Ngondu wa Kumpala 5–11: Disua dia Tatu divua dia kuambuluisha mu dienza dia moyo udi kawuyi ufua ne moyo wa tshiendelela bia muntu

Mose 1; Abalahama 3

Bibiliya udi ubanga ne miaku eyi “Kale ku tshibangidilu Nzambi wakafuka diûlu ne buloba” (Genese 1:1). Kadi ntshinyi tshivua koku kumpala kua “tshibangidilu” etshi? Ne buatshinyi Nzambi wakafuka bionsu ebi? Kupitshila ku Muprofete Joseph Smith, Mukalenga wakafila bukenka pa nkonku eyi.

Tshilejilu, wakatupesha mulubu wa tshimonyi muvua Abalahama mumona buikadi buetu bu nyuma “kumpala kua buloba kuikala” (tangila Abalahama 3:22–28). Mukalenga wakatupesha kabidi dikudimuna anyi kumonanuna kua shapita isambombu ya kumpala ya Genese, idi ibikidibua ne mukanda wa Mose—idi kayiyi ibanga ne “kale ku tshibangidilu.” Pamutu patshi, udi ubanga ne dimanya divua Mose mupeta didi difila muenenu wa muyuki wa Bufuki. Popamua, mifundu eyi ya matuku a ndekelu idi muaba muimpa wa dibangila dilonga dietu dia Dipungila Dikulukulu bualu bidi bibangisha ne nkonku ya nshindamenu idi mua kutuludika mu dibala dietu: Nzambi udi Nganyi? Tudi banganyi? Mudimu wa Nzambi ntshinyi, ne muaba wetu mu wowu ntshinyi? Shapita eyi ya mbangilu ya Genese idi mua kumueneka bu diandamuna ku dilomba dia Mose kudi Nzambi bua kuikalaye ne lusa kudi musadidi wenda bua kuambila Mose bidi bitangila buloba ne babusombi, ne diûlu kabidi” (Mose 1:36).

Ngenyi bua Dilonga mu Dîku ne mu Ekelezia

Mose 1

Bu muana wa Nzambi, ndi ne muabi wa bunzambi.

“Bu Mukalenga ukuakuila buludi,” Mulombodi Mukulu Russell M. Nelson wakalongesha ne, “tshintu tshia kumpala tshivuaye mua kuenza bua kutuishibua ne udi mumvua bumuntu bueba bulelela” (“Choices for Eternity” [dituilangana dia buloba bujima dia bansonga bakulumpa, Ngondu Muitanu 2022], Tshisangi tshia Mikanda ya Lumu luimpa). Bidi bilonda ne Satana neakuteta ne tshimvundu pa tshintu tshia momumua. Keba mushindu ewu mu mukenji wa Nzambi kudi Mose mu Mose 1:4, 6 ne mu mikenji ya Satana mu Mose 1:12. Tshinyi tshiwudi mulonga ku tunungu etu pa dishilangana pankatshi pa Nzambi ne Satana?

Mulombodi Mukulu Nelson wakalongesha kabidi ne, “Mushindu uwudi wela meji pa tshiwudi bushuwa neulenga mapangadika eba awenza mena.” (“Choices for Eternity”). Ela meji bua kuenza mulongu wa masungula awudi wenza bua bumuntu bueba bu muana wa Nzambi budi kumpala kua bikuabu bionsu.

Tunungu ne biambilu kayi bia nsakidilu mu Mose 1 bidi bikuambuluisha bua kumvua mushinga weba wa bunzambi? Udi mua kubala kabidi bikola mukenji wa Mulombodi Mukulu mu tshitupa tshia “Choices for Eternity” titled “First: Know the truth about who you are.” Tshinyi tshiwudi umvua tshikusaka bua kuenza bua bumuntu bueba bu muana wa Nzambi tshintu tshieba tshia mushinga tshidi tshikuleja?

Tangila kabidi “Je Suis Enfant de Dieu,” Misambu (1985), no. 193; “Our True Identity” (video), Tshisangi tshia Mikanda ya Lumu Luimpa.; Biena Bualu ne Nkonku, “Children of God,” Tshisangi tshia Mikanda ya Lumu Luimpa.

Our True Identity

Mose 1:12–26

Ne diambuluisha dia Nzambi, ndi mua kukandamena Satana.

Mudi Mose 1 uleja patoka ne, mamanya a mu nyuma a bukola kaena enza ne katuakutetshibua kabidi to. Kadi tshimua tshia ku bintu bia Satana tshidi tshia kutupesha mpata ku mamanya aa. Pawudi ubala diandamuna dia Mose kudi Satana mu tunungu 12–26, tshinyi tshiwudi ulonga tshidi mua kukuambuluisha bua kushala ne lulamatu ku bujadiki buwuvua mupeta? Ndekelu ntshinyi tshiakambuluisha Mose bua kutamba Satana?

Dilongesha dikuabu dia ku dimanya dia Mose didi ne Satana udi ututeta ne tubenga bulelela ne bukola bua Nzambi. Ela meji ku bintu bikuabu bidikija, bu mudi mutshi muenza anyi mpopi. Mushindu kayi uwudi mua kumona ne mbidikija? Pashisha ela meji ku bintu bidi Satana utentula ne wenzela bua kututeta lelu. Tshinyi tshiwudi ulonga ku Mose 1:13–18 pa mushindu wakumanya ne kubenga tshintu tshitentula? Mushindu kayi udi Mukalenga mua kukuambuluisha? (tangila Mose 1:24–26).

Tangila kabidi Matayo 4:1–11; Gary E. Stevenson, “Deceive Me Not,” Liahona, Ngondu wa Dikumi ne Umua 2019, 93–96; “I Am a Son of God” (video), Tshisangi tshia Mikanda ya Lumu Luimpa.

I Am a Son of God

Dilonga dia ku nzubu didi mua kuikala dilongolola kadi didi mua kuikala dia tshimpitshimpi. “Bikondu bia kulongesha mu dîku bidi bidiluila nkayabi—mu didia dia biakudia, dienza midimu ya tshikuku, mu dinaya manaya, [anyi] mu luendu” (Teaching in the Savior’s Way, 31). Tshilejilu, mu disakidila mu dibala pa mushindu uvua Mose mukandamena Satana mu Mose 1, udi mua kupitshisha mutantshi mukesa ku biakudia mu diakula ne dîku pa mushindu uwuvua mukandamena ku buenzeji bua muluishi.

Mose 1:27–39; Abalahama 3

Disua dia Tatu divua dia kuambuluisha mu dienza dia moyo udi kawuyi ufua ne moyo wa tshiendelela bia muntu.

Panyima pa mumona tshimonyi tshia bufuki bua Nzambi, Mose wakakonka Mukalenga ne buatshinyi bintu ebi bidi nunku” (Mose 1:30). Tshinyi tshidi tshikuata ntema yeba pa diandamuna dia Mukalenga mu Mose 1:31–39 Dishilangana kayi didi pankatshi pa kubenga kufua ne moyo wa tshiendelela? (tangila Topics and Questions, “Eternal Life,” Tshisangi tshia Mikanda ya Lumu Luimpa). Mushindu kayi udi Yezu Kilisto utuambuluisha bua kubienza bionsu bibidi? Abalahama wakamona kabidi tshimonyi, wakafunda mu Abalahama 3. Tshinyi tshiwudi upeta mu tunungu 24–26 tshidi mua kuambuluisha bua kuandamuna ku dilomba dia Mose?

Abalahama 3:22–28

Ngakikala bu nyuma kumpala kua mema kuledibua pa buloba.

Tudi bamanya bintu bikesa pa moyo kumpala kua kuledibua. Kadi bia bungi bitudi bamanya bidi bifuma ku tshimonyi tshia Abalahama mu Abalahama 3:22–28. Pawudi ubala tunungu etu, enza mulongu wa malelela awudi upeta—biangata malelela pa wewa ne pa Yezu Kilisto. Buatshinyi malelela aa adi a mushinga kûdi? ‘Dishilangana kayi didibi bienza mu moyo weba?’”

Tangila Topics and Questions, “Premortal Life,” Tshisangi tshia Mikanda ya Lumu Luimpa.

Bua bia bungi, tangila malu a ngondu ewu a Liahona ne Magazina a Bua Dikankamika dia Bansonga.

Ngenyi bua Kulongesha Bana

Mose 1:1–4, 6, 12

Ndi muana wa Nzambi.

• Panyima pa babala pamua mukenji wa Nzambi kudi Mose mu Mose 1:4, ela meji bua bana beba batangila tshimfuanyi tshiabu mu lumuenu ne bapeshangana mukenji wa momumua: “Ndi muana wa Nzambi.” Pashisha badi mua kupeshangana mukenji wa momumua: “Udi muana wa Nzambi.” Udi mua kupeta bimfuanyi bia bantu bashilangana ne kubikila bana beba bua kufunkuna tshionsu ne kuamba ne, “Ewu udi muana wa Nzambi.” Abanyanganayi buatshinyi nudi ne disanka bua kumanya ne badi bana ba Nzambi. Mushindu kayi udi dimanya edi dishintulula mushindu wa kudienzela—ne kuezela bakuabu?

• Wewa ne bana beba nudi mua kupima mukenji wa Nzambi kudi Mose mu Mose 1:4 ne mukenji wa Satana mu kanungu 12. Mushindu kayi uwudi mua kuambuluisha bana beba bua bajingulula mukenji wa Nzambi ne wa Satana kudibu?

Mose Udi Umona Yehowa, kudi Joseph Brickey (disulakaja)

Mose 1:6, 39

Tatu wa mu Diûlu udi ne mudimu wa mema kuenza.

• Pawudi ubala Mose 1:6 ne bana beba, udi ne bua kubambila pa “mudimu” uvua Nzambi nawu bua Mose. Ela meji bua dienzela Gospel Art Book, nos. 13–16, anyi Old Testament Stories, mabeji 64–84, bua kuambuluisha bana beba bua kumona tshivua Mose mukumbaja ne diambuluisha dia Tatu wa mu Diûlu. Mudimu kayi udi Nzambi nawu buetu bua tuenza? (tangila, tshilejilu, Dilongesha ne Bipungidi 11:20).

Mose 1:12–26

Ndi mua kukandamena matêta a Satana.

• Pawudi ulonga Mose 1:12–26 ne bana beba, bambuluisha bua kujandula tshivua Mose muenza bua kukandamena Satana (tangila tunungu 13, 15, 18, 20–22, 26). Bidi mua kubasankisha bua kuteka bintu bidibu mua kuenza mu manaya bua kukandamena mateta (bu mudi kusambila, kuikala ntanta, anyi kulomba diambuluisha).

Abalahama 3:22–28

Ngakasomba bu nyuma kumpala kua mema kuledibua pa buloba.

• Kumanya pa moyo wetu kumpala kua diledibua kudi mua kupesha bana beba meji bua kuenza masungula mashindamena pa malelela a tshiendelela. Bua kubambuluisha bua kutshilongabu, udi mua kubapesha miaku minena ne biambilu biakupetabu mu Abalahama 3:22–28, bu mudi “kumpala kua buloba kuikalaku,” “nyuma,” “kuenza bulaba,” ne “kuitaba.” Tshinyi tshidi tunungu etu tukulongesha pa buatshinyi Tatu wa mu Diûlu mmututuma pa bulaba?

• Musambu bu “I Will Follow God’s Plan” (Children’s Songbook, 164–65) udi mua kukolesha tshidi Abalahama 3 ulongesha. Pamuapa udi mua kubikila bana beba bua kuzola bimfuanyi bidi bikumbanangana ne miaku.

• Ambuluisha bana beba bua bela meji mu malu mudibu ne bua kusungula bua kuenza anyi kubenga kuenza tshivua Nzambi mubalomba (tangila Abalahama 3:25; tangila kabidi For the Strength of Youth: A Guide for Making Choices). Balekela badibidija ku mandamuna a ku malu aa. Mushindu kayi udi Mupandishi utuambuluisha patudi tuenza disungula dibi?

Bua bia bungi, tangila malu a ngondu ewu a Makazina a Mulunda.

Mose udi utamba satana, kudi Joseph Brickey