Eteru 12–15

Vaaiga Aoao

A o faaauau pea ona otootoina e Moronae le tusi a Eteru, sa popole o ia o le a faatauemu Nuuese i lana galuega ona o lona vaivai i le tusitusi. Sa tali mai le Alii e faapea, a o tatou o mai ia te Ia i le lotomaualalo ma le faatuatua, e mafai ona Ia liliuina o tatou vaivaiga i ni malosiaga. Ina ua uma ona iloa le faatafunaga o Sa Iaretō ma molimauina le faatafunaga o Sa Nifae, sa aioi atu Moronae i lana aufaitau uma e saili Iesu Keriso ma faamanuiaga ua Ia ofoina mai.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Eteru 12:23–27

Faamoemoega o le lesona: O lenei lesona ua faamoemoe e fesoasoani i tamaiti aoga e o mai ia Iesu Keriso e faatoilalo ai vaivaiga e ala i Lona alofa tunoa.

Sauniuniga a le tamaitiiti aoga: Valaaulia tamaiti aoga e faitau le Eteru 12:27 ma mafaufau i se vaivaiga i o latou olaga latou te mananao e faatoilalo i le fesoasoani a le Faaola.
Anomea: O se laupepa mo tamaiti aoga taitasi

Atamai i Aoaoga Faavae: Eteru 12:27

Faamoemoega o le lesona: O lenei lesona e mafai ona fesoasoani i tamaiti aoga e tauloto le tusi faasino o le atamai i aoaoga faavae ma fasifuaitau autu o le mau mo le Eteru 12:27, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.

Sauniuniga a le tamaitiiti aoga: Valaaulia tamaiti aoga e taumafai e tauloto le Eteru 12:27.
Anotusi e faaali atu: O le vaega o le lesona i lalo o le ulutala “E faaalu e le autalavou le tele o le taimi i luga o a latou telefoni”
Fautuaga mo le aoaoga faavitiō: Valaaulia tamaiti aoga e vaai pe faafia ona latou tāina le mau ma le fuaitau autu o mau i le talanoaga i le 60 sekone. Ia mautinoa latou te iloa e manaomia ona latou toe tāina i taimi taitasi nai lo le na o le kopi ma faapipii. Ona valaaulia lea o i latou e vaai pe mafai ona latou taulotoina leotele mai le manatuaga.

Eteru 12:28–41

Faamoemoega o le lesona: O lenei lesona e mafai ona fesoasoani i tamaiti aoga ia lagona se manao sili atu e saili Iesu Keriso i o latou olaga.

Sauniuniga a le tamaitiiti aoga: Mafaufau e tuu atu i tamaiti aoga se kopi o le aafiaga o Elder Melvin J. Ballard o loo aofia ai i lenei lesona. Valaaulia i latou e o mai saunia e faasoa mai mea na latou aoaoina ma lagonaina e uiga ia Iesu Keriso e ala i le faitauina o le aafiaga a Elder Ballard.
Ata: O se vaipuna
Vitiō: ‟Ua Faamagalo e Iesu Agasala ma Faamalolo le Tagata na Maua i le Supa” (2:57)
Anotusi e faaali atu: O le saunoaga mai ia Elder Melvin J. Ballard

Eteru 13–15

Faamoemoega o le lesona: O lenei lesona e mafai ona fesoasoani i tamaiti aoga e faatoilalo ai le faaosoosoga e faatino le ita i o latou olaga atoa.

Sauniuniga a le tamaitiiti aoga: Mafaufau e valaaulia le tamaiti aoga e mafaufau loloto i le uiga o Iesu Keriso o le ‟Aloalii o le Filemu” (Isaia 9:6) ma le uiga mo i tatou ia avea ma Ona soo.
Anotusi e faaali atu: O faatonuga mo le filifiliga A, filifiliga E, po o filifiliga uma e lua (pe a faataga tamaiti aoga e filifili i le va o mea ia e lua)
Fautuaga mo le aoaoga faavitiō: Afai e te faatagaina tamaiti aoga e filifili i le va o le filifiliga A ma le filifiliga E, mafaufau e faaaoga potu e taape i ai mo filifiliga e lua. Tuu atu faatonuga e ala i le imeli po o le talanoaga a o lei ulufale tamaiti aoga i potu e taape i ai.

Iloilo Lou Aoaoina 9

Faamoemoega o le lesona: O lenei lesona e mafai ona fesoasoani i tamaiti aoga e manatua ma iloilo pe na faapefea ona fesoasoani o latou aafiaga i le Moronae 7–Eteru 15 ia i latou e tuputupu ae ai faaleagaga.

Sauniuniga a le tamaitiiti aoga: Valaaulia tamaiti aoga e toefaamanatu mea na latou aoaoina e ala i le faaumaina o le faamatalaga lenei: ‟O le lesona e tasi mai le Mamona 7–Eteru 15 ou te manao e faasoa atu i se uo o le …”
Ata: Faataamiloga o se laau
Anomea: Fasipepa o i ai igoa o nofoaga e ono valaauina i ai tamaiti aoga e auauna atu o ni faifeautalai
Lesona faatino: O se pāpā falaoa; o se apa e palu ai ma mea e manaomia e fai ai falaoa
Fautuaga mo le aoaoga faavitiō: I le vaega o le lesona i lalo o le ulutala “Tomanatu i fuafuaga e faaaoga ai le faatuatua ia Iesu Keriso,” mafaufau e tuu atu i tamaiti aoga e vaavaai a’o e tuufaatasia mea e fai ai se pāpā falaoa. E le gata i lea, afai e nonofo latalata atu tamaiti aoga ia te oe, e mafai ona e valaaulia i latou e o mai i lou fale i se taimi mulimuli ane o le aso e avatu se fasi falaoa pe a uma ona tao. E mafai ona e fai atu ia i latou e talanoa e uiga i mea sa latou aoaoina i le lesona a o ai a latou fasi falaoa.