Ribyo 19 sa Doktrinal nga Kahanas: Gamita ang mga Tudling sa Doktrinal nga Kahanas
“Rebyo 19 sa Doktrinal nga Kahanas: Gamita ang mga Tudling sa Doktrinal nga Kahanas,” Manwal sa Magtutudlo sa Basahon ni Mormon (2024)
“Rebyo 19 sa Doktrinal nga Kahanas,” Manwal sa Magtutudlo sa Basahon ni Mormon
Rebyo 19 sa Doktrinal nga Kahanas
Gamita ang mga Tudling sa Doktrinal nga Kahanas
Imahe
mga batan-ong babaye nga magkaubang nagtuon sa mga kasulatan
Ang pagkat-on sa paggamit sa mga pulong sa Ginoo diha sa balaang mga kasulatan makapanalangin kanimo sa daghang mga paagi. Kini nga leksiyon makatabang kanimo sa paggamit sa mga kamatuoran sa mga tudling sa doktrinal nga kahanas gikan sa ikaduhang bahin sa Basahon ni Mormon.
Pagpraktis sa paggamit sa mga tudling sa doktrinal nga kahanas.Paghatag og nagkalain-laing mga oportunidad alang sa mga estudyante sa pagpasabot ug sa paggamit sa unsay ilang nakat-onan gikan sa mga tudling sa doktrinal nga kahanas. Tabangi ang mga estudyante nga madiskobrehan kon unsaon sa paggamit ang mga tudling sa kasulatan diha sa ilang kinabuhi ug dasiga sila nga puy-an ang mga baroganan nga gitudlo.
Pagpangandam sa estudyante: Ikonsiderar ang pagdapit sa mga estudyante sa pagpili og usa o duha ka mga tudling sa doktrinal nga kahanas ug sa pagpaningkamot sa pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan.
Mga Posibleng Kalihokan sa Pagkat-on
Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa lugar o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.
Gikusgon [Momentum]
Imahe
batan-ong babaye nga nalingaw sa pagbisikleta
Sa pagsugod sa klase, paghunahuna mahitungod sa pagdapit og usa ka estudyante sa pagpaligid og bola o dulaan nga sakyanan atubangan sa klase. Ikonsiderar ang paghimo og usa ka bakilid nga mahimong kaligiran sa bola aron ipakita ang dugang nga gikusgon.
Hunahunaa nga ikaw nagduso o nagpatid og bola. Unsa ang makaimpluwensiya kon unsa ka layo o kon unsa ka paspas ang pagligid sa bola?
Ang momentum usa ka paagi aron mahulagway ang gikusgon [strength] o pwersa sa usa ka naglihok nga butang. Pananglitan, ang usa ka bisikleta misugod sa paglihok sa dihang ang nagsakay misugod sa pagpadagan, ug nagpabilin ang kakusgon niini samtang ang nagsakay nagpadayon sa pagbalanse ug pagtindak. Ang bisikleta nagkakusog samtang ang nagsakay nagdugang sa iyang paningkamot sa pagtindak o kon ang dalan palugsong.
Unsa ang pipila sa ubang mga pananglitan sa positibo nga momentum?
Mahimo nimong ipakita ang mosunod nga pamahayag. Mahimong makatabang ang pagmarka sa importante nga mga pulong ug hugpong sa mga pulong samtang gihisgotan sa mga estudyante ang mosunod nga mga pangutana.
Si Presidente Russell M. Nelson mitudlo:
Imahe
Presidente Russell M. Nelson
Wala kita sukad magkinahanglan og positibo nga espirituhanong paglambo labaw kay sa karon, aron mabatokan ang gipaspason diin ang daotan ug ang nagkangitngit nga mga timailhan sa mga panahon nagkagrabe. Ang positibo nga espirituhanong paglambo maghimo nga makapadayon kita sa unahan taliwala sa kahadlok ug kawalay kasiguroan nga namugna sa mga pandemya, mga tsunami, pagbuto sa mga bulkan, ug armado nga mga kabangis. Ang espirituhanong paglambo makatabang nato nga makasugakod sa walay puas, nga daotang pag-atake sa kaaway ug pagsanta sa iyang mga paningkamot sa pagguba sa atong personal nga espirituhanong pundasyon. (Russell M. Nelson, “Ang Gahom sa Kadasig sa Espirituhanong Paglambo,” Liahona, Mayo 2022, 98)
Unsaon nimo sa paghulagway kon unsa ang espirituhanon nga paglambo [momentum] ug kon ngano nga kita nagkinahanglan niini?
Mahimong makatabang alang sa mga estudyante ang pagrekord sa ilang mga hunahuna mahitungod sa mosunod nga mga pangutana sa pagsukod sa kaugalingon. Sama sa giaghat sa Espiritu, ikonsiderar ang pagdapit sa mga estudyante sa pagpakigbahin sa ilang mga panglantaw.
Sa unsang mga bahina sa imong kinabuhi nga imong gikinahanglan ang dugang espirituhanong paglambo? Unsa nga mga benepisyo ang imong mapaabot nga madawat?
Pagdugang sa espirituhanong paglambo [momentum]
Ang mga tudling sa kasulatan sa doktrinal nga kahanas nagtudlo sa tinuod nga doktrina nga makatabang kanato nga makat-on mahitungod ni Jesukristo ug sa Iyang ebanghelyo. Samtang kita mosunod Kaniya diha sa hugot nga pagtuo, kita makahimo ug makadugang sa espirituhanong paglambo sa atong mga kinabuhi.
Hatagi ang mga estudyante og igong panahon sa pagkompleto sa mosunod nga kalihokan. Mahimo nimong tugotan ang mga estudyante nga adunay mga panginahanglan sa pagkat-on nga makigtinabangay sa usa ka pares. Ikonsiderar ang paghimo og mga kopya sa gihatag nga handout aron magamit sa mga estudyante sa panahon sa kalihokan.
Kon mopili ka nga dili mogamit sa handout, mahimo nimong idrowing ang mosunod nga hulagway diha sa pisara.
Pag-angkon og Espirituhanong Paglambo Pinaagi sa Doktrinal nga Kahanas
Manwal sa Magtutudlo sa Basahon ni Mormon (2024)—“Rebyo 19 sa Doktrinal nga Kahanas: Gamita ang mga Tudling sa Doktrinal nga Kahanas”
Imahe
drowing sa usa ka tawo nga nagsakay sa usa ka bisikleta diha sa dalan nga adunay mga babag ug mga bungtod
Handurawa nga ikaw ang nagbisikleta, ug ang agianan nagrepresentar sa imong kinabuhi. Mahimong imong namatikdan kon giunsa nga ang una nga bahin sa imong agianan tul-id, apan pagkahuman nakasugat ka og mga babag ug mga bakilid nga nanginahanglan og labi ka dakong paningkamot aron mabuntog. Hunahunaa ang espirituhanong paglambo nga imong gikinahanglan aron magmalamposon nga mopadayon sa kinabuhi ug sa mga babag ug mga hagit nga mahimo nimong masinati.
Pagtuon sa mahinungdanon nga mga hugpong sa mga pulong sa kasulatan sa doktrinal nga kahanas nga imo nang nakat-onan, mangita sa mga tudling nga may kalabotan sa imong personal nga panaw. Tupad sa mga katugbang nga numero diha sa imong drowing, isulat ang pakisayran sa usa ka tudling sa doktrinal nga kahanas nga nakatabang o makatabang kanimo:
Padayong hupti ang espirituhanong kusog ug pag-uswag matag adlaw.
Likayi o buntoga ang babag samtang nagtuo ka ug naglihok sa kamatuoran nga gitudlo sa tudling.
Gamita ang gahom sa Manluluwas ug bangon aron makab-ot ang imong espirituhanong mga tumong.
Alang sa matag tudling sa doktrinal nga kahanas nga imong gipili ug gilakip sa imong drowing, irekord ang imong mga hunahuna mahitungod sa bisan og usa lang sa mosunod nga mga ideya:
Usa ka kasinatian sa dihang imong gibati ang kamatuoran ug kaimportante sa tudling sa doktrinal nga kahanas.
Unsaon nimo nga mas magamit ang doktrina o baroganan sa tudling diha sa imong kinabuhi.
Nganong imong gibati nga kini nga tudling magpanalangin kanimo sa gahom sa Manluluwas ug modugang sa imong espirituhanong paglambo.
Sa unsang paagi nga ang doktrina nagdugang sa imong gugma alang sa Langitnong Amahan ug ni Jesukristo.
Aron matabangan ang mga estudyante nga adunay pagsalig sa pagbuhat nga sila ra, ikonsiderar ang paghatag kanila og panig-ingnan pinaagi sa pagsulat og usa ka pakisayran sa kasulatan sunod sa tukma nga numero ug hisgotan uban sa mga estudyante kon sa unsang paagi ang tudling sa kasulatan magamit nianang dapita.
Ikonsiderar ang pagpakita o paghatag sa mga estudyante sa mosunod nga tsart isip kapanguhaan samtang nagpadayon sila sa pagtuon niini nga leksiyon.
Doktrinal nga Kahanas sa Basahon ni Mormon: Alma–Moroni
Manwal sa Magtutudlo sa Basahon ni Mormon (2024)
Pakisayran sa Kasulatan
Mahinungdanon nga Hugpong sa mga Pulong sa Kasulatan
Mahinungdanon nga Hugpong sa mga Pulong sa Kasulatan
“Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”
Kon nahuman na ang mga estudyante, ikonsiderar ang pagdapit kanila sa pagpakigbahin sa mga tudling nga labing nakaapekto kanila. Paminaw og maayo ug pangutana og mga follow-up nga mga pangutana aron matabangan ang mga estudyante nga mapalawman ang ilang pagpasalamat kon sa unsang paagi ang Ginoo makatabang kanila sa pagdugang sa ilang espirituhanong paglambo. Awhaga sila sa pagpakigbahin sa ilang mga pagpamatuod mahitungod sa Ginoo ug sa unsang paagi sila nagkahimong mas susama Kaniya.