“Jeptōm̧ba 21–27. 3 Nipai 12–16: ‘N̄a Kien eo, im Meram eo,’” Itok, Ļoor Eō—N̄an Būraimere: Bok in Mormon 2020 (2020)
“Jepta 21–27. 3Nipai 12–16,” Itok, Ļoor Eō—N̄an Būraimere: 2020
Jilu Nipai: Rein Jon̄oulruo Iaar Kālet, jān Gary L. Kapp
Jeptōm̧ba 21–27.
3 Nipai 12–16
“N̄a kien eo, im meram eo.”
Ilo am̧ ekkatak 3 Nipai 12–16, pukot m̧ool ko me renaaj wōr meļeļeier n̄an ajri ro kwoj katakin. Laajrak in ej kwaļo̧k jet m̧ool ko, ak Jetōb emaron̄ kwaļo̧k n̄an eok ko jet.
Je En̄jake ko Rej Im̧we Eok
Kajjitōk bwe ren Kwaļo̧k
Leto-letak juon pija in Jisōs Kōm̧m̧an bwe ajri ro ren bōk kūņaer jibwe pija eo im kwaļo̧k juon men Jisōs eaar kwaļo̧ke, āinwōt jet men raar ekkatak ilo m̧weeo ilo wiik in.
Katakin Katak ko: Ajri ro Reddikļo̧k
Imaron̄ juon waanjon̄ok em̧m̧an n̄an ro jet.
Jet iien ajri ro rejjab kile ewi jon̄an an waanjon̄ok ko aer maron̄ kōjeraam̧m̧an ro jet. Kōjerbal eoon kein im rōjan̄ bwe ren kotak aer meram.
Makūtkūt ko Maron̄ Kōm̧m̧ani
-
Ba n̄an ajri ro bwe 3 Nipai 12:14–16 ej kōn er, innām riit ilo ainikien eļaaj. N̄e kwoj riit “kwe” ak “am̧,” jitōn̄ļo̧k ajri ro, im kajjitōk ippāer n̄an jitōn̄ er make.
-
Kwaļo̧k n̄an ajri ro juon teen̄ki, im kajjitōk ippāer juon ilo̧k juon n̄an bōk kūņaer kōjo̧e. Kōmeļeļeik bwe n̄e jej ļoor Rilo̧mo̧o̧r eo, ej āinwōt kōjo̧ juon meram bwe en maron̄ jipan̄ ro jet bar ļoor E. Innām no̧o̧j meram eo, im kajjitōk ippān ajri ro n̄an kwaļo̧k jet men ko remaron̄ kōm̧m̧ane n̄an kōm̧m̧an waanjon̄ok n̄an ro jet. Kajjojo iien rej kōm̧m̧ane, kōtļo̧k bwe ren jab pinej meram eo (lale peij in m̧akūtkūt eo an wiik in.)
-
Al ippān doon juon al me ej rōjan̄ ajri ro n̄an romaak āinwōt juon meram, āinwōt “Shine On” ak “I Am like a Star” (Children’s Songbook, 144, 163). Ba n̄an ajri ro kōn meram eo kwaar loe ilo er n̄e rej kōm̧m̧ani “jerbal ko rem̧m̧an,” im kōmeļeļeik wāween meram im waanjon̄ok ko aer jipan̄ ro jet im bar im̧we eok n̄an kōm̧m̧ani jerbal ko rem̧m̧an.
Jemedwōj Ilan̄ ej ron̄jake im uwaake jar ko aō.
Eoon in emaron̄ jipan̄ ajri ro meļeļe bwe Anij enaaj ron̄jake im uwaaki jar ko aer.
Makūtkūt ko Maron̄ Kōm̧m̧ani
-
Ilo am̧ riiti 3 Nipai 14:7, kajjitōk ippān ajri ro n̄an kōm̧m̧an m̧akūtkūt n̄an pinej jenkwan kūr ko kajjojo an Rilo̧mo̧o̧r ilo eoon in. N̄an waanjon̄ok, remaron̄ kajutak peier (kajjitōk), kōm̧m̧ani pekūlaaj kōn peier (kappukot), ak āinwōt n̄e rej kōllaļlaļ (kōllaļlaļ) Jipan̄ ajri ro ļōmņake men ko remaron̄ ba im kajjitōk kaki ilo jar. Kōmeļeļeik bwe jemaron̄ ba n̄an Jemedwōj Ilan̄ jabdewōt men, im Enaaj ron̄jake kōnke Ej iakwe kōj.
-
Kajjitōk ippān ajri ro n̄an kwaļo̧k ta eo raar kōm̧m̧ane kōn peier, mejeer, im bōraer n̄e rej jar. Kōjerbal juon al āinwōt “We Bow Our Heads” n̄an jipan̄ (Children’s Songbook,25). Wōn eo jej kōnono n̄an e n̄e jej jar? Kwaļo̧k am̧ naan in kam̧ool bwe Jemedwōj Ilan̄ ej ron̄jake jar ko ad.
Rilo̧mo̧o̧r ekōņaan bwe in ron̄jake im kōm̧m̧ane ta eo Ej kwaļo̧ke.
Baj ron̄ naan ko an Rilo̧mo̧o̧r ejjab bwe. Ro wōt rej mour kake katak ko An remaron̄ anjo̧ jen ļan̄ ko an mour.
Makūtkūt ko Maron̄ Kōm̧m̧ani
-
Al ippān doon “The Wise Man and the Foolish Man” (Children’s Songbook, 281), ak riit 3 Nipai 14:24–27. Jipan̄ ajri ro ukōt etaer n̄an “armej eo emāletlet” ilo aer al. Etke m̧weeo m̧ōņ armej eo emāletlet eaar jutak ilo iien ļan̄? Lale eoon 24 n̄an kwaļo̧k bwe eaar ron̄ im kar kōm̧m̧ane ta eo Rilo̧mo̧o̧r eaar ba.
-
Kwaļo̧k n̄an ajri ro juon dekā im jet bo̧k. Kajjitōk ippāer n̄an jitōn̄ļo̧k dekā eo ilo am̧ kōmeļeļeik juon kālet n̄an ļoor Rilo̧mo̧o̧r im jitōn̄ļo̧k bo̧k eo n̄e kwoj kōmeļeļeik juon kālet n̄an jab ļoor E. Kam̧ool bwe n̄e kōm̧m̧ane ta eo Rilo̧mo̧o̧r ej ba, jej kajoor āinwōt an juon em̧ ekkaļ ioon bar.
Katakin Katak ko: Ajri ro Rerūttoļo̧k
Ij aikuj kwole im m̧aro kōn jim̧we.
Aolep remaron̄ keidi n̄an kwole im m̧aro; Rilo̧mo̧o̧r eaar kōnono kōn en̄jake kein n̄an katakin kōj ewi wāween ad maron̄ en̄jake n̄an kappukot jim̧we.
Makūtkūt ko Maron̄ Kōm̧m̧ani
-
Ijjeļo̧kin an ajri ro jet ron̄, kajjitōk ippān juon ajri bwe katen wōt n̄e ej m̧ōn̄ā ak idaak, im kōm̧m̧an bwe ajri ro jet ren ļōmņake ta eo ej kōm̧m̧ane. Ewi wāween en̄jake n̄e m̧ōn̄ā m̧ōn̄ā em̧m̧an im idaak dān erreeo? Ewi wāween ad naajdik jetōb ko ad? Kajjitōk ippān ajri ro n̄an riiti 3 Nipai 12:6 n̄an pukot ta eo Rilo̧mo̧o̧r ekōņaan bwe jen “kwole im m̧aro kake.” Ewi wāween ad kwaļo̧k bwe jej kōņaan mour jim̧we jon̄an wōt ad kōņaan m̧ōn̄ā im idaak?
-
Bōktok pijain m̧ōn̄ā ak dān, im keidi ippān doon ippān eoon in jipan̄ ko āinwōt Sam Ko 119:103; Jon 6:35; 2 Nipai 32:3; Enos 1:4; ak 3 Nipai 20:8. Ilo an ajri ro riiti eoon ko im kwaļo̧k ta rej kwaļo̧k kake ta eo jej aikuj kōm̧m̧ane n̄an kwaļo̧k ad kwole im m̧aro kōn mour jim̧we. Kwaļo̧k en̄jake ko kwaar en̄jaki “obrak kōn Jetōb Kwojarjar,” im kajjitōk ippān ajri ro n̄an kwaļo̧k en̄jake ko aer.
Ij aikuj kōm̧m̧ani men ko rem̧m̧an kōn un ko rejim̧we.
Eoon kein rej kwaļo̧k bwe jerbal ko rem̧m̧an rejjab bwe—jerbal ko ad reaikuj in im̧we jen iakwe eo an Anij im kōn juon ikideelel n̄an jerbal n̄an E.
Makūtkūt ko Maron̄ Kōm̧m̧ani
-
Kajjitōk ippān kajjojo ajri n̄an pukote 3 Nipai 13:1–4, 5–8, or 16–18 im kalikkar jerbal ko rem̧m̧an rej waļo̧k ilo eoon kein(waanjon̄ok “leļo̧k” meļeļeik leļo̧k n̄an ro rejeram̧ōl). Etke Rilo̧mo̧o̧r eaar jab ba ej dike jet iaan armej ro kōn aer kōm̧m̧ani men kein?
-
Leļo̧k n̄an kajjojo ajri jidik peba kōn juon naan in jerbal jim̧we ioon ( ak kōm̧m̧an bwe ren ļōmņake waanjon̄ok ko aer make). Kajjitōk ippāer n̄an ļōmņake un ko rem̧m̧an im un ko renana n̄an kōm̧m̧ani men kein. Rōjan̄ er n̄an iien otemjej kōm̧m̧ani men ko rem̧m̧an ilo un ko rejim̧we.
Jetōbin kōjparok ej itok jān ron̄jake im kōm̧m̧ane ta eo Rilo̧mo̧o̧r ej katakin.
“Wōt” im “lan̄ ko” an mour in rej waļo̧k n̄an kōj aolep, ak jemaron̄ anjo̧ jen apan̄ ko eļan̄n̄e jej jim̧or ron̄ im kōm̧m̧ane ta eo Jisōs ej katakin.
Makūtkūt ko Maron̄ Kōm̧m̧ani
-
Āinwōt juon kūlaaj, riiti 3 Nipai 14:21–27 im 15:1, im kajjitōk ippān ajri ro n̄an jutak aolep iien n̄e kwoj riiti naan eo “kōm̧m̧an.” Etke Rilo̧mo̧o̧r ej ba kōm̧m̧ane ta eo Ej ba, jab baj ron̄ ak keememej? Kajjitōk ippān ajri ro n̄an jin̄aik juon pija ilo eoon 24–25 im je ioon dekā eo “Jisōs” im jet iien Jisōs ej katakin kōj n̄an kōm̧m̧ane. Al ippān doon“The Wise Man and the Foolish Man” (Children’s Songbook,281).
-
Kajjitōk ippān ajri ro bwe ren jutak, im kajjitōk ippāer n̄an antoone n̄e juon ne ej pinej jenkwan ron̄ naan ko an Rilo̧mo̧o̧r im eo juon ej pinej jenkwan kōm̧m̧ani. Kajjitōk ippāer n̄an kotak ne eo ej “m̧akūtkūt” im pālaane ippān ne eo ej “ron̄.” Ta eo enaaj waļo̧k n̄e juon kōto ekajoor ej uk tok ruum̧ eo? Kōjerbal waanjon̄ok in n̄an kwaļo̧k etke ejokne ļo̧k n̄an kōm̧m̧ane ta eo Rilo̧mo̧o̧r ej ba im jab baj ron̄ wōt An in naan.
Kōketak Ekkatak ilo M̧weo
Kajjitōk ippān ajri ro bwe rej bōk juon men raar ekkatak kōn katak ko an Jisōs im kālet ewi wāween aer naaj mour kake. Ewi wāween aer mour kake jipan̄ er erom̧ juon meram n̄an baam̧le im ro m̧ōttaer?
Kōkōm̧anm̧anļo̧k Ad Katakin
Kōm̧m̧ane m̧akūtkūt ko n̄an jipan̄ aikuj ko. Jab lale laajrak in kein āinwōt kōmeļeļe bwe kwon ļoore. Ijoke, kōjerbali āinwōt juon kein jipan̄ n̄an ļōmņak ko n̄an im̧we eok make ilo am̧ kōļmenļo̧kjeņ kōn aikuj ko an ajri ro kwoj katakin. Ilo jet jekjek, kwomaron̄ en̄jake n̄an kōm̧m̧ane juon m̧akūtkūt n̄an ajri ro reddikļo̧k n̄an katakin ajri ro rōrūttoļo̧k ak aolepāer.