Մորմոնի Գրքի Վարդապետության սերտման կրկնություն 1

Նշել և մտապահել

Ուսանողներ

Վարդապետության սերտման հիմնական նպատակն է օգնել ձեզ մտապահել վարդապետության սերտման սուրբ գրությունների հղումները և հիմնական արտահայտությունները: Այս դասի նպատակն է օգնել ձեզ գտնել, նշել և մտապահել Մորմոնի Գրքի վարդապետության սերտման սուրբ գրությունների առաջին 12 հատվածների հղումները և հիմնական արտահայտությունները:

Ինչպես նշել վարդապետության սերտման հատվածները: Նշելով սուրբ գրությունների այս հատվածները՝ ուսանողներն ավելի հեշտությամբ կհիշեն և կգտնեն դրանք: Ուսանողներին առաջարկեք վարդապետության սերտման սուրբ գրությունների հատվածները նշել այնպես, որ դրանք ուրույն ձևով տարբերվեն իրենց մյուս նշումներից:

Ուսանողի նախապատրաստում. ուսանողներին առաջարկեք կրկնել Մորմոնի Գրքի վարդապետության սերտման սուրբ գրությունների առաջին 12 հատվածների հղումները և հիմնական արտահայտությունները: Ուսանողներն այդ հատվածները կարող են գտնել Վարդապետության սերտման հիմնարար փաստաթղթում (2023) կամ վարդապետության սերտման հավելվածում:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:

Սուրբ գրությունների հղումները և սուրբ գրությունների հիմնական արտահայտությունները

• Ինչո՞ւ է կարևոր իմանալ վարդապետության սերտման հատվածների սուրբ գրությունների հղումները և հիմնական արտահայտությունները:

Որպեսզի կարողանաք սովորել վարդապետության սերտման սուրբ գրությունների առաջին 12 հատվածների հղումները և հիմնական արտահայտությունները, կարող եք ձեր օրագրում արտագրել ստորև ներկայացված աղյուսակը կամ ձեր բջջային հեռախոսում ներբեռնել վարդապետության սերտման հավելվածը և օգտվել հավելվածի վարժություններից, որոնք կօգնեն ձեզ հիշել սովորածը:

Ցուցադրեք ստորև ներկայացված աղյուսակը կամ այն պատճենեք և տրամադրեք որպես տպագիր նյութ:

Վարդապետության սերտման առաջին 12 հատվածները և հիմնական արտահայտությունները

Մորմոնի Գիրք. Ուսուցչի ձեռնարկ (2024)

Սուրբ գրությունների հղումներ	Սուրբ գրության հիմնական արտահայտությունը
Սուրբ գրությունների հղումներ 1 Նեփի 3.7	Սուրբ գրության հիմնական արտահայտությունը «Ես կգնամ ու կանեմ այն բաները, որոնք Տերը պատվիրել է»:
Սուրբ գրությունների հղումներ 2 Նեփի 2.25	Սուրբ գրության հիմնական արտահայտությունը «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»:
Սուրբ գրությունների հղումներ 2 Նեփի 2.27	Սուրբ գրության հիմնական արտահայտությունը «Նրանք ազատ են ընտրելու ազատություն և հավերժական կյանք … կամ … գերություն և մահ»:
Սուրբ գրությունների հղումներ 2 Նեփի 26.33	Սուրբ գրության հիմնական արտահայտությունը «Բոլորը նույնն են Աստծո համար»։
Սուրբ գրությունների հղումներ 2 Նեփի 28.30	Սուրբ գրության հիմնական արտահայտությունը Աստված «կտա մարդկանց զավակներին՝ տող առ տող, ցուցում առ ցուցում»:
Սուրբ գրությունների հղումներ 2 Նեփի 32.3	Սուրբ գրության հիմնական արտահայտությունը «Սնվեք Քրիստոսի խոսքերով. Քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»:
Սուրբ գրությունների հղումներ 2 Նեփի 32.8–9	Սուրբ գրության հիմնական արտահայտությունը «Դուք պետք է միշտ աղոթեք»:
Սուրբ գրությունների հղումներ Մոսիա 2.17	Սուրբ գրության հիմնական արտահայտությունը «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք»:
Սուրբ գրությունների հղումներ Մոսիա 2.41	Սուրբ գրության հիմնական արտահայտությունը «Նրանք, ովքեր պահում են Աստծո պատվիրանները … օրհնված են բոլոր բաներում»։
Սուրբ գրությունների հղումներ Մոսիա 3.19	Սուրբ գրության հիմնական արտահայտությունը «[Հանեք] բնական մարդուն և [դարձեք] սուրբ, Տեր Քրիստոսի Քավությամբ»։
Սուրբ գրությունների հղումներ Մոսիա 4.9	Սուրբ գրության հիմնական արտահայտությունը «Հավատացեք Աստծուն, … հավատացեք, որ Նա ունի բոլոր իմաստությունը»։
Սուրբ գրությունների հղումներ Մոսիա 18.8-10	Սուրբ գրության հիմնական արտահայտությունը «Մկրտվեք Տիրոջ անունով՝ … որպես մի վկայություն … որ դուք մտել եք նրա հետ ուխտի մեջ»։

Կախված դասարանում ուսանողների թվից՝ յուրաքանչյուր ուսանողի հանձնարարեք վարդապետության սերտման սուրբ գրությունների 12 հատվածներից մեկը կամ մի քանիսը: Անհրաժեշտության դեպքում նույն հատվածը կարող է տարբեր ուսանողների հանձնարարվել:

Ուսանողները կարող են ազատ տեղաշարժվել դասարանում և աշխատել վարդապետության սերտման ուրիշ հատված ունեցող մեկ այլ դասընկերոջ հետ՝ անելով հետևյալը (կարող եք անելիքները գրել գրատախտակին).

1. Հարցեր տվեք, որպեսզի ավելի լավ ճանաչեք միմյանց: (օրինակ՝ «Ո՞րն է ձեր սիրելի զբաղմունքներից մեկը»: «Ո՞ր վայրերն ես սիրում այցելել»):

2. Օգնեք միմյանց գտնել և նշել վարդապետության սերտման սուրբ գրության հանձնարարված հատվածը և հիմնական արտահայտությունը:

3. Ներկայացրեք, թե սուրբ գրության հիմնական արտահայտության ճշմարտության իմացությունը ինչպես կարող է օրհնություն լինել ձեր կյանքում:

4. Փորձեք մտապահել սուրբ գրության հղումը և հիմնական արտահայտությունը:

Հորդորեք ուսանողներին մի քանի րոպեն մեկ փոխել զուգընկերոջը: Հանձնարարեք նրանց փոխվել զույգերով այնքան, մինչև բոլոր ուսանողները գտած կամ նշած լինեն վարդապետության սերտման սուրբ գրությունների բոլոր 12 հատվածները:

Օժանդակ ուսումնական վարժություններ

Այլընտրանքային վարժություն

Որպեսզի օգնեք ուսանողներին նշել և մտապահել սուրբ գրությունների հիմնական արտահայտությունները, կարող եք վարդապետության սերտման յուրաքանչյուր հատվածի համար նաև փոքր թերթիկներ պատրաստել, որի վրա կլինեն քննարկման հարցեր ուսանողների համար: Ապա ուսանողներին հանձնարարեք աշխատել տարբեր դասընկերների հետ՝ պատասխանելով հարցերին: Մտածեք այնպիսի հարցեր, որոնք թույլ կտան ուսանողներին ավելի լավ ճանաչել միմյանց և կօգնեն նրանց օգտագործել ուսուցանվող վարդապետությունը: Ստորև ներկայացված են հարցերի օրինակներ, որոնք ուսանողները կարող են քննարկել վարդապետության սերտման համապատասխան հղումը գտնելիս և նշելիս.

2 Նեփի 32.3:Ո՞րն է ձեր սիրած կերակուրը:

Գտեք և նշեք 2 Նեփի 32.3 հատվածը: Նշեք սուրբ գրության հիմնական արտահայտությունը. «Սնվե՛ք Քրիստոսի խոսքերով. քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»:

Փորձեք մտապահել սուրբ գրության հղումը և հիմնական արտահայտությունը:

Ինչո՞ւ է կարևոր կանոնավոր կերպով սնվել Քրիստոսի խոսքերով:

Նեփի 18.8–10:Ի՞նչ եք հիշում ձեր մկրտությունից:

Գտեք և նշեք Մոսիա 18.8–10-ը: Նշեք սուրբ գրության հիմնական արտահայտությունը. Եղե՛ք «Տիրոջ անունով մկրտված՝ որպես մի վկայություն … որ դուք մտել եք նրա հետ ուխտի մեջ»:

Փորձեք մտապահել սուրբ գրության հղումը և հիմնական արտահայտությունը:

Ի՞նչ օրհնություններ եք նկատել, որ եկել են ձեր մկրտության ուխտերով ապրելու ձգտման շնորհիվ: