25. Buhat sa Templo ug Family History diha sa Ward ug Stake
“25. Buhat sa Templo ug Family History diha sa Ward ug Stake,” Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw (2020).
“25. Buhat sa Templo ug Family History diha sa Ward ug Stake,” Kinatibuk-ang Tamdanan nga Basahon.
Imahe
templo
25.
Buhat sa Templo ug Family History diha sa Ward ug Stake
25.0
Pasiuna
Ang paghiusa sa mga pamilya alang sa kahangtoran kabahin sa buhat sa Dios sa kaluwasan ug kahimayaan (tan-awa sa 1.2). Ang buhat sa templo ug family history mao ang paagi sa paghiusa ug pagsilyo sa mga pamilya alang sa kahangtoran (tan-awa sa Mateo 16:19). Kini nga buhat naglakip sa:
Pag-adto sa templo sa Ginoo kanunay, kon posible, sa pagsimba sa Dios ug sa pagpahigayon og mga ordinansa alang sa atong mga katigulangan (tan-awa sa Lucas 24:52–53; Doktrina ug mga Pakigsaad 109:13–14).
Ang templo mao ang balay sa Ginoo. Ang mga ordinansa ug mga pakigsaad sa templo mopanalangin sa mga anak sa Langitnong Amahan. Ang Langitnong Amahan nagdapit sa Iyang tanang anak nga mopasarang ug modawat og mga ordinansa sa templo.
Kini nga kapitulo naggiya sa mga lider ug sa mga miyembro sa Simbahan diha sa buhat sa templo ug family history. Dugang nga impormasyon anaa sa “Temples” ug “Family History” (Gospel Topics, topics.ChurchofJesusChrist.org).
25.1
Pag-apil sa Miyembro ug Lider diha sa Buhat sa Templo ug sa Family History
Ang mga miyembro sa Simbahan adunay mga pribilehiyo ug responsibilidad sa pagtabang sa paghiusa sa ilang mga pamilya alang sa kahangtoran. Sila moandam sa ilang kaugalingon sa paghimo og mga pakigsaad samtang sila modawat og mga ordinansa sa templo, ug maningkamot sila sa pagtuman niadto nga mga pakigsaad. Sila usab motabang sa mga sakop sa pamilya nga makasabot, modawat, ug maningkamot sa pagtuman sa mga pakigsaad sa templo. Ang mga ginikanan adunay nag-unang responsibilidad sa pagtabang sa ilang mga anak nga makasinati sa mga panalangin sa pagserbisyo sa templo ug family history alang sa namatay na nga mga sakop sa pamilya.
Ang mga miyembro sa Simbahan giawhag sa pag-ila sa ilang namatay na nga mga kaparyentihan kinsa wala makadawat sa mga ordinansa sa templo. Ang mga miyembro dayon mopahigayon sa mga ordinansa alang niadto nga mga kaparyentihan (tan-awa sa Doktrina ug mga Pakigsaad 128:18). Didto sa kalibotan sa espiritu, ang namatay na nga mga indibidwal makapili sa pagdawat o pagsalikway sa mga ordinansa nga gipahigayon alang kanila.
Ang mga miyembro modapit usab sa pamilya ug mga higala nga magkat-on mahitungod sa ilang mga katigulangan ug modiskobre sa ilang mga istorya.
Ang mga lider sa Simbahan mosuporta sa mga miyembro sa mosunod nga mga paagi:
Motudlo sa kaimportante sa paghimo ug pagpaningkamot sa pagtuman sa mga pakigsaad sa templo.
Moawhag sa mga miyembro nga magkat-on mahitungod sa ilang mga katigulangan, modiskobre sa ilang mga istorya, ug mopahigayon sa mga ordinansa sa templo alang kanila.
Mosuporta sa mga ginikanan sa pagtabang sa ilang mga anak nga moapil sa buhat sa templo ug family history.
Moawhag sa natugahan nga mga miyembro nga magbaton og balido nga rekomend sa templo ug mosimba diha sa templo kanunay kutob sa itugot sa ilang mga sirkumstansiya.
Moawhag sa kabatan-onan, sa bag-ong mga miyembro, ug sa ubang wala matugahi nga mga hamtong nga magbaton og usa ka magamit nga rekomend alang sa mga puli nga bunyag ug mga kumpirmasyon ug moadto sa templo aron magpabunyag ug magpakumpirmar alang sa mga patay.
Tan-awa sa kapitulo 26 alang sa impormasyon mahitungod sa mga rekomend sa templo.
25.1.1
Indibidwal nga Responsibilidad alang sa Pagtambong sa Templo
Ang mga miyembro motino alang sa ilang kaugalingon kanus-a ug unsa ka sagad nga makasimba sa templo. Ang mga lider dili moestablisar og mga quota o sistema sa pag-report alang sa pagtambong sa templo.
25.1.2
Mga Pagbiyahe ngadto sa Templo sa Ward ug Stake
Ang matag yunit sa Simbahan gisangonan ngadto sa usa ka distrito sa templo. Ang naorganisar nga mga pagbisita sa ward o stake ngadto sa mga templo sa gawas sa gisangonan nga distrito sa templo wala iawhag.
Ang indibidwal nga mga miyembro ug mga pamilya mahimong motambong sa bisan asa nga templo kon gusto nila.
25.2
Pag-organisar sa Buhat sa Templo ug Family History diha sa Ward
25.2.1
Bishopric
Ang bishopric makigsabot sa mga kapangulohan sa korum sa mga elder ug sa Relief Society samtang mangulo sila sa mga paningkamot sa ward alang sa templo ug family history. Kini nga mga lider magtinambagay kanunay.
Ang bishopric aduna usab sa mosunod nga mga responsibilidad sa buhat sa templo ug family history diha sa ward:
Moawhag sa mga indibidwal ug mga pamilya sa pagkat-on sa doktrina ug mga panalangin sa buhat sa templo ug family history.
Moseguro nga ang mga doktrina ug mga panalangin sa buhat sa templo ug family history gitudlo diha sa simbahan.
Moseguro nga ang buhat sa templo ug family history nasabotan diha sa mga miting sa konseho sa ward ug sa konseho sa kabatan-onan sa ward.
Morebyo ug moaprobar sa plano alang sa templo ug family history sa ward (tan-awa sa 25.2.6).
Modumala sa organisasyon sa mga kurso sa pagpangandam alang sa templo (tan-awa sa 25.2.8).
Moisyu og mga rekomend sa templo (tan-awa sa kapitulo 26).
Ang bishopric mokonsulta sa presidente sa stake sa pagtino kon motawag ba og lider sa ward alang sa templo ug family history (tan-awa sa 25.2.3 alang sa dugang nga impormasyon).
25.2.2
Mga Kapangulohan sa Korum sa mga Elder ug Relief Society
Ang mga kapangulohan sa korum sa mga elder ug Relief Society mangulo sa inadlaw-adlaw nga mga paningkamot alang sa templo ug family history diha sa ward (tan-awa sa 8.2.4 ug 9.2.4). Ang kapangulohan sa korum sa mga elder mangulo niini nga mga paningkamot alang sa mga sakop sa korum sa mga elder. Ang kapangulohan sa Relief Society mangulo sa mga paningkamot alang sa mga sakop sa Relief Society. Sila magtambayayong sa pagpangulo niini nga mga paningkamot uban sa konseho sa ward, ubos sa pagpakigsabot sa bishop.
Kini nga mga lider aduna sa mosunod nga mga responsibilidad:
Mohangyo sa consultant sa ward alang sa templo ug family history sa pagtabang sa mga miyembro sa ward kinsa bag-o lang nakadawat sa mga tawag sa misyon sa pagpangita ug pag-andam sa mga ngalan sa patay nga mga katigulangan alang sa mga ordinansa sa templo.
Moawhag sa mga indibidwal ug mga pamilya sa pagkat-on sa doktrina ug mga panalangin sa buhat sa templo ug family history.
Moseguro nga ang mga doktrina ug mga panalangin sa buhat sa templo ug family history gitudlo diha sa simbahan.
Motabang sa mga miyembro nga mangandam sa pagdawat og mga ordinansa sa templo ug sa paghimo og mga pakigsaad sa templo.
Moawhag sa mga miyembro nga mosimba sa templo kanunay kutob sa itugot sa ilang mga sirkumstansiya.
Moawhag sa mga miyembro nga magkat-on mahitungod sa ilang mga katigulangan ug magpahigayon og mga ordinansa sa templo alang kanila.
Motabang sa konseho sa ward nga mopalambo ug moimplementar sa plano sa ward alang sa templo ug family history (tan-awa sa 25.2.6).
Moseguro nga ang buhat sa templo ug family history naplano ug na-report diha sa mga miting sa konseho sa ward ug sa mga miting sa pakigsabot sa ward alang sa templo ug family history.
Mogiya sa trabaho sa lider sa ward alang sa templo ug family history. Kon kini nga lider wala matawag, ang usa ka sakop sa kapangulohan sa korum sa mga elder ang motuman niini nga tahas (tan-awa sa 25.2.3).
Ang matag presidente sa korum sa mga elder ug presidente sa Relief Society mosangon og sakop sa kapangulohan sa pagtabang sa pagpangulo sa buhat sa templo ug family history diha sa ward. Kining duha ka sakop sa kapangulohan magtambayayong. Sila motambong og mga miting sa pakigsabot sa ward alang sa templo ug family history (tan-awa sa 25.2.7).
Ang bishopric mokonsulta sa presidente sa stake sa pagtino kon motawag ba og lider sa ward alang sa templo ug family history. Kon sila mohukom sa paghatag niini nga calling, ang bishopric makigtinambagay sa mga presidente sa korum sa mga elder ug sa Relief Society sa pagtino kinsa ang tawagon. Kini nga tawo kinahanglan nga usa ka tighupot sa Melchizedek nga Pagkapari. Kon kini nga lider dili matawag, ang usa ka sakop sa kapangulohan sa korum sa mga elder mohimo niini nga tahas.
Ang lider sa ward alang sa templo ug family history mosuporta sa kapangulohan sa korum sa mga elder ug kapangulohan sa Relief Society sa ilang mga responsibilidad sa templo ug family history. Siya usab aduna sa mosunod nga mga responsibilidad:
Makigsabot sa mga paningkamot sa templo ug family history uban sa mga lider sa organisasyon sa ward, lakip sa mga kapangulohan sa korum sa kabatan-onan ug sa mga klase.
Mangulo sa mga miting sa pakigsabot sa ward alang sa templo ug family history (tan-awa sa 25.2.7).
Motambong og mga miting sa konseho sa ward kon dapiton.
Motabang sa konseho sa ward nga mopalambo ug moimplementar sa plano sa ward alang sa templo ug family history (tan-awa sa 25.2.6).
Motudlo sa mga consultant sa ward alang sa templo ug family history. Makigsabot sa ilang mga paningkamot sa pagtabang sa mga miyembro sa buhat sa templo ug family history.
Makigtambayayong sa lider sa misyon sa ward ug sa mga misyonaryo sa pagtabang niadtong nagkat-on sa ebanghelyo, sa bag-ong mga miyembro, ug sa mibalik nga mga miyembro nga moapil sa buhat sa templo ug family history.
Kon mahimo, mosangon og mga consultant sa ward alang sa templo ug family history sa pagserbisyo diha sa sentro sa family history (tan-awa sa 25.3.6).
25.2.4
Mga Consultant sa Ward alang sa Templo ug Family History
Ang mga consultant sa ward alang sa templo ug family history moserbisyo ubos sa direksyon sa lider sa ward alang sa templo ug family history o sa sakop sa kapangulohan sa korum sa mga elder kinsa mohimo niini nga tahas. Ang bishopric motawag niining mga miyembro sa pagserbisyo. Mga hamtong ug kabatan-onan mahimong tawagon. Ang mga presidente sa elders quorum, Relief Society, ug Young Women mahimong mosugyot kinsa ang makaserbisyo.
Ang mga consultant aduna sa mosunod nga mga responsibilidad:
Motabang sa mga miyembro nga makasinati sa mga panalangin sa pagdiskobre sa ilang mga katigulangan ug sa pagpahigayon sa mga ordinansa sa templo alang kanila. Kini nga mga kasinatian importante kaayo alang niadtong nagkat-on sa ebanghelyo, sa bag-o ug mibalik nga mga miyembro, ug kadtong nag-andam sa pagdawat sa usa ka rekomend sa templo alang sa puli nga mga bunyag ug mga kumpirmasyon.
Motabang sa mga miyembro nga mangandam sa pagdawat og mga ordinansa sa templo ug sa paghimo og mga pakigsaad sa templo.
Moapil sa mga miting sa pagpakigsabot alang sa templo ug family history (tan-awa sa 25.2.7).
Moserbisyo diha sa lokal nga sentro sa FamilySearch kon gisangonan (tan-awa sa 25.3.6).
25.2.5
Konseho sa Ward
Ang mga sakop sa konseho sa ward mainampoon nga mopalambo ug moimplementar sa plano sa ward alang sa templo ug family history. Alang sa impormasyon mahitungod sa plano, tan-awa sa 25.2.6.
Ang bishop mahimong modapit sa lider sa ward alang sa templo ug family history nga motambong sa mga miting sa konseho.
25.2.6
Plano sa Ward alang sa Templo ug Family History
Ang matag ward kinahanglang adunay yanong plano alang sa templo ug family history. Kini nga plano motabang sa mga miyembro sa ward, lakip sa kabataan ug kabatan-onan, nga moapil sa buhat sa family history ug makaandam sa pagsimba diha sa templo kanunay kutob sa itugot sa ilang sirkumstansiya.
Ang mga presidente sa korum sa mga elder ug Relief Society motabang sa konseho sa ward sa paghimo og plano. Ang lider sa ward alang sa templo ug family history motabang usab. Sa paghimo og plano, sila:
Mokonsiderar sa anaa nga mga panginahanglan ug mga kapanguhaan.
Moila og mga aksiyon nga himoon niana nga tuig.
Motino unsaon sa pag-implementar sa plano ug mohimo og mga buluhaton sumala niini.
Ang mga ehemplo kon unsa ang mahimong ilakip sa plano gilista sa ubos:
Mopaapil sa bag-o ug mibalik nga mga miyembro, kabatan-onan, ug kabataan sa buhat sa family history.
Motabang sa piho nga mga miyembro nga mangandam sa pagdawat og mga ordinansa sa templo.
Ang bishop morebyo ug moaprobar sa plano. Ang mga miyembro sa konseho sa ward maoy mangulo sa pag-implementar niini. Sila mo-report sa kalamboan diha sa mga miting sa konseho sa ward. Sila usab mo-update sa plano kon gikinahanglan.
25.2.7
Mga Miting sa Pagpakigsabot sa Ward alang sa Templo ug Family History
Mubo dili pormal nga mga miting sa pagsabot-sabot sa ward alang sa templo ug family history ang himoon kanunay. Kon ang lider sa ward alang sa templo ug family history gitawag, siya mopahigayon niini nga mga miting. Kon dili, ang mga sakop sa kapangulohan sa korum sa mga elder kinsa mohimo niini nga tahas mao ang mopahigayon.
Ang uban nga dapiton maglakip sa:
Gisangonan nga mga sakop sa mga kapangulohan sa Relief Society ug sa korum sa mga elder.
Usa ka kaabag sa korum sa mga priest.
Usa ka sakop sa kapangulohan sa labing edaran nga klase sa Young Women.
Mga consultant sa templo ug family history.
Ang tanan kinsa motambong, lakip sa kabatan-onan, magtinambagay isip managsama nga mga partisipante.
Ang katuyoan niini nga mga miting mao ang:
Pagsabot-sabot sa mga paningkamot sa pag-implementar sa plano sa ward alang sa templo ug family history (tan-awa sa 25.2.6).
Pagplano unsaon sa pagtabang sa piho nga mga miyembro sa ward sa ilang buhat sa templo ug family history sumala sa gihangyo.
Kini nga mga miting mahimong himoon nga personal nga magkita o dili personal nga magkita. Ang pagsabot-sabot mahimo usab nga mahitabo sa ubang mga paagi, lakip sa mga tawag sa telepono, mga text, ug mga email.
25.2.8
Kurso sa Pagpangandam alang sa Templo
Ubos sa direksyon sa bishop, ang kurso sa pagpangandam alang sa templo mahimong i-organisar aron sa pagtabang sa mga miyembro nga mangandam sa paghimo og mga pakigsaad samtang sila modawat sa mga ordinansa sa templo. Kini nga mga kurso himoon dili sa naandan nga mga miting sa Dominggo sa usa ka panahon nga hamugaway alang sa mga miyembro. Kini mahimong himoon sa meetinghouse o sa panimalay.
Ang mga sakop sa konseho sa ward mainampoong mopili og mga miyembro nga dapiton nga moapil sa matag kurso. Kini nga mga kurso mas makatabang ilabi na alang sa mosunod nga mga tawo:
Bag-ong mga miyembro
Mga miyembro nga nag-andam nga modawat sa ilang kaugalingong tuga o i-silyo
Mga miyembro nga mibalik sa kalihokan sa Simbahan
Natugahan nga mga miyembro kinsa wala makabag-o sa ilang mga rekomend sa templo sulod sa dugay-dugay nga panahon
Ang bishopric motawag og usa o daghan nga mga magtutudlo alang sa pagpangandam sa templo. Ang mga leksiyon ug mga instruksiyon alang sa pag-organisar sa kurso anaa diha sa Gitugahan gikan sa Kahitas-an: Manwal sa Magtutudlo sa Seminar sa Pagpangandam alang sa Templo. Ang mga partisipante hatagan og mga kopya sa Pagpangandam sa Pagsulod sa Balaan nga Templo. Alang sa personal nga pagtuon ug mga kapanguhaan sa leksiyon, tan-awa sa temples.ChurchofJesusChrist.org.
25.3
Pag-organisar sa Buhat sa Templo ug Family History diha sa Stake
Ang mga lider sa stake mosuporta sa mga lider sa ward ug sa mga miyembro sa ilang mga paningkamot sa templo ug family history.
25.3.1
Kapangulohan sa Stake
Ang presidente sa stake naghupot sa mga yawe alang sa buhat sa Dios sa kaluwasan ug kahimayaan diha sa stake. Siya ug ang iyang mga magtatambag aduna sa mosunod nga mga responsibilidad alang sa aspeto niana nga buhat sa templo ug family history:
Moseguro nga ang mga doktrina ug mga panalangin sa buhat sa templo ug family history gitudlo kanunay diha sa mga miting sa stake.
Motabang sa mga miyembro nga makaandam sa paghimo og sagrado nga mga pakigsaad samtang sila modawat og mga ordinansa sa templo.
Moawhag sa mga miyembro nga magkat-on mahitungod sa ilang mga katigulangan ug magpahigayon og mga ordinansa sa templo alang kanila.
Moawhag sa mga miyembro nga mosimba sa templo kanunay kutob sa itugot sa ilang mga sirkumstansiya.
Mopahigayon og mga interbiyo alang sa rekomend sa templo (tan-awa sa kapitulo 26).
Niini nga regular nga miting uban sa matag presidente sa korum sa mga elder, ang usa ka sakop sa kapangulohan sa stake mohisgot sa buhat sa templo ug family history diha sa ward (tan-awa sa 8.3.1). Ang mga magtatambag sa kapangulohan sa korum sa mga elder ug ang high councilor nga gisangonan ngadto sa korum mahimong motambong.
25.3.2
Komitiba sa Pagpangulo sa Hamtong diha sa Stake
Ang komitiba sa pagpangulo sa hamtong sa stake naglakip sa:
Kapangulohan sa stake.
Kapangulohan sa Relief Society sa stake.
Mga high councilor nga gisangonan nga makigtambayayong sa korum sa mga elder.
Kini nga mga lider motudlo ug mosuporta sa mga kapangulohan sa korum sa mga elder ug sa Relief Society sa ilang mga responsibilidad alang sa buhat sa templo ug family history (tan-awa sa 25.2.2). Ang instruksiyon mahimong mahitabo diha sa grupo o sa indibidwal nga paagi. Ang mga lider sa ward alang sa templo ug family history mahimong dapiton aron modawat niini nga instruksiyon.
Alang sa dugang mahitungod niini nga mga miting sa komitiba, tan-awa sa 29.3.9.
25.3.3
Mga High Councilor
Ang kapangulohan sa stake mahimong mosangon og mga high councilor sa pagtudlo ug pagsuporta sa mosunod nga mga tawo sa ilang mga responsibilidad alang sa buhat sa templo ug family history:
Mga kapangulohan sa korum sa mga elder
Mga lider sa ward alang sa templo ug family history
Mga consultant sa stake alang sa templo ug family history
Usa o daghang high councilor mahimong sangonan sa pagpangulo niini nga mga paningkamot. Hinoon, ang tanang high councilor aduna niini nga mga responsibilidad alang sa mga ward ug mga korum diin sila gisangonan.
Ang mga high councilor mahimong motabang sa mga lider sa ward alang sa templo ug family history sa pagtudlo sa mga consultant sa ward alang sa templo ug family history. Ang mga high councilor mahimong abagan sa mga consultant sa stake alang sa templo ug family history.
Ang kapangulohan sa stake mahimong mosangon og high councilor sa pagpakigsabot sa mga paningkamot sa pag-index diha sa stake (tan-awa sa 25.4.3). Siya ug ang laing high councilor mahimong sangonan sa pagdumala sa buhat diha sa mga sentro sa FamilySearch (tan-awa sa 25.3.6).
25.3.4
Kapangulohan sa Relief Society sa Stake
Ubos sa direksyon sa presidente sa stake, ang kapangulohan sa Relief Society sa stake motudlo ug mosuporta sa mga kapangulohan sa Relief Society sa ward sa ilang mga responsibilidad alang sa buhat sa templo ug family history.
Mga Consultant sa Stake alang sa Templo ug Family History
Ang mga consultant sa templo ug family history sa stake mosuporta sa buhat sa templo ug family history sa tibuok stake. Sila moserbisyo ubos sa direksyon sa kapangulohan sa stake ug usa o daghang high councilor nga gisangonan ngadto sa buhat sa templo ug family history.
Kini nga mga consultant mosuporta sa mga high councilor ug sa kapangulohan sa Relief Society sa stake sa ilang mga paningkamot sa pagtudlo sa uban sa buhat sa templo ug family history (tan-awa sa 25.3.3 ug 25.3.4). Sila usab mahimong hatagan sa mosunod nga mga buluhaton:
Motabang sa pagtudlo ug pagsuporta sa mga miyembro sa templo ug family history nga mga calling sa ward.
Motabang sa pagpakigsabot sa mga paningkamot sa pag-index (25.4.3).
Moserbisyo diha sa mga sentro sa FamilySearch (tan-awa sa 25.3.6).
Kon adunay mga kapanguhaan, ang stake mahimong moorganisar og usa o daghang sentro sa FamilySearch. Kini nga mga sentro mao ang motabang sa mga bisita sa pagdiskobre, pagkolekta og impormasyon mahitungod sa, ug paghiusa sa buhi ug namatay na nga mga sakop sa pamilya. Si bisan kinsa mahimong mogamit niini nga mga sentro.
Ang presidente sa stake mosangon og usa ka consultant alang sa templo ug family history sa pagdumala sa mga paningkamot diha sa matag sentro sa FamilySearch. Ang matag sentro sa kasagaran atimanon sa mga consultant alang sa templo ug family history sa gisangonan nga stake ug ward. Ang mga sentro sa FamilySearch kinahanglang bukas sa kombenyente nga mga panahon.
Isip eksepsiyon, ang dagko nga mga sentro sa FamilySearch dumalahon sa Kapangulohan sa Area.
25.3.7
Mga Tigtambag sa Area Temple ug Family History
Ang mga Kapangulohan sa Area mahimong motawag og mga tigtambag sa area temple ug family history. Kon itugot sa mga sirkumstansiya, usa ka tawo o usa ka magtiayon mahimong tawagon alang sa matag konseho sa pakigsabot. Ang mga tigtambag sa kasagaran moserbisyo sulod sa tulo hangtod sa lima ka tuig.
Ang Kapangulohan sa Area mahimong mosangon sa mga Kapitoan [Seventies] sa Area sa pakigsabot sa buhat niining mga tigtambag diha sa mga konseho sa pakigsabot. Ang buhat sa mga tigtambag kinahanglang mopahiuyon sa gitutokan sa area.
Sumala sa gisugo sa Kapangulohan sa Area ug Kapitoan sa Area, ang mga tigtambag motabang sa mga presidente sa stake sa pagtuman sa ilang mga responsibilidad alang sa buhat sa templo ug family history. Ang mga tigtambag moabag sa mga presidente sa stake sa ilang mga paningkamot sa pagtudlo sa mga high councilor, mga kapangulohan sa Relief Society sa stake, mga komitiba sa pagpangulo sa mga hamtong sa stake, ug mga consultant sa family history mahitungod sa ilang mga responsibilidad.
Ang mga tigtambag mahimong sangonan sa pagtabang sa mga kapangulohan sa stake sa pag-andam sa mga miyembro alang sa pagsimba diha sa bag-ong gipahibalo nga mga templo sulod sa area. Ang uban nga mga responsibilidad tingali maglakip sa pagtudlo sa mga lider sa stake diha sa mga baroganan ug mga buhat sa templo ug sa buhat sa family history. Kini naglakip sa:
Unsaon sa pag-organisar sa buhat sa templo ug family history diha sa stake ug mga ward (tan-awa sa 25.3 ug 25.2).
Unsaon sa pagsuporta sa mga kapangulohan sa elders quorum ug Relief Society sa ilang mga responsibilidad (tan-awa 25.2.2).
Sa unsang paagi ang buhat sa templo ug family history makapanalangin sa mga kabataan ug kabatan-onan (tan-awa sa 10.2.4, 11.2.4, ug 12.2.4).
Unsaon sa pagpahigayon og epektibong mga miting sa templo ug family history (tan-awa sa 25.2.7).
Unsaon sa pagtabang ang mga leader sa ward sa pagplano ug pagtakda og mga tumong (tan-awa sa 25.2.6).
Unsaon sa pagtabang ang mga miyembro sa pag-andam sa pag-adto sa templo (tan-awa sa 25.2.8).
Unsaon sa pagtabang sa mga miyembro sa ilang unang kasinatian sa puli nga mga bunyag diha sa templo (tan-awa sa 23.2).
Ang Akong Pamilya: Mga Istorya Nga Naghiusa Namo nagtabang sa mga tawo nga makadiskobre sa mga kabanay ug mga katigulangan ug pagkolekta sa ilang mga istorya. Kini nga gamay nga basahon makatabang usab sa mga miyembro nga magsugod sa pag-andam og mga ngalan sa pamilya sa mga ordinansa sa templo.
Ang pag-index mao ang proseso sa pagsulod sa impormasyon gikan sa usa ka sinulat nga rekord sa kasaysayan ngadto sa masiksik nga database diha sa FamilySearch.org. Kadtong kinsa mo-index naghimo niini nga posible sa uban nga makadiskobre sa ilang mga katigulangan sa mas sayon nga paagi ug mopahigayon og mga ordinansa sa templo alang kanila.
Si bisan kinsa makaapil sa pag-index. Kini mahimong maanindot kaayo nga kasinatian alang sa mosunod:
Kabatan-onan
Mga young adult
Mga miyembro nga dili makatambong kanunay sa mga miting sa Simbahan
Bag-ong mga miyembro
Kinatibuk-ang publiko
Ang kapangulohan sa stake mahimong mosangon og usa ka consultant sa stake alang sa templo ug family history o usa ka high councilor sa pagpakigsabot niini nga buhat.
Alang sa dugang nga impormasyon, tan-awa sa “Indexing Overview” diha sa FamilySearch.org.
25.5
Pagrekomendar ug Pagtawag og mga Worker sa Templo
25.5.1
Pagrekomendar og mga Worker sa Templo
Ang potensiyal nga mga worker sa templo mailhan sa mosunod nga mga paagi:
Mga miyembro nga giila sa bishop o sa laing lider sa ward
Mga miyembro kinsa moduol sa bishop mahitungod sa pagserbisyo
Mga miyembro nga girekomendar sa presidente sa templo, sa matron, o sa laing lider sa templo
Mga miyembro kinsa nangandam o bag-ong miuli gikan sa misyonaryo nga pagserbisyo (tan-awa sa kapitulo 24)
Ang mga ngalan sa potensiyal nga mga worker sa templo isumiter gamit ang Recommend Temple Worker tool. Kini nga himan anaa sa mga bishop, mga presidente sa stake, ug mga kapangulohan sa templo. Ang proseso sa pagsumiter og mga ngalan gilatid sa ubos.
Kon ang mga sakop sa kapangulohan sa templo moila og potensiyal nga worker sa templo, sila mosumiter sa ngalan sa tawo ngadto sa bishop gamit ang himan nga Recommend Temple Worker.
Kon ang usa ka bishop moila og usa ka potensiyal nga worker sa templo o makadawat og rekomendasyon gikan sa presidente sa templo, siya makigsulti sa miyembro mahitungod sa oportunidad sa pagserbisyo. Siya morebyo sa mga gikinahanglan alang sa mga worker sa ordinansa sa templo (tan-awa sa 25.5.2) o sa mga boluntaryo sa templo (tan-awa sa 25.5.3). Kon ang bishop ug ang miyembro mobati nga tukma ang oportunidad, ang bishop mokompleto ug mosumiter sa rekomendasyon gamit ang himan nga Recommend Temple Worker. Ang miyembro kinahanglang makasabot nga ang nasumiter nga rekomendasyon wala magseguro nga siya pagatawagon o sangonan isip usa ka worker sa templo.
Ang rekomendasyon sunod nga rebyohon sa presidente sa stake alang sa mga miyembro nga nagpuyo sa usa ka stake. Alang sa mga miyembro nga nagpuyo diha sa usa ka district, ang presidente sa misyon morebyo niini. Kon ang presidente sa stake o sa misyon motugot sa rekomendasyon, siya mosumiter niini ngadto sa presidente sa templo alang sa pagrebyo gamit ang himan nga Recommend Temple Worker.
Ang mga miyembro kinsa gitawag o gisangonan isip mga worker sa templo sa kasagaran mopasalig og regular nga oras sa pagserbisyo diha sa templo matag semana. Ang mga lider kinahanglang maglikay sa pag-isyu og dugang nga mga calling nga makabalda sa abilidad sa mga miyembro sa pagserbisyo diha sa templo.
Ang himan nga Recommend Temple Worker nagpakita usab sa mga bishop ug mga presidente sa stake sa lista sa tanang miyembro gikan sa ilang mga ward o mga stake kinsa kasamtangang nagserbisyo sa templo.
25.5.2
Mga Kinahanglanon alang sa mga Worker sa Ordinansa diha sa Templo
Ang mga worker sa ordinansa sa templo motabang sa pagpahigayon og mga ordinansa sa templo. Aron marekomendar isip usa ka worker sa ordinansa, ang usa ka miyembro kinahanglang makatuman sa mosunod nga mga kwalipikasyon:
Nagpuyo sa distrito sa templo diin siya moserbisyo.
Natugahan, nagtuman sa mga pakigsaad sa templo, ug adunay balido nga rekomend sa templo.
Adunay lig-on nga pagpamatuod sa gipahiuli nga ebanghelyo ni Jesukristo.
Pisikal nga makahimo sa pagpangalagad sa mga ordinansa nga walay tabang.
Takos sa pagtahod diha sa Simbahan ug sa komunidad.
Maayong makig-uban sa ubang mga tawo.
Kasaligan ug anaa sa maayong panglawas.
Sa kasamtangan walay nakabutang nga annotation sa iyang rekord sa pagkamiyembro.
Agi og dugang, ang bishop mosiguro sa mosunod:
Kon ang pagkamiyembro sa tawo pormal nga gibutangan og resktriksyon, siya mahimong irekomendar isip usa ka ordinance worker dili sayo sa lima ka tuig human tangtanga ang mga restriksyon. (Tan-awa sa 32.11.3 ug 32.16.1.)
Kon ang pagkamiyembro sa usa ka wala matugahi nga tawo gibakwi, o kon ang tawo miluwat sa pagkamiyembro, siya mahimong irekomendar isip usa ka ordinance worker dili sayo sa lima ka tuig human dawata pag-usab ngadto sa Simbahan. (Tan-awa sa 32.11.4, 32.14.9, 32.16.1, ug 32.16.2.)
Kon ang pagkamiyembro sa usa ka natugahan nga tawo gibakwi, o kon ang tawo miluwat sa pagkamiyembro, siya mahimong irekomendar isip usa ka ordinance worker dili sayo sa lima ka tuig human sa pagdawat sa pagpahiuli sa mga panalangin. (Tan-awa sa 32.11.4, 32.14.9, ug 32.17.2.)
Kon ang lima ka tuig wala pa molabay sukad sa hitabo nga gihisgotan sa ibabaw, ang miyembro sa kinatibuk-an mahimong irekomendar isip usa ka boluntaryo sa templo kon anaa kaniya ang mga kwalipikasyon alang niana nga buluhaton.
25.5.3
Mga Kinahanglanon alang sa mga Boluntaryo sa Templo
Ang mga boluntaryo sa templo motabang sa pang-administratiba nga mga buluhaton diha sa templo, sama sa pagserbisyo sa opisina o sa labhanan. Aron marekomendar isip usa ka boluntaryo sa templo, ang usa ka miyembro kinahanglang makatuman sa mosunod nga mga kwalipikasyon:
Nagpuyo sa distrito sa templo diin siya moserbisyo.
Natugahan, nagtuman sa mga pakigsaad sa templo, ug adunay balido nga rekomend sa templo.
Maayong makig-uban sa ubang mga tawo.
Kasaligan ug anaa sa maayong panglawas.
Sa kasamtangan walay nakabutang nga annotation sa iyang rekord sa pagkamiyembro.
Isip usa ka eksepsiyon niini nga mga kwalipikasyon, ang mga miyembro kinsa moboluntaryo sa pagtrabaho sa gawas sa templo dili kinahanglan nga natugahan. Usa ka ehemplo mao ang usa ka miyembro kinsa nagtrabaho diha sa mga nataran sa templo.
25.5.4
Pagtawag ug Pag-set Apart og mga Worker sa Ordinansa
Human makadawat ang presidente sa templo og rekomendasyon alang sa usa ka tawo nga moserbisyo isip usa ka worker sa ordinansa, ang usa ka sakop sa kapangulohan sa templo o ang usa ka tawo nga iyang gisangonan mointerbiyo sa tawo. Kon nadasig, ang tawo nga nagpahigayon sa interbiyo motawag niadtong kinsa makahimo sa pagserbisyo isip mga worker sa ordinansa ug mo-set apart kanila.
25.5.5
Pagsangon og mga Boluntaryo
Ang mga boluntaryo sa templo mahimong interbiyohon ug sangonan sa usa ka sakop sa kapangulohan sa templo o sa usa ka tawo nga iyang gitudlo. Ang mga boluntaryo sangonan imbis tawagon. Sila dili kinahanglan nga i-set apart.