Anoka Udi Umona Tshikondu tshia Méridien, kudi Jennifer Paget

Ngondu 2–8: Mukalenga Wakabikila Bantu Benda Siona

Mose 7

Mu kupitshila ku bikondu bishala, bantu bavua bateta bua kukumbaja tshivua Anoka ne bantu benda benza: kuibaka musoku wa nsongu muvua kamuyi bupela ne tshinyangu. Bu bantu ba Nzambi, tudi tuleja dijinga dia momumua. Tudi tutshibikila dîbaka Siona, ne tshidi tshiangata—mu kukumbaja ditabelela dia bantu badi mu dijinga ne dituala ditalala—dienza bipungidi, disomba pamua mu buakana, ne kulua bamua umua ne mukuabu ne Kilisto, “Mukalenga wa Siona” (Mose 7:53). Pikala buloba, tshimenga tshieba, anyi dîku dieba kadiyi ne ditalala diwudi musua bua dikala, bidi ne diambuluisha bua kuebeja, Mushindu kayi uvua Anoka ne bantu benda badienza? Mushindu kayi uvuabu balua ba mutshima umua ne meji amua (Mose 7:18) pakumusha matandu munkatshi muabu? Munkatshi mua mumvuija a bungi adi Mose 7 utupesha pa Siona, dimua dia pabuadi dipepela bua Bansantu ba Matuku a Ndekelu didi edi: Siona kena anu tshimenga to—udi ngikadilu wa mutshima ne nyuma. Siona, bu muvua Mukalenga mulongesha, udi bukezuka mu mutshima (Dilongesha ne Bipungidi 97:21). Nanku pamuapa mushindu mushema wa kuibaka Siona udi wa kubangisha mu mitshima yetu nkayetu ne mu mêku etu.

Ngenyi bua Dilonga mu Dîku ne mu Ekelezia

Mose 7:16–21, 27, 53, 62–69

Ndi mua kuambuluisha bua kuibaka Siona

Pakalonga Muprofete Joseph Smith bua musangu wa kumpala pa Anoka ne Tshimenga tshienda tshia Tshijila, uvua mupeshibua meji a nyuma. Uvua “mumanya ne dituku divua dilua divua Mukalenga mua kupingajilula kabidi Siona pa buloba” ((Saints, 1:108–9), ne wakabangisha dikeba dia moyo mujima bua kuibaka Siona. Dibala Mose 7 didi mua kukupesha meji a nyuma bua kutungunuka didienzeja adi lelu.

Udi mua kubangisha mu kukebulula nkonku “Siona Ntshinyi?” ne “Mushindu kayi udiyi mushilangana ne buloba bukuabu bua kushala?” Ela meji bua kufunda mu mulongu nkonku idi ikuluila pawudi ulonga Mose 7, nangananga tunungu16–21, 27, 53, 62–69.

Mandamuna eba ku nkonku eyi adi mua kubienza bitoka ne tutshidi ne mudimu wa bungi wa kuenza bua kuibaka Siona. Nanku, mushindu kayi utudi tutshienza? Bidi mua kuambuluisha bua kuela meji pa bikondu biwuvua mudiumvua muikala wa mutshima umua ne meji amua ne muntu kampanda (Mose 7:18). Pamuapa bidi mua kuikala mu tshikongu, anyi tshisumbu ku mudimu anyi mu tshilongelu. Tshinyi tshivua bantu benza bua kukeba bobumua bua buakana?

Ebi bidi biambuluishi bikuabu biwudi mua kutangila bua kupeta ngenyi ne meji a nyuma. Sungula tshimua anyi bia bungi bua kulonga, ne pashisha funda biwudi umvua bidi nyuma ukunungena bua kuibaka Siona:

• Filipoyi 2:1–4; 4 Nefi 1:15–18; Dilongesha ne Bipungidi 97:21; 105:5.

• Ulisses Soares, “Brothers and Sisters in Christ,” Liahona, Ngondu wa Dikumi ne Umua 2023, 70–73.

• D. Todd Christofferson, “One in Christ,” Liahona, Ngondu Muitanu 2023 77–80.

• “We Come Together and Unite as One” (video), Tshisangi tshia Mikanda ya Lumu Luimpa.

  We Come Together & Unite As One

Nzambi musua bantu Benda bikala ba mutshima umua ne meji amua (Mose 7:18).

Mose 7:53

Yezu Kilisto udi “Mukalenga wa Siona.”

Tshinyi tshidibi bimvuija kuwudi kuikala ne Yezu Kilisto bu Mukalenga weba? Funda bibikidilu bikuabu bia Yezu Kilisto mu kanungu aka. Tshinyi tshidibi bikulongesha pa Yeya? Tshinyi tshiwudi wela meji tshidi tshimvuija kubuela ku tshibi ne [kuendela] pa Yeya?

Tangila kabidi “O, Viens, toi Roi des rois,” Musambu, no. 29

Mose 7:28–69

Nzambi udi udila—ne usanka—bua bana benda.

Bantu kampanda badi bamona Nzambi bu muntu wa ntanta udi kayi ulengibua mu nyuma ku bidi bipitakana. Anoka wakapeta muenenu mushilangana wa Nzambi mu tshimônyi tshifunda mu Mose 7. Tshinyi tshivuaye mulonga pa Nzambi—ne tshinyi tshiwudi ulonga—mu tunungu 28–40? Tshinyi tshiwudi wela meji ne Anoka uvua mukemeshibua bua kumona Nzambi udila? Buatshinyi bidi ne mushinga kuwudi bua kumanya ne udi udila?

Bu muvua tshimônyi tshitungunuka, Anoka wakadila bienda. Kadi Nzambi wakamupesha tubingila bua kusankaye. Tukeba mu Mose 7:41–69. Tshinyi tshiwudi ulonga pa tshimônyi tshia Anoka tshidi mua kukuambuluisha bua kusankisha mutshima weba, ne kuikala ne disanka, pa kumbusha makenga a mu moyo weba (kanungu 44)?

Tangila kabidi Jeffrey R. Holland, “The Grandeur of God,” Liahona, Ngondu wa Dikumi ne Umua 2003, 70–73.

Mose 7:59–67

Yezu Kilisto nealua kabidi mu matuku a ndekelu.

Tshimônyi tshia Anoka, nangananga tshidi tshifunda mu Mose 7:59–67, tshidi tshimua tshia ku mambi a kumpala a mulubu wa Dilua Dibidi dia Mupandishi. Tshinyi tshidi tshikukemesha pa mushindu udi tunungu etu tumvuija matuku a ndekelu? Tshilejilu, ela meji pa mushindu uwudi umvua mambi mu kanungu 62 enda akumbajibua. Tshinyi tshidi biambilu ebi bikulongesha pa mudimu wa Nzambi mu matuku a ndekelu?

Tangila kabidi Henry B. Eyring, “Sisters in Zion,” Liahona, Ngondu wa Dikumi ne Umua 2020, 67–69.

Bua bia bungi, tangila malu a ngondu ewu a Liahona ne Makazina a Bua Dikankamika dia Bansonga .

Ngenyi bua Kulongesha Bana

Mose 7:18–21, 62–63, 68–69

Nzambi musua bua tuetu tuikala ba mutshima umua ne meji amua.

• Bua kuambuluisha bana beba balonga pa Anoka ne Siona, udi mua kuenzela “Enoch the Prophet” mu Old Testament Stories (19–21) anyi kanungu kibidi ka “Follow the Prophet” (Children’s Songbook, 110–11). Pashisha udi mua kulomba bana beba bua kukuambuluisha bua kuambulula muyuki mu miaku yabu nkayabu. Mifundu ya Anoka mu tshifundu etshi idi mua kuambuluisha.

• Ewu udi mushindu umua bua kuambuluisha bana beba bumvua tshidi tshimvuija kuikala ba mutshima umua ne meji amua (Mose 7:18): enza dibeji dia mutshima ne dikosa mu tupesa, tukumbana bua muana yonsu apeta kamua. Balomba bafunda mena abu pa katupa ka dibeji ne benza mudimu nkayabu bua kutuangaja mutshima pamua. Padibu benza, udi mua kuakula pa bintu biwudi munanga pa muana yonsu.

• Ambuluisha bana beba bua kubala misangu idi muaku “Siona” umueneka mu Mose 7:18–21, 62–63, 68–69. Musangu onsu udibu bapeta muaku, bambuluisha bua kujandula tshidi kanungu kamba pa Siona (tangila kabidi Buludiki ku Mifundu, “Zion,” Tshisangi tshia Mikanda ya Lumu Luimpa). Mushindu kayi utudi mua kuikala menamena bu bantu badi bumvuija mu tunungu etu?

Kolesha bantu bua dilonga dia mifundu pa nkaya. Nansha wewe ulongesha dîku dieba ku nzubu anyi mu kalasa mu Dialumingu, umua wa ku mishindu iwudi mua kuambuluisha bakuabu bibaka ditabuja dia kashidi mu Yezu Kilisto udi kubambuluisha bua bapeta tshibidilu tshia kukebulula mamanya a nkaya ne mifundu. Fila mamanya eba awudi upeta ne mifundu, ne kolesha dîku anyi bidimba bia kalasa bua kufila mamanya abu. Patudi tumvua pa mushindu udi kubala mifundu kubenesha bakuabu, tudi misangu mivula tupeta meji a nyuma bua kukebulula mabenesha a momumua kudi Mukalenga. (Tangila Teaching in the Savior’s Way25

Mose 7:32–33

Tatu wa mu Diûlu musua bua mema nsungula bua kumulonda.

• Bua kubangisha Mose 7:32–33 kudi bana beba, udi mua kubambila pa disungula divuabu mua kuenza matuku mashala. Pashisha nudi mua kubala tunungu pamua bua kupeta tshidi Tatu wa mu Diûlu musua bua tuetu tusungula. Masungula kayi atudi mua kuenza bua kuleja ne tudi bamusungula? Pamuapa bana beba badi mua kuenza manaya pa dimua dia ku masungula padi bakuabu bakeba bidi tshienzedi etshi tshileja.

Mose 7:59–67

Yezu Kilisto neapingana pa buloba.

• Mu Mose 7:59, Anoka udi wela Mukalenga lukonku. Lomba bana beba bua kulupeta, ne pashisha balomba bua kupeta diandamuna mu kanungu 60. Udi kabidi mua kuyukilangana nabu pa tshikondu tshivuabu batekemena muntu kampanda bua kupingana ku nzubu. Bebeja mushindu uvuabu bumvua ne tshivuabu benza bua kuikala pabuipi. Mushindu kayi utudi mua kuikala pabuipi bua Yezu apingana?

• Ela meji bua kuleja bimfuanyi bia bikondu bivua Mupandishi mumueneka kudi bantu (bu mudi Gospel Art Book, nos. 60, 82, 83, and 84). Tshinyi tshidi bantu benza mu mifundu? Mushindu kayi uvua bantu mua kumvua pavuabu bapetangana ne Yezu? Udi mua kuimba musambu pa Dilua Dibidi dia Mupandishi, bu mudi “Oh, quel bonheur! Jesus Viendra!” (Cantiques, No 123), ne ebeja bana beba tshidibu bela meji tshikalabi padi Yezu ulua kabidi. Anyishila bana beba balejangana mushindu udibu bumvua pa dimona Yezu padiye ulua kabidi.

Bua bia bungi, tangila malu a ngondu ewu a Makazina a Mulunda.

Tshimenga tshia Siona Tshikudimuna, kudi Del Parson