Diumvuija ku Christ Preaching in the Spirit World [Kilisto Ulongesha mu Muaba wa Nyuma], kudi Robert T. Barrett

Ngondu wa Dikumi ne Muibidi 1–7: Tshimônyi tshia Disungila dia Bafua

Dilongesha ne Bipungidi 137–138

Mabuluila mandika mu Dilongesha ne Bipungidi 137 ne 138 adi mashilangana ku bidimu bipita pa 80 ne kilometela 1, 500 (2,400 km). Tshitupa 137 tshivua tshipeta kudi Muambi Joseph Smith mu 1836 mu Ntempelo wa Kirtland, ne tshitupa 138 tshivua tshipeta kudi Joseph F. Smith, Mulombodi Mukulu muisambombu wa Ekelezia, mu 1918 mu Salt Lake City. Kadi mu dilongesha, bimônyi bibidi ebi bidi bia momumua. Bidi bionsu biandamuna nkonku idi bantu—biangata Bambi ba Nzambi—bikala nayi pa moyo wa panyima pa lufu. Joseph Smith wakelangana meji pa tshipeta tshia muanabu wa baluma Alvin, uvua mufua kayi mutambuishibua. Joseph F. Smith, uvua mujimija baledi benda bonsu ne bana 13 mu lufu lua tshikosu, wakela meji pa muaba wa nyuma ne kuelangana meji pa dilongesha dia lumu luimpa momu.

Tshitupa 137 tshidi tshifila bukenka bua ntuadijilu pa tshipeta tshia bana ba Nzambi mu moyo ulualua, ne tshitupa 138 tshidi tshifila mamanyisha a bungi. Pamua, mabuluila onsu abidi adi ajadika bua dinanga dinena ne dishema dileja kudi Tatu ne Muana. (Dilongesha ne Bipungidi 138:3).

Ngenyi bua Kulonga mu Dîku ne mu Ekelezia

Dilongesha ne Bipungidi 137; 138:30–37, 57–60

Bana bonsu ba Tatu wa mu Diûlu nebikala ne diba dia kusungula moyo wa tshiendelela.

Alvin Smith, muanabu wa baluma munanga wa ba Muambi Joseph, wakafua bidimu bisambombu kumpala kua Nzambi kupingajilula bukokeshi bua kutambuisha. Diumvua dia momumua munkatshi mua bena Kilisto mu 1836 divua ne pikala muntu mufua kayi mutambuishibua, muntu awu kena mua kuya mu diûlu to. Joseph wakelangana meji pa lupandu lua tshiendelela lua Alvin bidimu bia bungi—tô ne pakapetaye dibuluila mu Dilongesha ne Bipungidi 137.

Bantu ba bungi lelu badi ne nkoku ya momumua. Buatshinyi Nzambi uvua mua kuenzeja milulu ne bipungidi padi bantu ba bungi kabayi ne diba dia kuyipeta? Tshinyi tshiwudi mua kuambila muntu udi upampakanapa bualu ebu? Mushindu kâyi uwudi mua kuibaka ditabuija diabu mu Nzambi ne bidiye mulomba bua lupandu? Keba malelela awudi mua kulongesha mu tshitupa 137 ne mu tshitupa 138:30–37, 57–60. udi kabidi mua kukeba malelela â mimba mu musambu “The Glorious Gospel Light Has Shone” (Hymns, no. 283) ne mu mukenji waMulombodi mukuluHenry B. Eyring “Gathering the Family of God” (Liahona, Ngondu Muitanu 2017, 19–22).

Pawudi ulonga ne unana meji, udi mua kuandika muenenu yeba mu kukumbaja biambilu bu ebi:

• Kupitshila ku mabuluila â, Ndi mumanya ne tatu wa mu Diûlu .

• Kupitshila ku mabuluila â, Ndi mumanya ne dilongolola dia lupandu dia Tatu .

• Kupitshila ku mabuluila â, Ndi musua bua .

Tangila kabidi Saints, 1:232–35.

Dilongesha ne Bipungidi 138:1–11, 25–30

Dibala ne dinanyina meji dia mifundu eyi bidi bindongolola bua kupeta dibuluila.

Misangu mikuabu dibuluila didi dilua nansha patudi katuyi tudikeba. Kadi misangu mivula didi dilua bualu tudi badifila mu kudikeba ne tudilongolola buadi. Pawudi ubala Dilongesha ne Bipungidi 138:1–11, 25–30, funda bivua Mulombodi Mukulu Joseph F. Smith munanyina meji pakamonaye tshimônyi ne kuikala mukumbana bua kumvuija tshivuaye mumona. Udi kabidi mua kuelekeja dimanya edi ku 1 Nefi 11:1–6; Joseph Smith—Mulubu 1:12–19. Pashisha ela meji pa mushindu uwudi mua kulonda tshilejilu tshia Mulombodi Mukulu Smith. Tshilejilu, mashintuluka kâyi awudi umvua ne afila meji a nyuma bua kuenza ku dilonga dieba dia mifundu bua kupeta dibuluila dia nkaya divula.

Mu mukenji wenda “The Vision of the Redemption of the Dead” (Liahona, Ngondu wa Dikumi ne Umua 2018, 71–74), Mulombodi Mukulu M. Russell Ballard wakaleja mishindu mikuabu ivua Mulombodi Mukulu Smith mudilongolola bua kupeta dibuluila edi. Tshinyi tshiwudi ulonga ku mamanya â? Ela meji ku mushindu udi Mukalenga mukulongolola bua mamanya eba awudi upeta—ne mushindu udiye mua kuikala ukulongolola bua mamanya a matuku eba alua.

Tangila kabidi Saints, 3:202–5; “Ministry of Joseph F. Smith: A Vision of the Redemption of the Dead” (video), Tshisangi tshia Lumu Luimpa.

Ministry of Joseph F. Smith: A Vision of the Redemption of the Dead

Joseph F. Smith (Joseph F. Smith), kudi Albert Salzbrenner

Bikila Nyuma. Tshinyi tshiwudi mumona tshidi tshiambuluisha ku nyunguluilu wa nyuma ne dilonga dia lumu luimpa? Tshinyi tshidi tshimunyanga? (Teaching in the Savior’s Way, 18). Pawudi ulonga dimanya dia Mulombodi Mukulu Joseph F. Smith mu Dilongesha ne Bipungidi 138:1–11, ela meji pa mushindu uwudi mua kukolesha dinanyina meji ne dibikila mmuenenu ya nyuma bueba nkayeba, pawikala mulongeshi, bua bantu bawudi ulongesha.

Dilongesha ne Bipungidi 138:25–60

Mudimu wa Mupandishi udi utungunuka dia muamua dia tshilamba.

Mulombodi Mukulu Russell M. Nelson wakalongesha ne mukenji wetu kudi ba pa buloba udi mupepela ne mulelela: tudi tubikila bana ba Nzambi badi ku nseke yonsu ya tshilamba bua kulua kudi Mupandishi wabu, kupeta mabenesha a ntempelo wa tshijila, kunanukila disanka, ne kudikumbaja bua moyo wa tshiendelela (“Let Us All Press On,” Liahona, Ngondu Muitanu 2018, 118–19). Nana meji pa ngikadilu ewu pawudi ubala Dilongesha ne Bipungidi 138:25–60. Udi kabidi mua kutangila nkonku eyi:

• Tshinyi tshiwudi ulonga mu tunungu etu pa mushindu udi mudimu wa Mupandishi muikala wenzeka mu muaba wa nyuma? Buatshinyi bidi ne mushinga bueba bua kumanya ne mudimu udi wenzeka?

• Tshinyi tshidi tshikoka ntema yeba pa batumibua ba Mukalenga mu muaba wa nyuma?

• Munyi mudi dibuluila edi dikankamika ditabuija dieba mu dilongolola dia lupandu dia Nzambi?

Piwikala musua kulonga bia bungi pa muaba wa nyuma, udi mua kubala mukenji wa Mulombodi Mukulu Dallin H. Oaks “Trust in the Lord” (Liahona, Ngondu wa Dikumi ne Umua 2019, 26–29).

Tangila kabidi “Susa Young Gates and the Vision of the Redemption of the Dead,” mu Revelations in Context, 315–22; “A Visit from Father” (video), Tshisangi tshia Lumu Luimpa.

A Visit from Father

Bua ngenyi ya bungi, tangila malu a ngondu ewu a Liahona ne Makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidi 137:5–10; 138:18–35

Bana bonsu ba Tatu wa u Diûlu nebapeta diesa dia kumvua lumu luimpa.

• Bua kulonga pa tshivua mua kuikala tshimpa bua Joseph Smith bua kumona ba bungi ba ku bidimba bia dîku dienda mu bukalenga bua selestiya, bana beba badi mua kutangila video “Ministry of Joseph Smith: Temples” (Tshisangi tshia Lumu Luimpa), anyi kuambilangana Doctrine and Covenants Stories, 152–53 . Pamuapa udi kabidi mua kubambila pa muntu kampanda uwudi mumanya utu mufua kayi mupeta diesa dia kutambuishibua. Tshinyi tshidi Dilongesha ne Bipungidi 137:5–10 dikulongesha pa muntu awu?

  Ministry of Joseph Smith: Temples

  Chapter 39: The Kirtland Temple Is Dedicated: January–March 1836

• Ela meji bua kuenzela tshimfuanyi tshia lukita lua Mupandishi (tangila Gospel Art Book, no. 58, anyi Bible Photographs, no. 14) ne tshimfuanyi ku ndekelu kua ndongelu ewu bua kulongesha bana beba muaba uvua nyuma wa Yezu muya pavua mubidi wenda mu lukita. ¨Pashisha nudi mua kubala pamua Dilongesha ne Bipungidi 138:18–19, 23–24, 27–30 bua kulonga pa tshivua Yezu muenza pavuaye momu. Banganyi bavuaye mukumbula? Tshinyi tshivuaye mubalomba bua kuenza? Buatshinyi uvua mutshienza?

  

• Udi mua kuenzela kabidi dibeji dia tshibilu tshia lumingu elu bua kuambuluisha bana beba belekeja bidi bena bukenji balongesha dia momua dia tshilamba (tangila, tshilejilu, Articles of Faith 1:4) ne bidi bena bukenji balongesha mu muaba wa nyuma (tangila Dilongesha ne Bipungidi 138:33). Binganyi bidi bifuanangana mu tunungu etu, ne binganyi bidi bishilangana? Tshinyi tshidibi bitulongesha pa Tatu wa mu Diûlu ne dilongolola dienda?

Kunana meji pa mifundu kudi kubikila Nyuma wa Tshijila.

Dilongesha ne Bipungidi 138:1–11

Pandi nnanyina meji pa mifundu, Nyuma wa Tshijila udi mua kungambuluisha bua kuyumvua.

• Pawudi wewa ne bana beba nubala Dilongesha ne Bipungidi 138:1–11 pamua, udi mua kubabikila bua kuditeka pa muaba wa Mulombodi Mukulu Joseph F. Smith ne kuenza malu adi apetangana ne tunungu 6 ne 11. Udi kabidi mua kubaleja tshimfuanyi tshia Mulombodi Mukulu Smith (kudi tshimua mu ndongamu ewu) ne kumvuija ne uvua Mulombodi Mukulu muisambombu wa Ekelezia. Udi kabidi mua kuakula pa tshikondu tshiwuvua munanyina meji pa tshintu kampanda mu mifundu ne Nyuma wa Tshijila mukuambuluisha bua kutshiumvua.

• Ela meji bua kuimba pamua musambu pa dilonga dia mifundu, bu mudi “Search, Ponder, and Pray” (Mukanda wa Misambu ya Bana, 109). Tshinyi tshidi musambu ewu wamba tshitudi mua kuenza bua kumvua mifundu?

Bua ngenyi ya bungi, tangila malu a ngondu ewu bua Makazina a Mulunda.

The Commissioned (Batumibua), kudi Harold I. Hopkinson