Rebyo 8 sa Doktrinal nga Kahanas

Isag-ulo ang mga Pakisayran ug ang Mahinungdanon nga mga Hugpong sa mga Pulong sa Kasulatan

Kristo nagtabang sa mga tawo

Ang paghinumdom sa mga tudling sa kasulatan ug unsay gitudlo niini makatabang nimo sa daghang mga paagi. Kini nga leksiyon gituyo aron sa pagtabang kanimo sa pagsag-ulo sa usa o sa daghan pa nga mga pakisayran sa kasulatan ug sa mahinungdanon nga mga hugpong sa mga pulong sa kasulatan gikan sa unang 12 ka tudling sa doktrinal nga kahanas diha sa Basahon ni Mormon.

Paggamit og artwork ug uban pang mga hulagway.Ang usa ka paagi sa pagtabang sa mga estudyante nga makahinumdom sa mga istorya sa ebanghelyo, doktrina, ug mga baroganan mao ang paggamit og mga hulagway, lakip na ang alampat [artwork] ug mga grapika. Dapita ang mga estudyante sa pagkonsiderar sa ilang mga pagbati ug mga hunahuna samtang nagtan-aw sila sa mga hulagway.

Pagpangandam sa estudyante: Ikonsiderar ang pagdapit sa mga estudyante sa pagdala o pag-andam sa paghulagway sa ilang paborito nga hulagway ni Jesukristo ug sa pagpaambit kon unsay nakatabang niini kanila sa paghinumdom mahitungod Kaniya.

Mga Posibleng Kalihokan sa Pagkat-on

Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa inyong direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Mga hulagway ug memorya

Kon nahuman sa mga estudyante ang pagpangandam sa estudyante, dapita sila sa pagpaambit sa hulagway nga ilang gidala ug sa ilang mga hunahuna. Mahimo usab nimo silang hatagan og pipila ka minuto sa pagpangita og hulagway diha sa elektronik nga device, kon aduna sila. Sa laing paagi, pagpakita og mga hulagway sa Manluluwas ug dapita ang mga estudyante sa pagtubag sa mosunod nga pangutana.

Kristo human sa Iyang Pagkabanhaw

Jesus mabination nga mitabang sa usa ka bata

Jesus nagluwas sa nawala nga karnero

• Unsa ang pipila ka mga butang nga mahimo natong makat-onan mahitungod ni Jesukristo gikan sa pagtan-aw niini nga mga hulagway?

Ang mga hulagway makatabang nato sa paghinumdom sa importante nga mga panghitabo o mga kamatuoran. Niini nga leksiyon, makabaton ka og kahigayonan sa paggamit og mga hulagway aron sa pagtabang kanimo sa pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan alang sa usa o sa daghan pa nga mga tudling sa doktrinal nga kahanas sa Basahon ni Mormon.

Ang unang 12 ka tudling sa doktrinal nga kahanas sa Basahon ni Mormon nalista sa ubos. Ikonsiderar ang pagmarka niini nga mga tudling ug sa ilang mahinungdanon nga mga hugpong sa mga pulong sa kasulatan.

Ipakita ang mosunod nga tsart aron ang mga estudyante makakita niini sa tibuok leksiyon.

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan 1 Nephi 3:7	Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.”
Pakisayran sa Kasulatan 2 Nephi 2:25	Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.”
Pakisayran sa Kasulatan 2 Nephi 2:27	Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.”
Pakisayran sa Kasulatan 2 Nephi 26:33	Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.”
Pakisayran sa Kasulatan	Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.”
Pakisayran sa Kasulatan 2 Nephi 32:3	Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.”
Pakisayran sa Kasulatan 2 Nephi 32:8–9	Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.”
Pakisayran sa Kasulatan Mosiah 2:17	Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”
Pakisayran sa Kasulatan	Mahinungdanon nga Hugpong sa mga Pulong sa Kasulatan “[Kadto] nga naghupot sa mga sugo sa Dios … bulahan sa tanan nga mga butang.”
Pakisayran sa Kasulatan Mosiah 3:19	Mahinungdanon nga Hugpong sa mga Pulong sa Kasulatan “[Isalikway] ang kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.”
Pakisayran sa Kasulatan Mosiah 4:9	Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.”
Pakisayran sa Kasulatan	Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.”

Pagkonektar sa mga hulagway ngadto sa mga pagtulun-an sa ebanghelyo

I-rebyo ang mosunod nga mga pakisayran sa kasulatan ug paningkamoti nga mahinumdoman ang ilang mahinungdanon nga mga hugpong sa mga pulong sa kasulatan. Gamita ang tsart sa ibabaw kon gikinahanglan. Dayon, ipares ang matag pakisayran sa kasulatan ngadto sa hulagway nga labing maayo nga nagpakita sa pagtulon-an diha sa tudling sa kasulatan.

Ikonsiderar ang pagpakita og lain-laing mga hulagway nga mahimong may kalabotan sa mosunod nga mga tudling ug dapita ang mga estudyante sa pagpili sa mga hulagway nga ilang labing na-relate ug sa pagpasabot ngano. Sa laing paagi, dapita ang mga estudyante sa pagpangita diha sa Church Media Library alang sa mga hulagway nga makatabang nila sa paghinumdom sa mga kamatuoran sa mosunod nga mga tudling.

1. 2 Nephi 26:33

2. 2 Nephi 32:8–9

3. Mosiah 2:17

usa ka batan-on nga nag-ampo

mga batan-on nga nagserbisyo

Kristo uban sa mga bata

Paghimo og hulagway

Ang mosunod nga kalihokan mahimong himoon sa tinagsa-tagsa, tinagurha, o sa gagmay nga mga grupo. Ikonsiderar ang paghimo og ehemplo nga drowing uban sa klase, dayon dapita ang mga estudyante sa paghimo og ilang kaugalingon.

Pagpili og pakisayran sa doktrinal nga kahanas ug mahinungdanon nga hugpong sa mga pulong sa kasulatan nga gusto nimong mas mahinumdoman. Pagdrowing og hulagway aron sa pagtabang kanimo sa paghinumdom sa mahinungdanon nga hugpong sa mga pulong sa kasulatan, ug ilakip ang pakisayran. Ang imong hulagway mahimong usa ka panghitabo, o kini mahimong adunay lain-laing mga hulagway aron sa pagpakita sa mahinungdanon nga hugpong sa mga pulong sa kasulatan. Pananglitan, ang mosunod nga ilustrasyon makatabang kanimo sa paghinumdom sa 2 Nephi 2:25: “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.” Kon aduna kay panahon, mahimo kang maghimo og butang nga makatabang kanimo sa pagsag-ulo sa tibuok tudling nga imong pilion.

paghulagway sa mahinungdanon nga hugpong sa mga pulong sa kasulatan gikan sa 2 Nephi 2:25

Tugoti ang mga estudyante nga ipaambit ang ilang mga hulagway nga magpares, sa gagmay nga mga grupo, o uban sa klase. Hangyoa sila sa pagpasabot kon sa unsang paagi ang hulagway makatabang nila sa paghinumdom sa pakisayran sa kasulatan ug sa mahinungdanon nga hugpong sa mga pulong sa kasulatan. Dapita ang mga estudyante sa pagpangita og kahigayonan nga ipaambit ang ilang hulagway ngadto sa ilang pamilya o higala. Ikonsiderar ang paggamit sa mosunod nga mga pangutana aron sa pagtabang kanila sa pagpalawom sa ilang pagsabot sa tudling nga ilang napili.

• Unsa ang natabang niini nga tudling nga imong masabtan mahitungod ni Jesukristo ug sa Iyang ebanghelyo?

• Sa unsang paagi nga ang paghinumdom niini nga tudling makatabang nimo sa paghinumdom o pagkahimong mas mahisama sa Manluluwas?

• Unsa ang kasinatian nga nasinati nimo o sa uban nga may kalabotan sa doktrina niini nga tudling sa kasulatan?