mosulat ug mobasa niini. Ang pagdokumento sa mga istorya sa tibuok tuig makapalambo sa kalidad sa kasaysayan.
Ang mga lider sa pagkapari ug organisasyon sa stake ug sa ward motampo sa mga istorya gamit ang Unit History tool diha sa ChurchofJesusChrist.org. Ang mga klerk sa stake ug sa ward adunay nag-unang responsibilidad sa pag-organisar ug pagpakigsabot niini nga paningkamot. Ang kapangulohan sa stake ug ang bishopric mahimong motawag og espesyalista sa kasaysayan sa stake o sa ward aron motabang. Ang dugang nga mga instruksiyon anaa sa Quick Start Guide nga tool.
Ang mga miyembro mahimong mogamit sa Unit History tool aron motan-aw sa mga istorya nga gimantala sa ilang mga lider sa ward ug sa stake. Ang gimantala nga mga istorya awtomatik nga ipreserbar sa Simbahan.
Imahe
pamilya nga nagpas-an og dagami
33.7.2
Kasaysayan sa Simbahan
Ang Departamento sa Kasaysayan sa Simbahan [Church History Department] mopili sa pagkolekta og mga rekord sa kasaysayan, lakip sa personal nga mga rekord, art, ug mga artifact “alang sa kaayohan sa simbahan, ug alang sa nagtubo nga mga kaliwatan” (Doktrina ug mga Pakigsaad 69:8). Ang mga pangutana bahin sa makasaysayanong bili sa mga rekord mahimong ipadala ngadto sa:
Ang mga rekord sa Simbahan kompidensiyal, maanaa man kini sa papel, o sa digital. Kini naglakip sa:
Mga rekord sa pagkamiyembro.
Mga rekord sa pinansyal.
Mubong mga sulat nga hinimo gikan sa mga miting.
Opisyal nga mga porma ug mga dokumento (lakip na sa mga rekord sa mga konseho sa pagkamiyembro).
Ang mga lider ug mga klerk kinahanglang magbantay sa mga rekord sa Simbahan pinaagi sa pagdumala, pagtipig, ug pagdispatsar niini sa paagi nga mapanalipdan ang pagkapribado sa mga indibidwal. Ang mga lider mosiguro nga ang impormasyon nga nakuha gikan sa mga miyembro:
Kutob ra sa unsay gikinahanglan sa Simbahan.
Gamiton lamang alang sa mga katuyoan nga giaprobahan sa Simbahan.
Ihatag lamang niadtong awtorisado nga mogamit niini.
Ang impormasyon nga gitipigan sa elektronik nga paagi kinahanglan gayod nga masiguro ug mapanalipdan sa tukmang paagi (tan-awa sa 33.9.1). Siguroon sa mga lider nga ang maong datos dili gamiton alang sa personal, politikal, o pangnegosyo nga mga katuyoan. Ang impormasyon gikan sa mga rekord sa Simbahan, lakip na sa impormasyon sa kasaysayan, dili mahimong ihatag sa mga indibidwal o mga ahensiya nga nagpahigayon og mga pagsiksik [research] o mga survey (tan-awa sa 38.8.37).
Ang mga lider ug mga miyembro kinahanglang mosunod sa mga lagda diha sa 38.8.13 aron mapanalipdan ang mga directory sa stake ug ward.
33.9
Pagdumala sa mga Rekord
Ang mga lider sa stake ug sa ward kinahanglang mohimo sa epektibong pagdumala sa mga rekord nga kabahin sa ilang mga pamaagi sa pagtipig og rekord.
33.9.1
Panalipod
Ang tanang rekord, mga report, ug mga datos sa Simbahan kinahanglang panalipdan batok sa wala tugoti nga paggamit, pag-usab, pagguba, o pagbutyag. Kini nga impormasyon kinahanglang tipigan sa usa ka luwas nga dapit. Ang sensitibo kaayo nga mga rekord, lakip na sa mga naprinta sa computer, kinahanglang tipigan sa kinandaduhan nga hunos o kabinet diha sa opisina sa lider kon wala kini gamita.
Kon mahimo, ang elektronik nga mga kopya sa mga rekord, mga report, ug mga datos kinahanglang ma-encrypt ug panalipdan pinaagi sa password. Ang nawala o gikawat nga mga device o storage media nga gipanag-iya sa Simbahan kinahanglang i-report dayon diha sa incidents.ChurchofJesusChrist.org. Ang sayop nga paggamit sa impormasyon sa Simbahan kinahanglan usab nga i-report.
33.9.1.1
Mga Username ug mga Password
Ang mga presidente sa stake, mga bishop, ug ubang mga lider kinahanglang dili mopaambit sa ilang username ug password sa Simbahan ngadto sa ilang mga magtatambag, mga klerk, mga executive secretary, o sa uban pa.
Ang mga lider gihingusgan sa pag-awhag nga mohimo og duha ka lakang nga pag-verify (nailhan usab isip multifactor authentication) diha sa ilang account sa Simbahan kon mahimo.
33.9.1.2
Mga Computer nga Daghan ang Mogamit ug Tipiganan sa mga Datos [Data Storage]
Ang mga lider ug mga klerk kinahanglang dili motipig sa impormasyon sa pagkamiyembro o sa pinansyal diha sa mga computer nga daghan ang mogamit nga ma-access sa uban nga dili awtorisado nga makabaton niini nga impormasyon.
33.9.1.3
Pagkapribado sa mga Datos
Daghang nasod ang mipatuman sa mga balaod sa pagpanalipod sa mga datos nga nagkontrolar sa pagproseso sa personal nga mga datos. Kini naglakip sa impormasyon nga anaa sa mga rekord sa pagkamiyembro ug sa ubang mga rekord nga mag-ila sa mga indibidwal. Ang mga lider nga adunay mga pangutana mahitungod sa paggamit sa mga balaod sa pagpanalipod sa mga datos sa lokal nga pagdumala sa mga rekord sa Simbahan mahimong mokontak sa buhatan sa pagkapribado sa mga datos Simbahan diha sa DataPrivacyOfficer@ChurchofJesusChrist.org.
33.9.2
Retensyon
Ang mga rekord kinahanglang tipigan lamang kutob nga kini gikinahanglan alang sa mga katuyoang administratiba, legal, ug sa kasaysayan. Ang pinansyal nga mga rekord kinahanglang tipigan dili mominos sa tulo ka tuig dugang pa sa kasamtangang tuig. Ang mga lider nga adunay mga pangutana kon unsa kadugay tipigan ang mga rekord kinahanglang mokontak sa Global Services Department o sa buhatan sa area.
33.9.3
Pagdispatsar
Ang mga rekord nga dugay na o wala na kinahanglana kinahanglang gision o wagtangon sa paagi nga ang impormasyon dili na makuha og balik o maporma og balik.
Ang mga rekord nga posibling adunay bili sa kasaysayan dili gayod ilabay, gub-on, o ibutang diha sa sentro sa kapanguhaan sa ward (librarya). Ang mga pangutana mahitungod sa makasaysayanong bili sa mga rekord mahimong ipadala ngadto sa Church History Library (tan-awa sa impormasyon sa pagkontak diha sa 33.7.2
33.10
Mga Espesyalista sa Teknolohiya sa Stake ug Ward
Ang kapangulohan sa stake motawag og usa o daghang miyembro sa stake nga moserbisyo isip mga espesyalista sa teknolohiya sa stake. Ang bishopric mahimong motawag og usa o daghang miyembro sa ward nga moserbisyo isip mga espesyalista sa teknolohiya sa ward. Ang kalalakin-an, kababayen-an, ug kabatan-onan mahimong ibutang niini nga mga calling.
Ang mga espesyalista sa teknolohiya sa stake moserbisyo ubos sa direksiyon sa klerk sa stake. Ang mga espesyalista sa teknolohiya sa ward moserbisyo ubos sa direksiyon sa klerk o executive secretary sa ward, sumala sa itino sa bishop. Ang ilang mga responsibilidad mahimong maglakip sa mosunod:
Motabang sa mga lider sa stake o ward bahin sa teknikal nga mga panginahanglan.
Motudlo sa mga miyembro unsaon sa pag-access ug paggamit sa media nga mga app, ug ubang mga himan sa teknolohiya sa Simbahan, lakip na sa FamilySearch.org.
Mosuporta sa mga lider ug mga magtutudlo kinsa mogamit sa mga himan sa teknolohiya aron makatuman sa ilang mga calling.
Modumala sa pagsibya sa mga miting ug mga klase alang niadtong kinsa dili makatambong (tan-awa sa 29.7).
Agig dugang, ang espesyalista sa teknolohiya sa stake aduna sa mosunod nga mga responsibilidad sa pagdumala sa mga computer sa Simbahan diha sa stake, lakip na niadtong anaa sa mga sentro sa FamilySearch:
Mopatuman sa direksyon gikan sa kapangulohan sa stake mahitungod sa pagbutang, pagpakigbahin, pagsangon og usab ug pag-eskedyul sa tanang computer diha sa stake.
Maghupot siya og bag-ong imbentaryo sa tanang computer hardware diha sa stake, nga adunay mga serial number, mga modelo, mga kapasidad, ug sa mga nahimutangan niini.
Mosiguro nga ang (1) mga computer, software, ug kompidensiyal nga impormasyon masiguro ug (2) ang mga file sa mga datos adunay back-up kanunay.
Kinahanglang pamilyar sa kinatibuk-ang mga palisiya alang sa mga computer sa Simbahan (tan-awa sa 38.8.10).
Kon gikinahanglan, ang mga espesyalista sa teknolohiya sa stake makigsabot sa buhat sa mga espesyalista sa teknolohiya sa ward.