Ta eo ej Kōm̧m̧an an Jenolo̧k EnglishConnect?

Ilo EnglishConnect, jej “kappukot jeļā, em̧ool jān katak im barāinwōt jān tōmak” (Katak im Bujen Ko 88:118). Ippān doon jej ejaake kapeel ko ilo Kajin Pālle ilo juon mejatoto in tōmak, jem̧jerā, im eddōkļo̧k.

Tōmak

EnglishConnect, jej m̧akūtkūt ilo tōmak n̄an kappukot jipan̄ an Irooj ilo ekkatak kajin Pālle. Ilo ad kappukot jipan̄ eo an Irooj n̄an ekkatak kajin Pālle, jemaron̄ epaakeļo̧k Anij im en̄jake kajoor eo an Rilo̧mo̧o̧r. Ilo kajjojo katak, jej katak im kōjerbale juon pedped in ekkatak ilo jetōb. Jetōb eo ej lukkuun rūkaki eo, im jemaron̄ kappukot mennin letok ko an Jetōb n̄an jipan̄ kōj ekkatak, ekoba mennin letok ko an lo ko (lale Katak im Bujen Ko 46:8–26).

Jem̧jerā

Ilo EnglishConnect, jej karuwaineneik Jetōb eo ilo ad iakwe, katakin, im rie doon. Jej kalōk jem̧jerā ko im jipan̄ doon dim wōt. Ippān doon jej kōļapļo̧k lōke eo ad, ekkatak jān bōd ko ad, im kōjeraam̧m̧an m̧ōņōņō kōn wōnm̧anļo̧k eddōkļo̧k ko ad. Ilo ad ekkatak jān Jetōb eo, jenaaj “meļeļe doon, im [maron̄] ketak im lan̄lōn̄ ippān doon” (Katak im Bujen Ko 50:22).

Eddōkļo̧k

Ilo EnglishConnect, jej kōm̧m̧an eļapļo̧k jān ekkatak kajin Pālle; jej barāinwōt kōļapļo̧k maron̄ eo ad n̄an ekkatak im katakin. Jekdo̧o̧n ia eo jej jino ie, jej buuļ jerbal im leiaia ippān Anij n̄an tōpar kōttōbar ko ad. Jej m̧akūtkūt ilo tōmak n̄an kamminene kajin Pālle aolep iien. Jej kajjieon̄ in ekkatak “jān katak im barāinwōt jān tōmak” (Katak im Bujen Ko 88:118) ilo aolep eria ko an mour ko ad.