Mu mel’eg e tin nikan thogthog nag

Ulan fare Fan ko Gelngin e Pi’in ni Fal’yangren, e gara pir’eg fapi machib rok’ Yesus Kristus nge machib ko fapi profet Rok’. Fa’an gara tay e pin’ey nib riyul’ ni nge mang e gagiyeg rom, mrayag ni gara mel’eg e tin nikan thogthog nag ni rayag nira tawa’ath nigem e chiney ni dairy bi’id manemus.

Yesus Kristus e ir kanawo’en e yafos ko falfalaen’ ni dariy bi’id manemus. Napan ni gara mel’eg ni ngam leak Yesus Kristus, ma arram ni gabay u dakean fare pi’i kanawo’ nra fekem ko faflalaen’ ndariy bi’id manemus. Mu tay ni Yesus Kristus e ir e gubin rom, ni’ir e fare def rom ni woed e war. Mu ngongliy rogon e yafos rom ni woed rogon fapi machib Rok’, mag thathabil nag rogon e pin’en ni gabe mel’eg ko rogon e machib rok’. Fapi m’ag nikam ngongliy ko tawfe, nge ngiyal’ ko sakrament, nge lane temple e bugi ulung ni yuyang ko fare def rom nib gel ngak Kristus. Kura yib e gafgow nge lumel ngom, machane Chitamangiy nu Tharmiy nge fare Tathapeg e yow bay ni yowra ayuwegnem.

I gur e ya’el nifak Got ni rigab tu’uf rok’. Fare tonom rok’ ko falfalaen’ e ke bing wo’en ngom e tin nib thothup ban’en nrayag ni nge ayuwegnem ngam rrin’ e muruwel rom ni ga’angin. Irreray fan ni pi’ Yesus Kristus nge yib ninge mang e Tathapeg rom.

Pagaen’ e Chitamangiy nu Tharmiy ngom. Ke mu’i pi’ ngom e tawa’ath nri bo’or, nib mu’un fare gospel nib polo’ ngay nge fapi gam’ing nge m’ag nib thothup nrayag ni nge m’agem Ngak me yib gelngin ngalan e yafos rom. U dakean e pi tawa’ath ney e mu’un boech e muruwel riy. Manang nrayag ni ngam pi’ e ayuw u fayleng, ni biney, e be yipfan, ni rayag ni ngam mang ni gab thil ko fayleng. Mu sap ngak e Chitamangim nu Tharmiy ni nge powi’iyem ko rogon ni ngam mel’eg ban’en. Ra tawa’ath nigem u dakaen fare Kan ni Thothup.

Fare Fan ko Gelngin e Pi’in ni Fal’yangren e gathi nge yoeg ngom e “arrogon” fa “danga’” ko pin’en ni bay mu mel’eg ulan e yafos rom. Ya, Somoel e be piningem ni nge par e yafos rom nib tolang ni kawawo’en e ba thothup—ni woed kanawo’en. Biney e babyor era ayuwegnem nge fil ngom mornga’agen kanawo’en. Ra weliy mornga’agen e tin nib riyul’ ban’en nike mu’ i dag rogon. Mu tay e pin’ey nib riyul’ ni nge mang e gagiyeg nge powi’iy rom—fapi tin ni ngam mel’eg nib ga’, ni woed fare ngongliy e m’ag ulan e temple nge yean ko mission, ni kab mu’un fapi mel’eg ngay ni gama rrin’ ni gubin e rran, ni woed rogon ni ngam fanow ngak be’ fa rogon ni ngam yus nag e tyme rom.

Rayag ni ayuwegnem e gidii’, machane gur rom e milfan ngom e thothup rom. Biney e bay u thilmew Somoel. Manang e pin’en nibay ulan gum’ircha’em, ma Ir e karimus e en nrayag ni nge pufthin nigem. Mu gay rogon ngam mon’og ni gubin e rran, mag fol ko fapi motochiyel rok’ Got mag tayfan fapi m’ag rom, mag ayuweg e gidii’ ni ngar chugur gaed ngak fare Tathapeg.

Muguy ko Mosiah 4:29–30 (ri bo’or kanawo’en e denen ndabiyag i th’eg, ere thingar da kol ayuw gaed ngodaed); Helaman 5:12 (mu toey e def rom nga dakean Kristus); Doctrine and Covenants 45:57 (mu tay ni fare Kan ni Thothup e nge powi’iyem); 82:15 (mag fal’ag rogom ngak Somoel u dakean fapi m’ag rok’).

Rogon nikan yarmiy e rake babyor ney

Ra reb fapi topic ba bay dalip yang riy:

1. Tin nib Riyul’ ni Dariy Bi’id Manemus,fa fapi machib ko mornga’agen fare gospel rok Yesus Kristus nike sulyarmen

2. Mulwon ni ngan rrin’ ni woed rogon e pin’ey nib riyul’

3. Fapi tawa’ath nike micheg nra pi’ Somoel ngak e pi’in nra par e yafos rok’ ni woed rogon fapi machib Rok’.