Rebyo 2 sa Doktrinal nga Kahanas sa Basahon ni Mormon

Isag-ulo ang mga Pakisayran ug mga Mahinungdanon nga Hugpong sa mga Pulong sa Kasulatan

Ang paghinumdom sa mga tudling sa kasulatan ug unsay gitudlo niini makatabang nimo sa daghang paagi. Kini nga leksiyon gituyo aron sa pagtabang kanimo sa pagsag-ulo sa mga pakisayran sa kasulatan ug sa mahinungdanon nga hugpong sa mga pulong sa kasulatan alang sa pipila ka mga tudling sa doktrinal nga kahanas sa Basahon ni Mormon.

Pag-awhag og mga kalihokan sa pagrebyo sa doktrinal nga kahanas.Ang mga kalihokan sa pagrebyo sa doktrinal nga kahanas makatabang sa mga estudyante sa pagsag-ulo sa mahinungdanon nga hugpong sa mga pulong sa kasulatan. Pinaagi sa pagbuhat niini nga mga kalihokan kanunay, ang mga estudyante makakat-on niini nga mga hugpong sa mga pulong. Mahimo nimong awhagon ang imong mga estudyante sa pagpadayon sa pagtuon sa mga tudling sa doktrinal nga kahanas sa gawas sa klase.

Pagpangandam sa estudyante: Dapita ang mga estudyante sa pagpamalandong ug pag-andam sa paghisgot sa bisan unsang mga tudling sa kasulatan nga nakatabang nila sa ilang mga kinabuhi.

Mga Posibleng Kalihokan sa Pagkat-on

Usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa area o region director o koordinitor aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Paggamit sa mga kasulatan sa pagpakigbahin sa ebanghelyo

Hunahunaa nga usa sa imong mga higala adunay mga pangutana mahitungod sa pipila sa imong mga gituohan isip miyembro sa Ang Simbahan ni Jesukristo sa mga Santos sa Ulahing mga Adlaw, lakip ang imong mga pagtuo mahitungod ni Jesukristo, sa atong katuyoan dinhi sa yuta, ug sa mga sugo sa Dios. Dihang naghunahuna ka kon unsaon nimo sa pagtubag, nakahukom ka nga gusto nimong ipakita kaniya ang mga kasulatan gikan sa Basahon ni Mormon aron makatabang sa pagtubag sa iyang mga pangutana.

• Makahunahuna ka ba og makatabang nga mga tudling gikan sa Basahon ni Mormon nga mahimo nimong ipakita sa imong higala?

• Sa unsang paagi nga ang pagkahibalo sa mga tudling sa doktrinal nga kahanas ug sa ilang mahinungdanon nga hugpong sa mga pulong sa kasulatan makatabang kanimo sa mga sitwasyon nga sama niini?

Ikonsiderar ang pagpangutana sa mga estudyante kon nakaagi na ba sila sa mga sitwasyon nga sama niini ug sa pagpaambit kon unsa ang ilang kasinatian. Mahimong gamiton sa mga estudyante ang ilang pagpangandam sa leksiyon isip kabahin niini nga panaghisgotan.

Kini nga leksiyon makatabang nimo sa pagsag-ulo sa mga pakisayran sa kasulatan ug sa mahinungdanon nga hugpong sa mga pulong sa kasulatan alang sa mga tudling sa doktrinal nga kahanas nga imong tun-an karong tuiga. Ang pagsag-ulo niini nga mga pakisayran sa kasulatan ug hugpong sa mga pulong makatabang kanimo sa imong kinabuhi ug sa imong mga paningkamot sa pagpaambit sa imong mga gituohan ngadto sa uban. Sa ubos mao ang lista sa unang 12 ka mga tudling sa doktrinal nga kahanas sa Basahon ni Mormon uban sa ilang mahinungdanon nga hugpong sa mga pulong sa kasulatan.

Aron matabangan ka sa pagtino kon pila ka mga tudling sa doktrinal nga kahanas ang hatagan og gibug-aton niini nga leksiyon, hunahunaa ang oras nga anaa ug ang mga panginahanglanon sa mga estudyante. Ipakita ang mosunod nga tsart aron ang mga estudyante makadangop niini hangtod makompleto nila ang ilang mga kard.

Unang 12 ka mga Tudling sa Doktrinal nga Kahanas ug Mahinungdanon nga Hugpong sa mga Pulong

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan 1 Nephi 3:7	Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.”
Pakisayran sa Kasulatan 2 Nephi 2:25	Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.”
Pakisayran sa Kasulatan 2 Nephi 2:27	Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.”
Pakisayran sa Kasulatan 2 Nephi 26:33	Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.”
Pakisayran sa Kasulatan 2 Nephi 28:30	Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.”
Pakisayran sa Kasulatan 2 Nephi 32:3	Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.”
Pakisayran sa Kasulatan 2 Nephi 32:8–9	Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.”
Pakisayran sa Kasulatan Mosiah 2:17	Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”
Pakisayran sa Kasulatan Mosiah 2:41	Mahinungdanon nga Hugpong sa mga Pulong sa Kasulatan “[Kadtong] naghupot sa mga sugo sa Dios … bulahan sa tanan nga mga butang.”
Pakisayran sa Kasulatan Mosiah 3:19	Mahinungdanon nga Hugpong sa mga Pulong sa Kasulatan “[Isalikway] ang iyang kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.”
Pakisayran sa Kasulatan Mosiah 4:9	Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.”
Pakisayran sa Kasulatan Mosiah 18:8–10	Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.”

Mga kard sa paghinumdom [memory card]

Ipahiangay ang mosunod nga mga instruksiyon base sa kon hain nga mga tudling sa doktrinal nga kahanas ang tun-an diha sa leksiyon. Ang mga estudyante nga adunay access sa elektronik nga mga himan [electronic device] mahimong mogamit og app o programa sa paghimo sa mga kard. Kay kon dili, iapod-apod ang duha ka piraso nga papel ngadto sa matag estudyante alang niini nga kalihokan.

Paggahin og panahon sa paghimo og set sa kard sa paghinumdom [memory card] nga imong magamit sa tibuok tuig. Ibutang ang pakisayran sa kasulatan sa doktrinal nga kahanas sa usa ka bahin sa matag kard ug ang mahinungdanon nga hugpong sa mga pulong sa kasulatan sa pikas nga bahin. Paghimo og mga kard sa paghinumdom [memory card] para sa tanang 12 ka mga tudling sa doktrinal nga kahanas nga nalista sa tsart.

Kon gikinahanglan, gamita ang mosunod nga mga instruksiyon aron matabangan ka sa paghimo sa imong mga kard sa paghinumdom [memory card]:

Ikonsiderar ang pagpakita sa mosunod nga mga instruksiyon alang sa mga estudyante aron kadangpan samtang maghimo sila sa ilang mga kard sa paghinumdom.

Lakang 1: Paghimo og 12 ka mga kard

Gamit ang tibuok bahin sa usa ka pirasong papel, pagdrowing og linya paubos diha sa tunga-tunga sa papel aron makahimo og duha ka kolum. Dayon pagdrowing og duha ka pinahigda nga linya babag sa papel aron makamugna og tulo ka kahon nga managsama ang gidak-on sa matag kolum, maghatag kanimo og kinatibuk-ang unom ka kahon. Tan-awa ang mosunod nga hulagway para sa usa ka pananglitan kon unsa dapat ang hitsura sa imong panid:

Walay sulod nga talaan

Baliha ang papel ug buhata ang susama niana nga bahin. Balika kini nga proseso sa lain nga piraso sa papel aron mahimo ang 12 ka mga kahon nga imong gikinahanglan.

Lakang 2: Isulat ang pakisayran sa kasulatan sa doktrinal nga kahanas sa usa ka bahin

Sa usa ka bahin sa imong duha ka papel, pagsulat og pakisayran sa kasulatan gikan sa tsart sa matag kahon. Agi og dugang sa pakisayran sa kasulatan, mahimo ka usab nga magdrowing og usa ka yano nga hulagway nga makatabang kanimo sa paghinumdom sa mahinungdanon nga hugpong sa mga pulong sa kasulatan.

Lakang 3: Isulat ang mahinungdanon nga hugpong sa mga pulong sa kasulatan sa pikas nga bahin

Baliha ang imong mga papel, ug isulat sa matag kahon ang mahinungdanon nga hugpong sa mga pulong sa kasulatan nga motakdo sa pakisayran sa kasulatan sa pikas nga bahin.

Lakang 4: Guntinga ang imong mga kard

Guntinga ang matag usa sa mga kahon nga imong gihimo nga mga kard.

Ikonsiderar ang pagtunga sa mga estudyante ngadto sa managparesan aron sa paggamit sa ilang mga kard sa pagsugod sa pagsag-ulo sa pipila o sa tanan nga mga pakisayran sa kasulatan sa doktrinal nga kahanas ug mahinungdanon nga mga hugpong sa mga pulong sa kasulatan. Ang mga estudyante mahimong magpuli-puli sa paghatag og pasulit sa usag usa, mogamit sa duha ka set sa mga kard sa paghimo og usa ka pagpares nga dula, o maghimo og laing kalihokan.

Mahimo usab nimong dapiton ang mga estudyante sa pagbasa sa pipila o sa tanan niini nga mga tudling sa doktrinal nga kahanas sa ilang mga kasulatan.

• Hain nga mga tudling ug mahinungdanon nga hugpong sa mga pulong sa kasulatan ang imong gibati nga labing makatabang kanimo nga masag-ulo? Ngano man?

• Unsa ang pipila ka mga kamatuoran nga gitudlo niini nga mga tudling mahitungod sa Manluluwas ug sa Iyang ebanghelyo?

first 12 doctrinal mastery chart