ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

យ៉ាកុប ៥:១–៥៣ ៖ « ម្ចាស់ចម្ការ »

« យ៉ាកុប ៥:១–៥៣ ៖ ‹ ម្ចាស់ចម្ការ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« យ៉ាកុប ៥:១–៥៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

យ៉ាកុប ៥:១–៥៣

« ម្ចាស់ចម្ការ »

ព្រះយកព្រះទ័យទុកដាក់ចំពោះបុត្រាបុត្រីរបស់ទ្រង់ទាំងអស់ គឺជាពួកអស់អ្នកដែលសុចរិត និងអ្នកដែលជ្រើសរើសធ្វើជាមនុស្សមិនសុចរិត ។ យ៉ាកុបបានចែកចាយអំពីរូបាធិដ្ឋានរបស់ស៊ីណូស អំពីដើមអូលីវដែលជានិមិត្ដរូបបង្ហាញពីការខ្ចាត់ខ្ចាយនៃមនុស្សមួយចំនួនដែលសុចរិត និងមួយចំនួនទៀតដែលមិនសុចរិត ។ រូបាធិដ្ឋាននេះក៏បង្ហាញពីការខិតខំរបស់ព្រះអម្ចាស់ក្នុងការប្រមូលផ្តុំអ៊ីស្រាអែលនៅថ្ងៃចុងក្រោយដែរ ។ មេរៀននេះអាចជួយអ្នកឲ្យទទួលអារម្មណ៍ពីសេចក្តីស្រឡាញ់ដែលព្រះយេស៊ូវគ្រីស្ទមានចំពោះអ្នក និងសម្រាប់មនុស្សទាំងអស់ ។

ការអញ្ជើញព្រះវិញ្ញាណបរិសុទ្ធឲ្យថ្លែងទីបន្ទាល់អំពីសេចក្ដីពិត ។នៅពេលអ្នកបង្រៀនគោលលទ្ធិពិតចេញពីព្រះគម្ពីរ និងពាក្យសម្ដីរបស់ព្យាការី នោះព្រះវិញ្ញាណបរិសុទ្ធនឹងមានឱកាសថ្លែងទីបន្ទាល់អំពីសេចក្ដីពិត ។ តាមរយៈព្រះចេស្ដានៃព្រះវិញ្ញាណបរិសុទ្ធ យើងអាច « ស្គាល់សេចក្ដីពិតនៃគ្រប់ការណ៍ទាំងអស់ » ( មរ៉ូណៃ ១០:៥ ) ។

ការរៀបចំសិស្ស ៖ សូមពិចារណាផ្តល់ដ្យាក្រាមដល់សិស្សដែលមានចំណងជើងថា « រូបាធិដ្ឋាននៃដើមអូលីវ ( យ៉ាកុប ៥ ) » ដែលមាននៅក្នុងផ្នែក « វិចារណកថា និងព័ត៌មានសាច់រឿង » ។ សូមអញ្ជើញសិស្សឲ្យប្រើដ្យាក្រាមនេះដើម្បីជួយពួកគេសិក្សាអំពីរូបាធិដ្ឋាននៅក្នុង យ៉ាកុប ៥ និងដឹងពីសារទាំងមូលរបស់រូបាធិដ្ឋាននេះ ។

សកម្មភាពរៀនសូត្រដែលអាចមាន

សេចក្តីស្រឡាញ់របស់ព្រះចំពោះអ្នកដែលវង្វេង

លីហ្សាមានអារម្មណ៍ថាខុសឆ្គងចំពោះកំហុសមួយចំនួនដែលនាងបានប្រព្រឹត្តនាពេលថ្មីៗនេះ ។ នាងចាប់ផ្ដើមងឿងឆ្ងល់ថា តើព្រះនៅតែយកព្រះទ័យទុកដាក់ចំពោះនាងដោយសារកំហុសទាំងនេះឬទេ ?

តើអ្នកអាចនិយាយអ្វីខ្លះ ប្រសិនបើអ្នកកំពុងព្យាយាមជួយនរណាម្នាក់ដែលមានអារម្មណ៍ដូចលីហ្សា ?
ហេតុអ្វីវាអាចពិបាកក្នុងការទទួលស្គាល់ ឬទទួលអារម្មណ៍ពីសេចក្តីស្រឡាញ់របស់ព្រះ បន្ទាប់ពីយើងជ្រើសរើសធ្វើអំពើបាប ?

ថ្ងៃនេះ អ្នកនឹងសិក្សាដំណើររឿងព្រះគម្ពីរដែលបង្ហាញពីសេចក្តីស្រឡាញ់របស់ព្រះអម្ចាស់ចំពោះអ្នកដែលវង្វេង ។ នៅពេលអ្នកសិក្សា សូមស្វែងរកមេរៀនសំខាន់ៗអំពីព្រះឆន្ទៈរបស់ព្រះយេស៊ូវគ្រីស្ទក្នុងការជួយអ្នកដែលបានងាកចេញពីទ្រង់ ។ សូមសញ្ជឹងគិតពីរបៀបដែលសេចក្តីពិតអ្នករៀនអាចជួយអ្នកក្នុងកាលៈទេសៈរបស់អ្នក ។

រូបាធិដ្ឋាននៃដើមអូលីវ

យ៉ាកុបបានព្យាករណ៍ថា ពួកសាសន៍យូដា នឹងបដិសេធព្រះយេស៊ូវគ្រីស្ទ ( សូមមើល យ៉ាកុប ៤:១៥ ) ។ ដើម្បីជួយប្រជាជនរបស់លោកឲ្យយល់ពីរបៀបដែលព្រះអង្គសង្គ្រោះនឹងជួយសាសន៍យូដាឲ្យត្រឡប់មករកទ្រង់វិញ នោះយ៉ាកុបបានបង្រៀនពួកគេអំពីរូបាធិដ្ឋានមួយដែលផ្តល់ឲ្យដោយព្យាការីម្នាក់ឈ្មោះស៊ីណូស ។ រូបាធិដ្ឋាននោះប្រើតួអង្គ វត្ថុ និងសកម្មភាពនិមិត្តរូបជាច្រើនដើម្បីបង្រៀនពីសេចក្ដីពិតទាំងឡាយ ។

ខាងក្រោមនេះគឺជានិមិត្តរូបសំខាន់មួយចំនួននៃរូបាធិដ្ឋាននេះរួមជាមួយនឹងអត្ថន័យដែលអាចមាន ។ សូមពិចារណាធ្វើបញ្ជីអំពីនិមិត្តរូបទាំងនេះនៅក្នុងសៀវភៅកំណត់ហេតុការសិក្សា ឬព្រះគម្ពីររបស់អ្នក ។

សូមពិចារណាចម្លងតារាងខាងក្រោមនៅលើក្ដារខៀន ហើយអញ្ជើញសិស្សឲ្យចម្លងវាទៅក្នុងសៀវភៅកំណត់ហេតុការសិក្សារបស់ពួកគេ ។ អ្នកអាចបន្ថែមការយល់ដឹង និងយោបល់របស់សិស្សលើតារាងនោះពេញទាំងមេរៀន ។

គំនូសតាងដែលបានពង្រីកជាមួយនិមិត្តរូបបន្ថែមមាននៅក្នុងផ្នែក « វិចារណកថា និងព័ត៌មានសាច់រឿង » ។

និមិត្តរូប	អត្ថន័យដែលអាចមាន
និមិត្តរូប ម្ចាស់ ឬចៅហ្វាយចម្ការ	អត្ថន័យដែលអាចមាន ព្រះយេស៊ូវគ្រីស្ទ
និមិត្តរូប ចម្ការ	អត្ថន័យដែលអាចមាន ពិភពលោក
និមិត្តរូប ដើមអូលីវស្រុក	អត្ថន័យដែលអាចមាន វង្សអ៊ីស្រាអែល រាស្ត្រនៃសេចក្តីសញ្ញារបស់ព្រះអម្ចាស់
និមិត្តរូប ដើមអូលីវព្រៃ	អត្ថន័យដែលអាចមាន សាសន៍ដទៃ ( អ្នកដែលមិនបានចុះសេចក្ដីសញ្ញាជាមួយនឹងព្រះអម្ចាស់ ) និងអ៊ីស្រាអែលដែលក្បត់សាសនា

ដើម្បីជួយអ្នករៀបចំខ្លួនរៀនអំពីព្រះយេស៊ូវគ្រីស្ទនៅពេលអ្នកសិក្សា យ៉ាកុប ៥ សូមសរសេរថា « អ្វីដែលខ្ញុំរៀនអំពីព្រះយេស៊ូវគ្រីស្ទពី យ៉ាកុប ៥ » នៅចំកណ្តាលនៃទំព័រទទេនៅក្នុងសៀវភៅកំណត់ហេតុសិក្សារបស់អ្នក ហើយគូសរង្វង់ជុំវិញវា ។ សូមរកមើលសេចក្តីពិត និងការយល់ដឹងអំពីព្រះយេស៊ូវគ្រីស្ទ ដែលជាម្ចាស់ចម្ការពេញមួយមេរៀន ។ សូមកត់ត្រាការរកឃើញទាំងនេះនៅក្នុង ឬជុំវិញរង្វង់នៅក្នុងសៀវភៅកំណត់ហេតុសិក្សារបស់អ្នក ។

ការយល់ដឹងអំពីរូបាធិដ្ឋាន

ប្រសិនបើអ្នកមិនទាន់បានធ្វើដូច្នេះទេ សូមឲ្យដ្យាក្រាមដែលមានចំណងជើងថា « រូបាធិដ្ឋាននៃដើមអូលីវ ( យ៉ាកុប ៥ ) » ទៅសិស្ស ដែលមាននៅក្នុងផ្នែក « វិចារណកថា និងព័ត៌មានសាច់រឿង » ។ សិស្សអាចមើលផ្នែកនានានៃដ្យាក្រាមនេះពេញទាំងមេរៀន ។

ការចាប់ផ្ដើមនៃរូបាធិដ្ឋាននេះអាចតំណាងឲ្យជំនាន់ពីមុនការងារបម្រើក្នុងព្រះជន្មរមែងស្លាប់របស់ព្រះយេស៊ូវគ្រីស្ទ ។ សូមអាន យ៉ាកុប ៥:៣–៦ ដោយរកមើលអ្វីដែលបានកើតឡើងចំពោះដើមអូលីវស្រុកដែលតំណាងឲ្យរាស្ដ្រនៃសេចក្ដីសញ្ញារបស់ព្រះ ។

តើអ្នកគិតថាការពុកនៃដើមឈើតំណាងឲ្យអ្វី ?
តើអ្នកគិតថា ការកាត់លួស ការជ្រួយគល់ និងការដាក់ជីរបស់ម្ចាស់ចម្ការអាចតំណាងឲ្យអ្វី ?
តើសកម្មភាពទាំងនេះបង្រៀនអ្នកអ្វីខ្លះអំពីព្រះយេស៊ូវគ្រីស្ទ ? ( សូមបន្ថែមការយល់ដឹងរបស់អ្នកទៅទំព័រកំណត់ហេតុរបស់អ្នក ) ។

វាអាចមានប្រយោជន៍ក្នុងការបង្ហាញចំណុចខាងក្រោមដោយគូររូបតំណាងចំណុចទាំងនោះនៅលើក្តារខៀន ។

បន្ទាប់ពីការទៅជួបលើកដំបូងនេះ ម្ចាស់ចម្ការបានចាត់វិធានការសំខាន់ពីរផ្សេងទៀត ដើម្បីជួយសង្រ្គោះដើមអូលីវស្រុករបស់គាត់ ៖

គាត់បានបង្គាប់ឲ្យកាត់មែកដែលពុករបស់ដើមអូលីវចេញ ហើយយកមែកខ្លះពីដើមអូលីវព្រៃទៅបំបៅជាប់នឹងដើមធំ ( សូមមើល យ៉ាកុប ៥:៧–១០) ។ ការបំបៅនេះអាចតំណាងឲ្យការខិតខំរបស់ព្រះអម្ចាស់ ដើម្បីជួយសាសន៍ដទៃឲ្យក្លាយជាផ្នែកមួយនៃរាស្ត្រក្នុងសេចក្តីសញ្ញារបស់ទ្រង់តាមរយៈពិធីបុណ្យជ្រមុជទឹក និងការប្រែចិត្តជឿ ។
គាត់បានយកមែកដ៏ទន់ខ្ចីៗពីដើមអូលីវធំ ហើយបំបៅវាជាប់ទៅជាផ្នែកផ្សេងៗនៃចម្ការ ( សូមមើល យ៉ាកុប ៥:៨, ១៣–១៤ ) ។ ការណ៍នេះអាចតំណាងឲ្យការខ្ចាត់ខ្ចាយនៃអ៊ីស្រាអែលទៅកាន់ផ្នែកផ្សេងៗនៃពិភពលោក ។ អ្នកខ្លះដែលត្រូវខ្ចាត់ខ្ចាយគឺសុចរិត ដូចជាគ្រួសាររបស់លីហៃ ( សូមមើល នីហ្វៃទី១ ១០:១២–១៣ ) ។ អ្នកខ្លះទៀតត្រូវខ្ចាត់ខ្ចាយដោយសារអំពើទុច្ចរិត ។

ផ្នែកនៅសល់នៃរូបាធិដ្ឋាននេះបង្ហាញពីការទៅជួបម្ចាស់ចម្ការដែលបានទៅមើលចម្ការរបស់គាត់នៅពេលក្រោយៗ ។ ការទៅមើលទាំងនេះអាចតំណាងឲ្យរយៈពេលផ្សេងៗគ្នានៅក្នុងប្រវត្តិសាស្ត្រពិភពលោក ។

សូមពិចារណាចែកសិស្សទៅជាគូៗ ឬក្រុមតូចៗ ហើយចាត់ក្រុមនីមួយៗនូវខគម្ពីរមួយឈុតៗខាងក្រោមនេះដើម្បីសិក្សា ។ បន្ទាប់មក សិស្សអាចរាយការណ៍ពីការរកឃើញរបស់ពួកគេទៅកាន់ថ្នាក់រៀន ។

សូមសិក្សាខគម្ពីរខាងក្រោមនេះ ដោយរកមើលអ្វីដែលបានកើតឡើងចំពោះដើមអូលីវធំ និងដើមអូលីវដែលនៅខ្ចាត់ខ្ចាយក្នុងអំឡុងពេលការទៅមើលម្តងៗ ។

ការទៅមើលលើកទីពីរ ( ជានិមិត្តរូបនៃជំនាន់របស់ព្រះយេស៊ូវគ្រីស្ទ ) ៖ យ៉ាកុប ៥:១៥–១៧, ១៩–២០, ២៣–២៨
ការទៅមើលលើកទីបី ( ជានិមិត្តរូបនៃការក្បត់សាសនាដ៏ធំ ) ៖ យ៉ាកុប ៥:២៩–៣២, ៣៨–៤១, ៤៦–៤៧

តើអ្នកបានកត់សម្គាល់អ្វីខ្លះអំពីស្ថានភាពដើម និងផ្លែអូលីវក្នុងអំឡុងពេលនៃការទៅមើលទាំងនេះ ?
តើអ្នកបានកត់សម្គាល់អ្វីខ្លះអំពីពាក្យសម្ដី និងសកម្មភាពរបស់ម្ចាស់ចម្ការក្នុងអំឡុងពេលនៃការទៅមើលទាំងនេះ ?
តើពាក្យសម្តី និងសកម្មភាពទាំងនេះបង្រៀនអ្នកអ្វីខ្លះអំពីព្រះយេស៊ូវគ្រីស្ទ ? ( សូមបន្ថែមការយល់ដឹងរបស់អ្នកទៅទំព័រកំណត់ហេតុរបស់អ្នក ) ។

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានចែកចាយមេរៀនមួយដែលយើងអាចរៀនអំពីព្រះពីខគម្ពីរទាំងនេះ ៖

រូបភាព
អែលឌើរ ជែហ្វ្រី អ័រ ហូឡិន

បន្ទាប់ពីជ្រួយគល់ និងដាក់ជី ស្រោចទឹក និងដកស្មៅ កាត់តម្រឹម កាត់លួស ផ្សាំ និងបំបៅហើយ ម្ចាស់ចម្ការដ៏អស្ចារ្យក៏បានទម្លាក់ប៉ែល និងកន្រ្តៃកាត់របស់គាត់ ហើយយំស្រែកទៅកាន់អ្នកណាដែលស្តាប់ថា « តើខ្ញុំអាចធ្វើអ្វីបានទៀត សម្រាប់ចម្ការរបស់ខ្ញុំទៅ ? » [ យ៉ាកុប ៥:៤១, ៤៩ ] ។

ឱ នោះជារូបភាពនៃការពាក់ព័ន្ធរបស់ព្រះនៅក្នុងជីវិតរបស់យើងដែលមិនអាចលុបចោលបានឡើយ ! ឱ ព្រះមាតាបិតាមានការព្រួយបារម្ភយ៉ាងណាទៅ នៅពេលបុត្រាបុត្រីរបស់ទ្រង់មិនជ្រើសរើសទ្រង់ ឬ « ដំណឹងល្អនៃព្រះ » [ រ៉ូម ១:១ ] ដែលទ្រង់បានបញ្ជូនមកនោះ ! ឱ វាងាយស្រួលយ៉ាងណាទៅ ដើម្បីស្រឡាញ់នរណាម្នាក់ដែលស្រឡាញ់តែយើងម្នាក់យ៉ាងខ្លាំងនោះ ! ( ជែហ្វ្រី អ័រ ហូឡិន « The Grandeur of God » Ensign ឬ Liahona ខែ វិច្ឆិកា ឆ្នាំ ២០០៣ ទំព័រ ៧២ )

តើអ្នកចាប់អារម្មណ៍អ្វីខ្លះពីសេចក្តីថ្លែងការណ៍នេះ ? ហេតុអ្វី ?

កិច្ចខិតខំជាបន្តបន្ទាប់របស់ម្ចាស់ចម្ការ

សូមអាន យ៉ាកុប ៥:៥១–៥៣ ដោយរកមើលអ្វីដែលម្ចាស់ចម្ការបានជ្រើសរើសធ្វើ បន្ទាប់ពីបានឃើញដើមអូលីវរបស់គាត់ស្ថិតក្នុងសភាពពុក ។

តើខគម្ពីរទាំងនេះបង្រៀនអ្នកអ្វីខ្លះអំពីព្រះអម្ចាស់ ? ( សូមបន្ថែមការយល់ដឹងរបស់អ្នកទៅទំព័រកំណត់ហេតុរបស់អ្នក ) ។
តើអ្នកនឹងសង្ខេបមេរៀនដែលអ្នកបានរៀនមកពី យ៉ាកុប ៥ ជាសេចក្តីថ្លែងការណ៍មួយអំពីសេចក្តីពិតដោយរបៀបណា ?

សេចក្តីពិតមួយដែលយើងអាចរៀនពី យ៉ាកុប ៥ គឺថា ព្រះអម្ចាស់ស្រឡាញ់បុត្រាបុត្រីរបស់ព្រះវរបិតាសួគ៌ទាំងអស់ ហើយបន្តយកព្រះទ័យទុកដាក់លើពួកគេ ទោះបីជាពួកគេងាកចេញពីទ្រង់ក៏ដោយ ។

តើសេចក្ដីពិតនេះអាចជួយបុគ្គលម្នាក់ឲ្យទទួលអារម្មណ៍ចង់ប្រែចិត្តកាន់តែខ្លាំងឡើងដោយរបៀបណា ?
តើមានគំរូអ្វីខ្លះមកពីព្រះគម្ពីរ ឬពីជីវិតរបស់អ្នក ដែលបង្ហាញពីរបៀបដែលព្រះអម្ចាស់បន្តស្រឡាញ់ និងយកព្រះទ័យទុកដាក់ចំពោះមនុស្សសូម្បីតែបន្ទាប់ពីពួកគេងាកចេញពីទ្រង់ក៏ដោយ ?

សូមគិតពីរបៀបដែលអ្វីអ្នកបានរៀន និងទទួលអារម្មណ៍នៅថ្ងៃនេះ អាចជះឥទ្ធិពលលើជីវិតរបស់អ្នក ។ សូមពិចារណាកត់ត្រាចំណាប់អារម្មណ៍របស់អ្នកនៅក្នុងកំណត់ហេតុការសិក្សារបស់អ្នក ។

វិចារណកថា និងព័ត៌មានសាច់រឿង

តើអ្វីទៅជានិមិត្តរូប និងអត្ថន័យបន្ថែមដែលអាចមាននៅក្នុង យ៉ាកុប ៥ ?

ខាងក្រោមនេះផ្តល់នូវទិដ្ឋភាពទូទៅជាមូលដ្ឋាននៃសេចក្ដីលម្អិត និងនិមិត្តរូបនៃរូបាធិដ្ឋាននៅក្នុង យ៉ាកុប ៥ ។

រូបភាព

តារាងរូបាធិដ្ឋានអំពីដើមអូលីវ

និមិត្តរូប	អត្ថន័យដែលអាចមាន
និមិត្តរូប ឫសនៃដើមអូលីវស្រុក	អត្ថន័យដែលអាចមាន បុគ្គលដែលព្រះអម្ចាស់បានចុះសេចក្ដីសញ្ញាពីបុរាណដូចជា អ័ប្រាហាំ អ៊ីសាក និងយ៉ាកុប ( សូមមើល យ៉ាកុប ៦:៤ ) និងសេចក្ដីសញ្ញាដែលព្រះអម្ចាស់ធ្វើជាមួយអ្នកដែលដើរតាមទ្រង់ផងដែរ
និមិត្តរូប ផ្លែអូលីវ	អត្ថន័យដែលអាចមាន ជីវិត ឬកិច្ចការរបស់មនុស្ស
និមិត្តរូប ការជ្រួយគល់ ការកាត់លួស ការដាក់ជី ( ដាក់ជី )	អត្ថន័យដែលអាចមាន ការខិតខំរបស់ព្រះអម្ចាស់ជាមួយបុត្រាបុត្រីរបស់ទ្រង់
និមិត្តរូប ការផ្សាំមែកឈើ	អត្ថន័យដែលអាចមាន ការខ្ចាត់ខ្ចាយនៃក្រុមនានាទៅពាសពេញជុំវិញពិភពលោក ឬស្ដារពួកគេទៅទីតាំងដើមរបស់ពួកគេ
និមិត្តរូប ការបំបៅ	អត្ថន័យដែលអាចមាន ការខ្ចាត់ខ្ចាយ និងការប្រមូលផ្តុំរាស្ត្រនៃសេចក្ដីសញ្ញារបស់ព្រះអម្ចាស់ ព្រមទាំង ការប្រែចិត្តជឿនៃអ្នកដែលក្លាយជាផ្នែករាស្ត្រនៃសេចក្ដីសញ្ញារបស់ព្រះអម្ចាស់ ( ការបំបៅភ្ជាប់មែកព្រៃទៅនឹងដើមអូលីវស្រុក )
និមិត្តរូប មែកដែលពុក	អត្ថន័យដែលអាចមាន អំពើទុច្ចរិត និងការក្បត់សាសនា
និមិត្តរូប ការបោះមែកអូលីវទៅក្នុងភ្លើង	អត្ថន័យដែលអាចមាន ការជំនុំជម្រះរបស់ព្រះដល់ពួកទុច្ចរិត

តើព្រះរង់ចាំស្រឡាញ់ខ្ញុំរហូតដល់ខ្ញុំយកឈ្នះលើភាពទន់ខ្សោយរបស់ខ្ញុំទេ ?

ប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយបានបង្រៀន ៖

រូបភាព
ប្រធាន ឌៀថើរ អេហ្វ អុជដូហ្វ

ព្រះស្រឡាញ់អ្នកថ្ងៃនេះ និងជានិច្ច ។

ទ្រង់មិនបានរង់ចាំដើម្បីស្រឡាញ់អ្នក ដរាបណាអ្នកបានយកឈ្នះលើភាពទន់ខ្សោយ និងទម្លាប់អាក្រក់របស់ខ្លួននោះទេ ។ ទ្រង់ស្រឡាញ់អ្នកនៅថ្ងៃនេះ ដោយបានជ្រាបគ្រប់យ៉ាងពីឧបសគ្គរបស់អ្នក ។… ទ្រង់ជ្រាបពីការរងទុក្ខរបស់អ្នក ។ ទ្រង់ជ្រាបពីវិប្បដិសារីរបស់អ្នកចំពោះគ្រាដែលអ្នកខ្វះខាត ឬបានបរាជ័យ ។ ហើយទ្រង់នៅតែស្រឡាញ់អ្នក ។ ( ឌៀថើរ អេហ្វ អុជដូហ្វ « Living the Gospel Joyful » Ensign ឬ Liahona ខែ វិច្ឆិកា ឆ្នាំ ២០១៤ ទំព័រ ១២៣ )

តើរូបាធិដ្ឋាននៃដើមអូលីវអាចជួយខ្ញុំឲ្យយល់អ្វីខ្លះអំពីដង្វាយធួនរបស់ព្រះអង្គសង្គ្រោះ ?

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ ៖

រូបភាព
អែលឌើរ ជែហ្វ្រី អ័រ ហូឡិន

ដូចយ៉ាកុបបានរៀបរាប់ឡើងវិញគឺតាំងពីដើមដំបូងមក រូបាធិស្ឋាននេះមានបំណងចង់និយាយអំពីព្រះគ្រីស្ទ ។…

ទោះបីជាម្ចាស់ចម្ការ និងពួកអ្នកធ្វើការរបស់គាត់ខិតខំទល់ដើមកុំឲ្យរលំ កាត់លួស បន្សុទ្ធ ហើយនៅសភាពផ្សេងទៀត ធ្វើឲ្យដើមអូលីវរបស់ពួកគេមានផលផ្លែ ក្នុងបរិមាណស្នើនឹងសៀវភៅប្រវត្តិសាស្ត្រមួយជំពូកពីការខ្ចាត់ខ្ចាយ និងការប្រមូលផ្តុំនៃអ៊ីស្រាអែល ដែលមានអត្ថន័យកាន់តែជ្រាលជ្រៅអំពីដង្វាយធួនដែលគាំទ្រ និងត្រួតត្រាលើការងាររបស់ពួកគេ ។ ថ្វីបើមានការកាត់ និងការបំបៅភ្ជាប់ និងការដាក់ជីដែលលាយបញ្ចូលគ្នា និងផ្សំដើមអូលីវនៅស្ទើរតែគ្រប់ផ្នែកនៃចម្ការក៏ដោយ ក៏វាកំពុងនាំពួកគេត្រឡប់ទៅប្រភពរបស់ពួកគេវិញ ដែលជាប្រធានបទសំខាន់នៃរូបាធិដ្ឋាននេះ ។ ការត្រឡប់មកវិញ ការប្រែចិត្ត ការរួបរួមគ្នាឡើងវិញ—នៅពេលតែមួយ—នេះគឺជាសារទាំងមូល ។ ( ជែហ្វ្រី អ័រ ហូឡិន Christ and the New Covenant [ ឆ្នាំ ១៩៩៧ ] ទំព័រ ១៦៥ )

សកម្មភាពរៀនសូត្របន្ថែម

ការទាញយកព្រះចេស្តារបស់ព្រះអម្ចាស់តាមរយៈសេចក្ដីសញ្ញា

ឫសនៃដើមអូលីវនៅក្នុងរូបាធិស្ឋាននេះគឺជានិមិត្តរូបដ៏មានឥទ្ធិពលនៃសេចក្ដីសញ្ញារបស់ព្រះអម្ចាស់ជាមួយយើង ។ សូមអញ្ជើញសិស្សឲ្យស្វែងរកពាក្យ « ឫស » នៅក្នុង យ៉ាកុប ៥—ពាក្យនេះមាននៅក្នុង យ៉ាកុប ៥:១១, ៣៤–៣៧, ៤៨, ៥៣–៥៤, ៥៩–៦០, ៦៥ ។ សិស្សអាចសិក្សាវគ្គបទគម្ពីរទាំងនេះ ហើយឆ្លើយសំណួរដូចតទៅនេះ ៖ តើឫសធ្វើអ្វីខ្លះសម្រាប់ដើមឈើ ? តើការណ៍នេះស្រដៀងនឹងអ្វីដែលសេចក្ដីសញ្ញារបស់ព្រះអម្ចាស់អាចធ្វើសម្រាប់យើងបាន នៅពេលយើងរក្សាវាយ៉ាងដូចម្ដេច ? តើពេលណាដែលអ្នក ឬនរណាម្នាក់ដែលអ្នកស្គាល់បានដកពិសោធនឹងអំណាចចិញ្ចឹមបីបាច់ និងពង្រឹងដល់សេចក្តីសញ្ញា ?

ការប្រែសម្រួលវីដេអូ

សូមពិចារណាប្រើវីដេអូខាងក្រោមដើម្បីបង្ហាញផ្នែកផ្សេងៗនៃរូបាធិដ្ឋាននៃដើមអូលីវមកពី យ៉ាកុប ៥ ។

សូមមើល « Old Testament Olive Vineyard » ( ៦:៥១ ) បន្ទាប់ពីសិស្សអាន យ៉ាកុប ៥:១–៣ ។

សូមមើល « Vineyard at the Time of Christ » ( ២:០៨ ) បន្ទាប់ពីសិស្សសិក្សា យ៉ាកុប ៥:៤–១៤ ខ្លះៗ ឬទាំងអស់ ។

សូមមើល « Nethermost Parts of the Vineyard » ( ១:១៥ ) បន្ទាប់ពីសិស្សសិក្សា យ៉ាកុប ៥:១៥–២៨ ខ្លះៗ ឬទាំងអស់ ។

សូមមើល « All Fruit of the Vineyard Is Corrupt » ( ១:១៩ ) បន្ទាប់ពីសិស្សសិក្សា យ៉ាកុប ៥:២៩–៤០ ខ្លះៗ ឬទាំងអស់ ។

សូមមើល « The Olive Tree » ( ២:៣៣ ) បន្ទាប់ពីសិស្សសិក្សាផ្នែកនានានៃ យ៉ាកុប ៥:៤១–៧៧ ។

ចំណាំ ៖ វីដេអូនេះអាចត្រូវបានប្រើនៅក្នុងមេរៀនបន្ទាប់ ជាជាងនៅក្នុងមេរៀននេះ ។