“15. Ol Seminari mo Ol Institiut blong Relijin,” Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent (2020).
“15. Ol Seminari mo Ol Institiut blong Relijin,” Jeneral Hanbuk.
Pikja
wan yang woman we i stap leftemap han blong hem insaed long klas
15.
Ol Seminari mo Ol Institiut blong Relijin
15.0
Fas Toktok
Ol Seminari mo Ol Institiut blong Relijin (S&I) oli helpem ol papa mo mama mo ol lida blong Jos blong stap helpem ol yut mo ol yang adalt blong kam antap long fet blong olgeta long Jisas Kraes mo long gospel blong Hem we i kambak. Hemia, oli mekem taem oli sapotem wan stadi blong skripja long hom, mo ol toktok blong ol profet we oli stap laef mo ol nara lida blong Jos.
Ol program blong Seminari mo Institiut, Bod blong Edukesen nao i stanemap ol polisi we i rulum olgeta; Bod ia, Presiden blong Jos nao i daerektem olgeta. Stek presiden i mekem ol program ia oli hapen insaed long stek mo ol wod. Ol lida blong stek mo wod oli luklukbak long hamas ol yut oli tekpat long ol program blong Seminari mo Institiut.
Oli givim wok long wan ripresentativ blong S&I insaed long wanwan stek blong helpem ol lida blong mekem ol program blong S&I oli gohed gud.
15.1
Seminari
Seminari i wan program blong fo yia, we insaed long hem, ol yut oli stap stadi long gospel blong Jisas Kraes olsem we i stap insaed long ol skripja mo insaed long ol tijing blong ol lata-dei profet. Plante taem, ol seminari studen oli gat 14–18 yia.
Bisoprik, ol lida blong yut, mo ol presidensi blong kworom mo klas oli leftemap tingting blong evri yut blong tekpat fulwan long seminari. Bisoprik i leftemap tingting blong ol papa mo mama blong rejistarem ol pikinini blong olgeta evri yia bifo seminari klas i stat. Blong gat moa infomesen, luk long Seminari Rejistresen long ChurchofJesusChrist.org.
15.1.1
Ol Tija
Ol tija blong seminari, oli mas ol memba blong Jos we oli gat fet long Lod Jisas Kraes, mo oli gat wan testemoni abaot gospel blong Hem we i kambak. Oli mas laef folem ol prinsipol we oli stap tijim mo oli wok gud wetem ol yut. Taem i posibol, ol tija oli sapos blong gat wan tempol rekomen we i laef i stap.
Wan memba blong stek presidensi i toktok wetem bisop, stek supavaesa, mo ripresentativ blong S&I ripresentativ blong save huia i save kam wan seminari tija. Wan memba blong stek presidensi, o wan hae kaonsela we i kasem wok ia, i singaotem, i setem apat, mo i rilisim ol tija blong seminari mo ol stek supavaesa. Afta we oli singaotem wan mo setem hem apat, S&I ripresentativ i trenem mo i sapotem hem.
Blong protektem ol tija mo ol studen, tu adalt oli mas stap insaed long bilding o insaed long hom we seminari klas i stap hapen long hem. Oli save singaotem wan moa tija, o wan nara responsibol adalt i save kasem wok ia blong hem i mas stap. Seken adalt ia, hem i save waef o hasban blong tija, o hem i save papa o mama blong wan memba blong klas. Hem i mas sem seks olsem tija, be nomo sapos man o woman ia, i wan adalt memba blong famli blong tija ia. Wan tija i neva mas stap hemwan insaed long wan klasrum, bilding, o trak wetem wan studen, be nomo sapos studen ia, i pikinini blong tija.
Seminari i save help bigwan taem we ol studen oli save mit wetem wan tija evri dei blong wik. Be, maet bae hemia i no posibol from ol poen blong sefti, travel, ples we i longwe, mo ol nara samting moa. Ol lokol lida oli gat olgeta joes ia blong save holem seminari.
Ol Kaen Seminari
Namba blong Ol Lesen long Klas blong Wik
Namba blong Ol Lesen long Hom Stadi blong Wik o Ol Onlaen Lesen
Ol Kaen Seminari
A
Namba blong Ol Lesen long Klas blong Wik
5 (50 minit)
Namba blong Ol Lesen long Hom Stadi blong Wik o Ol Onlaen Lesen
Nogat
Ol Kaen Seminari
B
Namba blong Ol Lesen long Klas blong Wik
4 (60 minit)
Namba blong Ol Lesen long Hom Stadi blong Wik o Ol Onlaen Lesen
Nogat
Ol Kaen Seminari
D
Namba blong Ol Lesen long Klas blong Wik
4 (50 minit)
Namba blong Ol Lesen long Hom Stadi blong Wik o Ol Onlaen Lesen
1
Ol Kaen Seminari
D
Namba blong Ol Lesen long Klas blong Wik
3 (50 minit)
Namba blong Ol Lesen long Hom Stadi blong Wik o Ol Onlaen Lesen
2
Ol Kaen Seminari
E
Namba blong Ol Lesen long Klas blong Wik
2 (90 minit)
Namba blong Ol Lesen long Hom Stadi blong Wik o Ol Onlaen Lesen
1
Ol Kaen Seminari
F
Namba blong Ol Lesen long Klas blong Wik
2 (50 minit)
Namba blong Ol Lesen long Hom Stadi blong Wik o Ol Onlaen Lesen
3
Ol Kaen Seminari
G
Namba blong Ol Lesen long Klas blong Wik
1 (50 minit)
Namba blong Ol Lesen long Hom Stadi blong Wik o Ol Onlaen Lesen
4
Ol lida blong Jos oli sapos blong kaonsel wetem S&I ripresentativ blong olgeta blong disaed wijwan wei o joes bae i:
Helpem ol studen long bes wei blong oli lanem gospel mo groap long saed blong spirit.
Kipim ol studen oli sef.
No givim tumas hevi samting long ol famli, we i no nid.
Sapos rod ia blong stap mit wetem wan tija long taem blong wik i had, bae oli save lukluk blong yusum teknoloji blong holem ol onlaen miting.
Ol klas, oli no save holem long Sandei. Blong gat wan eksepsen, i nidim blong Jos Bod blong Edukesen i mas agri wetem. Wan stek presiden i save givim tingting long lokol ripresentativ blong S&I mekem ol jenis long ol joes blong seminari klas we stek i stap yusum. Ripresentativ blong S&I i tekem ol tingting ia i go long administresen blong Ol Seminari mo Ol Institiut blong Relijin. I nid blong gat apruvol fastaem blong administresen ofis ia bifo oli statem niu jenis.
Wan lokol bod blong edukesen bae i save stanap long ples we i gat plante stek wetem ol evri dei seminari klas, ol hom stadi klas, o tugeta i kolosap, o oli gat ol sem wari mo jalenj (luk long seminary.ChurchofJesusChrist.org).
15.1.3
Ol Bilding, Ol Tul blong Wok, mo Ol Buk
Ol lida blong stek mo wod oli meksua se ol ples olsem ol mitinghaos, o hom blong ol memba oli open i stap blong oli save holem ol klas blong seminari. Oli no mas rentem ol bilding o ol rum blong save holem ol klas blong seminari. Sapos oli holem klas insaed long wan mitinghaos, ol tija oli mas gat akses long ol tul blong wok we oli stap insaed long risos senta ia.
Ripresentativ blong S&I i givim ol buk blong ol tija mo ol studen blong wanwan klas. Ol studen oli mas tekem ol skripja blong olgetawan i kam; ol skripja ia, i save hemia we oli printim, o i dijitol.
15.1.4
Ol Ofisa blong Klas mo Ol Aktiviti
Wan seminari tija i save jusum huia ol ofisa blong klas, olsem wan presiden, ol vaes presiden, mo wan sekretari. Ol tija oli kontaktem papa mo mama blong studen faswan, mo bisop blong evriwan i agri. Oli no sastenem o setem apat ol klas ofisa ia. Oli save helpem tija wetem ol evri dei diuti blong klasrum, mo leftemap ol nara studen blong kam mo tekpat.
Ol tija blong seminari oli no sapos blong gat ol aktiviti aotsaed long ol nomol taem blong klas, o longwe long klasrum. Blong gat wan eksepsen, i nidim ol lokol prishud blong oli mas agri wetem.
15.1.5
Kredit mo Graduesen
Ol seminari studen oli save lan moa gud mo mekem jenis long laef blong olgeta i moa tru, sapos oli kam long klas oltaem, tekpat, mo stadi long ol skripja aotsaed long taem blong klas. Taem oli stap mekem olgeta samting ia, oli stap winim sam seminari kredit evri yia, mo oli save graduet long seminari.
Sam studen, oli save faenem i had blong winim ol seminari kredit from se oli gat problem blong save rid, o sam nara risen. Tija i save stretem ol samting blong i go stret wetem ol nid blong ol studen. Blong stretem wan ful program, bae wan ripresentativ blong S&I i save askem. Ol samting blong stretem folem situesen ia, i nidim blong Sentrol Ofis blong S&I i agri wetem.
Blong wan studen i graduet long seminari, hem i mas winim fo yia kredit, mo i mas kasem wan eklesiastik endosmen we i kam long wan memba blong bisoprik. Endosmen ia, i jekem se wan studen i klin inaf mo hem i stap komitim hemwan blong laef folem ol standet blong laef.
Evri yia, stek i holem wan seminari graduesen. Taem ia, wan memba blong stek presidensi o wan hae kaonsela nao i plan from. Ripresentativ blong S&I i save help. Blong kasem sam moa infomesen, luk long Wan Gaed blong Seminari Graduesen mo Institiut Graduesen Eksasaes.
Long sam eria long Yunaeted Stet mo Kanada, ol lokol loa oli letem ol studen oli aot long skul mo oli go long seminari long taem blong aoa blong skul. Jos Bod blong Edukesen i apruvum hemia long ol ples we oli givim raet blong kaen seminari ia i tekples long hem. Blong gat moa infomesen abaot rilis taem seminari, luk long Rilis Taem Seminari long ChurchofJesusChrist.org.
Institiut i givim janis blong gat ol klas long dei blong wik blong stadi long gospel; ol klas ia oli save mekem fet mo testemoni long Jisas Kraes mo gospel blong Hem we i kambak, i kam strong moa. Evri yang singgel adalt we oli gat 18 kasem 30 yia, oli sapos blong kam long institiut klas, i nomata se oli stap long skul o nogat.
Institiut klas we i tekples long kampas o skul, i no gat long plante eria. Long ol kes olsem, ol stek presiden oli mas stanemap ol institiut long level blong stek. Ol prishud lida mo ol wokman blong S&I, oli kodinetem ol arenjmen ia.
I gat sam moa gaedlaen blong stanemap mo holem ol institiut klas long level blong stek, blong mekem plan blong yusum ol bilding, blong singaotem ol tija, mo blong luksave ajivmen blong studen; oli stap long Stek Institiut long ChurchofJesusChrist.org.
15.2.1
Ol Nara Klas blong Relijin
Ol stek presidensi oli maet wantem blong givim ol relijin klas blong ol adalt we yia blong olgeta i stat long 31 i go antap. Olgeta klas ia, oli no wan wok anda long S&I mo oli no stap singaotem olgeta institiut klas. Be, oli save yusum ol tul mo lesenbuk blong institiut blong holem ol klas ia.
Blong kasem infomesen long saed blong ol praemeri mo sekendri skul blong Jos, BYU-Pathway Worldwide, mo ol ples blong kasem moa hae edukesen, luk long CES.ChurchofJesusChrist.org. Infomesen blong stap finisim ol eklesiastik endosmen blong go long ol skul ia, i stap long ples ia tu.
Antap long hemia, infomesen abaot eklesiastik kliarens blong wok tru long CES Ecclesiastical Clearance Office,yu save faenem long help.ChurchofJesusChrist.org.