M̧aaj 8–14

Katak im Bujen ko 23–26

“Kōkajoorļo̧k Kabun̄ in”

M̧okta jān riiti unin tōl in, riiti Katak im Bujen ko 23–26 im kejekļo̧kjeņ kōn pedped in katak ko kwoj en̄jake renaaj kōkajoorļo̧k ro uwaan kūlaaj eo am̧. Innām ļōmņake kōn ta kein jipan̄ ko renaaj jipan̄ eok katakin, ekoba ko kar elemakoti ilo unin tōl in.

Je En̄jake ko Rej Im̧we Eok

Kajjitōk n̄an Kwaļo̧k

Ta kōjeraam̧m̧an ko jaar en̄jaki ilo ad “kōtļo̧k [ad] iien n̄an wūjļepļo̧k n̄an ekkatak jeje ko rekwojarjar”? Katak im Bujen ko 121:1 Jaar ke en̄jake Jetōb eo ilo kapijuknen ko ad? Bōlen ro uwaan kūlaaj eo remaron̄ kwaļo̧k elmen aer kar anjo̧ ioon kabbōjrak ko ak kōm̧ad ko n̄an wūjļepļo̧k an juon make iien ak baam̧le n̄an ekkatak jeje ko rekwojarjar.

Katakin Katak ko

Katak im Bujen ko 23–26

Jemaron̄ aolep kōkajoorļo̧k Kabun̄ in.

• Komaron̄ kōņaan etale ippān ro uwaan kūlaaj eo ta meļeļe in n̄an “kōketak kabun̄ in” (Katak im Bujen ko 25:7). Bōlen ro jet remaron̄ kwaļo̧k meļeļe ko an tikjinede eo kōn kōketak ak waanjon̄ok ko kōn kōketak eo raar loi. Ta iien ko rem̧m̧an eaar wōr ippād n̄an kōketak doon? Elmen an kōkajoorļo̧k Kabun̄ in? Ta ko jet jaar ekkatak ilo Katak im Bujen ko 23–26 me remaron̄ jipan̄ kōj kōkajoorļo̧k Kabun̄ in? Komaron̄ bar kōnono elmen an pedped in katak ko jerbal n̄an kōkajoorļo̧k kapijuknen ko ad. N̄an kōjerbal pedped in katak ko n̄an jerbal in karejar ko ad rekijejeto, komaron̄ etale m̧ōttan ennaan eo an Sister Bonnie H. Cordon “Erom̧ juon Seperd” (Ensign ak Liaona, Nob, 2018, 74–76).

Katak im Bujen ko 24

Rilo̧mo̧o̧r eo emaron̄ ļōn̄aj kōj “jān en̄taan ko [ad].”

• Revelesōn eo ilo Katak im Bujen ko 24 kar letok n̄an kar “kōkajoorļo̧k, rōjan̄, im katakin” Josep im Oliver ilo juon iien mālijjon̄ (Katak im Bujen ko 24, kōmeļeļein jekjōn; lale barāinwōt Saints, 1:94–96). Komaron̄ kajitōk ippān kūlaaj eo n̄an etale jekjōn in kōn kein kam̧ool ko me Irooj eaar jeļā kōn Josep im jekjek eo an. Elmen an kar Irooj ņamejļan aikuj ko an Josep? Elmen An kōm̧m̧ane ejja āinwōt n̄an kōj rainin? Ļōmņak in kajjitōkin ro uwaan kūlaaj eo n̄an kwaļo̧k en̄jake ko ke raar en̄jake bwe Irooj eaar jeļā jekjek ko aer make im kar ļōn̄aj er ilo tōre in en̄taan ko aer.

  

  Eaar Kōmour Elōn̄ jān Būin Kain Nan̄inmej ko, jān J.Kirk Richards

Katak im Bujen ko 25

Emma Smith ej “juon kōrā in kālet.”

• N̄an jipan̄ ro uwaan kūlaaj eo lo jetjet eo an juon make ilo revelesōn eo an Irooj n̄an Emma Smith, ļōmņake kōn m̧akūtkūt in: Kajjitōk ippān jimettan in kūlaaj eo n̄an etale Jākjen 25 kōn men ko Irooj eaar kajjitōk ippān Emma n̄an kōm̧m̧ani, im kajjitōk ippān jimettan eo juon n̄an etale men ko Eaar kallim̧ur ke Enaaj kar kōm̧m̧ani. Kajjitōk er n̄an kōllaajraiki ta eo raar loe im kwaļo̧ke n̄an doon. Jet uwaan kūlaaj eo remaron̄ kwaļo̧k pedped in katak ko me eļaptata aer ļap meļeļeier n̄an er.

• Ta naan ko im eoon ko ilo jekjōn 25 rej rie kean̄ eo an Irooj n̄an Emma Smith, “Kwōj juon kōrā in kāālōt”? (eoon 3). Ro uwaan kūlaaj eo remaron̄ barāinwōt ekōnono kōn elmen an Emma mour kōn pedped in katak ko ilo revelesōn in. Kein jipan̄ ko rejipan̄ ekoba video eo “An elect lady” (Churchof JesusChrist.org), “Thou Art an Elect Lady” (Revelation in Context, 33–39), im “Ainikien ko an Jepļaaktok eo” ilo Unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko.

• Ekkar n̄an Katak im Bujen ko 25:11–12, elmen an Irooj en̄jake kōn al ko rekwojarjar? Bōlen kūlaaj eo emaron̄ ekōnono kōn wāween ko n̄an kōjerbal al in jar ko n̄an karuwaineneiktok Jetōb eo n̄an kapijuknen ko aer.

Katak im Bujen ko 25:5, 14

Jej aikuj pukot n̄an bōk juon “jetōbōn ettā.”

• Irooj eaar kapilōk Emma n̄an “wōnm̧aanļo̧k wōt ilo jetōbōn ettā” (Katak im Bujen ko 25:14; lale barāinwōt eoon 5). N̄an etale ta eo emaron̄ meļeļe in, komaron̄ je Ettā ioon boot eo im kajjitōk ippān ro uwaan kūlaaj eo n̄an je turin ta naan eo ekōm̧m̧an bwe ren ļōmņake. Innām remaron̄ lale jekjen 25 kōn naan ko im eoon ko me rej en̄jake eiokļo̧k ettā innām kwaļo̧k ta eo reloe. Ļōmņak in kwaļo̧k ennaan eo jān Elder David A. Bendar ilo “Kein Jipan̄ ko jet.” Etke ej aorōk n̄an erom ettā?

Katak im Bujen ko 25:10, 13

Jej aikuj kappukōt men ko an juon laļ em̧m̧anļo̧k

• N̄an jipan̄ ro uwaan kūlaaj kōjerbal kapilōk eo an Irooj n̄an “likūtļo̧k men ko an laļ in” (Katak im Bujen ko 25:10), komaron̄ kajjitōk ippāer n̄an kōllaajrake waanjon̄ok ko an “men ko an laļ in” im waanjon̄ok ko an “men ko an rem̧m̧aļo̧k an [laļ]” Ta naan in rōjan̄ eo jemaron̄ kwaļo̧k n̄an doon n̄an jipan̄ kalimjōk wōt men ko an indeeo? Elmen an kapilōk in ilo eoon 13 iokļo̧k kōttōbar in?

Kein Jipan̄ ko jet

Ettā ej kajoor.

Elder David A. Bednar eaar kōmeļeļeiki: “M̧wil eo em̧m̧an an ineem̧m̧an āinwōt an Kraist emakijkij likjab meļeļe kake ilo laļ in ad rainin. Ineem̧m̧an ej kajoor, jab m̧ōjņo̧; wāmourur, jab pād waan, peran, jab kor, kōtōmļap, jab waan; ettā, jab kakōl; im bwilōn̄, jab ļam waan. Juon armej eineem̧m̧an ejjab illulu, kōmjāje, ak kabbil im ilo jab pere im ej kile tōprak ko an ro jet.” (“Ineem̧m̧an im Ettā Bōro,” Ensign ak Liaona, Māe 2018, 32).

Kōkōm̧anm̧anļo̧k Ad Katakin

Kam̧ool kōn kōjeraam̧m̧an ko kar kallim̧ur kaki. N̄e kwoj kūr ro uwaan kūlaaj eo n̄an mour kake ta eo rej ekkatak, kam̧ool kōn kōjeraam̧m̧an ko Anij eaar kallim̧ur kaki (lale Teaching in the Savior’s Way, 35).