Iosefa Samita o loo maua le Perisitua Mekisateko

Toefuataiga, saunia e Liz Lemon Swindle

26 Iulai–1 Aokuso

Mataupu Faavae ma Feagaiga 84

“O Le Mana o le Faale-Atua”

A o e faitauina le Mataupu Faavae ma Feagaiga 84, o a ni upumoni ua e lagona e manaomia ona faamamafa atu i tamaiti o loo e aoaoina? Tusifaamaumau manatu e oo mai ia te oe mai le Agaga Paia.

Tusi faamaumau Ou Lagona Uunai

aikona o le fefaasoaai

Valaaulia le Fefaasoaai

Valaaulia tamaiti e faasoa mai mea latou te iloa e uiga i le perisitua. E mafai ona e faaalia se ata o se tasi o faamanuiaina i le mana o le perisitua, e pei o le Tusi Ata o le Talalelei, nu. 103–10, ma fesili atu i tamaiti pe faapefea ona faamanuia e le perisitua aiga.

aikona o le aoao atu

Aoao atu le Aoaoga Faavae: Tamaiti Laiti

Mataupu Faavae ma Feagaiga 84:19–22, 26–27

O le perisitua o le mana a le Atua.

Pe o iloa e tamaiti o loo e aoaoina ia faamoemoega o le perisitua? I le Mataupu Faavae ma Feagaiga 84, ua faaali mai ai e le Alii se faamoemoega e tasi: e fesoasoani ia tatou toe foi atu ai i le Tama Faalelagi. (Ina ia aoao atili, tagai i Autu o le Talalelei, “Perisitua,” topics.ChurchofJesusChrist.org.)

Gaoioiga e Mafai Ona Fai

• Faitau le Mataupu Faavae ma Feagaiga 84:20, ma fai atu i tamaiti e tutu i luga pe a latou faalogo i le upu “sauniga.” Ina ia fesoasoani ia latou malamalama i le mea e ta’u o le sauniga, faaali atu ni ata o ni sauniga o le perisitua, e pei o Tusi Ata o le Talalelei, nu. 103–8, ma fesili atu i tamaiti e faamatala le mea o loo tupu i nei ata taitasi (tagai foi Taiala i Tusitusiga Paia, “Sauniga,” scriptures.ChurchofJesusChrist.org). Faamalamalama atu ua tuuina mai e le Tama Faalelagi nei sauniga e fesoasoani ia tatou toe foi atu e mau faatasi ma Ia.

• Tuu atu i tamaiti e valivali le itulau o gaoioiga. Ao latou faia, faamatala atu sauniga eseese o le perisitua o loo faaalia i luga o le itulau ma pe aisea e te lotofaafetai ai mo na sauniga.

Mataupu Faavae ma Feagaiga 84:77

O a’u o le uo a Iesu pe a ou mulimuli ia te Ia.

E mafai faapefea ona e fesoasoani i tamaiti ia iloa e alofa le Faaola ia i tatou, e sili atu foi i le alofa o se uo pele?

Gaoioiga e Mafai Ona Fai

• Faaali atu se ata o le Faaola ao e faitauina le Mataupu Faavae ma Feagaiga 84:77. Valaaulia tamaiti e faasino i le ata o le Faaola i taimi uma latou te faalogo ai i le upu “uo.” Faamalamalama atu pe a tatou taumafai e tausi poloaiga, ua tatou faaali atu ia Iesu tatou te alolofa ia te Ia. Faasoa atu le uiga ia te oe o le avea o Iesu ma au uo.

• Fesoasoani i tamaiti e lisi nisi o mea e mafai ona latou faia e faaali atu ai i a latou uo latou te alolofa ia i latou. O a ni mea na faia e Iesu e faaali mai ai ia i tatou o Ia o le tatou uo? O a ni mea e mafai ona tatou faia e faaali atu ai i le Faaola o tatou o Ana uo? Usu faatasi se pese e faatatau ia Iesu, e pei o le “Iesu O La Tatou Uo Pele” (Tusipese a Tamaiti, 37).

Mataupu Faavae ma Feagaiga 84:88

E fesoasoani le Tama Faalelagi i Ana faifeautalai.

O le manatu e avea ma se faifeautalai i se aso, o se lagona fiafia ae ono taufaafefe foi mo nisi o tamaiti. O le Mataupu Faavae ma Feagaiga 84:88 e mafai ona aoao ai i latou i le auala e fesoasoani ai le Tama Faalelagi ia i latou o loo Ia auina atu e talai Lana talalelei.

Gaoioiga e Mafai Ona Fai

• Fesoasoani i tamaiti e mafaufau i faifeautalai latou te iloa. Tau atu ia i latou na faia e le Tama Faalelagi se folafolaga faapitoa i faifeautalai. Faitau le Mataupu Faavae ma Feagaiga 84:88, ma fesoasoani i tamaiti e mafaufau i gaoioiga e ogatusa ma folafolaga i lenei fuaiupu. Faamatala atu e uiga i se taimi sa e auauna ai i le Alii ma lagona ai sa faatasi o Ia ma oe, e pei ona faamatalaina i le fuaiupu 88.

• Faasoa atu le tala i le tamaitiiti e fa-tausaga o loo i le savali a Elder Takashi Wada “Taumafa i Afioga a Keriso” (Ensign po o le Liahona, Me 2019, 38–40). Fesoasoani i tamaiti taitoatasi e mafaufau i se mea e mafai ona latou fai atu ai e faasoa ai a latou molimau i se tasi—e pei o le faasoaina atu o se mataupu faavae o le faatuatua. Fai atu i tamaiti taitoatasi e faafoliga o loo latou faasoa atu le talalelei i se uo. Molimau atu e fesoasoani le Tama Faalelagi ia i tatou ia iloa le tala e fai atu pe a tatou talanoa faatasi ma isi e faatatau i le talalelei.

aikona o le aoao atu

Aoao atu le Aoaoga Faavae: Tamaiti Matutua

Mataupu Faavae ma Feagaiga 84:4–5, 18–28, 30

O sauniga o le perisitua e fesoasoani ia te a’u ia saunia e toe mau faatasi ma le Tama Faalelagi.

Ao faasolo ina latou matutua, o tamaiti o loo e aoaoina o le a mafai ona auai i ni sauniga perisitua se tele, e aofia ai papatisoga ma faamauga mo e ua maliliu i le malumalu. E mafai faapefea ona e fesoasoani ia latou malamalama i faamoemoega ma le mana o sauniga o le perisitua?

Gaoioiga e Mafai Ona Fai

• Tusi le Perisitua Arona ma le Perisitua Mekisateko i luga o le laupapa. Faitau faatasi le Mataupu Faavae ma Feagaiga 84:18, 26–28, 30, ma fesoasoani i tamaiti e lisi upumoni ua latou iloa e faatatau i le Perisitua Arona mai nei fuaiupu. Ona faitau faatasi lea o le Mataupu Faavae ma Feagaiga 84:18–25, ma lisi upumoni e faatatau i le Perisitua Mekisateko.

• Valaaulia tamaiti e lisi sauniga o le perisitua na latou auai ai pe molimauina, e pei o le papatisoga, faamauga, faamanuiaga faale-perisitua, po o le faamanatuga. Fai atu ia i latou e faasoa mai a latou aafiaga i nei sauniga. Faitau faatasi le Mataupu Faavae ma Feagaiga 84:20 (fesoasoani ia latou malamalama i upu e le masani ai). Aisea e valaaulia ai i tatou e le Alii e auai i sauniga? E faapefea ona fesoasoani le perisitua ia tatou toe foi atu ai i le Tama Faalelagi?

  tamaiti o loo tagofia le faamanatuga

  O sauniga e fesoasoani tatou te manatua ai a tatou folafolaga i le Atua.

• Fau se paso mai se ata o se malumalu. Faitau ma tamaiti le Mataupu Faavae ma Feagaiga 84:5, ma fai atu ia i latou e faalogo mo le mea na poloaiina e le Alii le Au Paia e fau. Tuu atu i tamaiti taitoatasi se vaega o le paso, ma fai atu ia i latou e faasoa mai se mea e mafai ona latou faia e sauni ai e ulufale atu i le malumalu.

Mataupu Faavae ma Feagaiga 84:64–72, 81–88

E puipuia ma faamamana e le Alii Ana faifeautalai.

O nei fuaiupu o loo i ai folafolaga na faia e le Alii ia i latou ua Ia valaauina e talai le talalelei. O nei folafolaga e mafai foi ona musuia ai tamaiti ao latou faasoa atu le talalelei a Iesu Keriso i isi.

Gaoioiga e Mafai Ona Fai

• Vaevae tamaiti i ni paga, ma tuu atu i paga taitasi ni nai fuaiupu e faitau mai le Mataupu Faavae ma Feagaiga 84:64–72, 81–88. Valaaulia i latou e saili mo folafolaga ua tuuina mai e le Alii ia i latou o e faasoa atu le talalelei. Fai atu i ai e faasoa mai i le vasega mea ua latou aoaoina. Fesoasoani i tamaiti e mafaufau i ni tagata latou te iloa, po o tagata i totonu o tusitusiga paia, o e na mauaina le fesoasoani a le Alii a o talai atu le talalelei (e pei o Samuelu le sa Lamana [tagai Helamana 13:2–4; 16:6–7] po o Amona [tagai Alema 17:32–38]). Faasoa atu se aafiaga i se taimi na e lagonaina ai le lagolago a le Alii ao e auauna atu ia te Ia.

• Aumai ni ipu po o nisi koneteina faapena i le vasega. Tusi i luga o fasipepa ni auala e mafai ai e tamaiti ona avea ma ni faifeautalai i le taimi nei, ma tuu fasipepa taitasi i totonu o se ipu. Faaputu faatasi ipu i luga o le fola, ia ū i luga ia gutu o ipu. Valaaulia tamaiti e feauauai i le togiina o se tamai mea faitino i totonu o se tasi o ipu nei ona faatino lea o le mea o loo tusia i luga o le fasipepa o loo i totonu o lena ipu. E mafai faapefea ona fesoasoani le Tama Faalelagi ia i tatou pe a tatou faasoa atu le talalelei i isi, tusa lava pe foliga faigata pe tatou te lagona foi le popole?

• Fesoasoani i tamaiti ia iloa o i tatou uma o tagata o Le Ekalesia a Iesu Keriso o le Au Paia o Aso e Gata Ai ona o le galuega faafaifeautalai––a le o faifeautalai na aoaoina le talalelei ia i tatou, o tatou matua, poo o tatou tuaa. Faamatala i tamaiti e uiga i le auala na fesoasoani ai faifeautalai ia te oe po o ou tuaa ia maua le talalelei. Tuu atu i tamaiti e faasoa mai ni aafiaga tai faapena. Faamalosiau ia i latou e fesili i o latou matua pe na faapefea ona iloa e uluai tagata o le Ekalesia o o latou aiga i le talalelei.

aikona o le aoaoina

Fautuaina le Aoaoina i le Aiga

Valaaulia tamaiti e faatino se gaoioiga i lenei vaiaso e faasoa atu ai le talalelei i se tasi i o latou aiga po o se uo. Faamalosiau ia i latou e ole atu mo le fesoasoani a le Tama Faalelagi ma vaavaai mo mea e faia e Ia e fesoasoani ai ia i latou.

Faaleleia o Lo Tatou Aoao Atu

Faaaofia ai sane. “O le toatele o tamaiti (ma tagata matutua) e sili atu ona aoaoina pe a faaaofia ai sane eseese. Saili ni auala e fesoasoani ai i tamaiti e faaaoga o latou sane o le vaai, faalogo, ma paʻi atu ao latou aoao” (Aoao Atu i le Ala a le Faaola, 25).

O Iesu o la’u uo