Diumvuija ku To All Worthy Male Members [Kudi Bidimba Bionsu Biluma Bikumbana], kudi Emma Allebes

Ngondu wa Dikumi ne Muibidi 8–14: “Tudi Tuitabuija”

Tunungu tua Ditabuija ne Mamanyisha Malelela 1 ne 2

Katshia ku Tshimonyi tshia Kumpala tshia Joseph Smith, Nzambi wakatungunuka ne kuludika Ekelezia ku dibuluila. Mu mishindu mikuabu, dibuluila edi didi dikala ne makudimunyi ku mikandu ne ngenzelu ya Ekelezia. Mamanyisha Mamanyika 1 ne2 adi amanyisha dibuluila dia mushindu ewu—dimua didi dilombola ku dimakija dia disela dia bakaji ba bungi, ne mabenesha makuabu menza bua buakuidi adi koku bua bantu ba makoba onsu. Makudimuna bu â adi aleja tshidi tshiumvuija kuikala ne ekelezia mulelela ne wa moyo (Dilongesha ne Bipungidi 1:30), ne muambi mulelela ne wa moyo, mulombodibua kudi Nzambi mulelela ne wa moyo.

Kadi bulelela bua tshiendelela kabuena bukudimuka, nansha ngumvuilu wetu wabu. Ku misangu mabuluila adi afila ngumvuilu mikuabu ya bintu bidi bilelela. Tunungu tua Ditabuija tudi tuenzela kipatshila aka ka kumvuija. Ekelezia udi muibakila ne bukola pa malelela a tshiendelela adi mua kutanta ne kukudimuka bilondeshila disua dia Mukalenga, bipetangana ne lusa luenda bilondeshila nsombelu ya bana ba bantu (Dilongesha ne Bipungidi 46;15). Mu mushindu mukuabu, “Tudi tuitabuija bionsu bidi Nzambi mubuluila, bionsu bidiye ubuluila mpindiewu, ne tudi tuitabuija ne neatshiakubuluila malu a bungi manena ne a mushinga atangila Bukalenga bua Nzambi.” (Tunungu tua Ditabuija 1:9).

Ngenyi bua Dilonga mu Dîku ne mu Ekelezia

Tunungu tua Ditabuija

Tunungu tua Ditabuija tudi ne malela a nshindamenu ya lumu luimpa lupinguluja.

Ela meji pa nshindamenu ewu bua kulonga Tunungu tua Ditabuija: Bua kanungu konsu ka ditabuija, enza “dilongesha dikesa” bua kumvuija biwudi witabuija. Dilongesha dieba dikesa didi bua kuikala ne mifundu ifuanangana, bifuanyi anyi misambu ya bana, anyi dimanya dia nkaya pa kuteka mu tshienzedi bulelela budi kanungu ka ditabuija kalongesha.

Dishilangana kayi didi malelela â menza mu malanda eba ne Tatu wa mu Diûlu ne Yezu Kilisto? Mushindu kayi udi Tunungu tua Ditabuija tushidimuja mushindu weba wa kulonga anyi tukuambuluisha bua kutangalaja lumu luimpa ne bakuabu?

Tangila kabidi Buludiki bua mu Mifundu, “Articles of Faith,” Tshisangi tshia Lumu Luimpa; L. Tom Perry, “The Doctrines and Principles Contained in the Articles of Faith,” Liahona, Ngondu wa Dikumi ne Umua 2013, 46–48; “Chapter 38: The Wentworth Letter,” mu Teachings of Presidents of the Church: Joseph Smith (2011), 435–47.

Tunungu tua Ditabuija 1:9; Mamanyisha Mamanyika 1 ne 2

Ekelezia wa Yezu Kilisto udi muludikibua kudi dibuluila.

“Tudi tuitabuija ne [Nzambi] neatshiakubuluila malu a bungi manena ne a mushinga atangila Bukalenga bua Nzambi” (Tunungu tua Ditabuija 1:9). Ne nshindamenu ewu mu meji, monanuna Mamanyisha Mamanyika 1 ne2, ne keba miaku ne biambilu bidi bikolesha ditabuija dieba mu dibuluila ditungunuka. Mushindu kayi udi malelela â malenga moyo weba? Mushindu kayi udi biambuluisha mudimu wa bukalenga bua Nzambi bua kuya kumpala?

Tshijadikilu kayi tshiwudi mumona ne Ekelezia udi mulombodibua kudi “dipetela meji kudi Nzambi wa Bukola” lelu? (Mamanyisha Mamanyika 1). Ku misangu udi bua kumonununa musangu umua anyi ya bungi mikenji ya mpungilu munena wa pabuipi, bua kukeba mushindu udi Mukalenga uludika Ekelezia wenda—ne moyo weba. Mukenji mushala wa kudi Mulombodi Mukulu wa Ekelezia udi mua kuikala muaba muimpa wa kubangila.

Tshinyi tshiwudi mua kuenza pikala wewa anyi muntu mukuabu uwudi munanga udi ne lutatu bua kumvua ne kuitaba tshidi Mukalenga mulongesha kupitshila ku muambi wenda? Buatshinyi udi ne kusakidila bua muambi?

Tangila kabidi Amosa 3:7; 2 Nefi 28:30; Allen D. Haynie, “A Living Prophet for the Latter Days,” Liahona, Ngondu Muitanu 2023, 25–28; Biena Bualu ne Nkonku, “Bambi,” Tshisangi tshia Lumu Luimpa; “We Thank Thee, O God, for a Prophet,” Hymns, no. 19.

Mamanyisha Mamanyika 1

Mudimu wa Nzambi udi ne mua kuya kumpala.

Mu “Excerpts from Three Addresses by President Wilford Woodruff regarding the Manifesto” (ku ndekelu kua Mamanyisha Mamanyika 1), kabingila kayi kavua muambi mufila bua Mukalenga kuimanyika disela dia bakaji ba bungi? Tshinyi tshidibi bikulongesha pa mudimu wa nzambi?

Bua ngumu ya bungi pa Mamanyisha Mamanyika 1, tangila Saints, 2:602–15; “The Messenger and the Manifesto,” mu Revelations in Context, 323–31; Topics and Questions, “Plural Marriage and Families in Early Utah,” Tshisangi tshia Lumu luimpa.

Wilford Woodruff, kudi H. E. Peterson

Dimanyisha Dimanyika 2

Ndi mua kueyemena Mukalenga, nansha mema tshiyi ne ngumvuilu muakana.

Katuena bamanya bua tshinyi dijidila mu buakuidi ne milulu ya ntempelo kayivuaku bua bidimba bia Ekelezia bia ndelenganyi ya Afrique mu bikondu. Nansha muvuabu bapeta mandamuna atatshisha ku nkoku pa mukandu awu, Bantu Bafika ba bungi Bansantu ba Matuku a Ndekelu bavua beyemena Mukalenga (tangila Nsumuinu 3:5) ne bashala ne lulamatu kudiye mu nsombelu yabu. Kulonga pa ditabuija diabu ne mamanya bidi mua kukupesha meji a nyuma. Ebi bidi imua ya milubu yabu, mipeta pa history.ChurchofJesusChrist.org

• “Jane Elizabeth Manning James”

• “In My Father’s House Are Many Mansions” (muyuki wa Green Flake)

• “You Have Come at Last” (muyuki wa Anthony Obinna)

• “Break the Soil of Bitterness” (muyuki wa Julia Mavimbela)

• “I Will Take It in Faith” (muyuki wa George Rickford)

• “Long-Promised Day” (muyuki wa Joseph W. B. Johnson)

Pawudi ubala Dimanyisha Dimanyika 2, tshinyi tshiwudi ulonga pa mushindu wa Mukalenga wa kulombola mikandu mu Ekelezia wenda? Nana meji pa mushindu uwudi mulonga bua kueyemena Mukalenga nansha pawudi kuyi ne ngumvuilu muakana.

Tangila kabidi 2 Nefi 26:33; “Witnessing the Faithfulness,” mu Revelations in Context, 332–41; Topics and Questions, “Race and the Priesthood,” Tshisangi tshia Lumu Luimpa; Ahmad Corbitt, “A Personal Essay on Race and the Priesthood,” parts 1–4, history.ChurchofJesusChrist.org; BeOne.ChurchofJesusChrist.org.

Bidi Bimpa bua kuamba “Tshiena mumanya to.” Pawudi mua kuteta ne mueba monsu bua kuambuluisha bantu bawudi ulongesha bua kuandamuna ku nkoku yabu ya lumu luimpa, Mukalenga kena muindila kuwudi bua kumanya bintu bionsu to. Pawudi kuyi mumanya mushindu wa kuandamuna tshintu, itabija. Pashisha tuma balongi ku dilongesha dibulula, ne fila bujadiki bua mu mutshima bua biwudi mumanya.

Bua ngenyi ya bungi, tangila malu a ngondu ewu Liahona ne Makazina a Bua Dikankamika dia Bansonga.

Ngenyi bua Kulongesha Bana

Tunungu tua Ditabuija

Ndi ngitabuijila lumu luimpa lua Yezu Kilisto.

• Ela meji upeta ne wimba musambu anyi musambu wa bana udi mua kuambuluisha bana beba kumanya kamua anyi tuabungi tua ku Tunungu tua Ditabuija. Kumisangu badi mua kunuambuluisha bua kusungula misambu. Ambuluisha bana beba bua kumona mushindu kayi udi misambu ipetangana ne Tunungu tua Ditabuija.

• Wewa ne bana beba nudi bua kuenza pamua bua kufunda nkoku idi bantu mua kuikala nayi pa lumu luimpa lua Yezu Kilisto ne Ekelezia wenda. Nudi mua kuenza pamua bua kuandamuna nkonku eyi nuenzela Tunungu tua Ditabuija; Biambuluishi kayi bikuabu bitudi bua kuenzela patudi ne nkonku pa lumu luimpa?

Tunungu tua Ditabuija 1:9; Mamanyisha Mamanyika 1 ne 2

Mukalenga udi uludika Ekelezia wenda kupitshila ku muambi wenda.

• Bua kuambuluisha bana beba kumanya Kanungu ka Ditabuija ka Tshitema, kumisangu udi mua kubapesha mifundi mifila ne tshimfuanyi tshia muambi udi ne moyo (anyi bualu bua mpungilu mushala Liahona). Bambila bua kulembeleja mifundu pawudi ubala miaku “bionsu bidi Nzambi mubuluila” ne tshimfuanyi anyi makazina pawudi ubala “bionsu bidiye ubuluila mpindiewu” (Tunungu tua Ditabuija 1:9). Buatshinyi tudi dijinga ne bonsu buabu bambi ba kala ne ba mpindiewu?

• Bana beba badi mua kulonga mushindu kayi udi miaku ya bambi ituludika mu kulonda maludiki bua kuenza tshintu, bu mudi tshiakudia anyi tshinayishi. Udi mua kuelakaja etshi ku maludiki adi Yezu Kilisto utupesha kupitshila kudi muambi. Bimua bintu kayi bidi Mukalenga mutulongesha kupitshila kudi muambi udi ne moyo lelu?

Nzambi udi ubikila bambi bua kulombola Ekelezia wenda.

Dimanyisha Dimanyika 1 ne 2

Bambi badi batuambuluisha bua kumanya disua dia Tatu wa mu Diûlu.

• Ku misangu kumona mushindu udi mifindu ya kala ipetangana ne mabuluila a mpindiewu bidi mua kuambuluisha bana beba bua kumanya Mamanyisha Mamanyika. Udi bua kubalomba bua kubala Bienzedi 10:34–35 ne Yacoba 2:27–30 ne kubambila bua kujingulula mufundu kayi udi upetangana ne Dimanyisha Dimanyika 1 (didi dilombola ku dimakija dia disela dia bakaji ba bungi) ne didi dipetangana ne Dimanyisha Dimanyika 2 (didi dimanyisha dijidila mu buakuidi ne milulu ya ntempelo idi koku bua bantu ba dikoba dionsu). Fila bujakidi bueba ne Mukalenga mubuluila disua dienda kudi bambi ba kala ne ba mpindiewu.

Bua ngenyi ya bungi, tangila malu a ngondu ewu bua Makazina a Mulunda.