« អាលម៉ា ៣១:១–១១ ៖ ‹ គុណធម៌នៃព្រះបន្ទូលនៃព្រះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« អាលម៉ា ៣១:១–១១ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
អាលម៉ា ៣១:១–១១
« គុណធម៌នៃព្រះបន្ទូលនៃព្រះ »
តើរឿងប្រភេទណាខ្លះដែលអាចធ្វើឲ្យអ្នកមានអារម្មណ៍ថាឃ្លាតឆ្ងាយពីព្រះអង្គសង្គ្រោះ ? តើមានអ្វីខ្លះដែលជួយឲ្យអ្នកមានអារម្មណ៍ជិតស្និទ្ធនឹងទ្រង់ ? បន្ទាប់ពីឮថា ពួកសាសន៍សូរាំបាន « ធ្លាក់ទៅក្នុងកំហុសយ៉ាងធំ » ( អាលម៉ា ៣១:៩ ) អាលម៉ា បានដាក់ផែនការដើម្បីប្រើប្រាស់ព្រះបន្ទូលដ៏មានអានុភាពរបស់ព្រះដើម្បីអញ្ជើញពួកគេឲ្យត្រឡប់មករកព្រះយេស៊ូវគ្រីស្ទវិញ ។ មេរៀននេះអាចជួយអ្នកឲ្យពឹងផ្អែកលើព្រះចេស្តានៃព្រះបន្ទូលនៃព្រះដើម្បីរក្សាភាពស្មោះត្រង់ចំពោះព្រះយេស៊ូវគ្រីស្ទ ។
ការជួយអ្នកសិក្សាឲ្យមើលឃើញពីរបៀបដែលពួកគេអាចធ្វើសកម្មភាពសុចរិតប្រកបដោយប្រសិទ្ធភាព ។ សិស្សអាចទទួលបានអត្ថប្រយោជន៍ពីការរកឃើញរបៀបជាច្រើន ដែលពួកគេអាចអនុវត្តគោលការណ៍ដំណឹងល្អចំពោះស្ថានភាពជីវិតបាន ។ បន្ទាប់ពីពួកគេសញ្ជឹងគិត ឬពិភាក្សាអំពីជម្រើសផ្សេងគ្នាហើយ សូមអញ្ជើញសិស្សឲ្យធ្វើតាមអ្វីដែលពួកគេមានអារម្មណ៍ថានឹងជួយពួកគេបានល្អបំផុតក្នុងស្ថានភាពបច្ចុប្បន្នរបស់ពួកគេ ។
ការរៀបចំសិស្ស ៖ សូមអញ្ជើញសិស្សឲ្យនិយាយទៅកាន់នរណាម្នាក់អំពីរបៀបដែលព្រះបន្ទូលនៃព្រះបានជួយពួកគេឲ្យនៅបន្ដស្មោះត្រង់នៅក្នុងដំណឹងល្អនៃព្រះយេស៊ូវគ្រីស្ទ ។
សកម្មភាពរៀនសូត្រដែលអាចមាន
វង្វេង
អែលឌើរ ឌៀថើរ អេហ្វ អុជដូហ្វ នៃកុរ៉ុមនៃពួកសាវកដប់ពីរនាក់បានចែកចាយការរកឃើញការស្រាវជ្រាវថា តើវាលំបាកយ៉ាងណាក្នុងការដើរឲ្យត្រង់ នៅពេលយើងមើលមិនឃើញសញ្ញាសម្គាល់ ។ ខណៈពេលដែលបុគ្គលជាច្រើននៅក្នុងការប្រឡងស្រាវជ្រាវបានគិតថា ពួកគេបានទទួលជោគជ័យ លទ្ធផលបានបង្ហាញថា « បើគ្មានសញ្ញាសម្គាល់ផ្លូវដែលអាចមើលឃើញ និងអាចទុកចិត្តបានទេ នោះយើងនឹងវង្វេងហើយ » ( ឌៀថើរ អេហ្វ អុជដូហ្វ « Daily Restoration » Liahona ខែ វិច្ឆិកា ឆ្នាំ ២០២១ ទំព័រ ៧៧ ) ។ អ្នកប្រហែលជាចង់មើលវីដេអូ « Daily Restoration » ចាប់ពីនាទីទី ១:៤០ ដល់នាទីទី ៣:២៥ ដែលមាននៅលើគេហទំព័រ ChurchofJesusChrist.org ដោយគិតថា តើការណ៍នេះអាចទាក់ទងទៅនឹងជីវិតរបស់យើងដោយរបៀបណា ។
-
តើការណ៍នេះទាក់ទងទៅនឹងយើងខាងវិញ្ញាណដោយរបៀបណា ?
នៅក្នុង អាលម៉ា ៣១–៣៥ អ្នកនឹងរៀនអំពីពួកសាសន៍សូរាំ ដែលធ្លាប់បានជឿលើព្រះយេស៊ូវគ្រីស្ទ ប៉ុន្តែបានវង្វេងចេញពីសេចក្តីជំនឿរបស់ខ្លួន ។ នៅមុនពេលអ្នកចាប់ផ្ដើមការសិក្សារបស់អ្នកនៅក្នុង អាលម៉ា ៣១ សូមគិតពិចារណាពីរបៀបដែលសេចក្ដីជំនឿលើព្រះយេស៊ូវគ្រីស្ទរបស់អ្នកបានរីកចម្រើនរហូតមក ។
អ្នកអាចនឹងបង្ហាញសំណួរខាងក្រោមទៅសិស្សដែលត្រូវឆ្លើយតបនៅក្នុងសៀវភៅកំណត់ហេតុការសិក្សាពួកគេសម្រាប់ការគិតពិចារណាផ្ទាល់ខ្លួនពួកគេ ។ សូមកុំសុំឲ្យសិស្សចែកចាយចម្លើយរបស់ពួកគេចំពោះសំណួរនេះឡើយ ។
-
បើអ្នកត្រូវបន្តនៅលើផ្លូវបច្ចុប្បន្នរបស់អ្នក តើអ្នកឆ្ពោះទៅរកព្រះគ្រីស្ទ ឬនៅឆ្ងាយពីទ្រង់ ?
គោលដៅរបស់អាលម៉ា
នៅក្នុង អាលម៉ា ៣១:១–១១ យើងរៀនអំពីការខិតខំរបស់ពួកសាសន៍សូរាំ និងកិច្ចខិតខំរបស់អាលម៉ា ដើម្បីអញ្ជើញពួកគេឲ្យត្រឡប់ទៅព្រះអម្ចាស់វិញ ។ រូបខាងក្រោមអាចជួយអ្នកឲ្យយល់ពីរបៀបដែលអាលម៉ា បានព្យាយាមដណ្តើមយកពួកសាសន៍សូរាំមកវិញ ។
សូមពិចារណាផ្ដល់សំណៅចែកឲ្យសិស្សដូចខាងក្រោមមួយច្បាប់ម្នាក់ ។ ការណ៍នេះអាចជួយសិស្សឲ្យរៀបចំខ្លួនដាក់គោលដៅផ្ទាល់ខ្លួនពួកគេនៅពេលក្រោយទៀតនៅក្នុងមេរៀននេះ ។
ផែនការរបស់អាលម៉ាដើម្បីបង្រៀនពួកសាសន៍សូរាំ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )—« អាលម៉ា ៣១:១-១១ ៖ ‹ គុណធម៌នៃព្រះបន្ទូលនៃព្រះ › »
© ឆ្នាំ ២០២៣ by Intellectual Reserve, Inc. All rights reserved.
សូមអាន អាលម៉ា ៣១:១–៤, ៨–១១ ដោយការរកមើលរបៀប និងមូលហេតុដែលពួកសាសន៍សូរាំបានចាប់ផ្ដើមវង្វេង ។ សូមកត់ត្រាអ្វីដែលអ្នកបានរកឃើញនៅក្នុងផ្នែក « បញ្ហា » ។
សូមពិចារណាប្រើសំណួរដែលមានប្រភេទដូចតទៅនេះ ដើម្បីជួយសិស្សឲ្យយល់អំពីការវង្វេងនៃពួកសាសន៍សូរាំ និងរបៀបដែលវាមានផលប៉ះពាល់ដល់ពួកគេ ។ សូមជួយសិស្សឲ្យមើលឃើញភាពស្រដៀងគ្នានៅសម័យយើង ។ ឧទាហរណ៍ បើមនុស្សខកខានការបន្តគោរពតាមព្រះបញ្ញត្តិ មកព្រះវិហារ ចូលរួមក្នុងពិធីបរិសុទ្ធ ដូចជាសាក្រាម៉ង់ ហើយអធិស្ឋាន នោះពួកគេនឹងវង្វេងចេញពីព្រះអម្ចាស់ហើយ ។
-
តើពួកសាសន៍សូរាំបានវង្វេងតាមរបៀបណា ? តើមានបញ្ហាអ្វីខ្លះដែលបានបណ្ដាលឲ្យមានរឿងនេះ ?
-
តើសកម្មភាពស្រដៀងគ្នាអ្វីខ្លះដែលអាចធ្វើឲ្យមនុស្សវង្វេងនៅសម័យនេះ ?
សូមអាន អាលម៉ា ៣១:៣៤ ដោយការរកមើលគោលដៅ និងក្ដីសង្ឃឹមរបស់អាលម៉ា ចំពោះពួកសាសន៍សូរាំ ។ សូមពិចារណាសរសេរវាចូលក្នុងផ្នែក « គោលដៅ » ។
-
ដោយការគិតអំពីគោលដៅរបស់អាលម៉ា និងអារម្មណ៍របស់លោកដែលអ្នកបានអាននៅក្នុង អាលម៉ា ៣១:១–២ តើអ្នកគិតថាអ្វីទៅដែលបានជំរុញចិត្តអាលម៉ា ? ហេតុអ្វីបានជាចំណុចនេះអាចមានសារៈសំខាន់ ?
សូមអាន អាលម៉ា ៣១:៥–៧, ១១ ដោយការគូសចំណាំពាក្យ ឬឃ្លាដែលពិពណ៌នាអំពីផែនការរបស់អាលម៉ា ដើម្បីសម្រេចគោលដៅរបស់លោក ។ អ្នកអាចនឹងចង់កត់ត្រាត្រឹមខទី ៥ ថា ពាក្យ គុណធម៌ មកពីពាក្យឡាតាំងថា virtus ដែលមានន័យថា កម្លាំង ឬអំណាច ( សូមមើល Gospel Topics « Virtue » ) ហើយពាក្យ ពិសោធ នៅក្នុងបរិបទនេះមានន័យថា សាកល្បង ឬពិសោធន៍ ។
ដើម្បីរៀបចំសិស្សឲ្យបំពេញផ្នែក « របៀបសម្រេចបានគោលដៅ » នៃសំណៅចែក នោះអ្នកអាចនឹងចង់សួរសំណួរមួយចំនួនដូចខាងក្រោមនេះ ។
-
តើអ្នកគិតថា ឃ្លាដែលថា « ពិសោធគុណធម៌នៃព្រះបន្ទូលនៃព្រះ » មានអត្ថន័យយ៉ាងណា ? តើអ្នកអាចស្វែងរកព្រះបន្ទូលនៃព្រះនៅឯណា ? ( សូមពិចារណាអាន និងយោងឆ្លង គោលលទ្ធិ និងសេចក្ដីសញ្ញា ១៨:២–៤, ៣៤–៣៦; ៦៨:៤ ) ។
-
តើអ្វីជាសេចក្តីពិតដែលយើងអាចរៀនពីគោលដៅរបស់ អាលម៉ា និងផែនការដើម្បីសម្រេចគោលដៅនេះបាន ?
សេចក្ដីពិតមួយដែលអ្នកប្រហែលជាអាចបានរកឃើញនោះគឺ ព្រះបន្ទូលនៃព្រះមានព្រះចេស្តាដើម្បីដឹកនាំមនុស្សទៅរកព្រះយេស៊ូវគ្រីស្ទ ។
-
តើអ្នកដឹងអ្វីខ្លះអំពីព្រះដែលធ្វើឲ្យព្រះបន្ទូលទ្រង់មានអានុភាពចំពោះអ្នក ? ហេតុអ្វីបានជាអ្នកគិតថា វាមានអានុភាពខ្លាំង « ជាងផ្លែដាវ ឬអ្វីផ្សេងៗទៀត » ? ( អាលម៉ា ៣១:៥ ) ។
-
តើព្រះបន្ទូលនៃព្រះអាចជួយយើងឲ្យចែកចាយដំណឹងល្អ កែគំនិតខុសឆ្គង ឬនាំអ្នកដទៃមករកព្រះយេស៊ូវគ្រីស្ទបានដោយរបៀបណា ?
-
តើព្រះបន្ទូលនៃព្រះមានឥទ្ធិពលយ៉ាងណាទៅលើជីវិតរបស់អ្នក ?
ដោយការប្រើអ្វីដែលអ្នកបានស្វែងយល់ពីអាលម៉ា និងការយល់ដឹងរបស់អ្នកពីសំណួរមុនៗ សូមបំពេញផ្នែក « របៀបសម្រេចបានគោលដៅ » ។
ព្រះបន្ទូលនៃព្រះនៅក្នុងជីវិតខ្ញុំ
សូមគិតអំពីរបៀបនៃអ្វីដែលអ្នកកំពុងស្វែងយល់ពីអាលម៉ា និងពួកសាសន៍សូរាំទាក់ទងនឹងជីវិតអ្នក ។
សំណួរខាងក្រោមមានគោលបំណងជួយសិស្សឲ្យភ្ជាប់ទំនាក់ទំនងដំណើររឿងនេះទៅនឹងជីវិតរបស់ពួកគេផ្ទាល់ ។ សូមពិចារណាសួរសំណួរស្រដៀងៗគ្នា ឬសំណួរផ្សេងទៀតដែលអ្នកប្រហែលជាអាចនឹងសួរបាន ។
-
តើមានអ្វីខ្លះដែលធ្វើឲ្យពួកយុវវ័យវង្វេងចេញពីព្រះយេស៊ូវគ្រីស្ទ ?
-
តើការពឹងផ្អែកលើព្រះបន្ទូលនៃព្រះអាចរារាំងការវង្វេងរបស់យើងចេញពីព្រះយេស៊ូវគ្រីស្ទ ឬជួយយើងឲ្យត្រឡប់មករកទ្រង់វិញដោយរបៀបណា ?
អ្នកអាចនឹងពិចារណាអញ្ជើញសិស្សឲ្យឡើងចែកចាយ ហើយរាយបញ្ជីលើក្ដារខៀននូវបទគម្ពីរដែលបាននាំពួកគេទៅរកព្រះអម្ចាស់ ។ ពួកគេក៏អាចរកមើលបទគម្ពីរដែលនិយាយអំពីមូលហេតុខ្លះៗនៃការវង្វេងចេញពីព្រះអម្ចាស់ផងដែរ ។
សូមគិតអំពីទំនាក់ទំនងរបស់អ្នកជាមួយព្រះយេស៊ូវគ្រីស្ទ ។ តើមានអ្វីមួយដែលធ្វើឲ្យអ្នកវង្វេងចេញពីទ្រង់ដែរឬទេ ? តើអ្នកចង់បានទំនាក់ទំនងកាន់តែរឹងមាំជាមួយទ្រង់ដែរឬទេ ? សូមដាក់គោលដៅប្រកបដោយការអធិស្ឋានដើម្បីជួយអ្នកពង្រឹងទំនាក់ទំនងរបស់អ្នកជាមួយទ្រង់ ។ គោលដៅនេះអាចទាក់ទងនឹង ឬអាចបន្ថែមទៅក្នុងគោលដៅរបស់កុមារ និងយុវវ័យរបស់អ្នកបាន ។
សូមពិចារណាផ្តល់សំណៅចែកឲ្យសិស្សផ្សេងទៀតដើម្បីប្រើ និងសរសេរគោលដៅរបស់ពួកគេផ្ទាល់ ។ តាមដែលចាំបាច់ សូមពិភាក្សាអំពីរបៀបផ្សេងៗដែលសិស្សអាចពឹងផ្អែកលើគុណធម៌នៃព្រះបន្ទូលនៃព្រះបាន ។ ឧទាហរណ៍ ការសិក្សាព្រះគម្ពីរប្រចាំថ្ងៃ ការស្វែងរកចម្លើយ ឬការណែនាំនៅក្នុងព្រះគម្ពីរ ការចូលរៀនថ្នាក់សិក្ខាសាលា ឬគំនិតផ្សេងៗទៀត ។ សំណួរខាងក្រោមនេះអាចជួយសិស្សឲ្យបំពេញតារាងខាងក្រោមដោយផ្អែកលើរបៀបផ្ទាល់ខ្លួនពួកគេបាន ។
សូមសរសេរគោលដៅរបស់អ្នកនៅក្នុងផ្នែក « គោលដៅផ្ទាល់ខ្លួន » ។
អ្នកក៏អាចសរសេរឧបសគ្គណាមួយចំពោះគោលដៅអ្នកនៅក្នុងផ្នែក « ឧបសគ្គ » បានដែរ ។
នៅក្នុងផ្នែក « របៀបសម្រេចបានគោលដៅ » សូមសរសេររបៀបដែលអ្នកអាចពឹងផ្អែកលើគុណធម៌នៃព្រះបន្ទូលនៃព្រះបាន ។ សូមបូកបញ្ចូលរបៀបដែលចំណុចនេះនឹងជួយឲ្យអ្នកសម្រេចគោលដៅរបស់អ្នកបាន ។
សំណួរខាងក្រោមនេះអាចជួយបាន ៖
សិស្សខ្លះអាចមានអារម្មណ៍ស្រណុកចិត្តក្នុងការចែកចាយគោលដៅរបស់ពួកគេ ។ អ្នកអាចនឹងប្រើសំណួរខាងក្រោមនេះដើម្បីជួយពួកគេឲ្យចែកចាយ និងសម្របសម្រួលដល់ការពិភាក្សា ។
-
ហេតុអ្វីគោលដៅនេះជាអ្វីមួយដែលអ្នកមានអារម្មណ៍ថា អ្នកត្រូវការក្នុងជីវិតរបស់អ្នក ? តើការសម្រេចវាបាននឹងមានឥទ្ធិពលលើទំនាក់ទំនងរបស់អ្នកជាមួយនឹងព្រះយេស៊ូវគ្រីស្ទយ៉ាងដូចម្ដេច ?
-
តើសកម្មភាពជាក់លាក់អ្វីខ្លះដែលអ្នកអាចធ្វើបានដើម្បីជួយអ្នកឲ្យពឹងផ្អែកលើព្រះចេស្តានៃព្រះបន្ទូលនៃព្រះ ? តើការណ៍នេះអាចជួយអ្នកសម្រេចគោលដៅរបស់អ្នកបានដោយរបៀបណា ?
-
តើបទគម្ពីរ ឬសេចក្តីថ្លែងការណ៍អ្វីខ្លះពីថ្នាក់ដឹកនាំសាសនាចក្រដែលអាចជំរុញអ្នកឲ្យធ្វើការលើគោលដៅនេះបាន ?
សូមពិចារណាបញ្ចប់ដោយការអញ្ជើញសិស្សឲ្យចែកចាយបទពិសោធន៍របស់ពួកគេក្នុងការសិក្សា អាលម៉ា ៣១:១–១១ និងគំនិត ឬចំណាប់អារម្មណ៍ផ្ទាល់ខ្លួនណាមួយ ។ សូមចែកចាយទីបន្ទាល់អំពីគុណធម៌នៃព្រះបន្ទូលនៃព្រះ និងសារៈសំខាន់នៃការធ្វើកិច្ចការទាំងនោះដែលនឹងទាក់ទាញយើងឲ្យខិតទៅជិតនឹងព្រះយេស៊ូវគ្រីស្ទ ។