E tataro Iesu i Ketetemwane

Ma Akea Au Taeka, Ma e na Tauaki Am Taeka, iroun Harry Anderson

Beberuare 10–16

2 Nibwaai 6–10

“O Ai Korakorara ana Baire Atuara!”

Ngkana ko wareka 2 Nibwaai 6–10, iangoia raoi bwa tera ae kataia te Uea n reireiniko. Ma ngkana ko atai koaua aikai, tauii mwiia ao tataro mwaaka ni baireia bwa ko na kanga ni mwakuriia te bwai ae ko a tia n reiakinna.

Korei mwiin Am Iango

E a tia ni koro 40 te ririki nikitanan Ierutarem iroun Riaai ma ana utu. A mena n te aba ae a iruaa iai, e rang raroanako mai Ierutarem ao mairouiia ni kabane ana aomata ni berita te Atua. E a mate Riaai, ao kanoana a kaman waaki n riki ni itabararabwa inanon abwakin-tienture imarenaia Nibwaite—“ake a kakoauai ana taeka ni kauring ana kaotioti te Atua”—ao te naan Remwanaite, ake aaki (2 Nibwaai 5:6). Inanon kangaanga aikai, Iakobwa, are tarin Nibwaai te karimwi ao ngkai e katabuaki bwa te tia reirei ibukiia Nibwaite, e tangiria bwa aomata ni berita a na ataia bwa te Atua e aki mwaninga taekaia, ngaia are ana aki mwaninga Taekana. Aio te rongorongo are ena rangi kainanoaki ni koaua n ara aonaaba, ike ara berita aika tabu a kataki ni kamangoraki ao kaotioti a totokoaki. “Ti na bane n uringnga, … bwa ti na aki tewenakoaki. … A korakora ana berita te Uea,” e katanoata (2 Nibwaai 10:20–21). Ibuakon berita akanne, akea riki ae korakora nakon te berita ae “akea tokin te mwakuri ni kamaiu” n tokanikai n te mate ao mone (2 Nibwaai 9:7). “Mangaia are,” Iakobwa e kainna, “kakukurei nanomi”! (2 Nibwaai 10:23).

te aikaon ibukin te kamatebwai i bon iroum

Iango ibukin te Kamatebwai I Bon Iroum ni Koroboki aika Tabu

2 Nibwaai 6–8

Te Uea e bon nanoanga nakoia Ana aomata ao e na kakoroa bukin Ana berita.

Ni buokiia ana aomata bwa a na oota bwa boni ngaiia mwakoron te bata are Iteraera ao a na riai n onimakina te Atua ao Ana berita, Iakobwa e taekina ana taetae ni burabeti Itaia, e koreaki n 2 Nibwaai 6–8. Itaia e kabwarabwara maenakoia kain te bata are Iteraera ao ana berita te Tia Kamaiu e berita bwa e na ikotiia ao ni kamaiuiia Ana aomata. Ngkana ko wareware, iangoi raoi titiraki n aron aikai:

• Tera ae I a tia n reiakinna taekan ana tangira ni kaboomwi te Tia Kamaiu ibukiu?

• Tera te karaunano ae anga te Tia Kamaiu nakoia ake a Ukoukoria?

• Tera ae N na karaoia bwa N na kakaonimaki riki n “taninga” te Tia Kamaiu ao Ana kakabwaia ake E beritani?

2 Nibwaai 9:1–26

N rinanon Ana Mwakuri ni Kamaiu, Iesu Kristo ibukin kainaomataia ana aomata ni kabane man te mate n rabwata ao te mate n tamnei.

Tera te taeka ke te banna are ko na konaa n reitaki nakon temanna n kainanoan te Tia Kabooi Maiura n kamaiura man te mate ao te bure? Iakobwa e kabongana te taeka “kakamaku, ao “man.” Tera aron ana reirei Iakobwa ibukin taekan “bwa te man, te mate ao mone” ao te “birinako” are te Atua e atia ni katauraoia ibukira? (2 Nibwaai 9:10). Ngkana ko wareka 2 Nibwaai 9:1–26, iangoia ni makenna n teuana te kara tera ae e na riki nakoira n akean Ana Mwakuri ni Kamaiu Iesu Kristo. Ngkane, inanon te kara teuana, ko kona ni makenna tera ae ti kona ni karekea rinanon ana mwakuri ni kamaiu te Tia Kamaiu. Baikara taian koaua ae ko kunei n aron Ana Kamaiu Iesu Kristo are na karikiko bwa ko na neboa “wanawanan te Atua, ana akoi ao ana tangira”? (2 Nibwaai 9:8).

Taraa naba “Ana Mwakuri ni Kamaiu Iesu Kristo,” Atuun te Euangkerio, topics.ChurchofJesusChrist.org.

2 Nibwaai 9:27–54

I kona n roko nakon Kristo ao ni karekea mimitongin te kakabwaia man Ana Mwakuri ni Kamaiu.

Iesu Kristo e roko “nakon te aonaaba bwa e na kamaiuia ni kabane aomata ngkana a ongo ni bwanaana” (2 Nibwaai 9:21; italics added). Aio nanona, ti riai n anga nanora ni kariaia te kakabwaia ni kamaiu are E anga. Imwiin kabwarabwaraan te babaire ni kabooan maiura ae korakora, Iakobwa e anga te kauring ae kakawaki ao kakao,e kuneaki n 2 Nibwaai 9:27–54, ni buokiira ni karekea te kakabwaia n te Mwakuri ni Kamaiu. Iangoia n taui mwiia iaon te tiaati n aron aei:

Kauring	Kakao
Kauring	Kakao
Kauring	Kakao

Tera ae ko namakinna ibukin kairam iroun te Tamnei ni karaoia nakon te kaeka ni kauring ao ni bane ni kakao aikai?

2 Nibwaai 10:20, 23–25

Ibukin ana anga karea Iesu Kristo, I konaa ni “kakukureia” nanou.

Ana rongorongo Iakobwa bon te bwai ni kakukurei teuana. “I a taekin nakoimi bwaai aikai,” bwa kam aonga ni kimwareirei, ao n euti atuumi n aki toki” (2 Nibwaai 9:3). Ngke ko wareka 2 Nibwaai 10:20, 23–25, tera ae ko kunea are e anganiko te kantaninga? Tera riki are ko kunea inanon 2 Nibwaai 9–10 are e a tia n anganiko te kantaninga? Tera ae ko na karaoia man uringi bwaai aikai ngkana ko namakina te bwarannano?

Taraa naba Ioane 16:33.

te aikoan ibukin te kamatebwai n te utu

Iango ibukin Kamatebwaian Booki aika tabu n te Utu ao n te Bootaki n Utu n te Tairiki

Ngkana ko wareware ni booki aika tabu ma am utu, te Tamnei e kona ni buokiiko n ata tera reirei ni kaunga ao ni maroroakin n te aro are ena kainanoia am utu. Aikai tabeua iango.

2 Nibwaai 8:3–7

Ngkana ko wareka 2 Nibwaai 8:3, ko kona ni kaoti tamnein te rereua ao te onaroka. E kanga te Uea n onika te rereua ni maiura nakon te o n aroka? Inanon kiibu 4–7, tera ae reireira iai te Uea bwa ti na karaoia bwa ti a onga ni karekea te kimwareirei are e kabwarabwaraaki inanon te kiibu 3?

2 Nibwaai 8:24–25

E kanga ana taeka ni kaunganano Itaia nakoia aomatan Tion ni kakorakoraira inanon ara kekeiaki n riki bwa ana reirei Iesu Kristo aika kakaonimaki? E kanga utira n teirake ao n oneiira e na boraoi nakon ae tangiria te Atua bwa ti na karaoia n tamnei?

2 Nibwaai 9:1–26

Tera ae kona ni karaoia am utu n ata raoi taben Iesu Kristo “akea tokin te mwakuri ni kamaiu”? (te kibu 7). Tao a kona n tarai ke iangoi taekan bwaai are a taraa n akea tokin mwaitiia—boota ni uteute n te marae, barikoriko n tano iaon te bike, ke tenaan itoi ikarawa. E kanga n akea tokin ana Mwakuri ni Kamaiu te Tia Kamaiu? Tera te kibu n taeka inanon 2 Nibwaai 9 kakorakora ara kakaitau ibukin bwa tera ae karaoia te Tia Kamaiu ibukira?

2 Nibwaai 9:27–44

Tao teuana te bong n te wiiki aei am utu a kona ni kakae 2 Nibwaai 9:27–38, n noora bukin te kauring (waakinaki mairoun “wo”). E nga mai ikai ae taraa ni kakawaki man onoti ibukiia am utu ni marooro? N te bong are teuana, ko kona ni kakae 2 Nibwaai 9:39–44, nooria bwa tera bukin kaoaia ana aomata Iakobwa bwa ana uringa.

2 Nibwaai 9:28–29, 50–51

Tera tabeua katooto ibukin “te kamoamoa, ao mamaraia, ao burababaia aomata”? (te kibu 28). Tera ae ti kona ni karaoia riki ni karimoa kakawakin ana bwai te Atua ao ni kauarerekea bwain te aonaaba?

2 Nibwaai 9:45

Am utu a na bon kukurei ni karaoa te tiein man te beeba ao imwina ana manga kaibibiti ni kanimnimwi ao ni ioioi ni kanakoi. E na kanga te bure n riki bwa ai aron te tiein? E kanga te Tia Kamaiu ni buokiira ni oii n kanakoi?

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Kanakoraoan Ara Anga reirei

Tatauraoi ao Kukurei ni Kaekai Titiraki. “Tabeua man tain te angareirei ae tamaroa a moanaki n aron te titiraki ke tabeaianga nakon nanoia [utu] te utu. … Kaotia nakoia rinanon am taeka ao karaoan te mwakuri are ko ingainga ni kan ongora mairouiia” (reirei n Ana Kawai te Tia Kamaiu, 16).

Iesu e kamaiuia aomata

Te Tia Kamaiu e na kamaiuiia natin te Atua ni kabane “ngkana a ongo nakon bwanaana” (2 Nibwaai 9:21). E Kamarurungiia Mwaitin Aoraki aika a Kaokoro, iroun by J. Kirk Richards