អាលម៉ា 47–48

អាម៉ាលិកាយ និងលីហុនតៃ

មនុស្សកំពុងឈរលើកំពូលភ្នំ

តើអ្នកដែលបានឮនរណាម្នាក់និយាយថា៖ «ត្រឹមតែមួយដង⁠នឹងមិនឈឺទេ» «វាគ្រាន់តែបន្តិច» ឬ «វានឹងមិនអាក្រក់នោះទេ»? នៅពេលដែលយើងសម្រេចចិត្តចុះចាញ់តាមការល្បួងរបស់សាតាំងសូម្បីតែបន្តិចក៏ដោយ⁠ក៏យើងផ្តល់អំណាចឲ្យវាមកគ្របលើយើងដែរ។ នៅក្នុង អាលម៉ា 47 យើងរៀនអំពីបុរសម្នាក់ដែលមានឈ្មោះថា⁠លីហុនតៃ⁠(Lehonti)⁠ដែលសម្រេចចិត្តចុះចាញ់សត្រូវតែបន្តិច⁠ហើយបានរកឃើញខ្លួនគាត់ស្ថិតក្នុងស្ថានភាពដ៏មានគ្រោះថ្នាក់⁠និងស្លាប់រស់យ៉ាងខ្លាំង។ មេរៀននេះអាចជួយអ្នកឲ្យតស៊ូទប់ទល់នឹងការប៉ុនប៉ងរបស់សាតាំងដើម្បីទទួលបានអំណាចគ្របលើអ្នកបាន។

ចូរជួយសិស្សឲ្យសកម្ម⁠ឬយកចិត្តទុកដាក់ក្នុងដំណើរការសិក្សានេះ។ នៅពេលដែលអ្នកបង្រៀន ចូររកមើលវិធីដែលនឹងជួយសិស្សឱ្យសកម្មក្នុងដំណើរការសិក្សានេះ។ ឧទាហរណ៍ៈ សួរសំណួរបើកចំហដែលលើកទឹកចិត្តឱ្យមានការឆ្លើយតបប្រកបដោយការគិតពេញលេញ និងបង្កើតសកម្មភាពដែលលើកទឹកចិត្តឱ្យមានការចូលរួម (ដូចជា⁠ការគូរគំនូរ ឬការសរសេរជាដើម)។

ការរៀបចំសិស្ស៖ ចូរហៅសិស្សឲ្យឡើងអាន នីហ្វៃទី 2 28:7–8, 21–22 ហើយគិតដល់ឧទាហរណ៍អំពីរបៀបដែលសាតាំងប្រើកលល្បិចទាំងនេះនៅសម័យយើងនេះ។

សកម្មភាពរៀនសូត្រដែលអាចកើតមាន

ការល្បួង

មុននឹងផ្សព្វផ្សាយការពន្យល់ខាងក្រោម សូមពិចារណាលើការបង្ហាញរូបភាពនៃដងសន្ទូចស្ទូចត្រីដែលមាននុយមួយ និងសុំឱ្យសិស្សឡើងនិយាយប្រាប់នូវអ្វីដែលពួកគេដឹងអំពីគោលបំណងនៃការបិតនុយស្ទូចត្រី។

សន្ទូចស្ទូចត្រី⁠និងនុយ

នុយសន្ទូច⁠គឺជាប្រភេទនុយដែលគេប្រើសម្រាប់ចាប់ត្រី។ នុយសន្ទូចទាក់ទាញចំណាប់អារម្មណ៍ត្រី ហើយក៏អាចទាក់ទាញត្រីឱ្យព្យាយាមខាំវាបានដែរ។ បន្ទាប់មក⁠គេអាចចាប់ត្រីបាន⁠នៅពេលដែលត្រីមានការជាប់ផ្លែសន្ទូច។

ប្រធាន អិម រ័សុល បាឡឺដ (M. Russell Ballar)⁠ក្នុងកូរ៉ុមនៃពួកសាវកដប់ពីរនាក់បានផ្សព្វផ្សាយភាពស្រដៀងគ្នារវាងនុយសន្ទូច⁠និងការល្បួងរបស់សាតាំងនេះ។ អ្នកអាចនឹងចង់មើលវីដេអូ «​ឱផែនការដ៏ពិសពុលរបស់មេកំណាចអើយ» ចាប់ពីកូដម៉ោង 0:43 ដល់ 2:30​⁠​ដែលអាចរកមើលបាននៅ ChurchofJesusChrist.org⁠​ដើម្បីស្វែងយល់ដឹងអំពីការប្រៀបធៀបដែលគាត់បានធ្វើឡើង។

• តើមានការល្បួងអ្វីខ្លះដែលសាតាំងប្រើដើម្បីទាក់ទាញយើងឲ្យប្រព្រឹត្តអំពើបាប?

  សិស្សអាចនឹងកំណត់ប្រភេទវិធីដែលសាតាំងព្យាយាមធ្វើឱ្យការល្បួងរបស់វាហាក់ដូចជាទាក់ទាញ (ដូចជា⁠ការផ្តល់ភាពរីករាយ ឬប្រជាប្រិយភាពបណ្តោះអាសន្ន ឬធ្វើឱ្យយើងមានអារម្មណ៍គិតថាដូចជាគ្មានគ្រោះថ្នាក់ក្នុងអំពើបាបឡើយ។

• តើហេតុអ្វីបានជាអ្នកចង់ទប់ទល់នឹងការល្បួងទាំងនេះ?

• តើមានអ្វីខ្លះដែលអាចធ្វើឲ្យការទប់ទល់នឹងការល្បួងទៅជាពិបាក?

អ្នកអាចនឹងចងចាំបានថា អាម៉ាលិកាយ និងអ្នកប្រឆាំងនៃពួកសាសន៍នីហ្វៃមួយក្រុមបានព្យាយាមផ្តួលរំលំសេរីភាពរបស់ពួកសាសន៍នីហ្វៃ ហើយបំផ្លាញសាសនាចក្រនៃព្រះ (សូមមើល អាលម៉ា 46:10)។ បន្ទាប់ពីមានការបញ្ឈប់ដោយមរ៉ូណៃ និងពួកសាសន៍នីហ្វៃផ្សេងៗទៀត អាអាម៉ាលិកាយបានរត់ទៅរកពួកសាសន៍លេមិន ហើយបានព្យាយាមជំរុញពួកគេឲ្យខឹងនឹងពួកសាសន៍នីហ្វៃ (សូមមើល អាលម៉ា 46:29–33; 47:1)។

នៅថ្ងៃនេះ អ្នកត្រូវរៀនអំពីការព្យាយាមបន្ថែមទៀតរបស់ អាម៉ាលិកាយ ដើម្បីទទួល⁠ឬចំណេញបានអំណាច។ កលល្បិចជាច្រើនរបស់គាត់ស្រដៀងគ្នាទៅនឹងកលល្បិចដែលសាតាំងដែលប្រើប្រឆាំងនឹងយើងសព្វថ្ងៃនេះ។ នៅពេលដែលអ្នកសិក្សាកំពុងសិក្សា ចូររកមើលសេចក្ដីពិតដែលអាចជួយឲ្យអ្នកជៀសវាងការល្បួងដែលសាតាំងប្រើក្នុងការប៉ុនប៉ងធ្វើបាបអ្នកបាន។

អាម៉ាលិកាយស្វះស្វែងរកឲ្យក្លាយជាស្ដេចនៃពួកសាសន៍លេមិន

ការនាំសិស្សឲ្យមើលដឹងបណ្ដាជំហានសម្រាប់ការប្រដូចព្រះគម្ពីរ/បទគម្ពីរដែលពួកគេបានរៀន⁠ឬស្វែងយល់ដឹងក្នុងមេរៀន «អាលម៉ា 43, 48–50»⁠មានសារៈសំខាន់ណាស់។ សិស្សអាចនឹងអនុវត្តការប្រើជំហានទាំងនេះ នៅពេលដែលពួកគេសិក្សាដំណើរឿងនេះ។

សូមអាន អាលម៉ា 47:1–8 និងរកមើលប្រភេទផែនការ⁠អាម៉ាលិកាយនៅពេលនោះ⁠នៅពេលដែលគាត់បានប្រព្រឹត្តខុសចំពោះពួកសាសន៍លេមិន។

• តើ⁠អាម៉ាលិកាយ⁠បានធ្វើអ្វីខ្លះដើម្បីទទួល⁠ឬចំណេញបានឥទ្ធិពល និងអំណាចក្នុងចំណោមពួកសាសន៍លេមិន?

• តើគោលដៅរបស់⁠អាម៉ាលិកាយ⁠ស្រដៀងនឹងគោលដៅរបស់សាតាំងយ៉ាងដូចម្ដេច? (សូមមើល នីហ្វៃទី 26:22)។

• តើគោលដៅរបស់ព្រះវរបិតាសួគ៌សម្រាប់អ្នកខុសពីរបស់សាតាំងយ៉ាងដូចម្ដេច ? (សូមមើល ម៉ូសេ 1:39)។ តើហេតុអ្វីបានជាការចងចាំរឿងនេះ⁠មានសារៈសំខាន់ម្ល៉េះ?

ក្រុមមួយសាសន៍លេមិនដែលបានបដិសេធមិនព្រមទៅច្បាំងនឹងពួកសាសន៍នីហ្វៃត្រូវបានដឹកនាំដោយបុរសម្នាក់ឈ្មោះ⁠លីហុនតៃ។

សូមអាន អាលម៉ា 47:9–12 ដោយការរកមើលអ្វីដែល⁠អាម៉ាលិកាយ⁠ចង់ឲ្យ⁠លីហុនតៃ⁠ធ្វើនៅពេលនោះ។

ចូរពិចារណាលើការគូរគំនូសតាង⁠ឬដ្យ៉ាក្រាមខាងក្រោមនៅលើក្ដារខៀន ដើម្បីជួយសិស្សឲ្យមើលឃើញពីស្ថានភាពដែលបានបរិយានៅក្នុងខគម្ពីរទាំងនេះ ។

ក្រោយការអាន ខគម្ពីរ 11 អ្នកអាចនឹងសួរថា៖ «ហេតុអ្វីបានជាការចុះមកជើងភ្នំទៅជួបនឹង⁠អាម៉ាលិកាយជារឿងមិនសមហេតុផល⁠(ល្ងង់ខ្លី?» បន្ទាប់មក⁠សិស្សអាចនឹងអាន ខគម្ពីរ 12 ហើយរកមើលអ្វីដែល⁠អាម៉ាលិកាយ⁠បានធ្វើខុសគ្នាជាលើកទីបួនដែលគាត់បានព្យាយាមល្បួង⁠លីហុនតៃ⁠ឱ្យជួបបគាត់។

ដើម្បីបង្ហាញឲ្យឃើញច្បាស់អំពីវិធីសាស្រ្តផ្សេងរបស់ អាម៉ាលិកាយ អ្នកអាចនឹងបន្ថែមសញ្ញាព្រួញនានាទៅដ្យាក្រាមនៅលើក្តារខៀន ដើម្បីឆ្លុះបញ្ចាំងពី អាម៉ាលិកាយ ដែលកំពុងធ្វើដំណើរទៅជិតដល់កំពូលភ្នំ ក៏ដូចជាសំណើរបស់គាត់ឲ្យ លីហុនតៃ ចុះមកបន្តិច។

ក្រុមអ្នកតំណាងឲ្យលីហុនតៃ និងអាម៉ាលិកាយនៅលើភ្នំអាន់ទីប៉ាស

• តើមានហេតុផលអ្វីខ្លះដែល លីហុនតៃ ប្រហែលជាបានពិចារណាចំពោះទទួលយកការហៅចុងក្រោយរបស់ អាម៉ាលិកាយ នៅក្នុង ខគម្ពីរ 12?

• តើអ្នកនឹងប្រាប់អ្វីដល់លីហុនតៃ បើអ្នកបានចូលក្នុងជួរទ័ពគាត់រួចហើយៗ គាត់បានសុំដំបូន្មានពីអ្នកថាតើត្រូវជួបនឹងអាម៉ាលិកាយឬអត់? ហេតុអ្វី ?

សូមអាន អាលម៉ា 47:13–19 ដោយការរកមើលពីរបៀបដែល លីហុនតៃ ឆ្លើយតបទៅនឹងកិច្ចខិតខំប្រឹងប្រែងបន្ថែមពី អាម៉ាលិកាយ និងអ្វីដែលជាលទ្ធផលបានកើតឡើង។

• តើកលល្បិចរបស់អាម៉ាលិកាយស្រដៀងនឹងកលល្បិចដែលសាតាំងប្រើដើម្បីបំផ្លាញយើងតាមរបៀបណាខ្លះ? (ក្នុងករណីចាំបាច់⁠សូមមើល នីហ្វៃទី 2 28:7–8, 21–22។)

ជាការឆ្លើយតបទៅនឹងសំណួរពីមុន សិស្សអាចនឹងបញ្ជាក់ប្រាប់ថា សាតាំងមានលក្ខណៈខ្ជាប់ខ្ជួន បោកប្រាស់ ល្បិចកល និងគ្មានមេត្តាឡើយ។ ដូចគ្នានឹងអាម៉ាលិកាយដែរ សាតាំងអាចនឹងព្យាយាមបញ្ចុះបញ្ចូលយើងឱ្យបន្ទាបស្តង់ដាររបស់យើងបន្តិចម្ដងៗ ហើយដាក់ខ្លួនយើងក្នុងស្ថានភាពដែលធ្វើឲ្យយើងងាយរងការវាយប្រហាររបស់វា។ ចូរពិចារណាលើការហៅសិស្សឲ្យគូសចំណាំឃ្លា «ចុះមក» នៅកន្លែងណាដែលវាបង្ហាញឲ្យឃើញនៅក្នុង អាលម៉ា 47:10–13។ តើសេចក្ដីពិតអ្វីខ្លះដែលអ្នកស្វែងយល់ដឹងពីដំណើររឿងនេះអំពីគ្រោះថ្នាក់នៃការចុះចាញ់ចំពោះការល្បួងរបស់សាតាំង សូម្បីតែបន្តិចក៏ដោយនោះ?

ការប្រយុទ្ធតតាំងរបស់អ្នកប្រឆាំងនឹងសាតាំង

សេចក្ដីពិតមួយដែលយើងអាចស្វែងយល់ដឹងបានពីដំណើររឿងនេះគឺថា ករណីដែលយើងចុះចាញ់ការល្បួងរបស់សាតាំងសូម្បីតែបន្តិច នោះយើងនឹងផ្តល់ឥទ្ធិពលកាន់តែខ្លាំងដល់វាដើម្បីដឹកនាំយើងឲ្យវង្វេងទៅបាន។

ចូរគិតអំពីរបៀបដែលអ្នកបានឃើញសេចក្ដីពិតនេះបានបង្ហាញយ៉ាងច្បាស់នៅក្នុងជីវិតអ្នក ឬជីវិតអ្នកដទៃទៀត។ សកម្មភាពខាងក្រោមអាចជួយអ្នកឱ្យកំណត់ប្រភេទវិធីមួយចំនួនដែលសាតាំងអាចនឹងព្យាយាមធ្វើឱ្យអ្នកងាយរងគ្រោះទៅនឹងការល្បួងរបស់វា និងវិធីនានាដែលព្រះអង្គសង្គ្រោះអាចជួយការពារអ្នកពីការល្បួងទាំងនោះបាន។

សូមពិចារណាលើការធ្វើសកម្មភាពនេះនៅលើក្ដារខៀនក្នុងថ្នាក់រៀនទាំងមូល។ ជាជំនួសមកវិញ អ្នកអាចនឹងបង្ហាញការណែនាំឲ្យធ្វើសកម្មភាព ហើយដាក់សិស្សជាក្រុមតូចៗ ដើម្បីធ្វើការលើវាទាំអស់គ្នា។ បន្ទាប់មក ក្រុមនីមួយៗអាចនឹងឡើងផ្សព្វផ្សាយរូបភាពរបស់ខ្លួនក្នុងថ្នាក់រៀនទាំងមូលបាន។

ដើម្បីរៀបចំសិស្សឲ្យត្រៀមសម្រាប់សកម្មភាពនេះ អ្នកអាចនឹងប្រើការថ្លែងតាមវីដេអូដោយ ស៊ីស្ទើរ⁠អេឡែន⁠អែស⁠ដាលតុន (Elaine S. Dalton) និង លោកប្រធាន⁠ហេនរី⁠ប៊ី⁠អាយរិង (Henry B. Eyring) នៅក្នុងផ្នែក⁠ឬកណ្ឌ «Commentary and Background Information»⁠បាន។

• ជំហានទី 1៖ ចូរគូររូបក្មេងជំទង់កំពុងឈរនៅលើកំពូលភ្នំមួយ។ នៅឯជើងភ្នំ ចូររាយបញ្ជីការល្បួង ឬកលល្បិចដែលសាតាំងប្រើដើម្បីព្យាយាមធ្វើឲ្យយើង «ចុះមក» បន្តិច ដើម្បីឲ្យវាអាចមានអំណាចលើយើងបាន។ ត្រូវធ្វើឲ្យប្រាកដថា⁠ពិតជាមានទុកចន្លោះរវាងក្មេងជំទង់ និងការល្បួងទាំងនេះដែលអ្នករាយបញ្ជី ដើម្បីឲ្យអ្នកមានកន្លែង⁠ឬចន្លោះសម្រាប់ជំហានទី 2 បាន។

• ជំហានទី 2៖ នៅឯលើកំពូលភ្នំ ចូររាយបញ្ជីប្រភពឯកសារ ឬសេចក្ដីបង្រៀនមួយចំនួនដែលព្រះអម្ចាស់បានប្រទានមកយើងរហូតដល់អាចការពារយើងប្រឆាំងនឹងការល្បួងរបស់សាតាំងបាន។ (ចំពោះឧទាហរណ៍មួយចំនួន ចូរពិចារណាលើការសិក្សាខគម្ពីរពីរបីដូចខាងក្រោម៖ នីហ្វៃទី 1 15:24; ហេលេមិន 5:12; គោលលទ្ធិ និងសេចក្ដីសញ្ញា 10:5; 11:12–13; 20:22; 87:8។)

បង្កើតផែនការមួយ

ចូរគិតអំពីរបៀបដែលសេចក្ដីពិតដែលអ្នកបានសិក្សានៅថ្ងៃនេះពាក់ព័ន្ធនឹងជីវិតអ្នក។ ចូរពិចារណាលើការកត់ត្រាចម្លើយអ្នកចំពោះសំណួរខាងក្រោម៖

ចូរបង្ហាញសំណួរខាងក្រោម ហើយផ្តល់ពេលឲ្យសិស្សកត់ត្រាចម្លើយពួកគេចូលទៅក្នុងសៀវភៅកំណត់ហេតុការសិក្សាពួកគេ។

• តើពេលណាដែលអ្នកទប់ទល់នឹងការល្បួងរបស់សាតាំងដោយប្រើមធ្យោបាយដែលព្រះអម្ចាស់បានប្រទានដល់អ្នក?

• តើអ្នកនឹងខិតខំស្វះស្វែងរកជំនួយពីព្រះឲ្យបានកាន់តែប្រសើរឡើងដើម្បីទប់ទល់នឹងការល្បួងរបស់សាតាំងយ៉ាងដូចម្ដេច?

ចូរហៅរកអ្នកស្ម័គ្រចិត្តឱ្យឡើងមកនិយាយប្រាប់ចម្លើយពួកគេចំពោះសំណួរទីមួយ។ ចូរលើកឡើងថា ពួកគេមិនត្រូវនិយាយប្រាប់⁠ឬផ្សព្វផ្សាយអ្វីផ្ទាល់ខ្លួន ឬពិសិដ្ឋពេកនោះទេ។

ចូរលើកទឹកចិត្តសិស្សឱ្យទប់ទល់នឹងការល្បួងរបស់សាតាំង ដោយការធ្វើសកម្មភាពផ្អែកលើគំនិត និងចំណាប់អារម្មណ៍ដែលពួកគេបានចុះនៅក្នុងសៀវភៅកំណត់ហេតុការសិក្សាពួកគេ។ ចូរថ្លែងទីបន្ទាល់អំពីអំណាច⁠ឬចេស្ដានៃព្រះអង្គសង្គ្រោះដើម្បីជួយដល់ពួកគេ។

វិចារណកថា និង​ព័ត៌មាន​សាច់រឿង

តើអ្វីខ្លះជាគំរូ⁠ឬជាឧទាហរណ៍នៃការល្បួងដែលសាតាំងប្រើដើម្បីព្យាយាមមានអំណាចគ្របមកលើយើង?

មើលវីដេអូ «ការងាកទៅរកគុណធម៌» ចាប់ពីកូដម៉ោង 4:28 ដល់ 6:30 ដើម្បីមើលឧទាហរណ៍⁠ឬគំរូដែលមានការផ្សព្វផ្សាយដោយអ៊ែលស្ទើរ⁠អេឡែន⁠អែស⁠ដាលតុន (Elaine S. Dalton) អតីតប្រធានយុវនារីទូទៅ។

មើលវីដេអូ «ជំហានទី 3៖ ជឿលើព្រះ – រឿងរ៉ាវរបស់សារ៉ុន⁠(Sharon)⁠អំពីការស្តារនីតិសម្បទារឡើងវិញពីបញ្ហាញៀនថ្នាំ (Crystal Meth Addiction Recovery)» (5:29) ដើម្បីពិនិត្យមើលឧទាហរណ៍នៃមនុស្សម្នាក់ដែលបានធ្លាក់ចូលទៅក្នុងអន្ទាក់របស់សាតាំង។

មើលវីដេអូ «Seek Christ in Every Thought» ចាប់ពីកូដម៉ោង 8:18 ដល់ 9:42 ដើម្បីពិនិត្យមើលឧទាហរណ៍មួយដែលបានប្រាប់ដោយអែលឌើរ យូលីស សូរ៉េស (Ulisses Soares)⁠ពីកូរ៉ុមនៃសាវកដប់ពីរនាក់។

តើខ្ញុំអាចចងចាំអ្វីខ្លះ នៅពេលដែលខ្ញុំមានអារម្មណ៍គិតចង់ចូលរួមក្នុងអំពើបាប «តូចៗ»?

អែលឌើរ អូលីសេស សូរ៉េស ក្នុងកូរ៉ុមនៃពួកសាវកដប់ពីរនាក់បានបង្រៀន ៖

អែលឌើរ អូលីសេស សូរ៉េស

មិត្តសម្លាញ់របស់ខ្ញុំអើយ! នៅពេលយើងទប់ទល់នឹងការល្បួងតូចៗដែលជារឿយៗកើតឡើងដោយចៃដន្យក្នុងជីវិតយើង នោះយើងត្រូវមានសមត្ថភាពគ្រប់គ្រាន់ដើម្បីជៀសវាងការបំពានដ៏ធ្ងន់ធ្ងរ។ (អូលីសេស សូរ៉េស⁠(Ulisses Soares) «ស្វែងរកព្រះគ្រីស្ទគ្រប់ទាំងគំនិត» Ensign (អេនសាញ) ឬ Liahona (លីអាហូណា) វិច្ឆិកា 2020⁠ទំព័រ 84)

តើព្រះអម្ចាស់ផ្តល់ជំនួយអ្វីខ្លះ ដើម្បីទប់ទល់នឹងការល្បួងបាន?

ប្រធាន ហិនរី ប៊ី អាយរិង ដែលជាគណៈប្រធានទីមួយបានបង្រៀនថា ៖

លោកប្រធាន ហិនរី ប៊ី អាយរិង⁠(Henry B. Eyring)

ដោយមានជំនួយពីព្រះវិញ្ញាណបរិសុទ្ធ យើងអាចមើលថែខ្លួនយើងបាន ។ យើងអាចអធិស្ឋានដើម្បីទទួលស្គាល់ និងបដិសេធគំនិតដំបូងនៃអំពើបាបបាន ។ យើងអាចអធិស្ឋានដើម្បីទទួលស្គាល់ការព្រមានមិនឱ្យនិយាយពាក្យដែលនាំឱ្យឈឺចាប់ ឬល្បួងអ្នកដទៃបាន ។ ហើយយើងអាចអធិស្ឋានសម្រាប់ភាពរាបទាប និងសេចក្តីជំនឿដើម្បីប្រែចិត្ត (នៅពេលដែលយើងត្រូវតែធ្វើ)។

ប្រាកដជានឹងមានអ្នកខ្លះដែលបានឮសំឡេងខ្ញុំដែលនឹងមានគំនិតនេះចូលក្នុងចិត្តពួកគេ៖ «ប៉ុន្តែការល្បួងគឺខ្លាំង⁠ឬធំពេកសម្រាប់ខ្ញុំ។ ខ្ញុំបានតស៊ូទប់ទល់⁠ដរាបណាខ្ញុំអាចធ្វើបាន ។ ព្រះបញ្ញត្តិ/បទបញ្ញត្តិ⁠()⁠ក្រឹត្យវិន័យ⁠ពិបាកខ្លាំងណាស់ចំពោះខ្ញុំ។ ស្តង់ដារគឺ «ខ្ពស់ពេក»។

នោះមិនមែនដូច្នោះទេ ។ ព្រះអង្គសង្គ្រោះគឺជាអ្នកគាំទ្រជាមួយព្រះវរបិតារបស់យើង។ ទ្រង់ជ្រាបពីភាពទន់ខ្សោយរបស់យើង ។ ទ្រង់ដឹងពីរបៀបជួយដល់អ្នកទាំងឡាយណាដែលត្រូវបានគេល្បួង។ (ហេនរី⁠ប៊ី⁠អាយរិង⁠(Henry B. Eyring) «As a Child⁠(ជាកូនម្នាក់)» Ensign (អេនសាញ) ឬ Liahona (លីអាហូណា), ឧសភា 2006,⁠ទំព័រ 17)

សកម្មភាព​រៀនសូត្រ​បំពេញបន្ថែម

អំណាចនៃមនុស្សម្នាក់

នៅពេលដែលសិស្សកំពុងសិក្សា អាលម៉ា 47–48 ពួកគេអាចនឹងទទួលបានអត្ថប្រយោជន៍ពីការប្រៀបធៀប⁠និងការធ្វើឲ្យផ្ទុកគ្នារវាងអាម៉ាលិកាយ⁠និងមេទ័ពក្រុមមរ៉ូណៃ ដើម្បីស្វែងរកអំណាចដែលមនុស្សម្នាក់អាចមានសម្រាប់អំពើល្អ ឬអំពើអាក្រក់។ ចូរហៅពួកគេឱ្យឡើងនិយាយប្រាប់ពីរបៀបដែលបុរសម្នាក់ៗមានឥទ្ធិពលលើអ្នកផ្សេងៗទៀតជុំវិញខ្លួនគាត់។ សូមហៅពួកគេឲ្យឡើងនិយាយប្រាប់ពីវិធីដែលព្រះអង្គសង្គ្រោះក្នុងនាមជាមនុស្សតែម្នាក់មានជះឥទ្ធិពលលើពិភពលោកសម្រាប់អំពើល្អ។ លើសពីនេះ⁠ពួកគេអាចនឹងឡើងនិយាយប្រាប់អំពីមនុស្សដែលពួកគេស្គាល់ដែលបានបង្ហាញឲ្យឃើញច្បាស់ថា⁠មនុស្សម្នាក់អាចមានឥទ្ធិពលលើមនុស្សជាច្រើនសម្រាប់ការអំពើល្អ។ ចូរហៅពួកគេឲ្យពិចារណាអំពីរបៀបដែលពួកគេអាចធ្វើតាមគំរូទាំងនេះនៃអំពើល្អនៅក្នុងជីវិតពួកគេផ្ទាល់បាន។ អ្នកអាចនឹងពិចារណាលើការប្រើរឿង «ការលើកស្រាអក!» (រ៉ានដ៍⁠ផាកឃើរ⁠(Rand Packer) New Era⁠(សករាជថ្មី), កក្កដា 2004,⁠ទំព័រ 26–27).។

អាលម៉ា 48:7–20។ របៀបអង្រួនអំណាចនៃស្ថាននរក

សិស្សអាចនឹងសិក្សា អាលម៉ា 48:7–20 និងរកមើលវិធីនានាដែលមរ៉ូណៃមានលក្ខណៈដូចគ្នានឹងព្រះយេស៊ូវគ្រីស្ទ។ ឧទាហរណ៍ៈ⁠ លោកបានបង្កើតចំណុចខ្សោយរបស់មនុស្សគាត់ (សូមមើល អាលម៉ា 48:7–9) ដូចជាព្រះគ្រីស្ទបង្កើតចំណុចទន់ខ្សោយយើង នៅពេលដែលយើងងាកមកឯទ្រង់ដោយសេចក្ដីជំនឿ (អេធើរ 12:27)។ សូមហៅសិស្សឲ្យឡើងអាន អាលម៉ា 48:17 និងពិចារណាលើមូលហេតុដែលរឿងនេះពិតអំពីមរ៉ូណៃ និងវាពិតអំពីព្រះអង្គសង្រ្គោះនៅពេលនោះ។ សូមឲ្យសិស្សគិតអំពីមនុស្សដែលពួកគេស្គាល់ឈ្មោះដែលអាចនឹងមានការបញ្ចូលក្នុង អាលម៉ា 48:17 ជំនួសឲ្យ «មរ៉ូណៃ»។ សូមហៅពួកគេឲ្យជ្រើសយកវិធីមួយដែលពួកគេអាចធ្វើតាមគំរូរបស់ព្រះយេស៊ូវគ្រីស្ទ ហើយទទួលបានអំណាចដូចគ្នាដែលមរ៉ូណៃមាននៅពេលនោះ។