Jesus nagbarug sa atubangan sa nagluhod nga mga katawhan

Every Knee Shall Bow, ni J. Kirk Richards

Marso 22–28

Doktrina ug mga Pakigsaad 29

Si Jesukristo Mopundok sa Iyang Katawhan

Nakaila ka sa mga bata nga imong gitudloan ug adunay daghang mga kamatuoran diha sa Doktrina ug mga Pakigsaad 29 nga makapanalangin kanila. Sunda ang inspirasyon sa Espiritu samtang ikaw magtuon sa seksyon 29, ug irekord ang mga panghunahuna mahitungod kon unsaon pagtudlo ang mga bata niini nga mga kamatuoran.

Irekord ang Imong mga Impresyon

pagpaambit nga icon

Dapita ang Pagpaambit

Paghunahuna sa pagdapit og pipila ka mga bata sa pagpakigbahin og pipila ka mga paagi nga sila nagkat-on sa ebanghelyo diha sa panimalay—sa tinagsa o uban sa ilang mga pamilya. Pagdapit og usa o sobra pa nga mga bata sa pagpakigbahin sa ilang pagpamatuod sa usa ka butang nga ilang nakat-unan niini nga semana sa panimalay.

pagtudlo nga icon

Itudlo ang Doktrina: Mas Gagmay nga mga Bata

Doktrina ug mga Pakigsaad 29:1–2

Mopundok si Jesukristo sa Iyang mga katawhan sa dili pa Siya moanhi pag-usab.

Kita gipundok sa Manluluwas kon kita modawat ug mosunod sa Iyang mga pagtulun-an.

Posible nga mga Kalihokan

• Ipakolor sa mga bata ang pahina sa kalihokan niini nga semana samtang imong ipasalida ang video “Chicks and Hens” (ChurchofJesusChrist.org). Hangyoa ang mga bata sa pagpaminaw kon giunsa sa himongaan pagpanalipod ang mga piso.

• Human mabasa ang Doktrina ug mga Pakigsaad 29:1–2, ipadula ang kasusama ni Kristo nga nagpundok sa Iyang mga katawhan “sama sa usa ka himongaan nga mopundok sa iyang mga piso.” Ang usa ka bata makapaaron ingnon nga ang himongaan ug magpili og usa ka suok sa kwarto nga kabarugan. Kon siya “nagkakak,”palibuta ang tanang mga bata kaniya. Makapuli-puli ang mga bata sa pagka-himongaan. Ipataas ang hulagway sa Manluluwas ug dapita ang mga bata sa paglibut Kaniya. Pakigbahin sa mga bata kon giunsa ni Jesus pagtabang kanato kon kita mopundok ngadto Kaniya.

  himongaan ug mga piso

  How Many Times, ni Liz Lemon Swindle

Doktrina ug mga Pakigsaad 29:2–11

Ako makaandam aron pagsugat sa Manluluwas.

Sa pila ka adlaw, ang matag usa kanato maanaa sa presensya ni Jesukristo. Samtang kana nga adlaw mahimong layo pa ngadto sa umaabut, ang mga bata makahunahuna gihapon mahitungod kon sama sa unsa kini ug sa unsa nga paagi sila makaandam alang niini.

Posible nga mga Kalihokan

• Pagpakita og hulagway sa Ikaduha nga Pag-anhi (tan-awa sa Libro sa mga Hulagway sa Ebanghelyo, nu. 66), ug tabangi ang usa ka bata sa pagbasa sa Doktrina ug mga Pakigsaad 29:11. Tabangi ang mga bata sa pagmatikud og mga hugpong sa mga pulong diha sa kasulatan nga naghulagway kon unsa ang ilang nakita diha sa hulagway. Pakigbahin sa mga bata kon unsa ang imong bation mahitungod sa pag-anhi ni Jesukristo pag-usab sa yuta.

• Isip usa ka klase, kanta og usa ka awit mahitungod sa Ikaduha nga Pag-anhi, sama sa “Kon Siya Moanhi Pag-usab” (Songbook sa mga Bata, 46). Ipakita sa mga bata ang mga hulagway sa mga butang nga sila makahimo sa pag-andam sa pagsugat sa Manluluwas ug mopuyo uban Kaniya sa hangtud (tan-awa sa Libro sa mga Hulagway sa Ebanghelyo alang sa pipila ka mga ideya). Tabangi sila sa pagpangita og ubang mga paagi sa pag-andam diha sa Doktrina ug mga Pakigsaad 29:2–10.

pagtudlo nga icon

Itudlo ang Doktrina: Mas Dagko nga mga Bata

Doktrina ug mga Pakigsaad 29

Ang Langitnong Amahan miandam og usa ka plano sa kaluwasan alang kanako.

Kon mas daghan ang mahibaloan sa bata mahitungod sa plano sa kaluwasan sa Dios, mas makagamit siya og hugot nga pagtuo diha sa Langitnong Amahan ug ni Jesukristo aron sa pagsunod niana nga plano. Unsa nga mga bahin sa plano nga gibati nimo ang pagkadani sa pagtutok diha niini?

Posible nga mga Kalihokan

• Paghangyo og daghang mga bata sa pagpakigbahin og ehemplo sa usa ka panahon nga sila dihay plano, sama sa usa ka pagbiyahe o paghuman sa usa ka buhat. Makahimo usab ikaw sa pagpakigbahin og mga ehemplo sa mga plano, sama sa usa ka kalendaryo nga ang mga kalihokan nahisulat diha niini o mga panudlo sa pagbuhat og usa ka butang. Nganong mapuslanon ang mga plano? Pakigbahin sa mga bata nga ang Langitnong Amahan adunay plano nga motugot kanato nga mahimong sama Kaniya.

• Aron sa pagtabang sa mga bata nga makasabut sa plano sa Dios, paghimo og mga timaan nga aduna niini nga mga pulong: kinabuhi nga wala pa dinhi sa yuta, ang Paglalang, ang Pagkapukan, kinabuhi sa yuta, ug ang Ikaduhang Pag-anhi. Human mapasabut ang matag pulong (tan-awa sa Doktrina ug mga Pakigsaad 29:9–45), ihatag ang matag timaan ngadto sa laing bata, ug hangyoa sila sa pagtindog sa usa ka linya sa husto nga pagkasunod-sunod aron sa pagpakita kon kanus-a ang matag hitabo mahitabo diha sa plano sa Langitnong Amahan. Ang matag bata makahimo sa pagpakigbahin kon unsa ang iyang nahibaloan mahitungod sa unsay anaa sa iyang timaan. Tabangi ang mga bata sa pagkat-on kon sa unsa nga paagi ang pagkahibalo mahitungod sa plano sa Langitnong Amahan nagtabang kanato nga mahimong mas mahisama Kaniya ug sa Manluluwas.

• Gamit og usa o sobra pa sa mga kalihokan sa ubos aron sa pagtudlo sa mga kamatuoran mahitungod sa plano ug sa unsa nga paagi kini magamit kanato. Hunahunaa ang paghangyo og pipila ka mga bata sa pag-anha nga andam aron sa pagtabang kanimo sa pagtudlo.

  • Kabubut-on. Tabangi ang mga bata sa pagsabut nga ang Langitnong Amahan naghatag kanato sa gasa sa kabubut-on—ang kagawasan sa pagpili—ug naghupot kanato nga may tulubagon alang sa atong mga pagpili (tan-awa sa Doktrina ug mga Pakigsaad 29:39–40). Paghimo og duha ka timaan alang sa matag bata: ang usa nagrepresentar sa naghimo og maayong pagpili (sama pananglit, usa ka mapahiyumong nawong) ug ang usa nagrepresentar sa naghimo og dili maayo nga pagpili (sama pananglit, usa ka nagkusmod nga nawong). Pakigbahin og mga ehemplo sa maayong mga pagpili ug dili maayo nga mga pagpili, ug hangyoa ang mga bata sa pagpataas sa timaan. Hangyoa ang mga bata sa pagpakigbahin og mga panalangin nga moabut kon mosunod kita ni Jesukristo. Ngano nga ang Langitnong Amahan nagtugot kanato sa paghimo sa atong kaugalingon nga mga pagpili?

  • Ang mga sugo. Dapita ang mga bata sa paghimo og lista diha sa pisara sa pipila sa mga sugo. (Alang sa mga ehemplo, makasiksik sila sa Exodo 20:3–17 ug sa Libro sa mga Hulagway sa Ebanghelyo, 103–15.) Nganong ang Langitnong Amahan mihatag kanato og mga sugo? Unsa ang atong makat-unan gikan sa Doktrina ug mga Pakigsaad 29:35 mahitungod sa mga sugo sa Langitnong Amahan?

  • Ang Pag-ula ni Jesukristo. Tabangi ang mga bata sa pagkat-on nga ang Langitnong Amahan miandam og paagi alang kanato nga mapasaylo kon kita nakahimo og sayop nga mga pagpili. Hangyoa ang matag bata sa pagbasa og usa sa mga bersikulo sa Doktrina ug mga Pakigsaad 29:1, 42–43 ug pakigbahin kon unsay gitudlo niini mahitungod sa Pag-ula sa Manluluwas. Pangita og mamugnaon nga paagi sa pagdapit sa mga bata sa pagpakigbahin kon unsa ang ilang nakaplagan, sama sa pagkasunod-sunod sa ilang mga adlaw nga natawhan, o labing mubo ngadto sa labing taas, ug uban pa.

Doktrina ug mga Pakigsaad 29:1–2

Mopundok si Jesukristo sa Iyang mga katawhan sa dili pa Siya moanhi pag-usab.

Unsaon nimo pagtabang ang mga bata nga imong gitudloan nga maghinamhinam mahitungod sa pagtabang sa pagpundok sa Israel?

Posible nga mga Kalihokan

• Dapita ang mga bata sa pagbasa sa Doktrina ug mga Pakigsaad 29:1–2 ug pangitaa kon sa unsa gitandi sa Ginoo ang Iyang Kaugalingon Mismo. Unsa ang mahunahuna sa mga bata kon ilang basahon kining pagtandi? Unsa ang gisulti sa Ginoo nga kinahanglan gayud natong buhaton aron mapundok Niya?

• Usa ka paagi nga maghinamhinam ang mga bata mahitungod sa pagpundok mao ang pagpakigbahin sa istorya kabahin sa usa ka tawo kinsa mipasakop sa Simbahan. Sama pananglit, kinsa ang mipaila sa inyong pamilya ngadto sa Simbahan? Hunahunaa ang paghangyo sa mga bata og una aron mahibaloan ang mahitungod sa unang miyembro sa Simbahan diha sa ilang mga pamilya ug ipakigbahin ang iyang istorya sa klase.

• Dapita ang mga bata sa paghimo og lista sa mga paagi nga sila makatabang sa pagpundok sa mga katawhan ngadto a Manluluwas. Sama pananglit, makadapit sila og mga higala o sakop sa pamilya ngadto sa usa ka kalihokan sa Primary o ngadto sa usa ka family home evening uban sa ilang mga pamilya.

• Ang ikanapulo nga artikulo sa hugot nga pagtuo nagsulti mahitungod sa pagpundok a Israel. Aduna bay bisan kinsa sa mga bata nga nakasag-ulo niining artikulo sa hugot nga pagtuo? Kon sila nakasag-ulo, dapita sila sa pag-recite niini alang sa klase. Kon wala, tabangi sila sa paghimo og tumong sa pagsag-ulo niini.

pagkat-on nga icon

Awhaga ang Pagkat-on diha sa Panimalay

Dapita ang mga bata sa pagsulat og usa ka kamatuoran nga ilang nakat-unan diha sa klase. Pangayo og pipila ka mga ideya sa unsay ilang buhaton aron sa pagpakigbahin niini nga kamatuoran ngadto sa ilang mga pamilya.

Pagpalambo sa Atong Pagtudlo

Paminaw og maayo. Paminaw og maayo sa reaksyon sa mga bata sa imong klase ngadto sa mga kalihokan sa pagkat-on. Kon sila dili mahimutang, kini mahimo nga panahon sa pagsibug ngadto sa laing kalihokan o sa paglakaw-lakaw. Kon imong namatikdan nga ang mga bata naningkamot ug nagkat-on, ayaw batia ang gibug-aton sa pagpadayon.

pahina sa kalihokan: si Jesukristo mopundok sa Iyang katawhan