« ថ្ងៃទី ២៤-៣០ ខែ មីនា ៖ ‹ គ្រប់ការណ៍ទាំងអស់ ត្រូវធ្វើឡើងតាមរបៀបរៀបរយ › ៖ គោលលទ្ធិ និងសេចក្តីសញ្ញា ២៧-២៨ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ ២០២៥ ( ឆ្នាំ ២០២៥ )

« គោលលទ្ធិ និងសេចក្តីសញ្ញា ២៧-២៨ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៥

ថ្ងៃទី ២៤-៣០ ខែ មីនា ៖ « គ្រប់ការណ៍ទាំងអស់ត្រូវធ្វើឡើងតាមរបៀបរៀបរយ »

គោលលទ្ធិ និងសេចក្តីសញ្ញា ២៧–២៨

វិវរណៈនៅតែជាគោលគំនិតដែលថ្មីមួយសម្រាប់ពួកបរិសុទ្ធនៅពេលការស្ដារឡើងវិញបានបន្ដបើកបង្ហាញ ។ សមាជិកសាសនាចក្រពីដើមបានដឹងថាព្យាការី យ៉ូសែប ស៊្មីធ អាចទទួលបានវិវរណៈសម្រាប់សាសនាចក្រ ប៉ុន្ដែតើអ្នកផ្សេងទៀតអាចទទួលវិវរណៈបានដែរឬទេ ? ប៉ុន្ដែតើអ្នកដទៃអាចធ្វើបានឬទេ? សំណួរដូចនេះកាន់តែសំខាន់ឡើងនៅពេល ហៃរាំ ភេច ជាសាក្សីម្នាក់ក្នុងចំណោមសាក្សីប្រាំបីនាក់នៃផ្ទាំងចំណារមាស បានជឿថាគាត់បានទទួលវិវរណៈសម្រាប់សាសនាចក្រ ។ ពួកបរិសុទ្ធដ៏ស្មោះត្រង់ជាច្រើនបានជឿថាវិវរណៈទាំងនេះគឺមកពីព្រះ ។ ព្រះអម្ចាស់បានឆ្លើយតបដោយការបង្រៀនថា នៅក្នុងសាសនាចក្ររបស់ទ្រង់ « គ្រប់ការណ៍ទាំងអស់ ត្រូវធ្វើឡើងតាមរបៀបរៀបរយ » ( គោលលទ្ធិ និងសេចក្តីសញ្ញា ២៨:១៣ ) ។ នេះមានន័យថាមានតែមនុស្សម្នាក់ប៉ុណ្ណោះដែល « បានតែងតាំងដើម្បីទទួលបានបញ្ញត្តិ និងវិវរណៈទាំងឡាយ » សម្រាប់សាសនាចក្រទាំងមូល ( គោលលទ្ធិ និងសេចក្តីសញ្ញា ២៨:២ ) ។ បើទោះជាដូច្នោះក្ដីក៏មនុស្សដទៃទៀតអាចទទួលបានវិវរណៈផ្ទាល់ខ្លួន សម្រាប់ផ្នែករបស់ពួកគេនៅក្នុងកិច្ចការរបស់ព្រះអម្ចាស់ ។ តាមពិតទៅព្រះបន្ទូលរបស់ព្រះអម្ចាស់ទៅកាន់ អូលីវើរ ខៅឌើរី គឺជាការរំឭកមួយដល់យើងទាំងអស់គ្នា ៖ « នឹងបានប្រទានដល់អ្នក … នូវអ្វីៗដែលអ្នកត្រូវធ្វើ » ( គោលលទ្ធិ និងសេចក្ដីសញ្ញា ២៨:១៥ ) ។

សូមមើលផងដែរ « All Things Must Be Done in Order » នៅក្នុង Revelations in Context ទំព័រ ៥០–៥៣ ។

គំនិតសម្រាប់ការរៀនសូត្រនៅឯគេហដ្ឋាន និងនៅព្រះវិហារ

គោលលទ្ធិ និងសេចក្ដីសញ្ញា ២៧:១–៤

ខ្ញុំទទួលសាក្រាម៉ង់ក្នុងការរំឭកដល់ព្រះយេស៊ូវគ្រីស្ទ ។

សាលី ណៃត និង អិមម៉ា ស៊្មីធ បានទទួលបុណ្យជ្រមុជទឹកនៅ ខែ មិថុនា ឆ្នាំ ១៨៣០ ប៉ុន្តែពិធីបញ្ជាក់ត្រូវបានបង្អាក់ដោយមនុស្សអាក្រក់ ។ ពីរខែក្រោយមក សាលី និងស្វាមីរបស់នាង នូវល បានមកលេង អិមម៉ា និង យ៉ូសែប ហើយពួកគេបានសម្រេចថាពិធីបញ្ជាក់គួរតែធ្វើនៅពេលនេះ ហើយថាក្រុមនោះនឹងទទួលសាក្រាម៉ង់រួមគ្នា ។ ខណៈនៅតាមផ្លូវទៅរកស្រាទំពាំងបាយជូរសម្រាប់ពិធីសាក្រាម៉ង់ យ៉ូសែប ត្រូវបានបញ្ឈប់ដោយទេវតា ។

សូមអាន គោលលទ្ធិ និងសេចក្ដីសញ្ញា ២៧:១–៤ ដើម្បីស្វែងយល់អំពីអ្វីដែលទេវតាបានបង្រៀនគាត់អំពីពិធីសាក្រាម៉ង់ ។ តើខគម្ពីរទាំងនេះបង្រៀនបងប្អូនអ្វីខ្លះ អំពីរបៀបដែលព្រះអង្គសង្គ្រោះសព្វព្រះទ័យឲ្យបងប្អូនមកកាន់ពិធីសាក្រាម៉ង់ ? តើបងប្អូនគិតថាវាមានអត្ថន័យយ៉ាងណាក្នុងការទទួលទានសាក្រាម៉ង់ដោយ « ភ្នែកស្មោះត្រង់ទាំងស្រុងចំពោះសិរីល្អរបស់ [ ទ្រង់ ] ? សូមពិចារណាអំពីរឿងនេះ— ហើយរកមើលការយល់ដឹងផ្សេងទៀតអំពីសាក្រាម៉ង់ដូចដែលបងប្អូនបានអាន លូកា ២២:១៩-២០ និង នីហ្វៃទី៣ ១៨:១–១១ ។ ( សូមមើលវីដេអូ « The Last Supper » « Jesus Christ Blesses Bread in Remembrance of Him » និង « Jesus Christ Blesses Wine in Remembrance of Him » នៅលើបណ្ណាល័យដំណឹងល្អ ) ផងដែរ ។

Jesus Christ Blesses Bread in Remembrance of Him | 3 Nephi 18:1-7

Jesus Christ Blesses Wine in Remembrance of Him | 3 Nephi 18:8-11

ដើម្បីរៀនអំពីការធ្វើឲ្យសាក្រាម៉ង់ជាបទពិសោធន៍ថ្វាយបង្គំដ៏ប្រសើរ សូមពិចារណាសិក្សាអំពីសារលិខិតរបស់អែលឌើរ ឌី ថត គ្រីស្តូហ្វហ្វើសុន « The Living Bread Which Came Down from Heaven » ( Liahona ខែ វិច្ឆិកា ឆ្នាំ ២០១៧ ទំព័រ ៣៦-៣៩ ) ។ តើអែលឌើរ គ្រីស្តូហ្វហ្វឺសិន បង្រៀនអ្វីខ្លះដែលអាចជួយបងប្អូនឲ្យមានអារម្មណ៍ ថាមានតំណភ្ជាប់កាន់តែខ្លាំងទៅនឹងព្រះអង្គសង្គ្រោះតាមរយៈពិធីសាក្រាម៉ង់ ? សូមពិចារណាអំពីអ្វីដែលបងប្អូនអាចធ្វើដើម្បីត្រៀមខ្លួនឲ្យបានប្រសើរជាងមុន ដើម្បីទទួលនិមិត្តសញ្ញានៃដង្វាយធួនរបស់ព្រះអង្គសង្គ្រោះ ហើយប្រព្រឹត្តចំពោះនិមិត្តសញ្ញាទាំងនោះដោយមានការគោរព ឬគោលបំណងកាន់តែខ្លាំង ។

សូមពិចារណាការច្រៀង ការស្តាប់ ឬការអានទំនុកតម្កើងដូចជា « ពេលយើងទទួលទានសាក្រាម៉ង់ » ( ទំនុកតម្កើង ល.រ.៩៩ ) ហើយកត់ត្រានូវអារម្មណ៍របស់បងប្អូនអំពីការចូលរួមក្នុងពិធីបរិសុទ្ធដ៏ពិសិដ្ឋនេះ ។

ប្រើប្រាស់តន្ដ្រី ។ តន្ត្រីពិសិដ្ឋអញ្ជើញព្រះវិញ្ញាណឲ្យធ្វើជាសាក្សីអំពីសេចក្ដីពិតនៃដំណឹងល្អ ។ វាអាចជួយបងប្អូនឲ្យយល់ និងមានអារម្មណ៍អំពីសេចក្ដីពិតទាំងនេះតាមរបៀបដែលអាចចងចាំបាន ។ តន្ត្រីក៏ជួយឲ្យការរៀនសូត្រកាន់តែបានល្អផងដែរ ។

សូមមើលផងដែរ គោលលទ្ធិ និងសេចក្តីសញ្ញា ២០:៧៧, ៧៩; ៥៩:៩–១៣; Topics and Questions « Sacrament » បណ្ណាល័យដំណឹងល្អ « Obtaining and Retaining a Remission of Sins through Ordinances » នៅក្នុង ដេវីឌ អេ បែដណា « Always Retain a Remission of Your Sins » Liahona ខែ ឧសភា ឆ្នាំ ២០១៦ ទំព័រ ៦០-៦២ ។

បានទទួលការផ្ដាប់បាបទាំងឡាយរបស់បងប្អូនជានិច្ច

គោលលទ្ធិ និងសេចក្តីសញ្ញា ២៧:៥–១៤

ព្រះអម្ចាស់ប្រទានអំណាចដល់ពួកអ្នកបម្រើរបស់ទ្រង់ដើម្បីធ្វើកិច្ចការរបស់ទ្រង់ ។

តើយើងដឹងអ្វីខ្លះអំពីព្យាការីដែលបានលើកឡើងក្នុងខគម្ពីរទាំងនេះ ? បងប្អូនអាចស្រាវជ្រាវព័ត៌មានបន្ថែមអំពីការណ៍នេះនៅក្នុង សេចក្ដីណែនាំដល់បទគម្ពីរទាំងឡាយ ។ តើមានពរជ័យអ្វីខ្លះដែលកើតមានដល់បងប្អូនតាមរយៈកូនសោដែលព្យាការីទាំងនេះកាន់ ?

គោលលទ្ធិ និងសេចក្ដីសញ្ញា ២៧:១៥–១៨

គ្រឿងសឹកនៃព្រះនឹងជួយការពារខ្ញុំឲ្យឈរតតាំងនឹងអំពើអាក្រក់ ។

ប្រធាន អិម រ័សុល បាឡឺត បានមានប្រសាសន៍ថា ៖ « គ្មានអ្វីមួយដែលធំ ហើយអស្ចារ្យដែលយើងអាចធ្វើដើម្បីបំពាក់ខ្លួនយើងខាងវិញ្ញាណនោះឡើយ ។ អំណាចខាងវិញ្ញាណពិតពឹងផ្អែកលើទង្វើតូចៗជាច្រើនវេញបញ្ចូលគ្នា នៅក្នុងសាច់ក្រណាត់នៃការការពារខាងវិញ្ញាណដែលការពារ និងជាខែលទាស់នឹងរាល់សេចក្ដីអាក្រក់ » ( « Be Strong in the Lord » Ensign ខែ កក្កដា ឆ្នាំ ២០០៤ ទំព័រ ៨ ) ។

ពេលបងប្អូនរៀនអំពីគ្រឿងសឹករបស់ព្រះនៅក្នុង គោលលទ្ធិ និងសេចក្ដីសញ្ញា ២៧:១៥-១៨ នោះបងប្អូនអាចបង្កើតតុមួយដូចនេះបាន ។ តើបងប្អូនអាចធ្វើអ្វីខ្លះដើម្បីពាក់គ្រប់បំណែកនីមួយៗនៃគ្រឿងសឹករបស់ព្រះ ?

បំណែកនៃគ្រឿងសឹក	ផ្នែកនៃរាងកាយដែលបានការពារ	អ្វីដែលផ្នែករាងកាយនោះអាចតំណាងឲ្យ
បំណែកនៃគ្រឿងសឹក ប្រដាប់បាំងទ្រូងនៃសេចក្តីសុចរិត	ផ្នែកនៃរាងកាយដែលបានការពារ ចិត្ត	អ្វីដែលផ្នែករាងកាយនោះអាចតំណាងឲ្យ បំណងប្រាថ្នា និងក្ដីស្រឡាញ់របស់ខ្ញុំ
បំណែកនៃគ្រឿងសឹក មួកនៃសេចក្តីសង្គ្រោះ	ផ្នែកនៃរាងកាយដែលបានការពារ ក្បាល ឬគំនិត	អ្វីដែលផ្នែករាងកាយនោះអាចតំណាងឲ្យ
បំណែកនៃគ្រឿងសឹក	ផ្នែកនៃរាងកាយដែលបានការពារ	អ្វីដែលផ្នែករាងកាយនោះអាចតំណាងឲ្យ
បំណែកនៃគ្រឿងសឹក	ផ្នែកនៃរាងកាយដែលបានការពារ	អ្វីដែលផ្នែករាងកាយនោះអាចតំណាងឲ្យ

សូមមើលផងដែរ អេភេសូរ ៦:១១–១៨; « ហួរហេ អេហ្វ ស្សែបាលូស « ការស្ថាបនាជីវិតទប់ទល់នឹងមារសត្រូវ » លីអាហូណា ខែ វិច្ឆិកា ឆ្នាំ ២០២២ ទំព័រ ៥០–៥២ ។

គោលលទ្ធិ និងសេចក្ដីសញ្ញា ២៨

ព្រះយេស៊ូវគ្រីស្ទដឹកនាំសាសនាចក្ររបស់ទ្រង់តាមរយៈព្យាការីនៅរស់របស់ទ្រង់ ។

សូមស្រមៃថាតើវានឹងមានស្ថានភាពបែបណា ប្រសិនបើនរណាម្នាក់អាចទទួលបានព្រះបញ្ញត្តិ និងវិវរណៈសម្រាប់សាសនាចក្រទាំងមូលនោះ ។ នៅពេលដែល ហៃរាំ ភេច បានអះអាងថាបានទទួលវិវរណៈបែបនេះ សមាជិកសាសនាចក្រជាច្រើនបានមានការច្របូកច្របល់ ។ នៅក្នុង គោលលទ្ធិ និងសេចក្តីសញ្ញា ២៨ ព្រះអម្ចាស់បានបើកសម្ដែងរបៀបរៀបរយមួយសម្រាប់វិវរណៈនៅក្នុងសាសនាចក្ររបស់ទ្រង់ ។ តើបងប្អូនរៀនអ្វីខ្លះចេញមកពីកណ្ឌនេះអំពីតួនាទីជាក់លាក់របស់ប្រធាននៃសាសនាចក្រ ? តើបងប្អូនរៀនអ្វីខ្លះមកពីកណ្ឌនេះអំពីរបៀបដែលព្រះអាចដឹកនាំបងប្អូន ?

សូមមើលផងដែរ ឌែល ជី រិនឡាន់« លក្ខខណ្ឌសម្រាប់វិវរណៈផ្ទាល់ខ្លួន » លីអាហូណា ខែ វិច្ឆិកា ឆ្នាំ ២០២២ ទំព័រ ១៦–១៩ ។

គោលលទ្ធិ និងសេចក្ដីសញ្ញា ២៨:៨–៩

ហេតុអ្វីបានជាបេសកកម្មទៅកាន់ពួកសាសន៍លេមិនសំខាន់ម្ល៉េះ ?

គោលបំណងមួយនៃព្រះគម្ពីរមរមនគឺ « ដើម្បីឲ្យពួកសាសន៍លេមិនអាចបានដឹងអំពីពួកឪពុករបស់ពួកគេ ហើយដើម្បីឲ្យពួកគេអាចដឹងអំពីសេចក្ដីសន្យាទាំងឡាយនៃព្រះអម្ចាស់ » ( គោលលទ្ធិ និងសេចក្ដីសញ្ញា ៣:២០ ) ។ ការណ៍នេះស្របគ្នានឹងសេចក្ដីសន្យាដែលព្រះអម្ចាស់បានធ្វើដល់ព្យាការីនៅក្នុងព្រះគម្ពីរមរមនជាច្រើន ( ឧទាហរណ៍សូមមើល នីហ្វៃទី១ ១៣:៣៤–៤១; អេណុស ១:១១–១៨; ហេលេមិន ១៥:១២–១៣ ) ។ សមាជិកសាសនាចក្រពីមុនបានចាត់ទុកពួកសាសន៍អាមេរិកកាំងដើមថាជាកូនចៅនៃប្រជាជនក្នុងព្រះគម្ពីរមរមន ។ ( គោលជំហរផ្លូវការនៃសាសនាចក្រសព្វថ្ងៃនេះគឺថាពួកសាសន៍លេមិន « គឺជាពួកដូនតាសំខាន់របស់ពួកសាសន៍អាមេរិកកាំងដើម » [ បុព្វកថានៃព្រះគម្ពីរមរមន ] ) ។

ដើម្បីអានបន្ថែមអំពីបេសកកម្មរបស់ អូលីវើរ ខៅឌើរី ទៅក្បែរកុលសម្ព័ន្ធពួកសាសន៍អាមេរិកកាំងដើម សូមមើល « A Mission to the Lamanites » Revelations in Context ទំព័រ ៤៥–៤៩ ។ តើបេសកកម្មនេះបង្រៀនបងប្អូនអ្វីខ្លះអំពីព្រះអម្ចាស់ និងកិច្ចការរបស់ទ្រង់ ?

សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។

គំនិតសម្រាប់បង្រៀនកុមារ

គោលលទ្ធិ និងសេចក្ដីសញ្ញា ២៧:១–២

ពិធីសាក្រាម៉ង់ជួយខ្ញុំឲ្យចងចាំអំពីព្រះយេស៊ូវគ្រីស្ទ ។

ក្មេងៗប្រហែលជាឆ្ងល់ថាហេតុអ្វីបានជាយើងប្រើទឹកសម្រាប់ពិធីសាក្រាម៉ង់ កាលជំនាន់ព្រះយេស៊ូវបានប្រើស្រាទំពាំងបាយជូរ ( សូមមើល លូកា ២២:១៩-២០; នីហ្វៃទី៣ ១៨:១–១១ ) ។ បងប្អូនអាចអាន គោលលទ្ធិ និងសេចក្តីសញ្ញា ២៧:១–២ រួមគ្នា ហើយពិភាក្សាអំពីអត្ថន័យនៃការទទួលទានសាក្រាម៉ង់ « ដោយភ្នែកស្មោះត្រង់ទាំងស្រុងចំពោះសិរីល្អ [ របស់ព្រះ ] » ( ខទី ២ ) ។ តើយើងអាចធ្វើអ្វីខ្លះដើម្បីផ្ដោតការយកចិត្តទុកដាក់របស់យើងទៅលើព្រះអង្គសង្គ្រោះ ខណៈដែលយើងទទួលទានសាក្រាម៉ង់ ?
ប្រហែលជាការមានរូបភាព ខគម្ពីរ ឬអត្ថបទចម្រៀងអំពីព្រះសង្រ្គោះអាចជួយកូនរបស់បងប្អូនឲ្យចងចាំទ្រង់ពេលទទួលទានសាក្រាម៉ង់ ។ ពួកគេប្រហែលជារីករាយក្នុងការបង្កើតកូនសៀវភៅមួយដែលមានរូបភាព ខគម្ពីរ និងអត្ថបទចម្រៀងមួយចំនួន ។ ពួកគេអាចគូររូបភាពផ្ទាល់ខ្លួនរបស់ពួកគេ ឬស្វែងរករូបភាពមួយចំនួននៅក្នុងទស្សនាវដ្ដី ប្រិយមិត្ត ។

ព្រះគ្រីស្ទកាច់នំបុ័ង — ព័ត៌មានលម្អិតមកពី អាហារចុងក្រោយ ដោយ ស៊ីម៉ូន ឌីវី

គោលលទ្ធិ និងសេចក្ដីសញ្ញា ២៧:១៥–១៨

គ្រឿងសឹករបស់ព្រះការពារខ្ញុំ ។

បងប្អូនអាចបង្ហាញកូនរបស់បងប្អូននូវរូបភាពនៃគ្រឿងសឹក ដូចជារូបមួយក្នុងគម្រោងមេរៀននេះ ឬនៅលើ ទំព័រសកម្មភាព នៅក្នុងគម្រោងមេរៀនសម្រាប់ អេភេសូរ នៅក្នុងសៀវភៅ ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២៣ ។ នៅពេលបងប្អូនអាន គោលលទ្ធិ និងសេចក្ដីសញ្ញា ២៧:១៥-១៨ សូមជួយកុមារស្វែងរកបំណែកនៃគ្រឿងសឹកនៅលើរូបភាព ។ តើគ្រឿងសឹករបស់ព្រះអាចជួយយើងឲ្យ « អាចនឹងទប់ទល់ក្នុងថ្ងៃអាក្រក់បាន » យ៉ាងដូចម្ដេច ? ( ខទី ១៥ ) ។

គោលលទ្ធិ និងសេចក្ដីសញ្ញា ២៨:២,៦–៧

ព្យាការីទទួលបានវិវរណៈសម្រាប់សាសនាចក្រ ខ្ញុំអាចទទួលបានវិវរណៈសម្រាប់ជីវិតខ្ញុំ ។

ប្រសិនបើបងប្អូនមានកូនជាច្រើន បងប្អូនអាចអញ្ជើញពួកគេឲ្យលេង « ធ្វើតាមអ្នកដឹកនាំ » ប៉ុន្តែសុំឲ្យកុមារពីរនាក់ ឬច្រើនជាងនេះធ្វើជាអ្នកដឹកនាំក្នុងពេលតែមួយ ។ តើមានអ្វីកើតឡើងនៅពេលដែលមានអ្នកដឹកនាំច្រើនជាងម្នាក់ ? បន្ទាប់មកបងប្អូនអាចរៀនអំពី ហៃរាំ ភេច ( សូមមើល « ជំពូកទី ១៤ ៖ ព្យាការី និងវិវរណៈសម្រាប់សាសនាចក្រ » នៅក្នុង ដំណើររឿងព្រះគម្ពីរគោលលទ្ធិ និងសេចក្តីសញ្ញា ទំព័រ ៥៦-៥៧ ឬវីដេអូដែលត្រូវគ្នានៅក្នុងបណ្ណាល័យដំណឹងល្អ ឬក្បាលកណ្ឌសម្រាប់ គោលលទ្ធិ និងសេចក្ដីសញ្ញា ២៨ ) ។ តើព្រះវរបិតាសួគ៌បានកែតម្រូវការភាន់ច្រឡំរបស់សមាជិកសាសនាចក្រសម័យដើមដោយរបៀបណា ? តើទ្រង់ដឹកនាំសាសនាចក្រនៅថ្ងៃនេះដោយរបៀបណា ? ( សូមមើល គោលលទ្ធិ និងសញ្ញា ២៨:២ ) ។ សូមចែកចាយទីបន្ទាល់របស់បងប្អូនថាព្យាការីបច្ចុប្បន្នត្រូវបានហៅឲ្យដោយព្រះអម្ចាស់ ដើម្បីដឹកនាំសាសនាចក្ររបស់ទ្រង់នៅជំនាន់របស់យើង ។

2:6
ហៃរាំ ភេច និងវិវរណៈ ៖ ពួកបរិសុទ្ធរៀនពីរបៀបដែលព្រះដឹកនាំសាសនាចក្ររបស់ទ្រង់
ខណៈពេលដែលវិវរណៈសម្រាប់សាសនាចក្រនឹងតែងតែបានផ្តល់ឲ្យតាមរយៈព្យាការី នោះយើងទាំងអស់គ្នាអាចបានដឹកនាំដោយព្រះវិញ្ញាណបរិសុទ្ធ ។ សូមជួយកុមារស្រាវជ្រាវបទគម្ពីរដូចខាងក្រោមដើម្បីធ្វើបញ្ជីនៃរបៀបដែលព្រះវិញ្ញាណបរិសុទ្ធអាចដឹកនាំពួកគេ ៖ គោលលទ្ធិ និងសេចក្ដីសញ្ញា ២៨:១, ៤ , ១៥; យ៉ូហាន ១៤:២៦; មរ៉ូណៃ ៨:២៦; ១០:៤–៥ ។ ចែកចាយជាមួយគ្នាទៅវិញទៅមកអំពីរបៀបដែលបងប្អូនបានដឹកនាំដោយព្រះវិញ្ញាណបរិសុទ្ធ ។

សម្រាប់គំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។