usa ka pamilya

Disyembre 13–19

Ang Pamilya: Usa ka Pamahayag ngadto sa Kalibutan

“Ang Pamilya Mahinungdanon ngadto sa Plano sa Tiglalang”

Unsa nga mga baruganan ang imong makita diha sa “Ang Pamilya: Usa ka Pamahayag ngadto sa Kalibutan” nga ikaw mibati nga gidasig nga ipaambit ngadto sa mga bata? Samtang mangandam ka sa pagtudlo, irekord ang mga pag-aghat nga imong madawat gikan sa Espiritu.

Irekord ang Imong mga Impresyon

pagpaambit nga icon

Dapita ang Pagpaambit

Dapita ang mga bata sa pagdala o pag-drowing og hulagway sa ilang pamilya nga ipaambit ngadto sa klase. Hangyoa ang mga bata nga mopaambit og butang nga ilang ganahan mahitungod sa ilang pamilya o nga ilang nakat-unan mahitungod sa mga pamilya niining semanaha.

pagtudlo nga icon

Itudlo ang Doktrina: Mas Gagmay nga mga Bata

Ang mga pamilya importante diha sa plano sa Langitnong Amahan.

Unsaon nimo paggamit sa ang pamahayag sa pamilya aron matabangan ang mga bata nga makasabut kon unsa kaimportante ang mga pamilya diha sa plano sa Dios?

Posible nga mga Kalihokan

• Tabangi ang mga bata sa paghunahuna og mga butang nga importante kaayo nga gusto nilang isulti sa tanan ang mahitungod niini. Ipakita sa mga bata ang usa ka kopya sa “Ang Pamilya: Usa ka Pamahayag ngadto sa Kalibutan,” ug ipasabut nga ang mga propeta ug mga apostoles misulat niini aron sultihan ang tanan kon unsa kaimportante ang mga pamilya ngadto sa Langitnong Amahan. Pangutan-a ang mga bata kon nganong naghunahuna sila nga ang mga pamilya importante kaayo ngadto sa Langitnong Amahan. Ipaambit ang usa ka butang gikan sa pamahayag nga imong gibati nga kinahanglang mahibaloan sa tanan.

• Ipakita sa mga bata ang litrato sa usa ka templo ug litrato sa usa ka pamilya. Paguniti sa mga bata ang mga litrato samtang ikaw nagbasa sa katapusang sentence [kapahayag] sa ikatulong parapo [paragraph] sa ang pamahayag sa pamilya. Hangyoa sila nga motudlo ngadto sa husto nga mga litrato kon mabasa nimo ang mga pulong nga “mga templo” ug “mga pamilya.” Ipamatuod nga tungod sa mga ordinansa sa templo, ang atong mga pamilya mahimong magkahiusa sa kahangturan. Manganta og dungan sa usa ka awit mahitungod sa mahangturong mga pamilya, sama sa “Gusto Ko nga Makita ang Templo” (Songbook sa mga Bata, 99), ug tabangi ang mga bata sa pagpaminaw sa mga pulong sama sa “templo” ug “pamilya.”

• Pangutan-a ang mga bata kon unsay atong mabuhat aron mapalig-on ang nagkadaiyang mga butang—sama sa atong mga ngipon, atong mga lawas, o sa usa ka gambalay [building]. Unsay atong mabuhat aron mahimong lig-on ang atong mga pamilya? Tabangi ang mga bata nga makasabut sa mga baruganan nga moresulta ngadto sa kalipay sa kinabuhi sa pamilya, nga makita sa ikapitong paragraph sa ang pamahayag sa pamilya (tan-awa usab sa pahina sa kalihokan niining semanaha). Tabangi ang mga bata sa pagplano og mga paagi nga ilang mapalig-on ang ilang mga pamilya.

  usa ka pamilya nga nagluto

  Ang mga ginikanan kinahanglang moamuma sa ilang mga anak diha sa gugma ug pagkamatarung.

Ako usa ka “hinigugmang espiritu nga anak nga lalaki o babaye sa langitnong mga ginikanan.”

Ang pamahayag sa pamilya nagtudlo nga kitang tanan mga anak sa Langitnong mga Ginikanan ug ania kita dinhi sa yuta aron mas mahisama Kanila.

Posible nga mga Kalihokan

• Kantaha og dungan ang Ako Anak sa Dios” (Songbook sa mga Bata, 2–3). Dayon i-itsa ang usa ka bola o humok nga butang ngadto sa usa ka bata samtang moingon ka, “Nakaila ko og usa ka anak sa Dios nga ginganlan og [ngalan sa bata].” Hangyoa ang bata sa pag-itsa sa butang ngadto sa laing bata, nga mosulti sa samang mga pulong ug naglakip sa ngalan sa bata. Balika ang kalihokan hangtud ang tanan nakahuman na. Ipamatuod nga ang matag bata usa ka “hinigugmang espiritu nga anak nga lalaki o babaye sa langitnong mga ginikanan.”

• Ikonsiderar ang mga paagi nga imong mapakita nga tungod kay kita mga anak sa Langitnong mga Ginikanan, mahimo kitang mahisama Kanila. Sama pananglit, ipakita ang mga litrato sa mga hayop ug ang ilang gagmay nga mga anak, o sa imong kaugalingon ug sa imong mga ginikanan o mga anak, ug tabangi ang mga bata nga makakita og mga pagkapareho. Ipamatuod nga sama sa mga masuso nga modako nga pareho sa ilang mga ginikanan, sa umaabut nga adlaw kita mahisama sa atong Langitnong mga Ginikanan.

pagtudlo nga icon

Itudlo ang Doktrina: Mas Dagko nga mga Bata

Ang mga pamilya mahinungdanon sa plano sa Langitnong Amahan.

Ang pamahayag sa pamilya giisyu aron pagmatuod pag-usab sa mahangturong mga kamatuoran mahitungod sa pamilya. Ikonsiderar kon unsaon nimo pagtabang ang mga bata nga mas mapalambo pa ang ilang mga pagpamatuod bahin niining mga kamatuoran.

Posible nga mga Kalihokan

• Pangutan-a ang mga bata kon kahibalo ba sila kon kinsa ang nagsulat sa ang pamahayag sa pamilya. (Sa iyang mensahe nga “Ang Plano ug ang Pamahayag” [Liahona, Nob. 2017, 28–31], gihulagway ni Presidente Dallin H. Oaks kon giunsa kini pagsulat.) Tabangi ang mga bata nga makasabut kon unsay gipasabut sa mga pulong nga “sa maligdong nga paagi mopahayag” diha sa pangbukas nga paragraph. Hangyoa sila sa pagpaambit sa ilang mga hunahuna kon nganong ang mga propeta ug mga apostoles gusto nga “sa maligdong nga paagi mopahayag” sa mga kamatuoran mahitungod sa pamilya sa atong panahon.

• Ipaambit ang pipila ka pamahayag gikan sa ang pamahayag sa pamilya nga labing makahuluganon nganha kanimo. Dapita ang mga bata sa pagpaambit sa ilang mga pagbati mahitungod niadtong mga kamatuoran. Unsa kaha ang kalainan sa atong kinabuhi kon wala pa kita mahibalo niining mga butanga? Manganta og dungan sa usa ka awit nga may kalabutan sa mga kamatuoran diha sa pamahayag, sama sa “Sundon Ko ang Plano sa Dios” o “Mga Pamilya Mahimong Manag-uban sa Kahangturan” (Songbook sa mga Bata, 86–87, 98).

• Ipakita ngadto sa mga bata ang mga hulagway (o dapita sila sa pagdrowing og pipila) nga nagpakita sa mga kamatuoran nga makita diha sa ang pamahayag sa pamilya. Mahimo kining mga hulagway sa usa ka templo, usa ka pamilya nga kaubang nag-ampo o nagdula, o magtiayon nga nagpakasal. Dapita ang mga bata sa pagpangita sa mga sentence diha sa ang pamahayag sa pamilya nga may kalabutan sa mga hulagway. Unsa ang gitudlo niining mga sentence kanato?

• Pag-andam og pipila ka pangutana nga matubag diha sa ang pamahayag sa pamilya, sama sa “Unsay gibati sa Dios mahitungod sa kaminyoon?” ug “Unsay makapahimo sa usa ka pamilya nga malipayon?” Tuguti ang mga bata sa pagpili og usa ka pangutana, ug tabangi sila sa pagpangita og mga tubag diha sa pamahayag.

• Dapita ang usa ka inahan ug amahan sa usa sa mga bata sa pagpaambit ngadto sa klase kon giunsa nila “pagtabang sa usag usa ingon nga magkauban” sa ilang “sagrado nga mga kapangakohan” diha sa ilang pamilya. Dapita ang mga bata sa paghisgot kon unsay ilang mahimo aron maandam nga mahimong matarung nga mga asawa ug mga bana, mga inahan ug mga amahan.

Ang mga pamilya labing malipayon kon mosunod sila ni Jesukristo.

Ang Langitnong Amahan nahigugma sa matag usa sa Iyang mga anak, ug gusto Siya nga sila magmalipayon. Sa unsang paagi nimo matabangan ang mga bata nga imong gitudloan nga makasabut nga ang tinuod nga kalipay nagagikan sa pagsunod sa mga pagtulun-an ug ehemplo sa atong Manluluwas nga si Jesukristo?

Posible nga mga Kalihokan

• Pagdrowing og dakong outline sa usa ka kasingkasing diha sa pisara, ug dapita ang mga bata sa pagbasa sa ikapitong paragraph sa pamahayag. Hangyoa sila sa pagpangita sa mga butang nga ilang mahimo sa pagtabang sa ilang mga pamilya nga magmalipayon, ug isulat ang ilang mga tubag sa sulod sa kasingkasing. Dapita ang mga bata sa pagpili og butang nga ilang mabuhat sa paghimo sa ilang mga panimalay nga mas malipayon.

• Dapita ang mga bata sa pagpaambit og mga kasinatian sa dihang mibati sila nga gihigugma sa usa ka sakop sa pamilya. Tabangi ang mga bata sa pag-ila sa mga baruganan gikan sa ikapitong paragraph sa pamahayag nga makatabang sa mga sakop sa pamilya nga mobati nga gihigugma. Sa unsang paagi nga ang atong kahibalo bahin sa ebanghelyo ni Jesukristo makaapekto sa paagi sa atong pagtratar sa atong mga pamilya?

• Pangutan-a ang mga bata unsay ilang isulti kon adunay usa ka higala nga mangutana kanila nganong ang pagminyo o pagbaton og mga anak importante. Unsaon nato pagtabang niining higala nga makasabut kon unsa kaimportante ang mga pamilya ngadto sa Langitnong Amahan? Tabangi ang mga bata nga makakita og mga pamahayag diha sa ang pamahayag sa pamilya nga makatabang; tan-awa usab ang video nga “What Is the Purpose of Family?” (ChurchofJesusChrist.org).

pagkat-on nga icon

Awhaga ang Pagkat-on diha sa Panimalay

Dapita ang mga bata sa paghimo og plano nga mobuhat og usa ka butang aron sa paglig-on sa ilang mga pamilya. Awhaga sila sa pagpaambit sa ilang plano ngadto sa mga sakop sa ilang pamilya diha sa panimalay.

Pagpalambo sa Atong Pagtudlo

Magmahimong sensitibo. Samtang magtudlo ka sa mga kamatuoran nga gitudlo diha sa ang pamahayag sa pamilya, palihug hibaloi nga daghang bata ang gipadako diha sa mga pamilya nga wala mohaum sa mga mithi nga gihulagway sa pamahayag. Pagmatngon nga dili mosulti og bisan unsang butang nga mahimong mopabati nila nga mawad-an og kadasig o ubos ra.

pahina sa kalihokan: ang mga pamilya importante sa plano sa Langitnong Amahan