“Jeptōm̧ba 21–27. 3 Nipai 12–16: ‘N̄an Kien eo, im Meram eo,’” Itok, Ļoor Eō—N̄an Jabōt Jikuuļ: Bok in Mormon 2020 (2020)
“Jeptōm̧ba 21–27. 3 Nipai 12–16,” Itok, Ļoor Eō—N̄an Jabōt Jikuuļ: 2020
Jilu Nipai: Jon̄oulruo Rein Ro Ikar Kāālet, jān Gary L. Kapp
Jeptōm̧ba 21–27
3 Nipai 12–16
“N̄a Kien eo, im Meram eo”
Kajjojo armej ilo kūlaaj eo am̧ renej maron̄ loe juon men eo eļaptata lukkuun wōrtokjen n̄an er ilubwilijin elōn̄ katak ko rekajoor an Rilo̧mo̧o̧r eo ilo 3 Nipai 12–16. Kōm̧m̧an bwe ro uwaan kūlaaj eo ren kwaļo̧k pedped in katak ko raorōk n̄an er.
Je En̄jake ko Rej Im̧we Eok
Kajjitōk bwe ren Kwaļo̧k
N̄an leļo̧k n̄an aolep juon iien em̧m̧an n̄an aer kwaļo̧k ta eo rekar ekkatak ilo 3 Nipai 12–16, komaron̄ je nōm̧ba 12 n̄an 16 ioon boot eo. Ro uwaan kūlaaj eo remaron̄ kappukot juon eoon ilo jebta kein me rej loe an aorōk im je eoon eo ium̧win nōm̧ba in jebta eo ion boot eo. Kāālet jejjo eoon ko n̄an riit ippān doon, im ekōnono kaki etke raorōk.
Katakin Katak ko
Katak ko an Rilo̧mo̧o̧r eo ej kwaļo̧k n̄an kōj wāween erom̧ rikaļoor ro rem̧ool.
-
Laajrak in an wiik in ilo Itok, Ļoor Eō—N̄an Kajjojo Armej im Baam̧le ko ļōmņak in kōmeļeļeiki ilo tukaduin eoon ko ilo 3 Nipai 12–14 n̄an kam̧ōj eoon in “Rikaļoor ro rem̧ool an Jisōs Kraist …” Komaron̄ kajjitōk eļan̄n̄e jabdewōt ro uwaan kūlaaj eo ekar kōm̧m̧an ikkure in enaaj m̧ōņōņō in kwaļo̧ke ta eo rekar katakin. Ak komaron̄ je ennaan kein rijibikbik ioon boot eo, ippān eoon in jipan̄ kein āinwōt: 3 Nipai 12:3–16, 38–44; 13:1–8, 19–24; im 14:21–27 (ak eoon ko jet kwar loi ilo ekkatak eo am̧ make). Ro uwaan kūlaaj eo remaron̄ in kāālet juon eoon n̄an riiti, kajjojo armej ak ilo kūrub ko, im ļōmake juon wāween n̄an kamōjļo̧k ennaan eo ioon boot eo pedped wōt ion ta eo eoon ko rej katakin. Rōjan̄ ro uwaan kūlaaj eo n̄an kejōkļo̧kjeņ im bōlen je ta eo renaaj kōm̧m̧ane n̄an kōm̧m̧ane n̄an ļoor Jisōs Kraist ilo eļapļo̧k tiljek kōnke ta eo rekar katak jān eoon kein.
-
N̄an jipan̄ ro uwaan kūlaaj eo meļeļe naan ko an Rilo̧mo̧o̧r eo ilo 3 Nipai 12:48, komaron̄ kajjitōk ippān juon ak elōn̄ļo̧k iaer n̄an katak ōn ennaan eo an Elder Jeffrey R. Hollan “Em̧ool—Kom̧ Naaj Weeppān” (Ensign ak Liaona, Nob. 2017, 40–42) m̧okta jān kūlaaj im kwaļo̧k en̄jake ko aer bwe ekar jipan̄ er meļeļe eoon in.
Ļōmņak ko ad rej tōlļo̧k n̄an m̧akūtkūt.
-
Juon ekōnono jān 3 Nipai 12:21–30 emaron̄ jipan̄ ro uwaan kūlaaj eo lale ewi wāween kōjebwebweik an maron̄ jipan̄ kōj peek m̧akūtkūt ko ad. N̄an jino juon ekōnono, komaron̄ in kōm̧m̧ane juon laajrak ioon boot eo ilo heading in āinwōt M̧akūtkūt ko Jej Aikuj Kōjekdo̧o̧ni im Ļōmņak ko ak En̄jake ko Me rej Tōlļo̧k N̄ani. Innām komaron̄ kajjitōk ippān ro uwaan kūlaaj eo n̄an etale 3 Nipai 12:21–22 im 27–30 im jino kanne tebōļ eo. Ta m̧akūtkūt ko jet ak ļōmņak ko ro uwaan kūlaaj eo remaron̄ kobaikļo̧k n̄an laajrak eo? Ewi wāween ad maron̄ “jab kōtļo̧k juon iaan men kein n̄an deļo̧n̄e” būruwōd? (3 Nipai 12:29). Ewi wāween jemaron̄ in kadiwōjļo̧ki n̄e rej deļo̧n̄tok? Ālkin riiti naan in ko̧o̧njeļ eo an Ezra Taft Benson ilo “Kein Jipan̄ ko Jet,” komaron̄ kōm̧m̧ane juon tebōļ ekāāl ippān heading kein M̧akūtkūt ko āinewōt an Kraist Jekōņaan Ejaki im Ļōmņak ko Me rej Tōlļo̧k N̄ani im kanni āinwōt juon kūlaaj.
Jipan̄ ko ad im ad kabun̄jar raikuj kōm̧m̧an kōn un ko rejim̧we.
-
Ekkatak 3 Nipai 13 ej bōk jikin juon iien em̧m̧an n̄an ro uwaan kūlaaj eo n̄an etale etke rej kōm̧m̧ani jerbal ko rem̧m̧an. N̄an jino juon ekōnono, komaron̄ riit ippān doon eoon 1–2 im 16 im kwaļo̧k meļeļein rijeļā m̧oņ: “Rilōkōm̧; naan in Greek eo [kar kōjerbale ilo Kallim̧ur Ekāāl] meļeļein ‘juon rikōm̧m̧an tieta,’ ak ‘juon eo … ej kōļapļo̧k juon men’” (Matu 6:2, footnote a). Bōlen juon ak ruo uwaan kūlaaj eo renaaj m̧ōņōņō in ļōkōm̧ ak m̧akūtkūt āinwōt eļan̄n̄e rej leļo̧k n̄an ro rijeram̧ōļ ak jitlo̧k. Etke ļōkōm̧ eo ak m̧akūtkūt eo ej juon metaphor em̧m̧an n̄an naan eo rijeļā mōņ? Ewi wāween ad lukkuun lale bwe jerbal in jipan̄ eo ad, jar, im jitlo̧k rej m̧ool im jab jerbal in m̧oņ?
-
Ālkin kalikkar jerbal ko rem̧m̧an kōnono kaki 3 Nipai 13:1–8 im 16–18, ro uwaan kūlaaj eo remaron̄ in ekōnono kōn ta kareel eo emaron̄ tōlļo̧k juon armej n̄an an kōm̧m̧ani men ko Anij ej kajjitōk ippād n̄an kōm̧m̧ani. Ta eo jenaaj ba n̄an juon armej eo ej kajjitōk ippād etke jej kōm̧m̧ani men ko reļļap? Rōjan̄ ro uwaan kūlaaj eo n̄an kejōkļo̧kjeņ kōn aer emourur in kōm̧m̧ani jerbal ko rem̧m̧an āinwōt men kein. Ewi wāween ad maron̄ karreoiki ideleel ko ad?
Eļan̄n̄e jej pukot “men ko rem̧m̧an” jān Jemedwōj Ilan̄, jenaaj būki.
-
N̄an meļeļe kajjitōk in an Irooj n̄an kajjitōk, kappukot, im kōļaļļaļ, enaaj maron̄ jipan̄ n̄an etale ta meļeļein naan kein. Ta eo kajjojo naan rej kwaļo̧k kōn ta eo Irooj ej kajjitōk ippād n̄an kōm̧m̧ane? Ewi wāween ad kajjitōk, kappukot, im kōļaļļal? Ewi wāween an kallim̧ur in ilo 3 Nipai 14:7–8 kar kūrm̧ool ilo mour ko ad? Ro uwaan kūlaaj eo barāinwōt maron̄ etale kapilōk in an Būreejtōn Russell M. Nelson ilo “JIpan̄ ko Jet,” pukot kajjitōk ko ej kajjitōk im karuwaineneik ko ej litok. Leļo̧k n̄an ro uwaan kūlaaj eo iien n̄an kejōkļo̧kjeņ im je uwaak ko n̄an kajjitōk ko An im karōk ko aer n̄an jerbal ekkar n̄an kajjitōk ko An.
-
Jet uwaan kūlaaj eo remaron̄ in lukkuun jeļā kōn ta meļeļein An ba, “Jabdewōt eo ej kajjitōk, ej bōk” (3 Nipai 14:8). Etke jet jar rejjab uwaak, im etke jet iien jej bōk uwaak ko jejjab kōņaan? Etale jet iaan eoon kein āinwōt juon kūlaaj emaron̄ jipan̄ uwaaki kajjitōk kein: Aisiea 55:8–9; Hilamōn 10:4–5; 3 Nipai 18:20; im Katak im Bujen ko 9:7–9; 88:64. Kōketak ro uwaan kūlaaj eo n̄an kwaļo̧k ta eo rej loe. Ewi wāween an en̄jake kein jelet wāween ad jar?
Kōketak Ekkatak ilo Mweo
N̄an im̧we ro uwaan kūlaaj eo n̄an riit 3 Nipai 17–19 ilo m̧weo, komaron̄ kajjitōk ippāer n̄an pijaiki ilo kōļmenļo̧kjeņ elmen en̄jake eo eļan̄n̄e raar ron̄ an Rilo̧mo̧o̧r eo jar kōn er im baam̧le ko aer. Ilo jebta kein renaaj riit kōn armej ro ekar wōr aer en̄jake rot in ekwojarjar.
Kein Jipan̄ ko jet
Jemaron̄ in kōjparok ļōmņak ko ad.
Būreejtōn Ezra Taft Benson ekar katakin:
“Ļōmņak eo kar keidi n̄an juon jekjek eo me juon emaron̄ m̧akūtkūt ilo juon iien emaron̄ in kōm̧m̧ane. Jān turājet eo juon in pā ko pein Irooj, wōn eo ej iakwe eok, kajjieon̄ likūti ilo juon jekjek in ļōmņak eo am̧ me enaaj kōjeraam̧m̧an eok. Jāņ turājet eo juon in pā ko pein tepil eo, eo ej kōjdat eok, ej kajjieon̄ likūti ilo juon jekjek in ļōmņak eo am̧ me enaaj kakkure eok.
“Kwoj pād ilo juon jekjek in bōk eddo—kwe eo ej kālet ļōmņak rot eo enaaj jerbale juon jekjek. … Kwonaaj pād kōn ta eo kwoj ļōmņak kake—ta eo aolep iien kwoj kōtļo̧k an pād ilo kōļmenļo̧kjeņ eo am̧. …
“Eļan̄n̄e ļōmņak ko rej kōm̧m̧an bwe en wōn kōj, im kōj jej aikuj erom̧ āinwōt Kraist, jej aikuj ļōmņak ļōmņak ko āinwōt Kraist” (“Think on Christ,” Ensign, Epr. 1984, 10–11).
Anij ekōņaan kōnono n̄an kwe.
Būreejtōn Russell M. Nelson ekar ba:
“Ta eo kwonaaj pukōte epeļļo̧k n̄an kwe? Māletlet rot ejabwe ippem̧? Ta eo kwoj en̄jake ej juon menin ekairir n̄an jeļā ak meļeļe? Ļoor waanjon̄ak eo an Rikanaan Josep. Pukot juon jikin elūr ijo me komaron̄ in etal n̄ane aolep raan. Kōttāik eok make im̧aan Anij. Leļo̧k aolepān būruwōm̧ n̄an Jemedwōj Ilan̄. Oktakļo̧k n̄an E n̄an uwaak ko im kōn aenōm̧m̧an.
“Jar ilo etan Jisōs Kraist kōn inepata ko am̧, mijak ko am̧, m̧ōjņo̧ ko am̧—aaet, aolepān kōņaan ko an būruwōm̧. Innām ron̄jake! Je ļōmņak ko me rej itok n̄an kōļmenļo̧kjeņ eo am̧. Je en̄jake ko am̧ im wōnm̧aanļo̧k wōt kōn m̧akūtkūt ko me kwōj bōk im̧we n̄an kōm̧m̧ani. …
“Anij ej ke lukkuun kōņaan kōnono n̄an eok? Aaet! … Ij rōjan̄ eok n̄an erļo̧keļo̧k maron̄ in jetōb eo am̧ eļapļo̧k jān maron̄ in jetōb eo am̧ kiiō n̄an bōk revelesōn ko ad make. …
“O, eļapļo̧k jon̄an eo me Jemōm̧ Ilan̄ ekōņaan bwe kwon jeļā” (“Revelesōn n̄an Kabun̄ eo, Revelesōn n̄an Mour ko Ad,” Ensign ak Liaona, Māe 2018, 95).
Kōkōm̧anm̧anļo̧k Ad Katakin
Jipan̄ rūkkatak ro ļōn̄aj doon. “Kajjojo armej ilo kūlaaj eo am̧ ej m̧weie kōn jipan̄ kōn juon naan in kam̧ool, im̧we ko, im en̄jake ko ilo mour kōn gospel eo. Karuwaineneik er n̄an kwaļo̧k im ļōn̄aj doon” (Teaching in the Savior’s Way, 5).