C.C. A. CChristensen (1831–1912), Cemuri na Yalododonu mai yasayasa vaka-Jekesoni Misuri, c. 1878, tempera ena muslin, 77 ¼ × 113 na idi. Brigham Young University Museum of Art, isolisoli ni makubui C. C. A. Christensen, 1970

6–12 ni Sepiteba

Vunau kei na Veiyalayalati 98–101

Dou Tiko Lo, Mo Dou Kila Ni’u sa Kalou.

Na itukutuku cava era gadreva na gone ena nomu kalasi me ra rogoca ena macawa oqo? Na ivakavuvuli e tiko e Vunau kei na Veiyalayalati 98–101 ena vukei ira beka vakacava vakavinaka cake na tisaipeli i Jisu Karisito?

Vola na Veika o Vakauqeti Kina

Sureta na Veiwasei

Vakayaloqaqataki ira na gone mera wasea na veika era sa vulica mai na Vunau kei na Veiyalayalati mai vale se ena Lalai. Tarogi ira na cava era sa marautaka vakalevu ni vuli mai na Vunau kei na Veiyalayalati.

Vakavulica na iVunau: Gone Sobu

Vunau kei na Veiyalayalati 98:39–40

Au rawa ni vosoti ira era sa yaloca vei au.

E kerei ira na Yalododonu na Turaga ka ra sa vakacacani e yasayasa vaka-Jekesoni, Misuri, me ra vosoti ira era a vakamavotaki ira. Ni o vakavulici ira na gone na bibi ni veivosoti, vakadeitaka mera kila vakamatata talega ni kevaka e dua e vakararawataki ira, me ra dau tukuna vei dua na qase e nuitaki.

iTaviqaravi e Rawa ni Caka

• Me vukei ira na gone mera kila vakavinaka ni sa sotava tiko na bolebole o ira na Yalododonu e Saioni, ka wasea vei ira “Wase 34: Na Kalou e Vakarota na Tamata ni Saioni” (iTalanoa mai na Vunau kei na Veiyalayalati, 128–31, se na kena vidio ena ChurchofJesusChrist.org). Wilika na Vunau kei na Veiyalayalati 98:39–40, ka kerei ira na gone mera vakarogoca na veika e kaya na Turaga vei ira na Yalododonu mera cakava ni ra sa kere veivosoti na nodra meca. Na cava na vuna e vinakata kina o Jisu me da vosoti ira na tamata, ko ira saraga era sega ni vinaka vei keda?

• Biuta e dua na iyaloyalo ni dua na mata mamarau ena dua na lalaga kei na mata rarawa ena lalaga kadua. Wasea vata kei ira na gone na veigauna duidui ka dua e yaloca (rawa ni o kunea eso na italanoa mai na Friend se Liaona). Vakatura eso na sala eda rawa ni sauma lesu kina na ivalavala lomaca, ka vukei ira na gone mera vakatulewa kevaka na isau yadua sa isau vakadeitaki ira me marau se na rarawa. Sureti ira na gone me ra dusia na mata vata oya ena lalaga.

Vunau kei na Veiyalayalati 101:16

O Jisu Karisito e rawa ni kauta mai vei au na vakacegu.

Ni ra sotava na veivakacacani na Yalododonu , sa vakacegui ira na Turaga ena nona kaya, “Dou tiko lo, mo dou kila Ni’u sa Kalou.” Navuca na sala e rawa ni vakalougatataki ira kina na gone o vakavulica na ivakasala oqo.

iTaviqaravi e Rawa ni Caka

• Sureti ira na gone mera yavavala ena nodra idabedabe. Qai kerei ira mera tu vakadua ni o taura tu na iyaloyalo ni iVakabula ka tukuna na malanivosa “Dou tiko lo, mo dou kila Ni’u sa Kalou” (Vunau kei na Veiyalayalati 101:16). Tokaruataka vakavica na itaviqaravi oqo. Vakamacalataka ni sa dredre vei ira na Yalododonu na bula ena gauna nei Joseph Smith, e vinakata o Jisu mera tiko lo ka nuitaki Koya tiko ka sega ni lomaleqa. E vukei keda vakacava o Jisu ni da sotava tiko na dredre?

• Lagata vata e dua na sere me baleta na vakarokoroko, me vaka na “Rokovi, Lomani” se “To Think about Jesus” (iVolanisere ni Lalai, 11, 71). Vukei ira na gone me raica na veivakacegui e yaco mai ni da sa tiko lo ka vakasamataki Jisu—me kena ivakaraitaki, ni da sa masu se vakayagataka na sakaramede.

• Vukei ira na gone me ra vakacavara na tabana ni itaviqaravi ni macawa oqo. Ni ra rokarokataki tiko, tukuna vei ira e sa vukei iko vakacava ni o vakasamataki Jisu Karisito mo vakila na vakacegu, ena gauna dredre mada ga.

  

  iTukutuku mai na O Karisito kei na Cauravou Vutuniyau, mai vei Heinrich Hofmann.

Vakavulica na iVunau: Gone Qase Cake

Vunau kei na Veiyalayalati 98:1–3, 11–14; 101:16

Na noqu vei vakatovolei ena vukei au meu ucui Jisu Karisito vakalevu cake.

Ni ira sotava na gone na bolebole ena nodra bula taucoko, era na gadreva kina na vakabauta ni na iVakabula e rawa ni vukei ira ena nodra gauna ni veivakatovolei, ka na veivakatovolei e rawa ni “vakaduavatataki [mera] vinaka kina ” (Vunau kei na Veiyalayalati 98:3).

iTaviqaravi e Rawa ni Caka

• Kerei ira na gone me ra vukei kemuni mo ni vakayacora e dua na lisi ena vava ni volavola eso na bolebole e rawa ni sotava e dua na gone ena nodra yabaki ni bula. Tukuna vei ira na gone me baleta eso na bolebole ni Yalododonu era vakaitikotiko ena yasayasa vaka-Jekesoni, Misuri, ena 1833 (raica na wase 34 kei na 35 ena iTalanoa ena Vunau kei na Veiyalayalati, 128–34). Na ivakasala cava era rawa ni solia vei dua na gone ka sotava tiko na vei bolebole vakaoqo? Kerei ira na gone me ra wilika na Vunau kei na Veiyalayalati 98:1– 3, 11–14., ka vakasaqara na veidusimaki ka solia na Turaga. Era na muria vakacava na ivakasala oqo ni ra sotava na bolebole me vakataka na kena era volai tiko ena vava ni volavola?

• Sureti ira na gone me ra na tiko lo ka vakagagalu me vica na miniti ena gauna vata era raica tiko kina e dua na iyaloyalo ni iVakabula se vakarorogo ki na dua na sere baleti Koya. Mo qai sureti ira me ra wasea na veika era vakila ka sotava ni oti na gauna ni vakanomodi. Wilika na Vunau kei na Veiyalayalati 101:16. E vukei keda vakacava na tiko lo ka vakasamataki Jisu? Vukei ira na gone mera kila vakavinaka na isema e tiko ena vakanomodi ni vakarokoroko kei na noda rawa ni vakila na Yalotabu ka vakasamataki Jisu.

Vunau kei na Veiyalayalati 98:23, 39–40

E vinakata o Jisu meu vosoti ira sa yaloca vei au.

Eda sa vakaroti meda veilomani vakaikeda, me da vosoti ira na tani me “vakavitusagavulu na vitu,” ka solia na balumu kadua (raica Maciu 5:39, 43–44; 18:21–22). O na vakayagataka vakacava na veitikina oqo me vakavulici ira na gone ena dina oqo?

iTaviqaravi e Rawa ni Caka

• Tukuna vei ira na gone me baleta na veivakacacani e yaco ena yasayasa vaka-Jekesoni, Misuri, ena 1833 (raica na wase 34 kei 35 ena iTalanoa ena Vunau kei na Veiyalayalati, 128–34). Tarogi ira na gone ena vakacava beka na nodra vakila kevaka era a lewe ni Lotu ena gauna o ya. Sureti ira mera wilika na Vunau kei na Veiyalayalati 98:23, 39–40 me ra vaqara na cava e vinakata na Turaga me ra vakayacora na Yalododonu. Na cava na vuna e dau dredre me vosoti ira era vakararawataki keda? Eda vakalougatataki vakacava ni da cakava?

• Tarogi ira na gone ke rawa ni ra vakasamataka e dua na gauna o Jisu Karisito se dua tale ena ivolanikalou e a cakava na ka e vakatavulica na Vunau kei na Veiyalayalati 98:23 . Me soli vei ira e dua na ivakaraitaki, vakaraitaka na iyaloyalo ni mate ena kauveilatai (me vakataka na Gospel Art Book, naba 57). Kerei ira na gone me ra wasea na veika era kila me baleta na nona vakamatei na iVakabula (raica Luke 23). Sureti ira mera wilika Luke 23:34. Ena rawa vakacava meda muria na ivakaraitaki nei Jisu Karisito?

Vunau kei na Veiyalayalati 101:23–32, 36, 38

Ena vukui Jisu Karisito au rawa ni kune marau.

E sega ni inaki ni bula me galala mai na dredre, ia e rawa ni o vukei ira na gone me ra kila tiko ni ra rawa tikoga ni kunea na taucoko ni marau mai vei Jisu Karisito.

iTaviqaravi e Rawa ni Caka

• Biuta na wai ena dua na bilo. Kerei ira na gone mera cavuta na veika sa cakava vei keda na iVakabula me rawa ni da rawata na marau, ka sureti ira me ra biuta e dua na vatu ena bilo ena veika yadua era sa tukuna me yacova ni sa sinai na bilo. Wilika vata kei ira na gone na Vunau kei na Veiyalayalati 101:36, ka kerei ira mera vakaraica na sala sa rawa ni noda kina na taucoko ni marau. Na cava soti eso na ka eda rawa ni cakava me “vakasaqara … na Turaga” (tikina 38) me rawa ni da sotava na reki e gadreva me solia vei keda o Koya?

• Vakamacalataka ni Vunau kei na Veiyalayalati 101:23–32 e vakavulica me baleta na vakarau ni bula ni sa lesu tale mai o Jisu Karisito. Ni o ni wilika vata na tikina eso oqo, veitalanoataka na veika era kunea na gone ena kauta mai vei keda na reki ena Nona lesu mai. Cava na vuna e veivuke me kilai na veika oqo ena gauna eda sotava tiko kina e dua na gauna dredre?

Vakauqeta na Vuli e Vale

Vukei ira na gone mera digitaka e dua na tikina mai na Vunau kei na Veiyalayalati 98–101 era gadreva me wasea kei ira na nodra matavuvale. Vukei ira mera vakasamataka na sala era na wasea kina na ka era sa vulica mai na tikina oya.

Vakatorocaketaki Noda Veivakavulici

Torocake me vaka e dua na qasenivuli sa Vakarisito. Vakasamataka na sala eso ena rawa kina mo dua na qasenivuli sa Vakarisito vakalevu cake. Navuca mo vakayagataka na taro ni vakadikevi keda e tiko ena tabana e 37 ni Veivakavulici ena iVakarau ni iVakabula me vakauqeti iko mo vinaka cake.