“Dugang nga mga Kapanguhaan alang sa Pagtudlo sa mga Bata,” Dali, Sunod Kanako—Alang sa Primary: Doktrina ug mga Pakigsaad 2021 (2020)
“Dugang nga mga Kapanguhaan alang sa Pagtudlo sa mga Bata,” Dali, Sunod Kanako—Alang sa Primary: 2021
Dugang nga mga Kapanguhaan alang sa Pagtudlo sa mga Bata
Kini nga mga kapanguhaan makita sa Gospel Library nga app ug sa ChurchofJesusChrist.org.
Dali, Sunod Kanako—Alang sa mga Indibidwal ug mga Pamilya
Mahimo nimong ipahiangay ang mga kalihokan gikan sa Dali, Sunod Kanako—Alang sa mga Indibidwal ug mga Pamilya alang sa paggamit sa imong klase sa Primary. Ayaw kabalaka kon ang mga bata nakahimo na niini nga mga kalihokan uban sa ilang mga pamilya sa panimalay; ang pagbalik-balik makatabang sa mga bata nga makakat-on. Panahon sa Primary, tingali ang mga bata gustong mopaambit ngadto sa uban sa unsay ilang nakat-unan sa panimalay mahitungod sa Manluluwas ug sa Iyang ebanghelyo.
Mga Himno ug Songbook sa mga Bata
Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang ngadto sa giimprinta nga mga bersyon sa Mga Himno ug sa Songbook sa mga Bata, makakita ka og audio ug video nga mga recording sa daghang mga himno ug mga kanta sa mga bata sa music.ChurchofJesusChrist.org ug diha sa Sacred Music ug sa Gospel Media nga mga app.
Tan-awa Ang Inyong Gagmay nga mga Bata
Daghan sa mga hilisgutan nga gitudlo diha sa Tan-awa Ang Inyong Gagmay nga mga Bata: Manwal sa Nursery susama ra niadtong imong itudlo sa Primary. Ilabi na kon magtudlo ka og mas gagmay nga mga bata, ikonsiderar ang pagtan-aw diha sa manwal sa nursery alang sa dugang nga mga awit, mga istorya, mga kalihokan, ug pagpanghimo og mga produkto gamit ang kamot [crafts].
Liahona nga Magasin
Ang magasin nga Liahona naghatag og mga istorya ug mga kalihokan nga makadugang sa mga baruganan nga imong gitudlo gikan sa Dali, Sunod Kanako—Alang sa Primary.
Mga Istorya sa Doktrina ug mga Pakigsaad
Ang Mga Istorya sa Doktrina ug mga Pakigsaad naggamit og mga hulagway ug gipayano nga pinulongan aron pagtabang sa mga bata nga makakat-on gikan sa Doktrina ug mga Pakigsaad. Makita usab nimo ang mga video niini nga mga istorya diha sa Gospel Library nga app ug sa Gospel Media Library sa ChurchofJesusChrist.org.
Libro nga Koloranan bahin sa mga Istorya sa Kasulatan: Doktrina ug mga Pakigsaad
Kini nga kapanguhaan naglangkob og mga pahina sa mga kalihokan nga gidesinyo aron pagpalambo sa pagkat-on sa mga bata gikan sa Doktrina ug mga Pakigsaad.
Mga Video ug Art
Ang artwork, mga video, ug ubang media makatabang niadtong imong tudloan nga ma-visualize ang doktrina ug mga istorya nga may kalabutan sa Doktrina ug mga Pakigsaad. Bisitaha ang Gospel Media Library sa ChurchofJesusChrist.org sa pag-browse sa koleksyon sa Simbahan sa mga kapanguhaan sa media. Kini nga mga kapanguhaan anaa usab sa Gospel Media nga app, ug daghang mga imahe makita usab diha sa Libro sa mga Hulagway sa Ebanghelyo.
Pagtudlo sumala sa Pamaagi sa Manluluwas
Ang Pagtudlo sumala sa Pamaagi sa Manluluwas makatabang kanimo sa pagkat-on ug sa paggamit sa mga baruganan sa Kristohanon nga pagtudlo. Kining mga baruganan hisgutan ug buhaton diha sa mga miting sa teacher council.
Mga Santos
Ang Mga Santos usa ka dinaghang volume nga gisugilon nga kasaysayan sa Simbahan. Ang Volume 1, Ang Sumbanan sa Kamatuoran, ug ang volume 2, Walay Dili Balaan nga Kamot, naglakip sa samang yugto sa kasaysayan sa Simbahan sama sa Doktrina ug mga Pakigsaad. Kining mga kasaysayan makahatag nimo og mga ideya sa konteksto nga naglibut sa mga pinadayag nga imong tun-an sa Doktrina ug mga Pakigsaad.