mama na binti kwenye mkutano wa sakramenti

29.

Mikutano katika Kanisa

29.0

Utangulizi

Watakatifu wa siku za mwisho wanakutana pamoja ili kuabudu, kuadilishana wao kwa wao, na kufundisha na kujifunza injili (ona Alma 6:6; Moromi 6:5–6). Mwokozi aliahidi, “walipo wawili watatu wamekusanyika kwa jina langu, nami nipo papo hapo katikati yao” (Mathayo 18:20). Kukutana pamoja ni njia mojawapo ambayo mioyo yetu inaweza “kuunganishwa pamoja katika umoja na upendo” (Mosia 18:21).

Hata hivyo, kufanya mkutano hakupaswi kuchukuwa nafasi ya kutumikiana na kuhudumiana kama Yesu Kristo alivyofanya.

29.1

Kupanga na Kuendesha Mikutano

Viongozi wanapanga na Kuendesha Mikutano “kadiri watakavyoongozwa na Roho Mtakatifu, kulingana na amri na mafunuo ya Mungu” (Mafundisho na Maagano 20:45; ona pia Moroni 6:9; Mafundisho na Maagano46:2). Wanatafuta njia za kualika ushawawishi wa Roho katika mikutano yao.

Viongozi wanahakikisha kwamba idadi na urefu wa mikutano havisababishi mizigo kwa waumini au familiaa zao.

29.2

Mikutano ya Kata

29.2.1

Mkutano wa Sakramenti

Dhumuni

Kumkumbuka Yesu Kristo kwa kushiriki sakramenti. Madhumuni mengine yanajumuisha kuabudu, kujenga imani na ushuhuda, na kuendesha shughuli za kata.

Washiriki

Wote wanaalikwa kuhudhuria.

Mara Ngapi

Kila Jumapili

29.2.1.1

Kupanga Mkutano wa Sakramenti

Uaskofu unapanga na kuendesha mikutano ya sakramenti. Wanahakikisha kwamba fokasi ya mkutano ni juu ya sakramenti na kujenga imani katika Yesu Kristo.

Mkutano wa Sakramenti unadumu kwa saa moja. Unaweza kujumuisha yafuatayo:

1. Muziki wa kabla ya ibada kuanza (ona 19.3.2 kwa miongozo).

2. Kusalimia na kukaribishana.

3. Utambuzi wa mamlaka zinazoongoza au viongozi wengine ambao wanatembelea.

4. Matangazo. Haya yanapaswa kuwa machache.

5. Wimbo wa ufunguzi na sala. Ona 19.5:2 na 29.6.

6. Shughuli za kata na Vigingi, kama zifuatazo:

   • Kura ya kukubali na kuwapumzisha maafisa na walimu (ona 30.3 na 30.6).

   • Kuwasilisha majina ya akina kaka ili kutawazwa kwenye ofisi katika Ukuhani wa Haruni (ona 18.10.3).

   • Kuwatambua waumini wapya wa kata, pamoja na waongofu wa hivi karibuni.

7. Kuwapa majina na kuwabariki Watoto (ona 18.6). Hii mara nyingi hufanywa kwenye mkutano wa mfungo na ushuhuda (ona 29.2.2).

8. Kuwathibitisha waongofu wapya ona 18.8).

9. Wimbo wa sakramenti na huduma ya sakramenti. Sakramenti ni fokasi kuu ya mkutano. Ibada hii ni fursa kwa ajili ya waumini kuelekeza mawazo yao kuelekea kwa Mwokozi na dhabihu Yake kwa ajili yao.

   Kwa zaidi kuhusu kuandaa, kubariki, na kupitisha sakramenti, ona 18.9.

10. Ujumbe wa Injili na uimbaji wa mkusanyiko wa waumini au muziki mwingine.

11. Wimbo wa kufunga na sala

12. Muziki wa baada ya ibada.

29.2.1.4

Kuwachagua Wazungumzaji

Uaskofu unachagua wazungumzaji kwa ajili ya mkutano wa sakramenti. Mara nyingi wanawaalika waumini wa kata, pamoja na vijana.

Wazungumzaji wanatoa ushuhuda juu ya Yesu Kristo na kufundisha injili Yake kwa kutumia maandjko (ona Mafundisho na Maagano 42:12; 52:9).

29.2.2

Mkutano wa Mfungo na Ushuhuda

Dhumuni

Kushiriki sakramenti na kuimarishana kwa kutoa ushuhuda juu ya Yesu Kristo na Injili Yake. Waumini wanahimizwa kuja kwenye mkutano wa mfungo wakiwa wamefunga kama wanaweza kufunga.

Washiriki

Wote wanaalikwa kuhudhuria.

Mara Ngapi

Mara moja kwa mwezi, mkutano wa sakramenti ni mkutano wa mfungo na wa ushuhuda. Kwa kawaida hii hufanyika Jumapili ya kwanza ya mwezi.

Katika mkutano wa mfungo na ushuhuda, hakuna uteuzi wa wazungumzaji au uchaguzi maalumu wa muziki. Badala yake, mtu anayeendesha anatoa ushuhuda mfupi. Kisha anawaalika washiriki wa mkutano kutoa shuhuda zao. Kutoa ushuhuda kunamaanisha kutangaza kweli za injili kama ziliyofunuliwa na Roho Mtakatifu.

29.2.3

Mkutano wa Kata

Dhumuni

Kwenye mkutano wa Kata, viongozi wa kigingi wanafundisha, kusaidia, na kuwahudumia viongozi wa kata na waumini. Waumini wa Kata wanapiga kura ya kuwakubali viongozi wakuu wenye mamlaka na viongozi wenyeji.

Washiriki

Wote wanaalikwa kuhudhuria

Mara Ngapi

Mara moja kwa mwaka kwenye Jumapili isiyokuwa Jumapili ya mfungo.

29.2.4

Mkutano wa Uaskofu

Dhumuni

Kushauriana pamoja na kufanya maamuzi kuhusu maswala yanayohusu Kata.

Washiriki

Uaskofu, karani wa kata, na katibu mtendaji.

Mara Ngapi

Kwa kawaida kila Wiki.

Maswala ya kufikiriwa yangeweza kujumuisha:

• Kuratibu kazi ya wokovu na kuinuliwa, katika kata.

• Kuwaimarisha watu binafsi na familia katika kata—hususani vijana na watoto.

• Kuwatambua waumini ambao wangeweza kujitayarisha kupokea ibada, ikiwa ni pamoja na utawazo kwenye ukuhani.

• Kuwatambua waumini ili kuwaita kwenye nafasi za kata.

29.2.5

Mkutano wa Baraza la Kata

Dhumuni

Kusaidia kukamilisha kazi ya wokovu na kuinuliwa katika kata (ona 1.2).

Washiriki

• Uaskofu, karani wa kata, na katibu mtendaji wa kata.

• Marais wa akidi ya wazee, Muungano wa Usaidizi, Wasichana, Msingi, na Shule ya Jumapilli.

Mara Ngapi

Kwa kawaida kila wiki (lakini wanaweza kukutana mara chache).

Askofu anapanga, anaongoza, na kuendesha mikutano ya baraza la kata. Baraza halifanyi maamuzi makubwa bila askofu.

Viongozi wa vikundi katika kata wanahudhuria mikutano ya baraza la kata katika nafasi mbili:

1. Kama waumini wa baraza la kata wanaosaidia kubariki waumini wote wa kata.

2. Kama wawakilishi wa vikundi vyao.

Wakati wanapokutana pamoja, washiriki wa baraza la kata wanajadiliana maswala ambayo yatanufaisha kutokana na juhudi za baraza zima. Kila mshiriki wa baraza anahimizwa kushiriki mawazo na ushawishi wake kwenye maswala haya.

Mikutano ya baraza la kata kwa kawaida haidumu zaidi ya saa moja. Wanaanza na sala na ripoti fupi juu ya majukumu kutoka kwenye mikutano iliyotangulia. Askofu anatoa kipaumbele kwenye maswala ambayo yanahitajika zaidi kuwabariki watu binafsi na familia.

• Kuishi Injili ya Yesu Kristo. Kuwasaidia waumini wote wajenge imani, wapokee ibada za wokovu, na washike maagano yao.

• Kuwajali wale wenye shida. Kushiriki nyenzo na ujuzi ili kuwabariki watu binafsi, familia, na jumuiya. Kuwasaidia waumini wa kata wawe wenye kujitegemea. (Ona sura ya 22.)

• Kuwaalika wote waipokee injili. Kurejelea maendeleo ya wale wanaojifunza kuhusu injili, vile vile waumini wapya na wanaorejea. Kujadili njia ambazo kwazo waumini wanaweza kushiriki injili na wengine. (Ona sura ya 23.)

• Kuziunganisha familia milele. Kurejelea maendeleo ya waumini wanaojitayarisha kupokea ibada za hekaluni. Kupanga njia za kuwasaidia zaidi waumini wastahili kwa ajili ya kibali cha hekaluni. Kujadili njia ambazo kwazo waumini wanaweza kushiriki katika kazi ya hekaluni na historia ya familia. (Ona sura ya 25.)

Washirik wa baraza lazima watunze siri kwa taarifa yoyote kibinafsi au taarifa nyeti (ona 4.4.6).

29.2.6

Mkutano wa Baraza la Vijana la Kata

Dhumuni

Kuwaimarisha vijana katika Kata. Wasaidie washiriki katika kazi ya wokovu na kuinuliwa (ona 1.2).

Washiriki

• Uaskofu.

• Mmoja wa wasaidizi wa askofu katika akidi ya makuhani na marais wa akidi za walimu na mashemasi.

• Marais wa darasa la Wasichana (au urais mzima kama kata ina darasa moja tu la wasichana).

• Rais wa Wasichana.

Mara Ngapi

Kwa kawaida kila mwezi.

Kabla ya kila mkutano, askofu na mtu anayeendesha wanarejelea vipengele vya kujadili.

• Kazi ya Wokovu na kuinuliwa.

• Mahitaji ya vijana katika kata na njia za kushughulika nayo.

• Juhudi za kuwafikia vijana ambao hawashiriki kikamilifu au waumini wapya.

• Shughuli, ikijumuisha fursa ya kuwahudumia wale walio katika shida. Mipango mingi hufanyika zaidi katika akidi au mikutano ya urais wa darasa (ona sura ya 20).

• Uhudumiaji (ona sura ya 21.)

• Kuwaelekeza urais mpya ulioitwa wa akidi na darasa.

29.2.8

Ratiba ya Mikutano ya Jumapili

Kata zinatumia moja ya ratiba ifuatayo ya masaa mawili kwa ajili ya mikutano ya Jumapili.

Mpango 1

Dakika 60	Mkutano wa Sakramenti
Dakika 10	Mabadiliko kwenda Madarasani na mikutanoni
Dakika 50	Jumapili zote: Msingi, ikijumuisha chekechea Jumapili ya kwanza na ya tatu za mwezi: Shule ya Jumapili Jumapili ya pili na ya nne: mikutano ya akidi za ukuhani, Muungano wa Usaidizi, na mikutano ya Wasichana. Jumapili za tano: mikutano kwa ajili ya vijana na watu wazima. Uaskofu Simamizi unaamua mada na unateua walimu.

Mpango 2

Dakika 50	Jumapili zote: Msingi, pamoja na chekechea Jumapili ya kwanza na ya tatu za mwezi: Shule ya Jumapili Jumapili ya pili na ya nne: mikutano ya akidi za ukuhani, Muungano wa Usaidizi, na mikutano ya Wasichana. Jumapili za tano: mikutano kwa ajili ya vijana na watu wazima. Uaskofu Simamizi unaamua mada na unateua walimu.
Dakika 10	Mabadiliko kwenda mikutano ya sakramenti
Dakika 60	Mkutano wa Sakramenti

29.3

Mikutano ya Kigingi

29.3.1

Mkutano wa kigingi

Dhumuni

Dhumuni la msingi la mkutano mkuu wa kigingi ni kuimarisha imani ya waumini katika Yesu Kristo.

Washiriki

Wote wanaalikwa kuhudhuria kikao kikuu. Vikao vingine ni kwa ajili ya wahudhuriaji maalumu, kama ilivyoelezwa hapo chini.

Mara Ngapi

Mara mbili kwa mwaka.

29.3.2

Mkutano Mkuu wa Ukuhani wa Kigingi

Dhumuni

Kuwafundisha na kuwaimarisha wenye ukuhani katika majukumu yao.

Washiriki

Wenye ukuhani wote katika kigingi.

Mara Ngapi

Mara moja kila mwaka.

29.3.3

Mkutano wa Uongozi wa Ukuhani katika Kigingi

Dhumuni

Kuwafundisha viongozi wa ukuhani majukumu yao, kuongeza uwezo wao, na kuimarisha imani yao.

Washiriki

• Urais wa kigingi.

• Baraza Kuu

• Makarani wa kigingi na kata (na makarani wasaidizi kama wanahitajika).

• Makatibu watendaji wa kigingi na wa kata.

• Urais wa Wavulana katika kigingi (na katibu kama ameitwa).

• Uaskofu

• Urais wa akidi ya wazee na makatibu.

• Washauri wa akidi ya Ukuhani wa Haruni.

Mara Ngapi

Mkutano wa uongozi wa ukuhani unafanyika kama sehemu ya kila mkutano wa kigingi.

29.3.4

Mkutano wa Uongozi wa Kigingi

Dhumuni

Kuwafundisha viongozi wa vikundi wa kata kazi zao, kuwasaidia wajiboreshe kama viongozi na walimu, na kuimarisha imani yao katika Yesu Kristo. Katika mikutano hii, viongozi pia wanashauriana pamoja na kushiriki mawazo.

Washiriki

Viongozi wote wa kigingi na kata wa Muungano wa Usaidizi, Wasichana, Msingi, na urais wa shule ya Jumapili na makatibu. Mshiriki wa urais wa kigingi au mjumbe wa baraza kuu aliyepewa jukumu anahudhuria kuongoza. Walimu, washauri, wajumbe wa baraza kuu, na wajumbe wa baraza kuu waliopangiwa kwenye vikundi hivi wanaweza pia kualikwa.

Mara Ngapi

Mara moja kila mwaka.

29.3.5

Mkutano wa Akidi ya Makuhani Wakuu katika Kigingi

Dhumuni

Kuwafundisha washiriki wa akidi majukumu yao na mafundisho kuhusiana na ukuhani.

Washiriki

Washiriki wote wa akidi ya makuhani wakuu katika kigingi.

Mara Ngapi

Angalau mara moja kila mwaka.

29.3.6

Mkutano wa Urais wa Kigingi

Dhumuni

Kushauriana pamoja na kufanya maamuzi kuhusu maswala yanayohusu kata.

Washiriki

Urais wa kigingi, karani wa kigingi, na katibu mtendaji.

Mara Ngapi

Mara kwa mara (kwa kawaida kila wiki).

29.3.7

Mkutano wa Baraza Kuu.

Dhumuni

Kushauriana pamoja kuhusu kazi ya wokovu na kuinuliwa katika kigingi (ona 1.2).

Washiriki

• Urais wa kigingi.

• Baraza Kuu

• Karani wa kigingi na katibu mtendaji

Mara Ngapi

Mara mbili kwa mwezi kama inawezekana.

29.3.8

Mkutano wa Baraza la Kigingi

Dhumuni

Kushauriana pamoja kuhusu kazi ya wokovu na kuinuliwa katika kigingi (ona 1.2).

Washiriki

• Urais wa kigingi.

• Baraza kuu

• Karani wa kigingi na katibu mtendaji.

• Marais wa Muungano wa Usaidizi, Wasichana, na Msingi katika kigingi.

• Viongozi wa vijana wakubwa waseja wa Kigingi na viongozi wa watu wazima waseja (kama wameitwa).

Mara Ngapi

Kila mwezi kama inawezekana.

29.3.9

Mkutano wa Kamati ya Uongozi ya watu wazima ya kigingi

Dhumuni

Kushauriana pamoja kuhusu jinsi ya kuwasaidia viongozi wa kata katika kazi yao ya Wokovu na kuinuliwa. Kupanga njia za kusaidia kukamilisha maono ya viongozi wa kigingi kwa ajili ya kazi hii katika kigingi.

Washiriki

• Urais wa kigingi.

• Urais wa Muungano wa Usaidizi katika kigingi (na katibu kama ameitwa).

• Wajumbe wa baraza kuu waliopangiwa kufanya kazi na akidi za wazee.

Mara Ngapi

Kadiri inavyohitajika.

29.3.10

Mkutano wa Kamati ya Uongozi ya Vijana katika Kigingi

Dhumuni

Kushauriana pamoja kuhusu jinsi ya kuwasaidia viongozi wa kata katika kuwahusisha vijana katika kazi ya wokovu na kuinuliwa. Kupanga njia za kusaidia kukamilisha maono ya baraza la kigingi kwa ajili ya vijana katika kigingi.

Washiriki

• Mshiriki wa urais wa kigingi.

• Urais wa vijana katika kigingi (na katibu kama ameitwa).

• Urais wa Wasichana katika kigingi (na katibu kama ameitwa).

• Wajumbe wa baraza kuu waliopangiwa kwenye vikundi vya Wasichana na Msingi.

Mara Ngapi

Kadiri inavyohitajika.

29.3.11

Mkutano wa Baraza la Maaskofu katika Kigingi

Dhumuni

Kushiriki uzoefu na kushughulikia maswali ambayo yanahusu maaskofu hasa.

Washiriki

Maaskofu wote na marais wa matawi katika kigingi ni washiriki wa baraza hili. Rais wa kigingi anaweza kuchagua kuhudhuria baadhi au mikutano yote. Karani wa kigingi pia anahudhuria na kuweka kumbukumbu ya majukumu na maamuzi.

Mara Ngapi

Angalau kila robo ya mwaka.

29.5

Mazishi na Huduma Nyinginezo kwa ajili ya Marehemu

29.5.1

Kanuni za Jumla

Dhumuni kubwa la huduma za Kanisa kwa ajili ya wafu ni kushuhudia juu ya mpango wa wokovu, hususani Upatanisho wa Mwokozi na Ufufuko. Huduma hizi zinapaswa kuwa za heshima, uzoefu wa kiroho.

Viongozi wa Kanisa hawapaswi kujumuisha matambiko ya makanisa mengine au vikundi katika huduma za kanisa kwa ajili ya wafu.

29.5.2

Kutoa Msaada kwa Familia

Kama wafuasi wa Yesu Kristo, viongozi wa Kanisa na waumini “huomboleza na wale wanaoomboleza … na kuwafariji wale ambao wanahitaji kufarijiwa” (Mosia 18:9). Wakati muumini anapofariki, askofu anaitembelea familia ili kuwafariji.

Askofu anatoa msaada kutoka kwa waumini wa kata, ikijumuisha akidi ya wazee na Muungano wa Usaidizi.

29.5.4

Huduma za Mazishi (kwenye sheria za Mila)

Mazishi yanayoendeshwa na askofu, iwe katika jengo la Kanisa au mahali pengine popote pale, ni mkutano wa Kanisa na ni huduma ya kidini. Unapaswa kuwa tukio la kiroho.

Mazishi yanapaswa kuanza kwa wakati. Kwa kawaida, hayapaswi kudumu zaidi ya saa1.30, kwa heshima ya wale waliohudhuria.

Huduma za mazishi kwa kawaida hazifanywi siku ya Jumapili.

29.6

Sala katika Mikutano ya Kanisa

Sala katika mikutano ya Kanisa zinapaswa ziwe fupi, za kawaida, na zilizoelekezwa na Roho. Muumini yeyote wa Kanisa aliyebatizwa anaweza kutoa sala ya ufunguzi na ya kufunga. Watoto ambao hawajabatizwa wanaweza kusali katika Msingi.

29.7

Kutiririsha Mikutano na Kufanya Mikutano Kwa Njia ya Mitandao

Askofu anaweza, kama jambo la kipekee kuruhusu utiririshaji wa mikutano ya sakramenti na mazishi na harusi iliyofanyika katika nyumba ya mkutano.

Utiririshaji wa mikutano ya sakramenti haupaswi kujumuisha huduma ya sakramenti.

Kwa baadhi ya mikutano, askofu au rais wa kigingi anaweza kuruhusu waumini ambao hawawezi kuhudhuria binafsi washiriki kwa njia ya mtandao. Mikutano hii inaweza kujumuisha:

• Mikutano ya uongozi, kama vile mikutano ya urais au mikutano ya baraza.

• Akidi, Muungano wa Usaidizi, na mikutano ya Wasichana.

• Darasa la Shule ya Jumapili.

• Madarasa ya Msingi na muda wa kuimba.