2 Nephi 4

Ang Salmo ni Nephi

Nephi Nag-ampo

Ang matag usa moatubang og tintasyon ug mobati og kaguol o pagkadismaya usahay. Si propeta Nephi mibati usab niini nga paagi. Human makasinati sa kamatayon sa iyang amahan, si Lehi, ug sa pag-atubang sa iyang nasuko nga mga igsoon, si Nephi misulat mahitungod sa pipila sa iyang lawom nga mga pagbati. Iyang gipahayag ang iyang kalipay ingon man ang iyang kasubo. Ang iyang ehemplo nagpakita kanato kon sa unsang paagi kita modangop sa Ginoo kon makasinati kita sa mga hagit sa mortalidad. Kini nga leksiyon makatabang kanimo nga matinud-anon nga mosanong sa tintasyon ug kawalay kadasig pinaagi sa pagdangop ngadto sa Ginoo.

Pagdapit sa mga tigkat-on sa pagpaambit sa ilang mga pagbati, mga kasinatian, ug mga pagpamatuod. Ang matag indibidwal sa imong klase makatampo. Samtang imong tabangan ang mga estudyante sa pagpaambit sa ilang mga pagbati, mga kasinatian, ug mga pagpamatuod, sila makapanalangin sa mga kinabuhi niadtong nagpalibot kanila. Ang matag usa diha sa klase mahimong mapalig-on pinaagi sa Espiritu Santo.

Pagpangandam sa estudyante: Ikonsiderar ang pagdapit sa mga estudyante sa pagpangayo og tabang sa Dios sa usa ka tintasyon o hagit nga ilang giatubang.

Mga Posibleng Kalihokan sa Pagkat-on

Mga hagit sa mortalidad

Usa ka paagi sa pagsugod sa leksiyon mao ang paghisgot sa mga hagit sa kinabuhi nga komon sa tanan. Pananglitan, kitang tanan mag-atubang og tintasyon ug mobati og kaguol o kasagmuyo usahay. Ikonsiderar ang paghatag og panahon sa mga estudyante sa hilom nga pagpamalandong sa mosunod nga mga pangutana. Mahimo usab nga isulat sa mga estudyante sa ilang journal ang usa ka piho nga tintasyon o rason nga sila mobati og kawalay kadasig.

• Ngano sa imong hunahuna nga ang matag usa matintal ug mobati og kawalay kadasig usahay?

• Sa sukod nga 1 ngadto sa 10, unsa ka kamaayo sa imong gibati sa pagdumala niining mga kalisdanan?

• Sa unsang paagi mapanalanginan ang imong kinabuhi kon mas makahimo ka sa pagbuntog sa tintasyon ug pagkawalay kadasig?

Ang salmo ni Nephi

Basaha ang 2 Nephi 4:12–13, 18, nga mangita sa pipila ka mga hagit nga giatubang ni Nephi.

• Unsa sa imong hunahuna ang pagbati nga gimugna niini nga mga hagit ngadto kang Nephi?

Ang mga bersikulo sa 2 Nephi 4:16–35 kasagaran nga gitawag og salmo ni Nephi. Ang salmo “[usa ka] madasigon nga balak o himno” (Giya ngadto sa mga Kasulatan, “Salmo,” scriptures.ChurchofJesusChrist.org). Niini nga mga bersikulo si Nephi misulat mahitungod sa pipila sa iyang pinakalawom nga mga pagbati. Gipaambit niya ang iyang mga hagit ug kon giunsa niya pagsanong ang tintasyon ug ang kawalay kadasig. Samtang magtuon ka niini nga mga bersikulo, tinguhaa ang inspirasyon pinaagi sa Espiritu Santo aron makahibalo kon unsay imong mahimo sa piho nga mga hagit nga imong giatubang.

Mahimo nimong hinumduman ang upat ka mga lakang aron matabangan ka nga mapahisama ang mga kasulatan sa imong kinabuhi:

1. Pangitag importanteng mga detalye.

2. Paghimo og mga pagtandi sa imong kinabuhi.

3. Pagkaplag og bililhong mga leksiyon.

4. Tinoa ang personal nga paggamit.

Hatagi ang mga estudyante og kopya sa handout aron matubagan sa tagsa-tagsa. Laing opsiyon mao ang pagkompleto sa unang duha ka laray isip usa ka klase ug dayon bahinon ang kataposang tulo ka laray sa mga grupo ug ipareport sa matag grupo ang unsay ilang nakat-onan.

Ang mga estudyante mahimong awhagon sa pagsulat og personal nga mga hunahuna ug mga pagbati mahitungod niini nga mga bersikulo diha sa ilang mga kasulatan.

© 2024 by Intellectual Reserve, Inc. All rights reserved. 2 Nephi 4:16–35. Ikonsiderar ang pagpangutana sa pipila sa mosunod nga mga pangutana.

Pipila sa mga pamahayag sa seksiyon nga “Komentaryo ug Background nga Impormasyon” mahimong makapauswag sa panaghisgotan.

Ang Salmo ni Nephi ug Ako (2 Nephi 4:16–35)

Manwal sa Magtutudlo sa Basahon ni Mormon (2024)—“2 Nephi 4: Salmo ni Nephi”

	Ang Kasinatian ni Nephi	Akong Kasinatian
2 Nephi 4:16	Ang Kasinatian ni Nephi Unsa ang gibati ni Nephi?	Akong Kasinatian Kanus-a man ako adunay susama nga mga pagbati?
2 Nephi 4:17–19	Ang Kasinatian ni Nephi Unsa ang gibati ni Nephi?	Akong Kasinatian Kanus-a man ako adunay susama nga mga pagbati?
2 Nephi 4:20–25	Ang Kasinatian ni Nephi Unsa nga mga kasinatian diha sa Dios ang nakatabang ni Nephi sa pagsanong nga matinud-anon sa iyang mga pagtintal ug pagkawalay kadasig?	Akong Kasinatian Unsa ang pipila ka espirituwal nga mga kasinatian nga mahimo nakong mahinumduman kon ako gitintal o nawad-an og kadasig?
2 Nephi 4:26–29	Ang Kasinatian ni Nephi Unsa nga mga matang sa mga hunahuna ang nakatabang ni Nephi nga magmalig-on kon mobati og pagtintal o kawalay kadasig?	Akong Kasinatian Unsa nga mga matang sa mga hunahuna ang makatabang kanako nga mahimong magmalig-on kon mobati og pagtintal o kawalay kadasig?
2 Nephi 4:30–35	Ang Kasinatian ni Nephi Unsa ang nakapadayeg kanako sa pag-ampo ni Nephi?	Akong Kasinatian Unsaon nako paggamit ang ehemplo ni Nephi sa akong kaugalingong mga pag-ampo?

• Unsa nga mga bersikulo o hugpong sa mga pulong sa 2 Nephi 4 ang mipatigbabaw diha kanimo? Ngano man?

• Unsa ang imong nakat-onan mahitungod sa Manluluwas diha sa 2 Nephi 4?

• Sa unsang paagi nga ang pagpahisama sa mga kasulatan ngadto sa imong kinabuhi nakaimpluwensiya sa imong pagtuon sa 2 Nephi 4?

• Unsa ang pipila ka mga baroganan ang imong naila?

  Isip kabahin sa panaghisgotan, tabangi ang mga estudyante sa pag-ila sa nagkalain-laing mga baroganan. Pananglitan:

  • Ang pagsalig sa Ginoo ug paghinumdom sa nangaging espirituhanong mga kasinatian makatabang nako nga magmatinud-anon nga mosanong sa tintasyon ug kawalay kadasig.

  • Kon kinasingkasing kong mag-ampo sa Dios, makadawat ko sa Iyang tabang kon matintal ko ug mawad-an sa kadasig.

• Sa unsang paagi sa imong hunahuna kini nga mga baroganan makatabang kanimo sa pagdangop ngadto sa Ginoo kon ikaw gitintal o nawad-an sa kadasig?

Ang akong plano sa pagbuntog sa tintasyon ug kawalay kadasig

Aron matabangan ang mga estudyante nga makita kon giunsa sa uban pagdangop sa Ginoo sa mga panahon sa pagsulay, ikonsiderar ang pagpasalida sa usa sa mga bidyo nga gisugyot sa seksiyon sa “Dugang nga mga Kalihokan sa Pagkat-on.”

Ikonsiderar ang pagdapit sa mga estudyante sa paghisgot sa dihang sila midangop sa Ginoo sa malisod nga panahon.

Sunda ang ehemplo ni Nephi ug isulat ang imong kaugalingon nga salmo. Ang pipila sa mosunod nga mga pangutana makatabang:

• Unsa nga baroganan, pagtudlo, o (mga) bersikulo gikan sa 2 Nephi 4 ang imong magamit sa imong kinabuhi?

• Unsaon nimo kini paggamit sa imong kinabuhi?

• Sa unsang paagi sa imong hunahuna ang pagbuhat niini makatabang kanimo sa pagdangop ngadto sa Manluluwas?

• Kon ang kinabuhi magkalisod, unsaon man nimo pagsanong nga may hugot nga pagtuo diha sa Manluluwas?

Dapita ang mga estudyante nga buot mopaambit sa ilang salmo ngadto sa klase. Ikonsiderar ang pagpaambit sa imong pagpamatuod bahin sa Manluluwas. Mahimong makatabang ang pagpahinumdom sa mga estudyante nga moatubang sila og mga babag ug sa kasagaran kinahanglang mohimo og balik-balik nga pagsulay sa pagbuntog niini. Bisan pa man, pinaagi sa grasya ni Jesukristo, makadawat sila og kusog sa pagbuntog o paglahutay sa tanang butang.

Komentaryo ug Background nga Impormasyon

Sa unsang paagi makatabang kanako ang paghinumdom sa nangaging espirituhanong mga kasinatian?

Si Elder Neil L. Andersen sa Korum sa Napulog Duha ka Apostoles mitudlo:

Elder Neil L. Andersen

Kauban sa malinawong direksiyon nga atong nadawat gikan sa Espiritu Santo, sa matag karon ug unya, ang Dios sa impluwensyal ug sa personal kaayo nga paagi miseguro sa matag usa kanato nga Siya nakaila ug nahigugma kanato ug Siya nanalangin kanato sa piho ug sa dayag nga paagi. Dayon, sa atong mga kalisdanan, kining mga kasinatian ibalik sa Manluluwas diha sa atong hunahuna. …

Tingali maghunahuna kamo sa inyong mga espirituhanong panumduman niini nga paagi. Pinaagi sa kanunay nga pag-ampo, determinasyon sa pagtuman sa atong mga pakigsaad, ug sa gasa sa Espiritu Santo, gidumala nato ang atong dalan sa kinabuhi. Kon ang personal nga kalisdanan, pagduhaduha, o pagkaluya mopangitngit sa atong dalan, o kon ang mga kahimtang sa kalibotan nga lapas sa atong pagkontrolar mopahunahuna kanato sa umaabot, ang espirituhanong panumduman nga angay hinumduman gikan sa libro sa atong kinabuhi mahisama sa sanag nga mga bato nga modan-ag sa unahan, nagsiguro kanato nga ang Dios nakaila ug nahigugma kanato, ug mipadala sa Iyang Anak, si Jesukristo, sa pagtabang kanato nga makabalik sa panimalay. (Neil L. Andersen, “Mga Espirituhanong Panumduman nga Angay Hinumduman,” Liahona, Mayo 2020, 19, 21)

Si Elder Ronald A. Rasband sa Korum sa Napulog Duha ka Apostoles mitudlo:

Elder Ronald A. Rasband

Akong pag-awhag kaninyo karon, nga hinumduman, ilabi na gayod sa panahon sa kalisod, ang panahon nga inyong nabati ang Espiritu ug ang inyong pagpamatuod lig-on; hinumdumi ang espirituhanon nga mga pundasyon nga inyong natukod. (Ronald A. Rasband, “Kay Tingali Lamang Unya Mahakalimot Ka,” Liahona, Nob. 2016, 114)

Unsaon nako pagbuntog ang tintasyon ug kawalay kadasig?

Si Elder Jeffrey R. Holland sa Korum sa Napulog Duha ka Apostoles mitudlo:

Elder Jeffrey R. Holland

Kon mag-atubang man kita … og mga tintasyon sa atong panahon, kinahanglang mopahayag kita, sama sa gibuhat sa batan-ong Nephi, “[Ako] dili na mohatag og luna sa kaaway sa akong kalag” [2 Nephi 4:28]. Mahimo natong isalikway ang dautan. Kon gustuhon gayod nato ug sa tinud-anay gayod, kana nga kaaway mahimo nga mabadlong pinaagi sa matubsanong gahom ni Ginoong Jesukristo. (Jeffrey R. Holland, “Walay Luna alang sa Kaaway sa Akong Kalag,” Liahona, Mayo 2010, 46)

Si Elder Allen D. Haynie sa Seventy mitudlo:

Elder Allen D. Haynie

Mga kaigsoonan, kon nawad-an kamo og kadasig o naghunahuna kon mapasaylo pa ba kaha mo sa tanan ninyong mga sala, palihog hinumdumi kon kinsa ang nagbarog “taliwala [kanato] ug sa kaangayan,” kinsa “napuno sa kapuangod ngadto sa mga katawhan,” ug kinsa midala diha sa Iyang kaugalingon sa atong mga kadautan ug mga kalapasan ug “nakatagbaw sa mga gipangayo sa kaangayan” [Mosiah 15:9]. Sa laing pagkasulti, sama sa gibuhat ni Nephi sa panahon sa iyang pagduha-duha, yanong mahinumdom kon “kang kinsa [kamo] mosalig,” [2 Nephi 4:19], nga mao si Jesukristo, ug dayon maghinulsol ug makasinati pag-usab og “usa ka hingpit nga kahayag sa paglaom” [2 Nephi 31:20]. (Allen D. Haynie, “Paghinumdom kang Kinsa Kita Mosalig,” Liahona, Nob. 2015, 123)

Dugang nga mga Kalihokan sa Pagkat-on

Mga Bidyo

2 Nephi 4:17, 19. “Bisan pa niana”

Daniha ang atensiyon sa mga estudyante ngadto sa pulong nga “bisan pa niana” sa 2 Nephi 4:17, 19. Matikdi ang kausaban sa mga pagbati nga gipahayag ni Nephi sa wala pa ug sa pagkahuman niini nga pulong. Hisgoti kon unsay makat-onan sa mga estudyante gikan sa mga kasinatian ug ehemplo sa kinabuhi ni Nephi.

2 Nephi 4:17. “O pagkaalaot ko nga tawo”

Mahimong makaayo sa mga estudyante ang pagtandi ni Nephi ug ni Apostol Pablo. Tan-awa sa 2 Nephi 4:17–19; Mga Taga-Roma 7:22–25; 2 Mga Taga-Corinto 12:7–10. Hisgoti kon sa unsang paagi si Jesukristo makatabang kanatong tanan sa pagbuntog sa atong kahuyang. Mahimong makatabang ang pagpasabot nga kon mas duol kita sa Langitnong Amahan, mas sensitibo kita sa mga pagtipas gikan sa pagkamatarong.

2 Nephi 4:15. “Ang akong kalag nalipay sa mga kasulatan”

Dapita ang mga estudyante sa pagpaambit sa mga kasulatan nga ilang gikalipay. Mahimong isulat sa mga estudyante sa pisara ang mga pakisayran sa kasulatan ug hisgotan kon nganong makahuluganon kini nga mga tudling ngadto kanila. Dugang pa, ang mga estudyante mahimong dapiton sa pagpaambit og pinili nga bersikulo ngadto sa pamilya o mga higala diha sa home evening, sa text message, o sa social media.

2 Nephi 4:15–16. “Sa mga butang sa akong kalag”

Ikonsiderar ang pagdapit sa mga estudyante sa paghunahuna og maayo ug pagsulat sa mga butang sa ilang kalag. Sa pagsugod niini nga kalihokan, mahimo nimong ipaambit kini nga pamahayag ni Elder Ronald A. Rasband sa Korum sa Napulog Duha ka Apostoles, diin iyang gikutlo si Nephi:

“‘Tan-awa, ang akong kalag nalipay sa mga butang sa Ginoo; ug ang akong kasingkasing nagpalandong sa kanunay diha sa mga butang diin ako nakakita ug nakadungog’” [2 Nephi 4:16].

“Ang mga pulong ni Nephi makaaghat og mga pangutana nga ‘Unsa nga mga butang ang inyong gipamalandongan?’ ‘Unsa nga mga butang ang mahinungdanon gayod kaninyo?’ ‘Unsa ang mga butang sa inyong kalag?’” (“Ang mga Butang sa Akong Kalag,” Liahona, Nob. 2021, 39).

Nephi’s Psalm and me handout