« ធនធានបន្ថែមទាំងឡាយ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« ធនធានបន្ថែមទាំងឡាយ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២២
ធនធានបន្ថែមទាំងឡាយ
ធនធានទាំងនេះអាចរកបាននៅក្នុងកម្មវិធីបណ្ណាល័យដំណឹងល្អ និងនៅលើគេហទំព័រ ChurchofJesusChrist.org ។
ទំនុកតម្កើង និង សៀវភៅចម្រៀងកុមារ
តន្ត្រីពិសិដ្ឋអញ្ជើញព្រះវិញ្ញាណឲ្យគង់នៅ ហើយបង្រៀនគោលលទ្ធិតាមរបៀបមួយដែលងាយចងចាំ ។ បន្ថែមទៅលើការប្រើប្រាស់កំណែបោះពុម្ពនៃ ទំនុកតម្កើង និង សៀវភៅចម្រៀងកុមារ បងប្អូនអាចរកឃើញវីដេអូ និងការថតជាសំឡេងនៃទំនុកតម្កើង និងចម្រៀងកុមារជាច្រើននៅលើគេហទំព័រ music.ChurchofJesusChrist.org និងនៅក្នុងកម្មវិធី Sacred Music និងកម្មវិធី Gospel Media ។
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន ផ្តល់ជូនសាវតាររឿងជាប្រវត្តិសាស្ត្រ និងការអត្ថាធិប្បាយអំពីគោលលទ្ធិស្តីពីគោលការណ៍ទាំងឡាយដែលមាននៅក្នុងព្រះគម្ពីរ ។ សៀវភៅសិក្សាទាំងនេះក៏អាចបំផុសគំនិតឲ្យមានគំនិតសម្រាប់ការបង្រៀនក្នុងថ្នាក់សាលាថ្ងៃអាទិត្យផងដែរ ។
ទស្សនាវដ្តីសាសនាចក្រ
ទស្សនាវដ្ដី លីអាហូណា និង ដើម្បីកម្លាំងនៃយុវជន ផ្ដល់នូវអត្ថបទ និងមុខងារផ្សេងទៀតដែលអាចជួយបញ្ជាក់បន្ថែមលើគោលការណ៍ ដែលបងប្អូនកំពុងបង្រៀនចេញពីសៀវភៅ ចូរមកតាមខ្ញុំ—សម្រាប់សាលាថ្ងៃអាទិត្យ ។
ប្រធានបទដំណឹងល្អ
នៅលើ ប្រធានដំណឹងល្អ ( គេហទំព័រ topics.ChurchofJesusChrist.org ) បងប្អូនអាចស្វែងរកព័ត៌មានមូលដ្ឋានអំពីប្រធានបទដំណឹងល្អជាចើនប្រភេទ ព្រមជាមួយនឹងតំណនានាទៅកាន់ធនធានដែលមានអត្ថប្រយោជន៍ដូចជា សារលិខិតសន្និសីទទូទៅ អត្ថបទ បទគម្ពីរ និងវីដេអូនានាដែលទាក់ទងគ្នា ។ បងប្អូនក៏អាចរកឃើញ Gospel Topics Essays ផងដែរ ដែលផ្ដល់ជាព័ត៌មានស៊ីជម្រៅចំពោះចម្ងល់ខាងគោលលទ្ធិ និងប្រវត្តិសាស្ដ្រទាំងឡាយ ។
ប្រកាសដំណឹងល្អរបស់យើង
មគ្គុទ្ទេសក៍សម្រាប់អ្នកផ្សព្វផ្សាយសាសនានេះផ្ដល់ជាទិដ្ឋភាពទូទៅមួយនៃគោលការណ៍មូលដ្ឋានអំពីដំណឹងល្អ ។
ដើម្បីកម្លាំងនៃយុវជន ( កូនសៀវភៅ )
ធនធាននេះចែងពីបទដ្ឋានរបស់សាសនាចក្រ ដែលអាចជួយយើងឲ្យរស់នៅតាមដំណឹងល្អ ហើយរីករាយនឹងភាពជាដៃគូនៃព្រះវិញ្ញាណ ។ សូមពិចារណាមើលវាឲ្យបានញឹកញាប់ ជាពិសេសប្រសិនបើបងប្អូនកំពុងបង្រៀនយុវវ័យ ។
វីដេអូ និងគំនូរ
រូបគំនូរ វីដេអូ និងប្រព័ន្ធផ្សព្វផ្សាយផ្សេងទៀតអាចជួយអស់អ្នកដែលបងប្អូនបង្រៀនឲ្យយល់ពីគោលលទ្ធិ និងមើលឃើញដំណើររឿងដែលទាក់ទងទៅនឹងបទគម្ពីរ ។ សូមចូលទៅ Gospel Media តាមគេហទំព័រ MediaLibrary.ChurchofJesusChrist.org ដើម្បីស្វែងរកកម្រងធនធានប្រព័ន្ធផ្សព្វផ្សាយរបស់សាសនាចក្រ ។ Gospel Media ក៏មាននៅលើកម្មវិធីឧបករណ៍ចល័តផងដែរ ។ រូបភាពជាច្រើនដែលបងប្អូនអាចប្រើនៅក្នុងថ្នាក់រៀនមាននៅក្នុង សៀវភៅរូបភាពដំណឹងល្អ ។
ការបង្រៀនតាមរបៀបរបស់ព្រះអង្គសង្គ្រោះ
សៀវភៅ ការបង្រៀនតាមរបៀបរបស់ព្រះអង្គសង្គ្រោះ អាចជួយបងប្អូនឲ្យរៀនសូត្រ និងអនុវត្តតាមគោលការណ៍ទាំងឡាយនៃការបង្រៀនដូចជាព្រះគ្រីស្ទ ។ គោលការណ៍ទាំងនេះត្រូវបានពិភាក្សា ហើយអនុវត្តនៅក្នុងការប្រជុំក្រុមប្រឹក្សាគ្រូបង្រៀន ។