Pasiunang mga Materyal

Pagkat-on pinaagi sa Hugot nga Pagtuo

Ang Tahas sa Tigkat-on

Seminary sa San Jose de Ocoa Dominican Republic

Ang Langitnong Amahan ug si Jesukristo nahigugma kanimo ug gusto nga motudlo kanimo sa ebanghelyo pinaagi sa gahom sa Espiritu Santo. Unsa ang imong mahimo aron makadawat og dugang sa unsay andam Nila nga itudlo kanimo? Kini nga leksiyon makatabang kanimo nga makapahimulos pag-ayo sa imong kasinatian sa seminary pinaagi sa pagsabot kon unsay buot ipasabot sa pagkat-on pinaagi sa hugot nga pagtuo kang Jesukristo.

Pagbaton og aktibo nga tahas sa espirituhanon nga pagkat-on.Ang pagkat-on sa ebanghelyo nga makapalambo sa pagkakabig nagkinahanglan og makanunayon nga paningkamot sa bahin sa tigkat-on. Tabangi ang imong mga estudyante nga makita ang kabililhon sa pagbaton og aktibong tahas sa proseso sa pagkat-on ug pagtudlo.

icon, instruksiyon sa pagtudlo

Pagpangandam sa estudyante: Dapita ang mga estudyante sa pagbasa sa parapo 1–2 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022) ug pagpangandam nga mopaambit unsa ang atong mabuhat aron makat-on og espirituhanong mga kamaturoan.

Posible nga mga Kalihokan sa Pagkat-on

Ang Ginoo ganahan og paningkamot

icon, instruksiyon sa pagtudlo

Ikonsiderar ang pagsulat sa mosunod nga pamahayag diha sa pisara alang sa kasayoran sa mga estudyante. Mahimo nimong ipatan-aw sa mga estudyante ang video nga “Usa ka Talagsaong Balaanon nga Tawag,” nga anaa sa ChurchofJesusChrist.org, gikan sa time code 2:16–3:49 o pabasaha sila sa pamahayag sa ubos.

Si Presidente Russell M. Nelson mitudlo:

Presidente Russell M. Nelson

Ang Ginoo ganahan og paningkamot, tungod kay ang paningkamot maghatag og mga ganti nga dili moabot kon wala kini. (Russell M. Nelson, diha sa Joy D. Jones, “Usa ka Talagsaong Balaanon nga Tawag,” Liahona, Mayo 2020, 16.)

• Unsaon nato paggamit ang pamahayag ni Presidente Nelson sa atong mga kinabuhi? Pananglitan, sa unsang paagi kini magamit sa misyonaryo nga buhat, pagpangalagad, o pagkuha og edukasyon?

• Sa imong hunahuna sa unsang paagi kini magamit sa pagkat-on sa ebanghelyo ni Jesukristo sa seminary karong tuiga?

icon, instruksiyon sa pagtudlo

Ikonsiderar ang pagpakita sa mosunod nga parapo ug mga pangutana alang sa mga estudyante aron hilom nga motimbang-timbang sa kaugalingon.

Aron matabangan ka sa pagtimbang-timbang sa imong kaugalingong pagkat-on sa ebanghelyo, hunahunaa ang mosunod nga mga pangutana:

• Unsa nga mga paningkamot ang kasamtangan nimo nga gihimo aron sa pagkat-on sa ebanghelyo ni Jesukristo? Giunsa nimo pagdapit ang Dios sa pagtudlo kanimo?

• Gibati ba nimo nga nakuha nimo ang mga resulta nga imong gusto ug gikinahanglan? Ngano o nganong dili?

Sa imong pagtuon niini nga leksiyon, paghunahuna og mga pamaagi nga gusto nimo nga makat-on ug molambo karong tuiga sa seminary. Tinguhaa ang paggiya sa Langitnong Amahan pinaagi sa Espiritu Santo aron matabangan ka nga mahibaw-an kon unsaon paggamit niining leksiyon sa imong kinabuhi.

Mga Pagtulon-an sa Basahon ni Mormon

Basaha ang dili mominos duha sa mosunod nga mga tudling sa doktrinal nga kahanas, nga mangita kon sa unsang paagi nga ang atong mga paningkamot ug mga tinguha adunay papel ug sa unsang paagi ang Dios adunay papel sa atong pagkat-on sa ebanghelyo.

icon, instruksiyon sa pagtudlo

Ang mga estudyante mahimong magtinabangay diha sa ginagmay nga mga grupo, nga ang matag estudyante magbasa og lain-laing mga tudling ug ipaambit kon unsa ang ilang nakat-onan kauban sa ilang grupo.

Ikonsiderar ang pagsulat sa mga ulohan “Atong mga Paningkamot” ug “Ang Papel sa Dios” sa pisara ug awhaga ang mga estudyante nga isulat ang unsay nadiskobrehan nila ubos sa angay nga ulohan. Dapita sila sa pagpaambit sa klase sa mga detalye kabahin sa unsay ilang gisulat.

• 2 Nephi 28:30

• 2 Nephi 32:3

• 2 Nephi 32:8–9

• Ether 12:6

• Moroni 10:4-5

• Unsay imong nakit-an nga makatabang nimo nga makakat-on pa gikan sa Dios atol sa seminary?

• Unsa sa imong hunahuna ang mga resulta kon ang usa ka tawo nagpaabot nga ang Dios mohatag kaniya og kaalam apan wala mohimo sa iyang kaugalingong paningkamot? O kon naningkamot siya apan wala magtinguha sa tabang sa Dios? Ngano?

Base sa unsay imong natun-an karon, i-summarize sa usa ka kapahayag [sentence] unsa ang imong nasabtan kabahin sa pagkat-on sa ebanghelyo.

icon, instruksiyon sa pagtudlo

Ikonsiderar ang pagdapit sa mga estudyante nga mopaambit sa ilang summary nga kapahayag ngadto sa klase. Ang mga estudyante mahimong makaila og lainlaing mga kamatuoran, sama sa mosunod:

• Ang Dios motudlo kanato sa pagtulon-an human sa usa ka pagtulon-an kon kita nagtinguha sa pagkat-on gikan Kaniya.

• Kinahanglan nga andam kita nga magtuon ug mag-ampo uban ang pagtuo kang Jesukristo kon kita nagtinguha nga mahibalo sa kamatuoran.

Pasalamati ang mga estudyante alang sa ilahang mga komento, ug pasaligi sila nga ang ilang gipaambit nakatampo sa pagkat-on sa tanan. Kini makatabang nga madasig ang ubang estudyante nga mopaambit ug mohimo og palibot sa partisipasyon.

icon, instruksiyon sa pagtudlo

Basaha ang mosunod nga pamahayag ni Presidente Russell M. Nelson, nga mangita kon unsay makatabang sa pagtino kon ang imong kinabuhi mausab ba pinaagi sa seminary.

Presidente Russell M. Nelson

Kon mas sundon nimo ang ehemplo ni Jesukristo, mas magmalamposon ka.

Unsa, unya, ang magtabang kanimo nga mamahimong usa ka matinud-anon nga disipulo ni Jesukristo? Usa ka tubag mao ang seminary ug institute—dili lang ang pagtambong apan ang aktibo nga pagsalmot sa klase ug matinud-anong pagsunod sa bisan unsang buluhaton nga gihatag. …

Ang paggradwar sa seminary ug institute mopalambo sa imong abilidad nga manghawod sa labing importanteng mga butang nga imo gayod himoon sa kinabuhi. Ang tinuod nga kalipay imong maangkon! (Russell M. Nelson, “A Personal Invitation to Participate in Seminary and Institute,” Peb. 2019, ChurchofJesusChrist.org)

• Unsa ang mipatigbabaw kanimo sa pamahayag ni Presidente Nelson? Ngano?

• Unsaon nimo pagtutok sa pagsunod kang Jesukristo atol sa imong kasinatian sa seminary?

• Unsa para nimo ang gipasabot sa “aktibong pag-apil” sa seminary?

icon, instruksiyon sa pagtudlo

Dapita ang mga estudyante sa paghisgot sa piho nga mga pamaagi sa aktibong pagsalmot sa seminary. Tabangi sila nga makasabot nga ang mga estudyante nga adunay lain-laing personalidad ug mga kahimtang mahimong aktibong mosalmot sa lain-laing mga pamaagi. Pananglitan, sa unsang paagi ang usa ka maulawon nga estudyante ug usa ka anad nga estudyante matag usa aktibong mosalmot sa ilang kaugalingong pamaagi?

Sa unsang paagi makapahimulos sa seminary

icon, instruksiyon sa pagtudlo

Alang sa mosunod nga kalihokan, ikonsiderar ang pagbutang niini nga hulagway o laing hulagway sa usa ka batan-on nga lalaki sa seminary. Dapita ang mga estudyante nga himoon ang sitwasyon nga mas tinuod pinaagi sa paghatag sa batan-ong lalaki og ngalan ug paghulagway sa iyang personalidad, sa iyang background sa ebanghelyo, unsay iyang gibati mahitungod sa seminary, ug uban pa. Dayon dapita ang mga estudyante nga mosulat diha sa ilang mga journal sa pagtuon og tambag nga ilahang ihatag niining batan-ong lalaki una pa ipaambit ang ilahang tambag ngadto sa klase.

Mga partisipante sa klase sa seminary

Hunahunaa nga ang batan-ong lalaki niining hulagway mitambong sa seminary sa unang higayon. Gusto niya nga makat-on ug molambo sa espirituhanong paagi apan dili segurado unsaon pagbuhat niini. Base sa unsay imong nakat-onan karon ug sa imong mga nakat-onan kaniadto sa seminary ug sa simbahan, irekord and tambag nga imong ihatag kaniya.

Seguroha nga maapil ang

• unsay mahimo niya sa wala pa, atol, ug human sa klase aron mapalambo ang iyang espirituhanong pagkat-on

• unsaon niya pagtutok sa pagsunod sa Manluluwas ug pagdapit sa Espiritu Santo sa pagtudlo kaniya

• mga buhat o mga kinaiya nga makapasayon o makapalisod sa pagkat-on sa espirituhanong paagi, alang kaniya ug sa uban diha sa klase

icon, instruksiyon sa pagtudlo

Sa pagpaambit sa mga estudyante sa ilahang tambag, ikonsiderar nga tabangan sila nga makita ang bili sa pag-andam sa ilahang mga kasingkasing ug hunahuna nga makat-on una pa ang klase. Makatabang ka sa mga estudyante pinaagi sa paghatag og mga imbitasyon ngadto kanila aron sila makapangandam gamit ang pipila sa mga sugyot sa “Pagpangandam sa estudyante” nga makita sa ibabaw sa matag leksiyon. Tabangi usab sila nga makakita sa importansiya sa pagbuhat sa mga kamatuoran nga ilahang makat-onan human sila mobiya sa klase.

Paghimo og tumong nga makapahimulos ka sa imong kasinatian sa seminary karong tuiga. Aron mahimo kini, tubaga ang mosunod nga mga pangutana:

• Unsa imong gilaoman nga makuha gikan sa seminary karong tuiga?

• Unsa ang imong buot nga buhaton aron mapakita sa Ginoo nga ikaw gustong makat-on gikan Kaniya ug mamahimong mas susama Kaniya?

Komentaryo ug Background nga Impormasyon

Unsay akong mabuhat aron makadawat ug makahinumdom kon unsa ang gustong itudlo sa Langitnong Amahan kanako?

Si Elder Richard G. Scott (1928–2015) sa Korum sa Napulog Duha ka Apostoles mipasabot:

Elder Richard G. Scott

Isulat sa usa ka luwas nga dapit ang importanteng mga butang nga imong nakat-onan gikan sa Espiritu. Imong makita nga samtang nag-rekord ka og usa ka bililhong impresyon, kasagaran moabot ang uban nga dili unta nimo madawat. Usab, ang espirituhanong kahibalo nga imong maangkon maanaa sa tibuok nimong kinabuhi. Kanunay, adlaw o gabii, bisan asa ka, bisan unsay imong gibuhat, tinguhaa ang pag-ila ug pagtubag sa direksiyon sa Espiritu. Pag-andam og usa ka piraso nga papel o kard aron pag-rekord sa maong giya.

Ipakita ang pagkamapasalamaton ngadto sa Ginoo alang sa espirituhanong giya nga imong nadawat ug sunda kini. Kini nga batasan makapalig-on sa imong kapasidad sa pagkat-on pinaagi sa Espiritu. Makapalambo kini sa giya sa Ginoo sa imong kinabuhi. Mas daghan kang makat-onan sa paglihok diha sa kahibalo, kasinatian, ug inspirasyon nga gipahibalo kanimo pinaagi sa Espiritu Santo. (Richard G. Scott, “How to Learn by the Spirit,” New Era, Sept. 2014, 48)

Nganong ang akong pagsalmot sa klase importante?

Si Elder Richard G. Scott (1928–2015) sa Korum sa Napulog Duha ka Apostoles mitudlo:

Elder Richard G. Scott

Ang desisyon sa [mga estudyante] sa pagsalmot usa ka pagbansay sa kabubut-on nga nagtugot sa Espiritu Santo sa pagpahibalo sa personal nga mensahe nga angay sa indibidwal nila nga mga panginahanglan. …

Kana nga pagsalmot magdala sa kinabuhi sa [mga estudyante] sa direksiyon sa Espiritu. … Ang pagsalmot nagtugot sa mga indibidwal nga makasinati nga giyahan sa Espiritu. Sila makat-on sa pag-ila ug pagbati unsa ang espirituhanong paggiya. (Richard G. Scott, “To Learn and to Teach More Effectively” [Brigham Young University Education Week devotional, Ago. 21, 2007], 4–5, speeches.byu.edu)

Si Elder David A. Bednar sa Korum sa Napulog Duha ka Apostoles miingon:

Elder David A. Bednar

Ang tinuod nga hugot nga pagtuo gitumong diha ug kang Ginoong Jesukristo ug sa kanunay mosangpot ngadto sa paglihok. …

… Ang pagkat-on pinaagi sa pagtuo nagkinahanglan sa espirituhanon, mental, ug pisikal nga pagpaningkamot ug dili lamang lumalabay nga pagbati. Ang kinasingkasing ug pagkamakanunayon sa atong paglihok nga dinasig sa hugot nga pagtuo nga atong gipakita ngadto sa atong Amahan sa Langit ug sa Iyang Anak, nga si Jesukristo, sa atong pagkaandam nga makat-on ug pagdawat og panudlo gikan sa Espiritu Santo. (David A. Bednar, “Paningkamot sa Pagkat-on pinaagi sa Hugot nga Pagtuo,” Liahona, Sept. 2007, 19–20)

Dugang nga mga Kalihokan sa Pagkat-on

Alternatibo nga pagsugod nga kalihokan

Sa pagsugod sa leksiyon, ikonsiderar ang pagdapit og estudyante o ang tibuok klase sa pagbuhat og usa ka butang nga magkinahanglan og gamay nga paningkamot aron makompleto—sama pananglit, pagkuha og butang nga sa sinugdanan dili maabot o pagsulbad og tigmo o puzzle nga magkinahanglan og gamay nga paghunahuna. Pagtanyag og gamay nga ganti alang niadtong naningkamot nga makompleto ang tahas. Dayon ipakita ang pamahayag ni Presidente Nelson kabahin sa paningkamot, nga anaa sa sinungdanan niining leksiyon.

Mahinungdanon nga Dokumento sa Doktrinal nga Kahanas

Dapita ang mga estudyante nga basahon ang parapo 1–2 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022). Hangyoa sila sa pagmarka sa matag pulong o hugpong sa pulong nga naghulagway sa unsay gilauman ngari kanato nga atong makat-onan sa espirituhanong paagi. Dayon hangyoa sila sa pagmarka sa lahi nga paagi sa matag pulong o hugpong sa pulong nga naghulagway sa papel sa Dios sa atong pagkat-on.

Alternatibo nga pagtapos sa kalihokan

Dapita ang mga estudyante sa pagsulat og sulat alang sa ilahang kaugalingon, ibutang kini sa silyado nga sobre, ug ipasa kini. Pahibaw-a sila nga ang sulat dili basahon apan ibalik ngadto kanila sa ulahi sa semester aron matabangan sila sa paghukom sa ilang kaugalingong pag-uswag. Dapita sila sa paglakip sa sulat unsay ilang gilaoman nga makat-onan ug mabati diha sa seminary ug unsa ang ilang andam nga buhaton sa dili pa, atol, ug human sa klase aron pagpakita sa Dios nga sila gustong makakat-on gikan Kaniya ug mahimong mas mahisama Kaniya.