“A Oki nako Ierutarem,” Karaki man Ana Boki Moomon (2023)
“A Oki nako Ierutarem,” Karaki man Ana Boki Moomon
A Oki nako Ierutarem
Borauakinan bwaatua buraati
Riaai ao Tiera a mwananga inanon te rereua. Inanon te mii, e tuangaki Riaai iroun te Uea taekan koroboki aika tabu ake a koreaki i aon bwaatua buraati. E tauaki mwiina i Ierutarem iroun te aomata ae arana Raban . E tua te Uea nakoia ana utu Riaai bwa a riai n anai koroboki aika tabu aikai ao ni uouotia inanon kawaia.
E tua te Uea nakon Riaai bwa e na kanakoia natina mwaane n oki nako Ierutarem ao n anai bwaatua buraati. A ngurengure tarin Nibwaai. A tuanga Riaai bwa bon te mwakuri ae e rangi ni matoatoa karaoana. A rawa ni kan nako.
Bon te mwakuri ae rangi ni matoatoa karaoana, ma Nibwaai e tangiria ni kan ongeaba. E ataia bwa e na bon buokaki ma tarina iroun te Uea. E tua Nibwaai nakon Riaai bwa e na oki nako Ierutarem n anai bwaatua buraati.
Reimwan, Remuera, Taam, ao Nibwaai a mwananga n oki nako Ierutarem. Ngke a roko ikekei, a baireia bwa Reimwan are e na nakon ana auti Raban ao tuanga taekan bwaatua buraati.
Ngke e tabeka ana bubuti Reimwan ibukin bwaatua buraati, Raban e bukinna bwa te tia iraa. E taekinna Raban bwa e na kamatea Reimwan.
E biri nakoia tarina Reimwan ao n tuangiia te bwai ae riki.
A rootaki n te maaku taari ake aman. Reimwan, Remuera, ao Taam a tangiria ni kan okiria aia karo n te rereua, ma e kaota ana iango Nibwaai nakoia. E tuangiia bwa na karaoa te iokinibwai ma Raban bwa e aonga n reke bwaatua buraati. A okira mwengaia are n te kaawa ao n anai ni kabane aia koora ma aia tirewa bwa a na iokinibwaia.
A kaoti aia koora ma aia tirewa nakon Raban, ao e tangiria ni kabane. Ma e bon rawa naba ni kan anganiia bwaatua buraati. Ao, e a tuangiia ana toro bwa e na tiringiia ni kabane taari mwaane aikai bwa e aonga n anai aia koora ma aia tirewa.
A birinako taari ake aman ao ni katikui aia koora ma aia tirewa i mwiia. A bon aki te roko n reke irouia ana tautia Raban. A karabaia taari aikai inanon te nangananga.
I mwiin te bwai are riki, a un Reimwan ao Remuera iroun Nibwaai. A batibooa Nibwaai ao Taam n te kai.
E aki maan i mwiina, e roko te anera ao n titirakiniia bwa e aera ngkai a batibooa Nibwaai. E taetae nakoia te anera bwa e a tia n rineaki Nibwaai bwa e na tautaeka i aoia. I mwiina ao e tua te anera bwa a na oki nako Ierutarem. E na katauraoa te kawai nakoimi te Uea ni karekei bwaatua buraati.