« ចំណេះចំណានខាងគោលលទ្ធិ ៖ ម៉ូសាយ ២:៤១—‹ ស្ថានភាពដ៏មានពរ និងរីករាយ នៃអស់អ្នកណាដែលកាន់តាមព្រះបញ្ញត្តិទាំងឡាយនៃព្រះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ម៉ូសាយ ២:១៩–៤១ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ ម៉ូសាយ ២:៤១
« ស្ថានភាពដ៏មានពរ និងរីករាយ នៃអស់អ្នកណាដែលកាន់តាមព្រះបញ្ញត្តិទាំងឡាយនៃព្រះ »
នៅក្នុងមេរៀនមុន អ្នកបានរៀនថា ប្រសិនបើយើងរក្សាបទបញ្ញត្តិនៃព្រះ នោះទ្រង់នឹងប្រទានពរដល់យើងទាំងខាងសាច់ឈាម និងខាងវិញ្ញាណ ។ មេរៀននេះអាចជួយអ្នកឲ្យទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ ម៉ូសាយទី ២ ៤១ ពន្យល់ពីគោលលទ្ធិដែលបានបង្រៀននៅក្នុងវគ្គនេះ និងអនុវត្តតាមគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។
ការបង្រៀនបទគម្ពីរ និងប្រសាសន៍របស់ព្យាការីដោយការប្រែចិត្តជឿ និងគោលបំណង ។អែលឌើរ ជែហ្វ្រី អ័រ ហូឡិន បានបង្រៀនថា « លុះត្រាតែអ្នកមានអារម្មណ៍ចូលចិត្តអ្វីមួយ បើពុំនោះទេ អ្នកមិនអាចសង្ឃឹមថានឹងធ្វើឲ្យសិស្សរបស់អ្នកមានអារម្មណ៍ចូលចិត្តវាបានទេ » ( « Angels and Astonishment » [ សុន្ទរកថាដែលថ្លែងនៅក្នុងការចាក់ផ្សាយពីការបណ្ដុះបណ្ដាលប្រព័ន្ធអប់រំរបស់សាសនាសាសនាចក្រប្រចាំឆ្នាំនា ថ្ងៃទី ១២ ខែ មិថុនា ឆ្នាំ ២០១៩ ] ) ។ សូមបង្រៀនដោយការប្រែចិត្តជឿ និងអានុភាព ដោយផ្អែកលើទីបន្ទាល់ផ្ទាល់ខ្លួនរបស់អ្នកអំពីព្រះអង្គសង្គ្រោះ និងសេចក្តីពិតដ៏អស់កល្បនៃដំណឹងល្អ ដែលបានស្ដារឡើងវិញរបស់ទ្រង់ ។
ការរៀបចំសិស្ស ៖ សិស្សអាចត្រូវបានសុំឲ្យជ្រើសរើសបទបញ្ញត្តិមួយដែលពួកគេព្យាយាមគោរពតាម ។ បន្ទាប់មកត្រូវត្រៀមខ្លួនដើម្បីចែកចាយពីរបៀបដែលពួកគេបានទទួលពរតាមរយៈការរក្សាបទបញ្ញត្តិនោះ ។
សកម្មភាពសិក្សាដែលអាចធ្វើបាន
មេរៀនវគ្គចំណេះចំណានខាងគោលលទ្ធិនេះត្រូវបានរៀបចំឡើងដើម្បីបង្រៀនបន្ទាប់ពីមេរៀន « ម៉ូសាយ ២:១៩–៤១ » ដែលជាមេរៀនបរិបទសម្រាប់វគ្គចំណេះចំណានខាងគោលលទ្ធិ ម៉ូសាយ ២:៤១ ។ ប្រសិនបើមេរៀនវគ្គចំណេះចំណានខាងគោលលទ្ធិនេះត្រូវប្តូរទៅសប្តាហ៍ផ្សេង សូមប្រាកដថា មេរៀនបរិបទដែលត្រូវគ្នានេះត្រូវបានបង្រៀននៅអំឡុងសប្តាហ៍នោះផងដែរ ។
ទន្ទេញ និងពន្យល់
សូមសរសេរ ម៉ូសាយ ២:៤១ និងឃ្លាបទគម្ពីរគន្លឹះ « អស់អ្នកណាដែលកាន់តាមព្រះបញ្ញត្តិទាំងឡាយនៃព្រះ … បានពរគ្រប់យ៉ាង » នៅលើក្តារខៀន ។ អ្នកអាចអញ្ជើញសិស្សឲ្យគូរ ឬបង្កើតរូបភាពដែលតំណាងឲ្យគោលលទ្ធិដែលបានបង្រៀននៅក្នុងវគ្គបទគម្ពីរនេះ ។
សូមអញ្ជើញសិស្សឲ្យចែកចាយអ្វីដែលពួកគេបានបង្កើតជាគូ ឬជាក្រុមតូចៗ ។ សូមណែនាំពួកគេឲ្យពិភាក្សាអំពីពាក្យ ឬឃ្លាណាមួយដែលពួកគេបានសង្កត់ធ្ងន់នៅក្នុងគំរូរបស់ពួកគេ និងមូលហេតុដែលពួកគេមានអារម្មណ៍ថា វាមានសារៈសំខាន់ ។
សូមអញ្ជើញសិស្សឲ្យប្រើរូបភាពដែលពួកគេបានបង្កើតដើម្បីទន្ទេញសេចក្ដីយោងបទគម្ពីរ និងឃ្លាគន្លឹះ ។
រៀនអនុវត្ត
សូមបង្ហាញស្ថានភាព ឬផ្តល់ឲ្យសិស្សនូវច្បាប់ចម្លងនៃស្ថានភាពនោះនៅពេលពួកគេបំពេញសកម្មភាពខាងក្រោម ។ ស្ថានភាពនេះមានគោលបំណងជួយសិស្សឲ្យប្រើគោលការណ៍នៃការទទួលបានចំណេះដឹងខាងវិញ្ញាណដើម្បីយល់ថា ពរជ័យ និងសុភមង្គលកើតចេញពីការគោរពប្រតិបត្តិ ។ វាក៏អាចជួយពួកគេឲ្យបន្តស្មោះត្រង់ផងដែរ បើទោះជាពួកគេមានការលំបាកក្នុងការស្គាល់ពរជ័យដែលព្រះអម្ចាស់ប្រទានដល់ពួកគេក៏ដោយ ។ សូមពិចារណាកែសម្រួលស្ថានភាពនេះទៅនឹងតម្រូវការ ឬកាលៈទេសៈរបស់សិស្សរបស់អ្នក ។
ជេនណា រៀនមេរៀនចំណេះចំណានខាងគោលលទ្ធិនៅក្នុងថ្នាក់សិក្ខាសាលាដែលសង្កត់ធ្ងន់ថា ការគោរពប្រតិបត្តិចំពោះព្រះបញ្ញត្តិរបស់ព្រះនាំមកនូវសុភមង្គល និងពរជ័យកាន់តែច្រើននៅក្នុងជីវិតរបស់យើង ។ ក្រោយមក ជេនណា មានអារម្មណ៍ច្របូកច្របល់អំពីកាលៈទេសៈផ្ទាល់ខ្លួនរបស់នាង ។ នាងព្យាយាមរក្សាបទបញ្ញត្តិ ប៉ុន្តែគ្មានអារម្មណ៍ថា វាធ្វើឲ្យជីវិតរបស់នាងកាន់តែងាយស្រួល រីករាយ ឬប្រសើរជាងនេះឡើយ ។ នាងនៅតែជួបការលំបាកនៅសាលា និងមានបញ្ហាខ្លះជាមួយគ្រួសារ និងមិត្តភក្តិ ។ ប្រសិនបើការគោរពបទបញ្ញត្តិរបស់នាងត្រូវបានសន្មតថា នាំមកនូវសុភមង្គល ហេតុអ្វីនាងមានអារម្មណ៍បែបនេះ ?
របៀបមួយដើម្បីជួយសិស្សអនុវត្តតាមគោលការណ៍នៃការទទួលបានចំណេះដឹងខាងវិញ្ញាណក្នុងស្ថានភាពនេះ គឺត្រូវសរសេរគោលការណ៍ទាំងបីជាចំណងជើងនៅលើក្ដារខៀន ( សូមមើល ឯកសារគោលនៃចំណេះចំណានខាងគោលលទ្ធិ [ ឆ្នាំ ២០២២ ] ទំព័រ ៣–៤ ) ។ សូមឲ្យសិស្សសរសេរនៅលើក្ដារខៀនក្រោមចំណងជើងដ៏សមរម្យនៃសេចក្ដីថ្លែងការណ៍ដែលពួកគេមានអារម្មណ៍ថានឹងជួយ ជេណា ។ អ្នកអាចអញ្ជើញឲ្យមានការចូលរួម ដោយឲ្យដី-ស ឬហ្វឺតដល់សិស្ស ហើយបន្ទាប់មកឲ្យពួកគេហុចដី-ស ឬហ្វឺតទៅសិស្សម្នាក់ទៀត បន្ទាប់ពីពួកគេសរសេរនៅលើក្ដារខៀនចប់ ។ សូមពិភាក្សាអំពីអ្វីដែលសិស្សសរសេរនៅលើក្ដារខៀន ។
ធ្វើសកម្មភាពដោយសេចក្ដីជំនឿ
សូមអាន កថាខណ្ឌទី ៥–៦ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។ សូមរកមើលឃ្លាដែលអាចជួយ ជេណា ។
-
តើអ្នកអាចចែកចាយអ្វីខ្លះពីកថាខណ្ឌទាំងនេះដើម្បីជួយ ជេណា ធ្វើសកម្មភាពដោយសេចក្ដីជំនឿ ?
-
តើអ្នកគិតថា ការណ៍នេះអាចជួយ ជេណា យ៉ាងដូចម្តេច ?
អ្នកអាចនឹងចង់ចង្អុលបង្ហាញពីទំនាក់ទំនងរវាងសេចក្តីថ្លែងការណ៍របស់អែលឌើរ ជែហ្វ្រី អ័រ ហូឡិន ក្នុងកថាខណ្ឌទី ៦ ដើម្បី « កាន់តាម » និងការសន្យារបស់ស្ដេច បេនយ៉ាមីន នៅក្នុង ម៉ូសាយ ២:៤១ ដល់អស់អ្នកដែល« រក្សាការស្មោះត្រង់ដរាបដល់ចុងបំផុត » ។ សូមជួយសិស្សឲ្យយល់ថា ខណៈដែលពរជ័យមួយចំនួនមិនបានដឹងនៅពេលភ្លាមៗ នោះយើងអាចឈានទៅមុខដោយការទុកចិត្តដោយស្មោះត្រង់ថា ព្រះនឹងបំពេញតាមការសន្យារបស់ទ្រង់ ( សូមមើល ម៉ូសាយ ២:២២ ) ។
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បជានិច្ច
សូមអាន កថាខណ្ឌទី ៨ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលចំណេះចំណានខាងគោលលទ្ធិ ( ឆ្នាំ ២០២២ ) ។ សូមរកមើលឃ្លាដែលអាចជួយ ជេណា ។
-
តើអ្នកចង់ចែកចាយអ្វីជាមួយ ជេណា ?
-
ហេតុអ្វីអ្នកចែកចាយរឿងនេះជាមួយនាង ?
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
សូមអានកថាខណ្ឌទី ១១ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលចំណេះចំណានខាងគោលលទ្ធិ ( ឆ្នាំ ២០២២ ) ។ សូមរកមើលឃ្លាដែលអាចជួយ ជេណា ។
-
តើមានប្រភពដ៏ទេវភាពអ្វីខ្លះទៀតដែលអ្នកអាចណែនាំឲ្យ ជេណា ងាកទៅរក ?
-
តើអ្នកគិតថា ការណ៍នេះអាចជួយនាងដោយរបៀបណា ?
សូមពិចារណាឲ្យសិស្សឲ្យចែកចាយពរជ័យដែលពួកគេបានទទួល នៅពេលពួកគេបានព្យាយាមគោរពតាមព្រះបញ្ញត្តិរបស់ព្រះ ។ សូមឲ្យសិស្សចែកចាយពរជ័យដែលទទួលបានភ្លាមៗ និងផ្សេងទៀតដែលបានទទួលតាមពេលវេលា ។ សូមថ្លែងទីបន្ទាល់ថា នៅក្នុងប្រាជ្ញាដ៏គ្មានទីបញ្ចប់របស់ព្រះ ទ្រង់កំណត់មិនត្រឹមតែពរជ័យអ្វីខ្លះដែលត្រូវផ្តល់ឲ្យប៉ុណ្ណោះទេ ប៉ុន្តែក៏ជាពេលវេលាដ៏ល្អបំផុតសម្រាប់យើងក្នុងការទទួលពរជ័យទាំងនោះផងដែរ ។
ការរំឭកចំណេះចំណានខាងគោលលទ្ធិ
ក្នុងអំឡុងមេរៀនបន្ទាប់ សូមជួយសិស្សឲ្យរំឭកឡើងវិញដោយសង្ខេបនូវសេចក្ដីយោងបទគម្ពីរ និងឃ្លាបទគម្ពីរគន្លឹះសម្រាប់ ម៉ូសាយ ២:៤១ ។ សូមសរសេរឃ្លាគន្លឹះនៅលើក្ដារខៀន ហើយឲ្យសិស្សបំពេញចន្លោះទទេ ។ អ្នកអាចកែសម្រួលឧទាហរណ៍ខាងក្រោមដើម្បីសង្កត់ធ្ងន់លើពាក្យទាំងឡាយដែលសិស្សរបស់អ្នកអាចត្រូវការជំនួយក្នុងការចងចាំ ៖
ម៉ូសាយ : – « នៃអស់អ្នកណាដែល ទាំងឡាយ នៃព្រះ … នឹងព្រះ ក្នុង » ។
សូមអញ្ជើញសិស្សឲ្យសូត្រឡើងវិញនូវសេចក្ដីយោងបទគម្ពីរ និងឃ្លាគន្លឹះពីរបីដងរហូតដល់ពួកគេបានទន្ទេញវាចាំ ។ អ្នកក៏អាចពិនិត្យមើលគំនូរសម្រាប់វគ្គនេះដែលពួកគេបានបង្កើតពីមុនផងដែរ ។