“Jānwōde 13–19. 1 Nipai 8–10: ‘Itok im Mōn̄ā Leen Wōjke eo,’” Itok, Ļoor Eō—N̄an Kajjojo Armej im Baam̧le ko: Bok in Mormon 2020 (2020)
“Jānwōde 13–19. 1 Nipai 8–10,” Itok Ļoor Eō—N̄an Kajjojo Armej im Baam̧le ko: 2020
Ettōņak eo an Liai jān Steven Lloyd Neal
Jānwōde 13-19
1 Nipai 8–10
“Itok im Bōk Mōttan Leen”
Ilo am̧ riiti 1 Nipai 8–10, ļōmņak kōn ta ennaan ko jān ettōņak eo an Liai ej jerbal n̄an eok. Je en̄jake ko rej im̧we eok kwoj būki jān jeje ko am̧ rekwojarjar, juon bok, ak kein jipan̄ in.
Je En̄jake ko Rej Im̧we Eok
Ettōņak eo an Liai—kōn aen in dāpdep eo, tab in marok eo, m̧weeo kilep im ļap, im wōjke eo ej make “wōt kaiijoļjoļ tata” leen—ej juon kūr eim̧we n̄an bōk kōjeraam̧m̧an in iakwe eo an Rilo̧mo̧o̧r kōn pinmuur in en̄taan eo. Bwe Liai, kōn menin, visōn in ej kōn baam̧le eo an: “Kōn men eo iaar loe, ewōr unin aō lan̄lōn̄ ilo Irooj kōn Nipai im barāinwōt kōn Sam. … Bwe lo, Leman im Lemuel, ij kanooj mijak kōn kom̧; (1 Nipai 8:3–4). Ke em̧ōj an Liai kōmeļeļeik ettōņak eo an, eaar akweļap n̄an Leman im Lemuel n̄an “eo̧ron̄ naan ko an, bwe Irooj en tūriam̧o kake er” (1 Nipai 8:37). Men̄e elōn̄ alen am̧ ekkatak ettōņak eo an Liai, tōre in ļōmņak kōn an kar Liai kōm̧m̧ane—ļōmņak kōn juon eo kwoj iakwe. Ilo am̧ kōm̧m̧ane, jokne eo an aen in dāpdep eo, kauwōtata eo an m̧weeo ekilep im ļap, leen eo ej make wōt kaijoļjoļ enaaj bōk juon meļeļe ekāāl. Ilo am̧ meļeļe eļapļo̧k kōn “aolep en̄jake ko [an] ro jinen im jemen rejouj” ro raar bōk visōn in ekabwilōn̄lōn̄.
Ļōmņak ko n̄an Ekkatak jeje ko Rekwojarjar Ippem Make
Naan eo an Anij ej tōl ļo̧k eō n̄an Rilo̧mo̧o̧r eo im jipan̄ eō en̄jake iakwe eo An.
Ettōņak eo an Liai ej letok juon kūr n̄an kejōkļo̧kjeņ kōn ijo kwoj pād ie—im kwoj etal n̄an ia—ilo iaļ eo am̧ make n̄an jeļā kajjien Rilo̧mo̧o̧r im en̄jake iakwe eo An. Būreejtōn Boyd K. Packer eaar katakin: “Komaron̄ ļōmņak bwe ettōņak ak visōn eo an Liai ejjeļo̧k tokjen n̄an eok, bōtaab ewōr tokjen. Kwoj pād ie; kōj aolep im pād ie (lale 1 Nipai 19:23). Ettōņak eo an Liai ak visōn eo kōn aen in dāpdep eo ewōr ie aolep men otemjeļo̧k juon … Armej ro Rekwojarjar rej aikuj in meļeļe mālijon̄ an mour” (“Ettōņak eo an Liai im Kwe,” New Era, Jān. 2015, 2).
Juon wāween ekkatak 1 Nipai 8 maron̄ kanne juon jaat me āinwōt in ijin. N̄an meļeļe meļeļein kōkaļļe ko, emenin aikuj n̄an etal n̄an visōn eo an Nipai ke eaar jar n̄an meļeļe visōn eo an jemān—lale 1 Nipai 11:4–25, 32–36; 12:16–18; im 15:21–33, 36. Ilo am̧ ekkatak visōn eo an Liai, lōmņak kōn ta eo Irooj ekōņaan bwe kwon jeļā.
|
Kōkaļļe jān ettōņak eo an Liai |
Meļeļein |
Kajjitōk ko n̄an kōļmenļo̧kjeņ |
|---|---|---|
Kōkaļļe jān ettōņak eo an Liai Wōjke im leen (1 Nipai 8:10–12) | Meļeļein | Kajjitōk ko n̄an kōļmenļo̧kjeņ Ta eo inaaj kōm̧m̧ane n̄an kūr tok ro jet n̄an bōk m̧ōttan iakwe eo an Anij? |
Kōkaļļe jān ettōņak eo an Liai Reba eo (1 Nipai 8:13). | Meļeļein | Kajjitōk ko n̄an kōļmenļo̧kjeņ |
Kōkaļļe jān ettōņak eo an Liai Aen in dāpdep eo (1 Nipai 8:19–20, 30). | Meļeļein | Kajjitōk ko n̄an kōļmenļo̧kjeņ |
Kōkaļļe jān ettōņak eo an Liai Tab in marok eo (1 Nipai 8:23) | Meļeļein | Kajjitōk ko n̄an kōļmenļo̧kjeņ |
Kōkaļļe jān ettōņak eo an Liai Em̧ eo ekilep im ļap (1 Nipai 8:26–27, 33) | Meļeļein | Kajjitōk ko n̄an kōļmenļo̧kjeņ |
Kōkaļļe jān ettōņak eo an Liai | Meļeļein | Kajjitōk ko n̄an kōļmenļo̧kjeņ |
Bar lale David A. Bednar, “Lehi’s Dream: Holding Fast to the Rod,” Ensign ak Liaona, Okt. 2011, 33–37.
Liai ej m̧ōn̄ā leen wōjke in mour Wōjke in Mour, jān Marcus Alan Vincent
Etke Nipai eaar kōm̧m̧ane ruo pileij?
Kōn “jibadbad eo emāletlet” an Irooj Nipai eaar kōm̧m̧ane ruo ļook ko raar alikkar bukwi iiō ko tokālik. Ālkin an kar Josep Smith ukote 116 peij ko ilo Bok in Mormon eo, eaar leļo̧k n̄an Martin Harris, eo eaar jerwani (lale K&B 10:1–23). Ak pileij ko jet an Nipai eaar kobaiki ejja tōre in wōt, im bwe Irooj eaar jiron̄ Josep Smith bwen ukōt pileij kein ijjeļo̧kin bar ukot ta eo eaar jako (lale K&B 10:38–45).
N̄an Meļeļe eļapļo̧k kōn pileij kein kōnono kaki ilo 1 Nipai 9, lale “Juon Kōmeļeļe Ekadu Kōn Bok in Mormon”; 1 Nipai 19:1–5; 2 Nipai 5:29–32; im Naan ko an Mormon 1:3–9.
Rikanaan ro etto raar jeļā kōn jerbal eo an Jisōs Kraist im kar kam̧ool kōn E.
Bwebwenato in visōn eo an Liai eaar lukkuun kōm̧m̧an oktak ilo baam̧le eo an, ak ewōr jet m̧ool ko ej aikuj in katakin er kōn jerbal eo an Rilo̧mo̧o̧r. Ilo am̧ riiti 1 Nipai 10:2–16, ļōmņak etke Irooj eaar kōņaan baam̧le eo an Liai—im kōj wōj—n̄an jeļā m̧ool kein. Ļōmņak ta eo komaron̄ ba n̄an ro kwoj iakwe er n̄an kūr er n̄an oktaļo̧k n̄an Rilo̧mo̧o̧r. Ālkin ekkatak visōn im katak ko an Liai, wōn kwe, āinwōt Nipai, kar im̧we n̄an ekkatak “kōn kajoor eo an Jetōb Kwojarjar”? (1 Nipai 10:17).
Anij enaaj kwaļo̧k m̧ool n̄an eō eļan̄n̄e ij tiljek kappukote.
Elmen am̧ uwaak n̄e kwoj lo juon pedped in katak an gospel in me kwojjab meļeļe? Keememej oktak ko kōtaan wāween an Nipai uwaak n̄an visōn eo an Liai (lale 1 Nipai 10:17–19; 11:1) im lale wāween an Leman im Lemuel kar uwaak (lale 1 Nipai 15:1–10). Etke raar uwaak ilo wāween rot in, im ta tōprak in uwaak ko aer?
Ļōmņak im je kōn iien eo kwaar kōņaan jeļā eļan̄n̄e katak ko an gospel in rej m̧ool? Elmen am̧ ļoor wāween in keidi n̄an ta eo Nipai eaar kōm̧m̧ane?
Bar lale 1 Nipai 2:11–19; Katak im Bujen ko 8:1–3.
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota eo an Baam̧le
Ilo am̧ riiti jeje ko rekwojarjar ippān baam̧le eo am̧, Jetōb emaron̄ jipan̄ eok jeļā ta pedped ko n̄an kwaļo̧ki im kōnono kake n̄an tōpar aikuj ko an baam̧le eo am̧. Erkein rej jet iaan ļōmņak ko.
1 Nipai 8
Emaron̄ em̧m̧an visōn eo an Liai ippān baam̧le eo am̧ ak jin̄aik pija ko im kōjerbal pija ko aer n̄an kōnono kake. Ak komaron̄ kwaļo̧k pija ko kōn visōn eo an Liai me ekobaik katak in im karuwaineneik baam̧le eo am̧ n̄an kwaļo̧k meļeļeier im pukot eoon ko me rej kōmeļeļeik ta eo men kein rej bōk jikier. Al eo “The Iron Rod” (Hymns, no. 274) ej etal ippān ļo̧k jebta in. Komaron̄ barāinwōt alooje pija eo ej kwaļo̧k visōn eo an Liai (lale (Bok in Mormon video collection ilo ChurchofJesusChrist.org ak ilo Gospel Library app).
1 Nipai 8:10–16
Wōn eo jemaron̄ kūrtok bwen epaake ļo̧k Jisōs Kraist im en̄jake iakwe eo An? Ta eo jemaron̄ kōm̧m̧ane n̄an “[jeeaaļetok] tok er”?
1 Nipai 9:5–6
N̄āāt eo jaar ļoor juon kien ilo jab lukkuun meļeļe ta unin? Elmen ad kar jeraam̧m̧an?
1 Nipai 10:20–22
Elmen an ettoon ilo kanniōk āinļo̧kwōt ettoon ilo jetōb? Ta eo jemaron̄ kōm̧m̧ane n̄an lukkuun erreeo wōt ilo jetōb?
N̄an eļapļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Kōkōm̧anm̧anļo̧k Ad Katakin
Elmen an jeje ko rekwojarjar jerbal ilo mour ko ad? Ālkin riiti juon eoon ilo jeje ko rekwojarjar, kūr ro uwaan baam̧le eo n̄an kwaļo̧k elmen an eoon eo jerbal n̄an er. N̄an waanjon̄ok, n̄e ro uwaan baam̧le eo am̧ rej riiti 1 Nipai 8:33, remaron̄ kōnono kōn wāween eo n̄an jab bar “jitōn̄ kōn akkiin kajjirere.”
Wōjke in Mour, jān Avon Oakeson