Jisōs ej waļo̧k ļo̧k n̄an Rinipai ro

The Light of His Countenance Did Shine upon Them, jān Gary L. Kapp

Jeptōm̧ba 28–Oktoba 11

3 Nipai 17–19

“Lo, Aō Lan̄lōn̄ Eobrak”

Ilo am̧ riit 3 Nipai 17–19, ļōmņak eoon ta ko, en̄jake ko, m̧akūtkūt ko, im bwebwenato ko renaaj jipan̄ ajri ro meļeļe m̧ool ko ilo jebta kein.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k juon pijain Rilo̧mo̧o̧r, im kajjitōk ippān ajri ro n̄an kwaļo̧ke ewi aer en̄jake n̄e En kar loļo̧k er āinwōt An kar lo̧ļo̧k Rinipai ro.

pija ej bōk jikin katakin

Katakin Katak ko: Ajri ro Reddikļo̧k

3 Nipai 17:7, 20–25

Rilo̧mo̧o̧r ej iakwe aolep ro nejin Jemedwōj Ilan̄.

Jisōs eaar kwaļo̧k An iakwee n̄an ajri ro ke Eaar kōjeraam̧m̧an im kar jar kōn er. Ewi wāween am̧ maron̄ jipan̄ ajri ro kwoj katakin en̄jake iakwe eo An n̄an er?

Makūtkūt ko Maron̄ Kōm̧m̧ani

• Kōmeļeļeik bwebwenato eo ilo 3 Nipai 17 ilo an waļo̧k juon pija jen laajrak eo an wiik in ilo Itok, Ļoor Eō—N̄an Kajjojo Armej im Baam̧le ko. Ak kwomaron̄ kōjerbal “Chapter 44: Jesus Christ Blesses the Children,” (Book of Mormon Stories, 124–25, ak ilo corresponding video ilo ChurchofJesusChrist.org). Riiti naan ko ak eoon ko jān 3 Nipai 17 me ej kōmeļeļeik iakwe eo an Rilo̧mo̧o̧r n̄an armej ro (āinwōt jen eoon 7 im 20–25). Kōm̧m̧an bwe ajri ro ren bōk kūņaer jibwe pija eo im kwaļo̧k ta eo Jisōs ekar kōm̧m̧ane kōnke Ej iakwe armej ro.

• Kōjerbal peij in m̧akūtkūt eo an wiin in n̄an jipan̄ ajri ro jin̄aik er make ippān Jisōs. Ilo aer kōm̧m̧an āindein, jipan̄ er ļōmņake wāween ko Jisōs eaar kwaļo̧k An iakwe n̄an er.

  An Jisōs kōjeraam̧m̧an ajri in Nipai ro.

  Behold Your Little Ones, jen Gary L. Kapp

3 Nipai 18:1–12

Imaron̄ ļōmņak kōn Jisōs n̄e Ij bōk kwojkwoj eo.

Ekanooj lōn̄ men ko me remaron̄ kōm̧ad juon ajri ilo iien kwojkwoj eo. Ewi wāween am̧ maron̄ jipan̄ ajri ro ilo kūlaaj eo am̧ meļeļe aorōk eo n̄an ļōmņak kōn Rilo̧mo̧o̧r im An iakwe n̄an er ilo iien kain̄in in ekwojarjar.

Makūtkūt ko Maron̄ Kōm̧m̧ani

• Kajjitōk ippān ajri ro n̄an jiron̄ eok ta eo ej waļo̧k ilo iien kwojkwoj eo. Riiti eoon ko jān bwebwenato in an Jisōs kōjeraam̧m̧an kwojkwoj eo n̄an Rinipai ro (lale 3 Nipai 18:1–12), im kajjitōk ippān ajri ro n̄an jutak n̄e rej ron̄ jet men einļo̧k wōt n̄an ta eo jej kōm̧m̧ane ilo iien kwojkwoj eo. Ta eo Jisōs Kraist ekōņaan bwe jen “keememeje” ak ļōmņake ilo iien kwojkwoj eo? (lale 3 Nipai 18:7, 11).

• In̄n̄urn̄ur, al, ak kōjo̧ juon al ak al in Būraimere ilo an ajri ro kōļare pija ko me remaron̄ jipan̄ er keememej Rilo̧mo̧o̧r ilo iien kwojkwoj eo (lale peij in m̧akūtkūt eo an wiik in). Rōjan̄ er n̄an pukot naan ko ilo pija kein n̄an jipan̄ er keememej Jisōs ilo aer bōk kwojkwoj eo.

3 Nipai 18:15, 20–21, 24; 19:16–17, 30

Jisōs ej katakin eō kilen jar.

Ta eo kwaar ekkatak kake kōn jar ilo am̧ ekkatak 3 Nipai 17–19? Ewi wāween am̧ kōjerbal ta eo kwaar ekkatak n̄an katakin ajri ro kilen jar?

Makūtkūt ko Maron̄ Kōm̧m̧ani

• Kwaļo̧k pijain an armej jar (āinwōt ro ilo “Chapter 46: Jesus Christ Teaches and Prays with the Nephites” in Book of Mormon Stories, 128–30). Kajjitōk ippān ajri ro n̄an kwaļo̧k meļeļe ko ilo pija eo me ej kwaļo̧k ke armej rein rej jar. Riiti 3 Nipai 19:16–17 n̄an kōmeļeļeik bwe Jisōs eaar katakin kōj kilen jar. Kajjitōk ippān ajri ro n̄an kwaļo̧k n̄an eok ta eo rej en̄jake n̄e rej jar.

• Riiti 3 Nipai 18:21, im kajjitōk ippāer n̄an jin̄aik pijaier make ak an baam̧le ko aer jar. Rōjan̄ ajri ro n̄an kajjitōk ippān baam̧le ko aer n̄an jar ippāer.

• Al juon al ippān doon kōn jar, āinwōt “A Child’s Prayer” (Children’s Songbook, 12–13). Kajjitōk ippān ajri ro n̄an kwaļo̧k ta eo raar ekkatak kōn jar jān al in. Kwaļo̧k am̧ naan in kam̧ool kōn jar

pija ej bōk jikin katakin

Katakin Katak ko: Ajri ro Rerūttoļo̧k

3 Nipai 17

Rilo̧mo̧o̧r ej iakwe aolep ro nejin Jemedwōj Ilan̄.

Būreejtōn Ezra Taft Benson eaar katakin: “N̄aij kalim̧m̧ur eok, jitōbōro ajri, bwe enjel ro renaaj jerbal in karejar ippam̧ barāinwōt. Kwomaron̄ jab lo er, ak renaaj pād ijeņ n̄an jipan̄ eok, im kwonaaj en̄jake pād eo aer” (“To the Children of the Church,” Ensign, Māe 1989, 83).

Makūtkūt ko Maron̄ Kōm̧m̧ani

• Riit ippān doon jet eoon jān 3 Nipai 17 me kwoj en̄jake enaaj wōr tokjeer n̄an ajri ro kwoj katakin. Ilo ami riiti kajjojo eoon, kajjitōk ippān ajri ro n̄an kālet juon naan me rej ļōmņak eaorōk innām kwaļo̧k etke naan ko ewōr tokjeer n̄an er. Kam̧ool bwe Jisōs ej lukkuun iakwe ajri ro, im en̄in ej unin An kar kōjeraam̧m̧an er im kar jar kōn er.

• Kajjitōk ippān ajri ro n̄an kwaļo̧k ewi aer naaj kar en̄jake n̄e ren kar pād ilubwiljin ajri ro me Rilo̧mo̧o̧r eaar kōjeraam̧m̧an er. N̄e ekkar, kwaļo̧k video eo “My Joy Is Full” (ChurchofJesusChrist.org) n̄an jipan̄ er anoone iien in. Ta eo Rilo̧mo̧o̧r eaar kōm̧m̧ane n̄an kwaļo̧k An iakwe? Ta eo jemaron̄ kōm̧m̧ane n̄an kepooj kōj make n̄an pād Ippān n̄e Enaaj bar ro̧o̧l tok?

3 Nipai 18:1–12

N̄e ij bōk kwojkwoj eo, imaron̄ obrak kōn Jetōb Kwojarjar.

Jemaron̄ riit jān 3 Nipai 18 ewi jon̄an an aorōk kwojkwoj eo n̄an Rilo̧mo̧o̧r. Ekōjkan am̧ maron̄ jipan̄ ajri ro en̄jake aorōk eo n̄an er?

Makūtkūt ko Maron̄ Kōm̧m̧ani

• Jipan̄ ajr ro riiti 3 Nipai 18:1–12. Ta eo rej ekkatak kōn kwojkwoj jān eoon kein? Jipan̄ er riit jar in kwojkwoj eo ilo Katak im Bujen ko 20:77 im 79 im pukot naan ko ilo jar eo me rej bar waļo̧k ilo 3 Nipai 18:1–12. Ta meļeļein naan im eoon kein? Ewi wāween ad maron̄ keppopo n̄an bōk kwojkwoj eo. Ta eo jej kallim̧ur kake, ak bujen, n̄an kōm̧m̧ane n̄e jej bōk kwojkwoj eo?

• Al ippān doon kōn juon al kōn kein ko, eo āinwōt “Reverently, Quietly” (Children’s Songbook,26). Ewi wāween kautiej n̄e jej bōk kwojkwoj eo jipan̄ kōj en̄jake Jetōb ? Ewi wāween an jipan̄ kōj kōm̧m̧ani kālet ko rejim̧we?

3 Nipai 18:15–24; 19:6–9, 15–36

Jar enaaj jipan̄ eō epaakeļo̧k Jemedwōj Ilan̄.

Jemaron̄ en̄jake an Jemedwōj Ilan̄ epaake kōj ilo jar. Ta ennaan ko kōn jar ilo 3 Nipai 18–19 renaaj jipan̄ ajri ro kwoj katakin n̄an kōkm̧anļo̧k jar ko aer?

Makūtkūt ko Maron̄ Kōm̧m̧ani

• Je eoon in jipan̄ kein ioon jidik peba, im leļo̧k n̄an kajjojo ajri ak kurup in ajri ro: 3 Nipai 18:15; 3 Nipai 18:20; 3 Nipai 18:21; 3 Nipai 19:19; and 3 Nipai 19:24. Kajjitōk ippān ajri ro n̄an riit jeje ko rekwojarjar, pukot men ko me Jisōs Kraist ak rijilōk ro An raar katakin kōn jar. Kajjitōk ippāer n̄an kwaļo̧k ta eo raar ekkatak ilo kūlaaj.

• Ioon bo̧o̧t eo, je Ij kam̧m̧oolol eok kōn . Leļo̧k n̄an ajri ro juon minit n̄an ļōmņake elōn̄ men ko remaron̄e n̄an kanne ļain eo ejjeļo̧k kobban. Etke em̧m̧an n̄an kōj n̄an kwaļo̧k kam̧m̧oolol n̄an Jemedwōj Ilan̄? Innām je Ij kajjitōk ippam̧ kōn ioon bo̧o̧t eo, im riit ippān doon 3 Nipai 18:18–21 im 19:9, 23, pukot ļōmņak ko kōn ta eo jej aikuj jar kake.

• Kwaļo̧k am̧ naan in kam̧ool ak juon en̄jake kōn kajoor eo an jar, im rōjan̄ ajri ro n̄an kwaļo̧k aer naan in kam̧ool ak en̄jake.

pija ej bōk jikin ekkatak

Kōketak Ekkatak ilo Mweo

Rōjan̄ ajri ro n̄an kōnono n̄an ro jineer im jemeer kōn wāween aer maron̄ bōk jidik en̄jake kōn kwojkwoj Jabōt in tok.

Kōkōm̧anm̧anļo̧k Ad Katakin

Jipan̄ ajri ro katak jān jeje ko rekwojarjar. N̄an jipan̄ ajri ro katak jān jeje ko rekwojarjar, pedped wōt ioon juon eoon ilo jeje ko rekwojarjar ak juon naan. Kwomaron̄ kajjitōk ippān ajri ro n̄an jutak n̄e rej ron̄ juon naan eaorōk.

peij in m̧akūtkūt: Imaron̄ keememej Rilo̧mo̧o̧r eo