« គំនិតសម្រាប់ការលើកទឹកចិត្តឲ្យមានការសិក្សាផ្ទាល់ខ្លួន និងជាគ្រួសារ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« គំនិតសម្រាប់ការលើកទឹកចិត្តឲ្យមានការសិក្សាផ្ទាល់ខ្លួន និងជាគ្រួសារ » ចូរមកតាមខ្ញុំ—សម្រាប់ សាលាថ្ងៃអាទិត្យ ៖ ឆ្នាំ ២០២២
គំនិតសម្រាប់ការលើកទឹកចិត្តឲ្យមានការសិក្សាផ្ទាល់ខ្លួន និងជាគ្រួសារ
ទាំងនេះគឺជាគំនិតមួយចំនួនដើម្បីជួយបងប្អូនឲ្យលើកទឹកចិត្តដល់សមាជិកក្នុងថ្នាក់ ឲ្យសិក្សាព្រះបន្ទូលរបស់ព្រះនៅឯគេហដ្ឋានដោយខ្លួនឯង និងជាក្រុមគ្រួសារ ។ សូមប្រុងប្រយ័ត្នថា ពុំមែនសមាជិកក្នុងថ្នាក់ទាំងអស់អាចសិក្សាព្រះគម្ពីរជាមួយនឹងក្រុមគ្រួសាររបស់ពួកគេនោះទេ ( ឧទាហរណ៍ សមាជិកខ្លះរស់នៅតែឯង ឬជាសមាជិកតែម្នាក់ឯងក្នុងក្រុមគ្រួសារ ) ។
-
សូមអញ្ជើញសមាជិកក្នុងថ្នាក់ឲ្យចែកចាយនូវបទពិសោធន៍ ដែលពួកគេបានមានតាមរយៈការសិក្សាព្រះគម្ពីរនៅឯគេហដ្ឋាន ។ ឧទាហរណ៍ បងប្អូនអាចសូមឲ្យពួកគេចែកចាយខគម្ពីរមួយដែលបានបំផុសគំនិតដល់ពួកគេ ហើយពន្យល់អំពីហេតុផលដែលពួកគេគិតថា វាមានន័យចំពោះពួកគេ ។
-
សូមឲ្យសមាជិកក្នុងថ្នាក់ផ្ដល់ឧទាហរណ៍អំពីអ្វីដែលពួកគេកំពុងធ្វើ ដើម្បីធ្វើឲ្យការសិក្សាព្រះគម្ពីរផ្ទាល់ខ្លួន និងជាគ្រួសារកាន់តែមានអត្ថន័យ ។ ( គំនិតមួយចំនួនអាចរកបាននៅក្រោមចំណងជើង « គំនិតដើម្បីកែលម្អការសិក្សាព្រះគម្ពីរផ្ទាល់ខ្លួនរបស់បងប្អូន » និង « គំនិតដើម្បីកែលម្អការសិក្សាព្រះគម្ពីរជាគ្រួសាររបស់បងប្អូន » នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ។
-
សូមអញ្ជើញសមាជិកក្នុងថ្នាក់ឲ្យចែកចាយពីរបៀបដែលពួកគេបានធ្វើតាមការបំផុសគំនិត ដែលពួកគេបានទទួលនៅក្នុងការសិក្សាព្រះគម្ពីរផ្ទាល់ខ្លួន ឬជាគ្រួសាររបស់ពួកគេ ។
-
សូមចំណាយពេលពីរបីនាទី ដើម្បីបង្ហាញដល់សិស្សក្នុងថ្នាក់នូវធនធានមួយចំនួន ដែលបានផ្ដល់ឲ្យដោយសាសនាចក្រ ដើម្បីជួយសមាជិកឲ្យសិក្សាដំណឹងល្អ ។ ធនធានទាំងនេះរួមមាន ជំនួយការសិក្សាព្រះគម្ពីរ ដែលមាននៅលើគេហទំព័រ scriptures.ChurchofJesusChrist.org; « ដំណើររឿងព្រះគម្ពីរ » ដែលមាននៅលើគេហទំព័រ children.ChurchofJesusChrist.org; គម្រោងមេរៀនបង្រៀន និងធនធានផ្សេងទៀតនៅក្នុង ចូរមកតាមខ្ញុំ—សម្រាប់ អង្គការបឋមសិក្សា; មាតិកាដែលផ្ដោតទៅលើយុវវ័យ នៅលើគេហទំព័រ youth.ChurchofJesusChrist.org; សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន; ព្រមទាំងវីដេអូ ការថតជាសំឡេង និងរូបភាពនានាដែលមាននៅលើគេហទំព័រ MediaLibrary.ChurchofJesusChrist.org ។ ធនធានទាំងនេះភាគច្រើនក៏មាននៅក្នុងកម្មវិធីបណ្ណាល័យដំណឹងល្អផងដែរ ។
-
សូមចំណាយពេលពីរបីនាទី ដើម្បីពន្យល់អំពីរបៀបប្រើកម្មវិធីបណ្ណាល័យដំណឹងល្អដើម្បីសិក្សាព្រះគម្ពីរ រួមទាំងរបៀបគូសចំណាំខគម្ពីរ ហើយកត់ត្រាអារម្មណ៍ផងដែរ ។
-
សូមអញ្ជើញសមាជិកក្នុងថ្នាក់ម្នាក់ ឬច្រើននាក់ឲ្យចែកចាយអំពីរបៀប ដែលពួកគេបានបង្រៀនពីគោលការណ៍ជាក់លាក់មួយនៃដំណឹងល្អនៅក្នុងក្រុមគ្រួសាររបស់ពួកគេ ។