Ngondu wa Dikumi 6–12: Nendongolola Bintu Bionsu bua Bimpa Bieba

Dilongesha ne Bipungidi 111–114

Ukatu mupeta dimanya dia mu nyuma diakenza bua udiumvua bimpa ne mukubibua mu ditabuiji dieba mu Kilisto—kadi pashisha ntatu ya moyo miteta ditabuiji dieba, ne mudimuna uluangana bua kupetulula ditalala diwuvua mumvua diambedi anyi? Tshintu tshia momumua tshiakafikila Bansantu mu Kirtland. Matuku muishi mua tshidimu tshijima panyima pa dipueka dia nyuma mu dipentangana ne dijidila dia Ntempelo wa Kirtland, lukutukutu luakabika. Tshiyola tshia lupetu, makokangana mu Mpuilu wa Dikumi ne Babidi, ne mateta makuabu biakenza Bansantu bua kuela mpata ku ditabuija diabu pa kupua moyo mamanya abu a mbangabanga.

Katuena mua kuepuka mateta, nanku mushindu kayi utudi mua kuenza bua ne kaluangishi ditabuija ne bujadiki bietu? Pamuapa tshitupa tshia diandamuna tshidi mua kupetshibua mu mubelu wa Mukalenga mu Dilongesha ne Bipungidi 112, mufila pavua mpandi mikola ipitakana mu Kirtland. Mukalenga wakamba bua kukezula mitshima yetu kumpala kuenda (kanungu 28), Kubenga ditomboka (kanungu 15), Kusuika tonyi tuetu bua kuenza mudimu (kanungu 7), ne Kuikala badipuekeshi (kanungu 10). Mutudi tulonda mubelu ewu, Mukalenga neatulombola ku tshianza munkatshi mua mpandi ne ku londapu ne ditalala (tangila tunugnu 10, 13).

Ngenyi bua Kulonga mu Dîku ne mu Ekelezia

Dilongesha ne Bipungidi 111

Mukalenga udi mua kulongolola bintu bionsu bua buimpa buanyi.

Mu 1836, Ekelezia wakabuela mu mabanza makola mu dienza dia mudimu wa Mukalenga. Joseph Smith ne bakuabu bakanana meji pa mabanza â ne kupangadika mishindu ya kuafuta (tangila mutu wa tshitupa ku Dilongesha ne Bipungidi 111).

Pawudi ubala tshitupa 111, ela meji pa mushindu udi mêyi a Mukalenga kudi Joseph mua kuenzeka kuwudi—ne bintu biwudi unanyina meji. Tshilejilu, tshikondu kayi tshiwutu mumvua dinanga dia Nzambi kabiyi kubala matomboka eba (kanungu 1)? Mushindu kayi uvua Mukalenga mukuambuluisha bua kupeta mabanji awuvua kuyi muelele meji (kanungu 10)? Tshinyi tshivuaye muenza bua kulongolola bintu bionsu bua bimpa bieba (kanungu 11)? Tshinyi tshidi tshiambilu “nudi bakumbana bua kubipeta ne lukasa lonsu” tshikulongesha pa Tatu wa mu Diûlu?

Tangila kabidi Matayo 6:19–21, 33; “More Treasures Than One,” mu Revelations in Context, 229–34.

Dilongesha ne Bipungidi 112:3–15, 22

Mukalenga neandombola pandi nkeba mu didipuekesha disua Dienda.

Thomas B. Marsh, Mulombodi Mukulu wa Mpuilu wa Bapostolo Dikumi ne Babidi, uvua mukemeshibua bua ne Joseph Smith, kayi mumuebeja, wakabikila bidimba bibidi bia mpuilu wenda bua kulongesha lumu luimpa mu Angleterre. Wakamonangana ne Muambi, wakapeta dibuluila diakambuluisha Thomas bua kumbusha ngumvuilu yenda ivua minyingalajibua. Dibuluila adi didi diandika mu Dilongesha ne Bipungidi 112.

Lama ngumvuilu ewu mu meji pawudi ulonga Dilongesha ne Bipungidi 112. Tshinyi tshiwudi mupeta tshidi mua kuikala tshiondapa ngumvuilu minyingalajibua ya Thomas? Mu tunungu 3–15 ne 22, udi mua kupeta mandamuna ku nkonku bu mudi: Didipuekesha ntshinyi? Tshinyi tshidi tshiumvuija bua Mukalenga pa kukulombola “ku tshianza”? Bua tshinyi udi wela meji ne kuikala mudipuekeshi kudi kukuambuluisha bua kupeta bulombodi bua Mukalenga? Udi mua kupeta mandamuna mavula mu “Pattern of Humility” mu mukenji wa Mukulu Joseph W. Sitati “Patterns of Discipleship” (Liahona, Ngondu wa Dikumi ne Umua 2022, 87–88).

Ela meji pa muntu uwudi mumanya udi mudipuekeshi. Tshinyi tshidi muntu ewu wenza bua kuleja didipuekesha? Tshinyi tshiwudi ulonga kudi Mupandishi pa kuikala mudipuekeshi? Pamuapa udi mua kupeta bimfuanyi bia bikondu mu moyo wenda biakalejaye didipuekesha?

Tshikondu kayi tshiwuvua mudiumvua mulombola kudi Mukalenga pawuvua mudipuekesha?

Tangila kabidi Ulisses Soares, “Be Meek and Lowly of Heart,” Liahona, Ngondu wa Dikumi ne Umua 2013, 9–11; “The Faith and Fall of Thomas Marsh,” mu Revelations in Context, 54–60; Biena Bualu ne Nkonku, “Humility,” Tshisangi tshia Lumu Luimpa.

Enza bua balongi badifila. Ela meji pa mushindu uwudi mua kuambuluisha bantu bawudi ulongesha bua kudibueja ne dienza mu dilonga dia malelela mu mifundu. Tshilejilu, bua kubambuluisha bua kumvua tshivua Mukalenga muamba mu Dilongesha ne Bipungidi 112:10, udi mua kubuikila muntu ku mêsu ne ku mulombola ne budimu ku tshianza mu nyunguluilu wa bipumbishi bia kuansa anyi bintu bikuabu. Tshinyi tshitudi mua kulonga pa didipuekesha ku tshilejilu etshi?

Dilongesha ne Bipungidi 112:12–26, 28, 33–34

Aba badi mu bulelela bakudimuna mutshima badi bafikila ku dimanya Yezu Kilisto.

Dienza dia ne bamua ba ku Bapostolo mu 1837 batombokela Muambi tshidi tshivulukilu tshimpa bua ne kabiyi kubala dibikila dietu mu Ekelezia anyi mushindu wabungi utudi bamanya pa lumu luimpa tudi benzejibua muntu pankayenda bua kutuishibua ne tudi tudisha dikudimuna moyo wetu mu Yezu Kilisto. Pamuapa udi mua kubala Dilongesha ne Bipungidi 112:12–26, 28, 33–34 ne kukeba malelela adi mua kukuambuluisha bua kutshimuna diteta dia ditabuiji anyi kulua bia bungi mukudimuna moyo kudi Mukalenga. Udi mua kumvua musakibua kudi nyuma bua kutangalaja tshiwudi mupeta bua kuambuluisha muntu kampanda mukuabu bua kukankamika dikudimuna moyo dienda kudi Kilisto.

Dilongesha ne Bipungidi 113

Joseph Smith uvua musadidi mu bianza bia Kilisto.

Muambi Yeshaya wakananyina meji ku umua wa bankana ba Jesse bu “mutshi” ne “muiji” (Yeshaya 11:1, 10). Mu tshitupa 113, Mukalenga wakumvuija ne nkana wenda, musadidi wa Kilisto, neikala bu tshiamua tshia mudimu mu disangisha dia bantu ba Mukalenga mu matuku a ndekelu (tangila Dilongesha ne Bipungi 113:4, 6). Buambi ebu budi bumvuija Muambi Joseph Smith bimpa. Mushindu kayi udi etshi ne malelela makuabu mu tshitupa 113 bikolesha Bansantu munkatshi mua tshimvundu tshiakamanyabu mu Kirtland? Tshinyi tshiwudi upeta mu dibuluila edi tshidi nyuma mukusaka bua kushala mukola ne kutungunuka kudibueja mu mudimu wa Mukalenga lelu?

Tangila kabidi Buludiki ku Mifundu, “Jesse,” Tshisangi tshia Lumu Luimpa; 2 Nefi 21:10–12; Joseph Smith—Mulubu 1:40.

Yeshaya wakafunda bua “mutshi” ne “miji” bipatukila ku “ditamba dia Jesse” (Isaiah 11:1).

Bua ngenyi ya bungi, tangila malu a ngondu ewu a Liahona ne Makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidil 111:2, 10–11

Bintu bia Nzambi bidi mua kuikala bubanji kundi.

• Wewa ne bana beba nudi mua kuzola tshidi tshilua mu meji panudi numvua muaku bubanji Pashisha nudi mua kubala pamua Dilongesha ne Bipungidi 111:2, 10–1 ne elekeja mabanji a buloba ne bintu bia bubanji bua Mukalenga. (tangila activity pagewa lumingu elu.) Mushindu kayi utudi mua kufila mushinga wabungi ku bintu bia Nzambi?

Dilongesha ne Bipungidi 112:10

Mukalenga neandombola ku tshianza ne andamuna masambila anyi.

• Wewa ne bana beba nudi mua kuimba pamua “Be Thou Humble” (Hymns, no. 130). Panyima pa dibala Dilongesha ne Bipungidi 112:10, nudi kabidi mua kuenza dinaya didi diangata dilombola umua ne mukuabu “ku tshianza” (bu mudi luendu lua dipumbisha). Mushindu kayi udi Mukalenga utulombola “ku tshianza,” nansha pikalaye kayi netu mu musunyi? Bua tshinyi tudi tujinga ne Mukalenga atulombola ? Tshikondu kayi tshituvua bumvua Mukalenga mutulombola?

• Wewa anyi bana beba nudi mua kufunda miaku ya Dilongesha ne Bipungidi 112:10 anyi kuela kashonyi pa mabenesha adi Mukalenga utupesha patudi tukudimuka mu didipuekesha kudiye. Kolesha bana beba bua kuamba bikondu bivuabu balomba ne didipuekesha diambuluisha kudi Mukalenga ne bapeta mandamuna ku masambila abu anyi bikala balombodibua bua kuenza bualu kampanda buimpa (tangila Moloni 7:13, 16).

Diumvuija ku Arise and Walk (Juka ne Enda), kudi Simon Dewey

Dilongesha ne Bipungidi 112:11

Yezu mmusua bua nnanga muntu yonsu

• Wewa ne bana beba nudi mua kuangata misangu bua kubala ku “Chapter 41: Trouble in Kirtland” (mu Doctrine and Covenants Stories, 158–60). Nganyi mu muyuki wakaluisha malu mu Kirtland matamba bubi? Nganyi uvua uteta bua kuenza mimpa? Pashisha nudi mua kubala Dilongesha ne Bipungidi 112: 11 ne kuakula pa buatshinyi Mupandishi musua ne tuetu tunanga muntu yonsu. Tshikondu kayi tshivuaye muleja dinanga kudi bantu bavua bamukina? (tshilejilu, tangila Luka 23:34). Udi kabidi mua kuimba musambu pa dinanga bakuabu.

Chapter 41: Trouble in Kirtland: 1837–1838

Dilongesha ne Bipungidi 112:11–14, 24–26

Aba badi bakudimuna moyo mu bulelela badi bafika ku dimanya Yezu Kilisto.

• Panyima pa dibala Dilongesha ne Bipungidi 112:24–26, wewa ne bana beba nudi mua kuyukila pa dishilangana pankatshi pa dimanya dina dia muntu kampanda ne dibamanya. Malongesha kayi ku tunungu 11–14 adi atuambuluisha bua kumvua tshidi tshiumvuija kumanya Mukalenga?

Bua ngenyi ya bungi, tangila malu a ngondu ewu a Makazina a Mulunda.

Be Thou Humble (Ikala Mudipuekeshi), kudi Julie Rogers