mwaane a tabeka te atibu

21.

Mwakuri n Ibuobuoki

21.0

Kabwarabwaraana

Te mwakuri n ibuobuoki bon te beku ibukiia tabeman n aron are e karaoia te Tia Kamaiu (taraa Mataio 20:26–28). E tangiriia, reireiniia, tataro ibukiia, karaui nanoia, ao e kakabwaia naake Irarikina (taraa Makuri 10:38). Ngkai ngaira ana reirei Iesu Kristo, ti ukoukoria buokakiia natin te Atua.

Nanon te Uea ibukiia membwa ni kabane n Ana Ekaretia bwa a na karekea te aeka n tararua anne. Ao ibukin aei, naake iai irouia te nakoanibonga a katabeaki bwa taari n ibuobuoki nakoia kaain te mwengaia n tatabemaniia. A katabeaki aine n ibuobuoki nakon temanna te aine ae e ikawai. Mwioko aikai ataraia bwa membwa n te Ekaretia a uringaki ao n tabeakinaki (taraa Moronaai 6:4).

Te mwakuri n ibuobuoki bon te kawai ae kakaawaki are ti kawakini iai tuua n tangira te Atua ao n tangiriia kaain rarikira (taraa Mataio 22:36–40). Bon te kawai naba ae kakawaki are e na buoka katiaan Ana mwakuri te Atua ibukin te kamaiuaki ao te karietataaki.

Beretitentii n te kooram n unimwaane ao te Botaki n Aine a buokiia taari ao aine n ibuobuoki n reiakina aron te mwakuri n ibuobuoki nakoia tabeman. Anga naba te kairi mai ieta, kaetieti, ao te boutoka. A kona ni karaoa aei inanon te intawiu (taraa 21.3), n te botakin n taromauri n te Tabati, ao ni bon aia tai ni marooro. A ukoukori kairi man booki aika tabu, te mwakoro aei, ao ministering.ChurchofJesusChrist.org.

21.1

Tabeia Aine ao Taari n Ibuobuoki

Aine ao Taari n ibuobuoki a tei ibukin te Uea. A buokia naba membwa n namakina te tangira ao ana boutoka te bitiobi ao te Bootaki n Aine ke taan kairiiri n te kooram. A na “tararuaia” membwa n te Ekaretia ao “n raonia ao ni kakorakoraia” (Reirei ao Berita aika Tabu 20:53).

Iai tabeia aine ao taari n ibuobuoki ibukiia aomata n tatabemania ao utu n aron aikai:

• Buokiia ni kakorakorai aia onimaki iroun Tamara are i Karawa ao Iesu Kristo.

• Buokiia ni katauraoia ni karaoi ao ni kawakin berita aika tabu ma te Atua ngkana a karekei otenanti. Ngkana e kainnanoaki, buokiia kaaro ni katauraoia natiia ni karekei otenanti ao ni kawakin berita aika tabu.

• Atai kainnanoia ao ni karekea ana tangira, ana tabeaianga, ao ana mwakuri n ibuobuoki Kristo. Anga te ibuobuoki ao te raunnano n taai ni kainnano n te tamnei ao n te rabwata. Maroroakin kainnano n tain te intawiu n ibuobuoki ao n taai riki tabeua.

• Buokiia bwa a na riki n toronibwai n tamneia ao n rabwataia.

Ibukin rongorongon riki tabeia titita ao taari n ibuobuoki, taraa Iakobo 1:27, Motiaea 23:18ao Reirei ao Berita aika Tabu 20:47, 59.

Titita ao Taari n ibuobuoki a ukoukora ana kairi te Tamnei man aia tataro mwaaka. A marooro naba ma nake a beku ibukiia bwa a na ataia bwa a na kanga ni buoki kainnanoia.

Titita ao taari n te mwakuri n ibuobuoki a na bita aia mwakuri nakon kainnanoia ao aia kangaanga naake a beku ibukiia. Kakawari bon iroura a kaungaaki, n iangoi koaua n aron te kamanoaki, te raroa, ao katei aika riai. Titita ao taari n ibuobuoki a kona naba ni karoko irouia ni kawai tabeua. Aikai n aron tareboon, wewete n te witeo, tekiti, imeeri, reeta, taan ni kareke rongorongo, reitaki n te ekaretia, ao mwakuri n ibuobuoki.

E na iai kainnano ae aki kona taari ao titita n te Mwakuri n Ibuobuoki ni buoki bon irouia. Kangaanga n aron aikanne, a na marooro ma te membwa n te Bootaki n Aine ke te beretitentii te kooram n unimwaane.

21.2

Barongakin te Mwakuri n Ibuobuoki

Te Tia Kamaiu e anganiia Ana reirei tabeia aika uaana (taraa Ruka 10:1–17; taraa naba 4.2.6 n te aeniboki aei). Irakin te baeten aei, ti karekei tabera bwa ti na ibuobuoki nakoia aomata n tatabemaniia nako ao utu aika onoti. Kawain te mwakuri n ibuobuoki ae barongaki raoi e buokia n anganiia aomata aia tai n namakina ana tangira te Tia Kamaiu.

21.2.1

Babairean Mwioko

Te kooram n unimwaane ao te beretitentii n te Bootaki n Aine a tataroakin mwakuri ibukiia taari ao aine n ibuobuoki. A na tarai korakoraia ao kainnanoia membwa. A tarai naba kainnanoia ataei inanon te utu. E bwainaki ae a mwiokoia uoman taari ke uoman aine bwa a na ikatoatoa. A na karekea ana kariaia te bitiobi ibukin te ikatoatoa n te mwakuri n ibuobuoki ao tabeia.

Inanon karaon te babaire, a riai taan kairiiri n tarai bwaai aikai:

• Taari ao aine n ibuobuoki aika a korakora nanoia a riai ni katabeaki ibukiia membwa aika moan te korakora kainnanoia. Naakai bon membwa aika boou, te karo ae akea buuna, te aine ae akea buna, ao koraki ake aki bati ni kakaonimaki.

• A kona kairake ni katoaia ikawai ni kaineti ma te kainibaire inanon 21.2.2.

• A kona taanga ae a tia ni mare ni mwiokoaki bwa a na uaia n ibuobuoki nakon te aomata ke te utu anne.

• Beretitentii n te titeiki ao bitiobiriki a tabe ibukiia membwa ni kabane n te titeiki ke te uoote. Ibukin aei, a na aki katabeaki bwa taari n ibuobuoki. Te beretitenti n te titeiki e na baireia ngkana a na kona ni mwiokoaki kauntira aika rietaata ao tamanuea aika mwakuri ngkai.

Imwiin are e a tia n anga te kariaia te bitiobi, te membwa n te beretitentii n te kooram n unimwaane e na anga mwakuri nakoia taari n ibuobuoki, n raonaki ma ataeinimwaane. Te membwa n te beretitentii n te Bootaki n Aine e na anga mwakuri n ibuobuoki nakoia titita n ibuobuoki, n raonaki ma ataeinnaine.

Taan kairiiri aikai a na reirei ma taari ke titita n ibuobuoki iaon taekan korakoraia, kainnanoia, ao kakaewenako irouia nake a na mwakuri n Ibuobuoki nakoia. Taan kariiri a na kaungaia taari ke titita n ibuobuoki bwa a na ataa kainnanoia nake a mwiokoaki irouia, ngkanne ukora te kairi maieta bwa ko na kanga n ibuobuoki.

Titita ao taari aika a ibuobuoki aki weteaki, kamatoaki, ke ni katabuaki. Aia mwakuri n ibuobuoki bon mwakoron te berita ae a karaoia n tain te bwabetito (taraa Motiaea 18:8–11).

21.2.2

Tabeia Kairake n te Mwakuri n Ibuobuoki

Riki imwain ae a karekea tabeia n ibuobuoki, a na ibuobuoki kairake nakoia tabeman man buokakiia n ana kawai Kristo. Aia ibuobuoki kairake bwa titita ao taari n ibuobuoki a kona n riki bwa mwakoron buokan kakoroan nanon Ana mwakuri te Atua ibukin te kamaiuaki ao te karietataaki ae kakawaki.

E kona te ataeinnaine ni beku bwa te tia katoataoa n te mwakuri n ibuobuoki nakon te titita n te Bootaki n Aine ngkana iai nanon ao a na kona te ataeinnaine anne. E kona ni moana ana mwakuri n te ririki are e koro iai 14. Te beretitentii n te Bootaki n Aine e na reirei ma te ataeinnaine, ana karo, ao aia beretitentii Ataeinnaine ngkana a iangoi ibuobuoki n te mwakuri n ibuobuoki.

Bon te kakabwaia n tainako nakon te titita ni karekea te ataeinnaine ni karaoa te mwakuri n ibuobuoki nakon neienne. E kona naba n riki bwa te kakabwaia nakon te ataeinnaine.

Te ataeinimwaane e beku bwa te tia katoataoa n te mwakuri n ibuobuoki nakon are iai irouna te nakoanibonga ae te merekitereka ngke e katabuaki nakon te nakoa n tia reirei ke n ibonga. Te bitiobi e na baireia bwa e tau te ataeinimwaane ao n tauraoi ni katabuaki. (Taraa 10.1.3.2.) Te beretitentii n te kooram n unimwaane e na reirei ma te ataeinimwaane, ana karo, ao te bitiobiriki ngkai a iangoi mwakuri n ibuobuoki.

N tabeua kangaanga, e na kona te kairake n riki bwa te tia katoataoa te kateniman n te mwakuri n ibuobuoki. A kona taan kairiiri n anganiia kairake ni buokia n ibuobuoki nakoia tabeman ke ni kabane n tatabemaniia ao utu aika a mwiokoaki bwa a na katoatoa.

Kairake akea taariia ke wamwaneia ae anganaki n te mwakuri n ibuobuoki. A karekei tararua n te mwakuri n ibuobuoki mairouia tariia n aia utu n ibuobuoki. Aia beretitentii n te kiraati ke n te kooram ao aia taan kairiiri irouia ikawai a ibuobuoki naba nakoia. Ngkana tiaki kaain te Ekaretia aia kaaro ma a kukurei ni karekei ibuobuoki, te beretitentii n te kooram n unimwaane e kona n rineia taari n ibuobuoki nakon te utu. N aron naba anne, te beretitentii n te Bootaki n Aine e kona ni karekeia titita n ibuobuoki nakon te tina.

Ana kainibaire te Ekaretia are uoman ikawai ake a na roko ma kairake akea rekerekena ma te ikatoatoa n ibuobuoki. E ngae n anne, taan kairiiri a kabonganai wanawanaia ao a ukora te kairi mai ieta ngkana a anganaki kairake bwa toaia ikawai. A ukoukora naba te kairi mairoun te bitiobi. Ngkana e anganaki te kairake toana ae tiaki ana karo teuanne ke neienne, a na kakoaua bwa akea aia totoko kaaro nakon te mwakuri anne.

Taan katoatoa aika a ikawai a riai n totokoi aro ake a kona n aki rang ni mataata. A kabongana te tararua ngkana te ikawai ao te kairake a tiku n tingaia n akea raoia. A buokiia kairake bwa a na iai aia taneiai ae mano ao n iai kaniwangana ma te ibuobuoki.

kairake a ununiki

21.2.3

Mitinare ake a Bwanin aia Tai

Ngkana e kariaia te beretitenti n te mition, a kona mitinare ake a bwanin aia tai ni buoka te mwakuri n ibuobuoki. Taan kairiiri n te uoote a na karekea ana kariaia rinanon te beretitenti n te titeiki. Mitinare aika bwanin aia tai a na buokiia membwa aika boou, utu aika tiaki ni kabane membwa, ao kaain te aro aika aki roroko.

21.3

Intawiu n te Mwakuri n Ibuobuoki

Iai ana intawiu te Tia Kamaiu ma Betero ae tamaroa iaon kamwarakeaia Ana tiibu (taraa Ioane 21:15–17). Intawiu n te mwakuri n ibuobuok e kona n ae ti te arona. A kariaia naba taan kairiiri bwa a na katea te katooto n te mwakuri n ibuobuoki.

Te beretitenti n te kooram n unimwaane ao a na kauntira a na intawiuniia taari n ibuobuoki. Te beretitenti n te Bootaki n Aine ao ana kauntira ana intawiuniia titita n ibuobuoki. Te taanga aika a tia ni mareaki aika a katabeaki bwa a na uaia n ibuobuoki a kona ni boowi ma unimwaanen te kooram ke taan kairiiri n te Bootaki n Aine ke ni kauoua.

A karaoaki intawiu aikai teuana te tai ni katoa kuata. A kona ni karaoaki n te tai ae angaraoi iai n te kuata. N arona, intawiu a karaoaki iroun temanna ma temanna ao ma taan katoatoa ake uoman. Kairake ake iai tabeia n te ibuobuoki a riai ni kairaki ngkana e kona.

Intawiu n te mwakuri n ibuobuoki aki riai n abwabwaki n te aro bwa a na nakoraoi. Aia kantaninga a na:

• Marooro iaon taekan te korakora, taian kainano, ao kakaewenako irouiia n tatabemaniia ao utu.

• Maroroakin kawai ni buokiia aomata ni karekei aia otenanti ngkana e kainnanoaki.

• Iangoia bwa a na kanga kaain te kooram ni unimwaane, Bootaki n Aine, kauntira n te uoote, ao tabeman n ibuobuoki.

• Reireiniia ao kaungaiia taari ao titita n ibuobuoki.

Imarenan intawiu, a reitaki taari ao titita n ibuobuoki ma taan kairiiri ngkana e kainnanoaki. A kona n tibwauai rongorongo aika kainaki ni kaeineti nakon te bitiobi.

Taan kairiiri a kabongana Leader and Clerk Resources n ribotin mwiin intawiu n te mwakuri n ibuobuoki.

21.4

Barongakin Mwakuri n Ibuobuoki

Te Bootaki n Aine ao te kooram n Unimwaane a na tibwaua te mwakuri n ibuobuoki. A karaoaki te mwakuri aei n te reitaki.

Te beretitentii n te Bootaki n Aine ao te kooram n unimwaane a na bootaki ni katoa kuata. A rinanon te bwai ae a tia n reiakinna man intawiu n te mwakuri n ibuobuoki (taraa 21.3). A barongai naba katabeaki n te mwakuri n ibuobuoki. Beretitentii ake uoman a tibwaua aron bairean ao kairan taian boowi.

Inanon iunite ma tabeman kaaina aika a kakaonimaki, te beretitentii n te Bootaki n Aine ao te kooram n unimwaane a kona n aki anganiia titita n ibuobuoki ao taari n ibuobuoki nakoia tabeman membwa. A na botaki taan kairiiri ni karaoa te babaire aei ao ni karekea a na kariaia te bitiobi. Ngkana te titita e anganaki te titita n ibuobuoki ma tiaki te tari n ibuobuoki, a na kakoaua taan kairiiri ae iai temanna ae kona neienne n tuatua ibukin ana kakabwaia te nakoanibonga.

Beretitenti n te Bootaki n Aine ao beretitenti n te kooram n unimwaane a na bootaki ni katoa kuata ma te bitiobi. A maroroakin kainnanoia kaain te uoote. Ana iangoi naba taekan bitaki aika kona ni karaoaki n te mwakuri n ibuobupki.

Ngkana e kainnanoaki, beretitenti n te Bootaki n Aine ao te kooram n unimwaane a na maroroakin ma te kauntira n te uoote rongorongo ake a tibwauaki irouia titita ao taari n ibuobuoki. Ngkai a karaoia, a karinei aia bubuti membwa ibukin tabun taekinaia. N aron kairakina iroun te bitiobi, te kauntira n te uoote e na karaoi babaire ni buokiia ao ni kakabwaiaia membwa n te uoote. Te kauntira irouia kairake n te uoote a na maroroakin naba mwakuri n ibuobuoki (taraa 29.2.6).